വനം -വന്യജീവി വകുപ്പ് പാലക്കാട്  മെഡിക്കല്‍ കോളെജ് പരിസരത്ത് സംഘടിപ്പിച്ച വനമഹോത്സ വത്തിന്റെ ജില്ലാതല ഉദ്ഘാടനം
 പട്ടികജാതി-പട്ടികവർഗ്ഗ - പിന്നാക്കക്ഷേമ-നിയമ- സംസ്ക്കാരിക- പാർലമെന്ററികാര്യ വകുപ്പ് മന്ത്രി എ.കെ ബാലൻ ഞാവൽ തൈ നട്ട് നിർവ്വഹിച്ചു. 
 ജില്ലാ കളക്ടർ ഡി. ബാലമുരളി, പാലക്കാട് ഡി.എഫ്.ഒ നരേന്ദ്രനാഥ് വേളൂരി, സി.സി.എഫ് പി.പി.പ്രമോദ്,  ജില്ലാ പോലീസ് മേധാവി ജി.ശിവ വിക്രം, ഡി.എം.ഒ കെ.പി.റീത്ത എന്നിവരും  തൈകൾ നട്ട് പങ്കാളികളായി. മെഡിക്കൽ കോളേജിൽ ഞാവൽ, മാവ്, പ്ലാവ് തുടങ്ങിയ വിവിധ  ഫലവൃക്ഷതൈകൾക്ക് മുൻഗണന നൽകിയാണ് തൈകൾ വെച്ചത്.

അരിയല്ലൂര്‍ ഗവ:യു.പി. സ്‌കൂളിലും വള്ളിക്കുന്ന് മുണ്‍ിയങ്കാവ് ഗവ: എല്‍.പി സ്‌കൂളിലും ആധുനിക സൗകര്യങ്ങളോടു കൂടിയ പുതിയ കെട്ടിടങ്ങളൊരുങ്ങുന്നു. സംസ്ഥാന സര്‍ക്കാര്‍ കിഫ്ബി സഹായത്തോടെ അനുവദിച്ച 1.85 കോടി രൂപ വിനിയോഗിച്ചാണ് അരിയല്ലൂര്‍ ഗവ:യു.പി. സ്‌കൂളില്‍ പുതിയ കെട്ടിടം പണിയുന്നത്. 

പൊന്നാനി നഗരസഭാ പരിധിയില്‍ ഞായാറാഴ്ച സമ്പൂര്‍ണ ലോക്ക് ഡൗണായിരിക്കുമെന്ന് ജില്ലാകലക്ടര്‍ അറിയിച്ചു. നഗരസഭാ പരിധിയില്‍ രോഗവ്യാപനം കൂടിയ സാഹചര്യത്തിലാണ് തീരുമാനം. മെഡിക്കല്‍ ആവശ്യങ്ങള്‍ക്കും മറ്റ് അത്യാവശ്യ കാര്യങ്ങള്‍ക്കുമല്ലാതെ ആളുകള്‍ പുറത്തിറങ്ങരുത്. നിയമലംഘകര്‍ക്കെതിരെ നടപടി സ്വീകരിക്കും. 

അട്ടപ്പാടി മേഖലയിൽ നിന്നും എസ്.ടി. വിഭാഗത്തിൽ എസ്.എസ്.എൽ.സി. പരീക്ഷയിൽ മുഴുവൻ വിഷയങ്ങൾക്കും എ പ്ലസ് നേടിയ അഗളി വെള്ളമാരി ഊരിലെ ആർ. ആദിത്യയെ ഒറ്റപ്പാലം സബ് കലക്ടറും അട്ടപ്പാടി നോഡൽ ഓഫീസറുമായ അർജുൻ പാണ്ഡ്യൻ വീട്ടിൽ നേരിട്ടെത്തി ഉപഹാരം നൽകി അനുമോദിച്ചു. കോട്ടത്തറ ആരോഗ്യമാതാ ഹൈസ്കൂളിലെ വിദ്യാർത്ഥിയാണ്.  ഐ.ടി.ഡി.പി. പ്രൊജക്ട് ഓഫീസർ വാണിദാസ്, ഡി. ഒ. സുദീപ് കുമാർ, മറ്റ് ഉദ്യോഗസ്ഥർ എന്നിവർ ഒപ്പമുണ്ടായിരുന്നു.

സമ്പര്‍ക്കത്തിലൂടെ രോഗ വ്യാപനം കൂടുതലായ പൊന്നാനി നഗരസഭാ പരിധിയില്‍ കടുത്ത നിയന്ത്രണങ്ങള്‍ നടപ്പാക്കാന്‍ ജില്ലാ കലക്ടറുടെ അധ്യക്ഷതയില്‍ ചേര്‍ന്ന ജില്ലാ ദുരന്ത നിവാരണ അതോറിറ്റി യോഗം തീരുമാനിച്ചു. നിയമലംഘനം നടത്തുന്നവര്‍ക്കെതിരെ കര്‍ശന നടപടി സ്വീകരിക്കും. ഇതിനായി പ്രത്യേക സ്‌ക്വാഡിനെ നിയോഗിക്കും. മെഡിക്കല്‍ എമര്‍ജന്‍സി, വിവാഹം, മരണം എന്നീ   അടിയന്തിര സാഹചര്യങ്ങളിലല്ലാതെയുള്ള യാത്രകള്‍ക്ക് നിരോധനമുണ്‍്. വിവാഹം, മരണാന്തര ചടങ്ങുകള്‍ക്ക് പരമാവധി 20  ആളുകള്‍ക്കേ ഒത്തു കൂടാന്‍ അനുമതിയുള്ളൂ. പാല്‍, പത്രം, മീഡിയ, മെഡിക്കല്‍ ലാബ്  എന്നിവയ്ക്ക് പ്രവര്‍ത്തിക്കാം.