ഐ.എച്ച്.ആര്‍.ഡി.യുടെ നിയന്ത്രണത്തിലുള്ള ടെക്‌നിക്കല്‍ ഹയര്‍ സെക്കന്ററി സ്‌കൂളുകളില്‍ പതിനൊന്നാം ക്ലാസ് പ്രവേശനത്തിന് അപേക്ഷ ക്ഷണിച്ചു. ihrd.kerala.gov.in/thss എന്ന വെബ്‌സൈറ്റ് മുഖേന ഓണ്‍ലൈന്‍ ആയോ താല്‍പര്യമുള്ള സ്‌കൂളുകളില്‍ നേരിട്ടോ അപേക്ഷ സമര്‍പ്പിക്കാം. അവസാന തീയതി ജൂലൈ 24. ഓണ്‍ലൈനായി അപേക്ഷിക്കുന്നവര്‍ വെബ്‌സൈറ്റില്‍ നിന്ന് പൂര്‍ണമായ അപേക്ഷ ഡൗണ്‍ലോഡ് ചെയ്യണം. ഈ അപേക്ഷയും അനുബന്ധ രേഖകളും 100 രൂപയുടെ രജിസ്‌ട്രേഷന്‍ ഫീസ് സഹിതം (പട്ടികജാതി/പട്ടികവര്‍ഗ്ഗ വിദ്യാര്‍ത്ഥികള്‍ക്ക് 50 രൂപ) 24ന് വൈകിട്ട് 3 നകം ബന്ധപ്പെട്ട സ്‌കൂളുകളില്‍ സമര്‍പ്പിക്കണം.

ഡ്രൈവിംഗ് ലൈസന്‍സ് സംബന്ധിച്ച അപേക്ഷകളില്‍ നാളിതുവരെ തീര്‍പ്പാകാതെ കിടക്കുന്ന ഫയലുകള്‍ തീര്‍പ്പാക്കുന്നതിനായി ജൂലൈ 14 മുതല്‍ 17 വരെ വയനാട് റീജിയണല്‍ ട്രാന്‍സ്‌പോര്‍ട്ട് ഓഫീസില്‍ അദാലത്ത് നടത്തുന്നു.  റീജിയണല്‍ ട്രാന്‍സ്‌പോര്‍ട്ട് ഓഫീസിലുള്ള (കെ.എല്‍ 12) അപേക്ഷകള്‍ മാത്രമാണ് പരിഗണിക്കുക.  അപേക്ഷകര്‍ കോവിഡ് പ്രോട്ടോകോള്‍ പാലിച്ച് അപേക്ഷ ആര്‍.ടി.ഓഫീസില്‍ തയ്യാറാക്കിയിരിക്കുന്ന അദാലത്ത് പെട്ടിയില്‍ നിക്ഷേപിക്കണമെന്ന് ആര്‍.ടി.ഒ. അറിയിച്ചു.
 

     കല്‍പ്പറ്റ ടൗണ്‍ പരിസരം കണ്ടെയ്ന്‍മെന്റ് സോണായതിനാല്‍ വെള്ളിയാഴ്ചകളില്‍ കല്‍പ്പറ്റ ടൗണില്‍ നടത്തുന്ന പഴം പച്ചക്കറി സംഭരണം ഇന്ന് (ജൂലൈ 10) ഉണ്ടായിരിക്കില്ലെന്ന് പ്രിന്‍സിപ്പല്‍ കൃഷി ഓഫീസര്‍ അറിയിച്ചു.

 കാരാപ്പുഴ ജലസേചന പദ്ധതി പ്രദേശത്ത് തരിശായി കിടക്കുന്ന അമ്പത് ഏക്കറോളം സ്ഥലത്ത് സുഭിക്ഷ കേരളം പദ്ധതിയില്‍ ഉള്‍പ്പെടുത്തി പരിസ്ഥിതി സൗഹൃദ കൃഷി ആരംഭിക്കും. സി.കെ ശശീന്ദ്രന്‍ എം.എല്‍.എയുടെ അധ്യക്ഷതയില്‍ ചേര്‍ന്ന കാരാപ്പുഴ ഇറിഗേഷന്‍ - കൃഷി വകുപ്പ് ഉദ്യോഗസ്ഥരുടെ സംയുക്ത യോഗത്തിലാണ് കൃഷി ആരംഭിക്കുവാന്‍ തീരുമാനിച്ചത്. ജലവിഭവ വകുപ്പ് മന്ത്രിയുടെ പ്രത്യേക അനുവാദം വാങ്ങിയാണ് പദ്ധതി നടപ്പിലാക്കുക. മുപ്പത് ഏക്കര്‍ സ്ഥലത്ത് ഇരു വിളയായി നെല്‍കൃഷി ഇറക്കും. ആഗസ്റ്റ് മാസത്തില്‍ ആരംഭിച്ച് ഡിസംബറില്‍ അവസാനിക്കുന്ന നഞ്ചകൃഷിയും ജനുവരിയില്‍ ആരംഭിച്ച് മെയ് മാസത്തില്‍ അവസാനിക്കുന്ന  പുഞ്ചകൃഷിയുമാണ് നടത്തുക.

 പട്ടികവര്‍ഗ്ഗ വികസന വകുപ്പിന്റെ നേതൃത്വത്തില്‍ ഭൂരഹിതരായ  പട്ടികവര്‍ഗ്ഗ കുടുംബങ്ങള്‍ക്കായി സുല്‍ത്താന്‍ ബത്തേരി താലൂക്കില്‍ നിര്‍മ്മിക്കുന്ന 53  വീടുകളുടെ നിര്‍മ്മാണോദ്ഘാടനം ഐ.സി ബാലകൃഷ്ണന്‍ എം.എല്‍.എ നിര്‍വ്വഹിച്ചു.
     വനം വകുപ്പില്‍ നിന്നും ലഭ്യമായ 7.81 ഏക്കര്‍ നിക്ഷിപ്ത വനഭൂമിയില്‍ പത്ത് സെന്റ് വീതം അനുവദിച്ച കുടുംബങ്ങള്‍ക്കാണ് പുനരധിവാസ പദ്ധതിയിലൂടെ വീടുകള്‍ ലഭിക്കുക. സി.സി മുക്കില്‍ 45 വീടുകളും ആവയലില്‍ 8 വീടുകളുമാണ്  നിര്‍മ്മിക്കുന്നത്. ഓരോ വീടിനും ആറ് ലക്ഷം രൂപ വീതം ചെലവിടും. ജില്ലാ നിര്‍മ്മിതി കേന്ദ്രക്കാണ് നിര്‍മ്മാണ ചുമതല.

 ജില്ലാ മോട്ടോര്‍ വാഹന വകുപ്പിന്റെ കോവിഡ് പ്രതിരോധ പ്രവര്‍ത്തന റിപ്പോര്‍ട്ട് 'ഓവര്‍ ടേക്ക് -എ റൈഡ് ഓവര്‍ കോവിഡ് 19' പ്രകാശാനം ചെയ്തു. റിപ്പോര്‍ട്ട് ആര്‍.ടി.ഒ എന്‍ഫോഴ്‌സ്‌മെന്റ്  ഇ മോഹന്‍ ദാസില്‍ നിന്ന് ജില്ലാ കളക്ടര്‍ ഡോ ഡി സജിത് ബാബു  ഏറ്റുവാങ്ങി.പരിമിതമായ സൗകര്യങ്ങള്‍ക്ക് അകത്തുനിന്ന് ജില്ലാ ഭരണകൂടത്തിന് കരുത്തായി പ്രവര്‍ത്തിച്ച മോട്ടോര്‍ വാഹന വകുപ്പ് ഉദ്യോഗസ്ഥരെ ജില്ലാ കളക്ടര്‍ അഭിനന്ദിച്ചു. പ്രവര്‍ത്തനങ്ങളെ ഇത്തരത്തില്‍ ഡോക്യുമെന്റ് ചെയ്യുന്നത് ഭാവി പ്രവര്‍ത്തനങ്ങളുടെ സുഗമമായ നടത്തിപ്പ് സാധ്യമാക്കുമെന്ന് പറയുകയും ചെയ്തു.

പട്ടികവര്‍ഗ്ഗ വികസന വകുപ്പിന് കീഴില്‍ പരവനടുക്കത്ത് പെണ്‍കുട്ടികള്‍ക്ക് മാത്രമായി പ്രവര്‍ത്തിക്കുന്ന ഗവ.മോഡല്‍ റസിഡന്‍ഷ്യല്‍ ഹയര്‍ സെക്കന്ററി സ്‌കൂളില്‍ 2020-21 അധ്യയന വര്‍ഷം പ്ലസ് വണ്‍ (സയന്‍സ്, കൊമേഴ്‌സ്)  പ്രവേശനം നേടുന്നതിന് അപേക്ഷിക്കാം.കുടുംബ വാര്‍ഷികവരുമാനം ഒരു ലക്ഷം രൂപയില്‍ കുറവുള്ളവര്‍ക്കാണ് അപേക്ഷിക്കാന്‍ അവസരം. 50 സീറ്റാണ് ഓരോ വിഷയത്തിനുമുള്ളത്. 70 ശതമാനം പട്ടികവര്‍ഗ്ഗക്കാര്‍ക്കും, 20 ശതമാനം പട്ടികജാതിക്കാര്‍ക്കും, 10 ശതമാനം  പൊതുവിഭാഗത്തിനുമായി സംവരണം ചെയ്തിട്ടുണ്ട്. ജൂലൈ 30 വരെ അപേക്ഷ സ്വീകരിക്കും.

പട്ടികജാതി കുടുംബങ്ങളിലെ ഹൈസ്‌കൂള്‍ മുതല്‍ പ്ലസ്ടു വരെയുളള വിദ്യാര്‍ത്ഥികള്‍ക്ക് പഠനത്തിനാവശ്യമായ എല്ലാവിധ ഭൗതിക സൗകര്യങ്ങളോടും കൂടിയ പഠനമുറികള്‍ നിര്‍മ്മിക്കുന്ന പഠനമുറി പദ്ധതി ജില്ലയിലെ  പട്ടികജാതി    വിദ്യാര്‍ത്ഥികള്‍ക്ക് ആശ്വാസമാകുന്നു. 2016 മുതല്‍ ഇതുവരെ പട്ടികജാതി വിദ്യാര്‍ത്ഥികളുടെ പഠനനിലവാരം മെച്ചപ്പെടുത്തുന്നതിനായി ആവിഷ്‌കരിച്ച പദ്ധതി പ്രകാരം ജില്ലയില്‍ 960 പഠനമുറികള്‍ അനുവദിച്ചതായി ജില്ലാ പട്ടികജാതി വികസന ആഫീസര്‍   മീനാറാണി.എസ ്പറഞ്ഞു.

പഠനമുറി നിര്‍മ്മിക്കാം

പശ്ചിമഘട്ട മലനിരകളില്‍ നിന്നും ഉദ്ഭവിച്ച് അറബിക്കടലില്‍ പതിക്കുന്ന പയസ്വിനി പുഴയിലെ ഏറ്റവും ആഴമേറിയ ഭാഗം ഏതെന്ന് ചോദിച്ചാല്‍ മുളിയാര്‍ നിവാസികള്‍ പറയും അത് നിസംശയം ജൈവവൈവിധ്യത്താല്‍ സമ്പുഷ്ടമായ കാനത്തൂര്‍ നെയ്യംകയമാണെന്ന്. 25 മീറ്ററോളം ആഴമുള്ള നെയ്യംകയത്തിന് അര ഏക്കറോളം വിസതൃതിയുണ്ട്. പ്രദേശത്തിന്റെ ജൈവികമായ പ്രത്യേകതകള്‍ പ്രകാരം നെയ്യംകയം ജില്ലയിലെ ആദ്യത്തെ പ്രാദേശിക ജൈവവൈവിധ്യ പൈതൃക കേന്ദ്രമായി മാറിയിരിക്കുകയാണ്.