കേരള സംസ്ഥാന അസംഘടിത തൊഴിലാളി സാമൂഹ്യ സുരക്ഷാ ബോര്‍ഡില്‍ നിന്നും ക്ഷേമനിധി അംഗങ്ങള്‍ക്ക് ലഭിക്കുന്ന കോവിഡ് 19 പ്രത്യേക ധനസഹായമായ 1000 രൂപയ്ക്ക് അപേക്ഷിക്കാത്തവര്‍ക്ക് http://boardswelfareassistance.lc.kerala.gov.in  എന്ന ലിങ്കില്‍ ജൂലൈ 31 വരെ സമര്‍പ്പിക്കാം. പുതുക്കിയ നിരക്കില്‍ തുക ഒടുക്കാത്ത പഴയ പദ്ധതികളായ കേരള കൈതൊഴിലാളി, ബാര്‍ബര്‍, ബ്യൂട്ടീഷന്‍, അലക്ക്, ക്ഷേത്രജീവനം എന്നീ ക്ഷേമപദ്ധതിയിലുള്ളവര്‍ക്കും ധനസഹായത്തിന് അപേക്ഷിക്കാം. വിശദ വിവരങ്ങള്‍ 0474-2749847 നമ്പരില്‍ ലഭിക്കും.
(പി.ആര്‍.കെ നമ്പര്‍ 1838/2020)

തെ•ല ഗ്രാമപഞ്ചായത്തിലെ മാമ്പഴത്തറ ഇരുട്ടുതറ ചതുപ്പ് ഗിരിജന്‍ കോളജിയില്‍ പുതുതായി ആരംഭിക്കുന്ന ഉന്നതി കേന്ദ്രത്തില്‍ ട്യൂട്ടറുടെ ഒഴിവില്‍ അപേക്ഷിക്കാം. യോഗ്യത - ബി എഡ്/ടി ടി സി യും ബിരുദവും. പട്ടികവര്‍ഗ വിഭാഗക്കാര്‍ക്കും മാമ്പഴത്തറ കോളനിയില്‍ താമസിക്കുന്നവര്‍ക്കും മുന്‍ഗണന. അപേക്ഷ ജൂലൈ 17 ന് വൈകിട്ട് നാലുവരെ കുളത്തൂപ്പുഴ ട്രൈബല്‍ എക്സ്റ്റന്‍ഷന്‍ ഓഫീസില്‍ സമര്‍പ്പിക്കാം. വിശദ വിവരങ്ങള്‍ 0475-2319347, 9496070347 എന്നീ നമ്പരുകളില്‍ ലഭിക്കും.
(പി.ആര്‍.കെ നമ്പര്‍ 1837/2020)
 

പകര്‍ച്ചവ്യാധി പ്രതിരോധ പ്രവര്‍ത്തനങ്ങളുടെ ഭാഗമായി ജില്ലയിലെ സര്‍ക്കാര്‍-സ്വകാര്യ സ്ഥാപനങ്ങളില്‍ ശുചീകരണ ദിനം ആചരിച്ചു. കലക്‌ട്രേറ്റില്‍ നടന്ന ജില്ലാതല ഉദ്ഘാടനം എ ഡി എം പി.ആര്‍.ഗോപാലകൃഷ്ണന്‍ നിര്‍വഹിച്ചു.
കോവിഡ്  പശ്ചാത്തലത്തില്‍ ഭാഗീകമായി  പ്രവര്‍ത്തിക്കുന്ന സ്ഥാപനങ്ങളില്‍ ശുചീകരണ പ്രവര്‍ത്തനങ്ങളും കൊതുകിന്റെ  ഉറവിട നശീകരണവും നടത്തി. ആരോഗ്യ പ്രവര്‍ത്തകരുടെ നേതൃത്വത്തില്‍ ജില്ലയിലെ മുഴുവന്‍ തദ്ദേശ സ്വയംഭരണ സ്ഥാപനങ്ങളിലും ഉറവിട നശീകരണം നടത്തി.

ചിറക്കര ഗ്രാമപഞ്ചായത്തിലെ പോളച്ചിറയില്‍ ആധുനിക സജീകരണങ്ങള്‍ ഒരുക്കി പ്രവര്‍ത്തനമാരംഭിച്ച സര്‍ക്കാര്‍ മൃഗാശുപത്രിയുടെ ഉദ്ഘാടനം മന്ത്രി കെ രാജു ഉദ്ഘാടനം ചെയ്തു. ജി എസ് ജയലാല്‍ എം എല്‍ എ ചടങ്ങില്‍ അധ്യക്ഷനായി.
35 ലക്ഷം രൂപ ചിലവില്‍ ലബോറട്ടറി, ഓപ്പറേഷന്‍ തീയറ്റര്‍ എന്നീ സംവിധാനങ്ങളൊരുക്കി മൃഗസംരക്ഷണ വകുപ്പാണ് എട്ട് സെന്റിലുള്ള കെട്ടിടത്തിന്റെ നിര്‍മാണം പൂര്‍ത്തിയാക്കിയത്. ആറ് മുറികള്‍ ഉള്‍പ്പെടെ വലിയ മൃഗങ്ങളേയും ചെറിയ മൃഗങ്ങളേയും പരിശോധിക്കാനുള്ള സംവിധാനങ്ങളും  ആറോളം ജീവനക്കാരുടെ സേവനവും ആശുപത്രിയില്‍ ലഭ്യമാണ്.

ലോക്ക് ഡൗണില്‍ ഖരാഹാരമുള്‍പ്പടെയുള്ള സമീകൃതാഹാരം ആനകള്‍ക്ക് നഷ്ടപ്പെടാനിടയാകരുതെന്നും അവയ്ക്ക് ആഹാരം ഉറപ്പാക്കുമെന്നും മന്ത്രി കെ രാജു. വനം-മൃഗസംരക്ഷണ വകുപ്പുകളുടെ ആഭിമുഖ്യത്തില്‍ ഇതിനായി ആനകള്‍ക്ക് ആഹാരം നല്‍കുന്ന പദ്ധതി  നടപ്പിലാക്കുകയാണെന്നും മന്ത്രി പറഞ്ഞു.

പത്തനംതിട്ട ജില്ലയില്‍ ഇന്ന് (9) ഏഴു പേര്‍ക്ക് കോവിഡ്-19 സ്ഥിരീകരിച്ചു.
ഇന്ന് (9) രോഗം സ്ഥിരീകരിച്ചവര്‍ : 1) ജൂണ്‍ 23 ന് ഡല്‍ഹിയില്‍ നിന്നും എത്തിയ അടൂര്‍, പന്നിവിഴ സ്വദേശിയായ 23 വയസുകാരന്‍. 2)ജൂണ്‍ 24 ന് അബുദാബിയില്‍ നിന്നും എത്തിയ സീതത്തോട് സ്വദേശിയായ 30 വയസുകാരന്‍. 3)ജൂണ്‍ ഒന്‍പതിന് മഹാരാഷ്ട്രയില്‍ നിന്നും എത്തിയ തിരുവല്ല സ്വദേശിയായ 27 വയസുകാരന്‍. 4)ജൂണ്‍20 ന് ദുബായിയില്‍ നിന്നും എത്തിയ വാഴമുട്ടം സ്വദേശിയായ 40 വയസുകാരന്‍.

ഹയര്‍ സെക്കന്‍ഡറി പഠന രംഗത്ത്  അധികമാരും ശ്രദ്ധിച്ചിട്ടില്ലാത്ത ഒരു വിഭാഗമാണ് ടെക്‌നിക്കല്‍ ഹയര്‍ സെക്കന്‍ഡറി. കേരളത്തില്‍ ഐഎച്ച്ആര്‍ഡിയുടെ കീഴിലുള്ള 15 സ്‌കൂളുകളില്‍ മാത്രമാണ് ഈ വിഭാഗത്തില്‍ പഠനത്തിന് അവസരമുള്ളത്. ശാസ്ത്ര സാങ്കേതിക വിഷയങ്ങളില്‍ ഉന്നത വിദ്യാഭ്യാസം  ലക്ഷ്യമിടുന്നവര്‍ക്ക്  ചിട്ടയായ പരിശീലനം ചെറുപ്പത്തിലേ നല്‍കുക എന്ന ലക്ഷ്യവുമായാണ് സംസ്ഥാന  സര്‍ക്കാര്‍ സ്ഥാപനമായ ഐഎച്ച്ആര്‍ഡി (ഇന്‍സ്റ്റിറ്റ്യൂട്ട് ഓഫ് ഹ്യൂമന്‍ റിസോഴ്‌സസ്  ഡെവലപ്പ്‌മെന്റ്) ടെക്നിക്കല്‍ ഹയര്‍ സെക്കന്‍ഡറി കോഴ്‌സ് വിഭാവനം ചെയ്തിട്ടുള്ളത്.