ജില്ലയില്‍ ഇന്നലെ(ജൂലൈ 09) 10 പേര്‍ രോഗമുക്തി നേടി. കുളത്തൂപ്പുഴ സ്വദേശി(21), മൈനാഗപ്പള്ളി സ്വദേശി(23), പോരുവഴി സ്വദേശി(43), തഴവ സ്വദേശി(36), മയ്യനാട് പുല്ലിച്ചിറ സ്വദേശിനി(51), ചവറ സ്വദേശി(35), തൊടിയൂര്‍ ഇടക്കുളങ്ങര സ്വദേശി(55), കണ്ണനല്ലൂര്‍ നെടുമ്പന സ്വദേശി(31), കുണ്ടറ അംബിപൊയ്ക സ്വദേശി(36), പട്ടാഴി വടക്കേക്കര സ്വദേശി(53) എന്നിവരാണ് രോഗമുക്തരായി ആശുപത്രി വിട്ടത്.
(പി.ആര്‍.കെ നമ്പര്‍ 1841/2020)
 

ജില്ലയില്‍ ഇന്നലെ(ജൂലൈ 09) കോവിഡ് സ്ഥിരീകരിച്ചവരില്‍ നാലു ബന്ധുക്കളും ഒരു പൊലീസ് ഉദ്യോഗസ്ഥനും. മറ്റ് നാലുപേര്‍ വിദേശത്ത് നിന്നും ഒരാള്‍ ഇതര സംസ്ഥാനത്ത് നിന്നും എത്തിയവരാണ്.

കേരള സംസ്ഥാന ഭാഗ്യക്കുറി ഏജന്റുമാരുടെയും വില്‍പ്പനക്കാരുടെയും ക്ഷേമനിധി ബോര്‍ഡില്‍ പെന്‍ഷന് അര്‍ഹതയുള്ളവര്‍ അക്ഷയ കേന്ദ്രങ്ങള്‍ മുഖേന ജൂലൈ 15 നകം ബയോ മെട്രിക് മസ്റ്ററിംഗ്  നടത്തണമെന്ന് ജില്ലാ ഭാഗ്യക്കുറി ക്ഷേമനിധി ഓഫീസര്‍ അറിയിച്ചു.
(പി.ആര്‍.കെ നമ്പര്‍ 1840/2020)  

കോവിഡ് 19 രോഗവ്യാപന  പ്രതിരോധത്തിന്റെ ഭാഗമായി ജില്ലയിലെ എംപ്ലോയ്‌മെന്റ് എക്‌സ്‌ചേഞ്ച്കള്‍ വഴിയുള്ള സേവനങ്ങള്‍ക്ക് ഓണ്‍ലൈന്‍ ക്രമീകരണങ്ങള്‍ ഏര്‍പ്പെടുത്തുന്നതിന്റെ ഭാഗമായി കൊട്ടാരക്കര എംപ്ലോയ്‌മെന്റ് എക്‌സ്‌ചേഞ്ചുമായി ബന്ധപ്പെട്ട വിശദ വിവരങ്ങള്‍ 0474-2457212 എന്ന നമ്പരിലും  teektra.emp.lbr@kerala.gov.in        എന്ന ഇ-മെയില്‍ വഴിയും ബന്ധപ്പെട്ട് ലഭിക്കും.
(പി.ആര്‍.കെ നമ്പര്‍ 1839/2020)
 

പാസ്‌പോര്‍ട്ട് അപേക്ഷകരുടെ പോലീസ് വെരിഫിക്കേഷന്‍ പൂര്‍ണമായും ഓണ്‍ലൈനില്‍ ആക്കിയശേഷം,  വെരിഫിക്കേഷന്‍ ഏറ്റവും കുറഞ്ഞ സമയത്തിനുള്ളില്‍ പൂര്‍ത്തിയാക്കി 2019 ല്‍ സംസ്ഥാനത്ത്  രണ്ടാം സ്ഥാനത്തെത്തിയിരിക്കുകയാണ് പത്തനംതിട്ട ജില്ല.

കേരള സംസ്ഥാന അസംഘടിത തൊഴിലാളി സാമൂഹ്യ സുരക്ഷാ ബോര്‍ഡില്‍ നിന്നും ക്ഷേമനിധി അംഗങ്ങള്‍ക്ക് ലഭിക്കുന്ന കോവിഡ് 19 പ്രത്യേക ധനസഹായമായ 1000 രൂപയ്ക്ക് അപേക്ഷിക്കാത്തവര്‍ക്ക് http://boardswelfareassistance.lc.kerala.gov.in  എന്ന ലിങ്കില്‍ ജൂലൈ 31 വരെ സമര്‍പ്പിക്കാം. പുതുക്കിയ നിരക്കില്‍ തുക ഒടുക്കാത്ത പഴയ പദ്ധതികളായ കേരള കൈതൊഴിലാളി, ബാര്‍ബര്‍, ബ്യൂട്ടീഷന്‍, അലക്ക്, ക്ഷേത്രജീവനം എന്നീ ക്ഷേമപദ്ധതിയിലുള്ളവര്‍ക്കും ധനസഹായത്തിന് അപേക്ഷിക്കാം. വിശദ വിവരങ്ങള്‍ 0474-2749847 നമ്പരില്‍ ലഭിക്കും.
(പി.ആര്‍.കെ നമ്പര്‍ 1838/2020)

തെ•ല ഗ്രാമപഞ്ചായത്തിലെ മാമ്പഴത്തറ ഇരുട്ടുതറ ചതുപ്പ് ഗിരിജന്‍ കോളജിയില്‍ പുതുതായി ആരംഭിക്കുന്ന ഉന്നതി കേന്ദ്രത്തില്‍ ട്യൂട്ടറുടെ ഒഴിവില്‍ അപേക്ഷിക്കാം. യോഗ്യത - ബി എഡ്/ടി ടി സി യും ബിരുദവും. പട്ടികവര്‍ഗ വിഭാഗക്കാര്‍ക്കും മാമ്പഴത്തറ കോളനിയില്‍ താമസിക്കുന്നവര്‍ക്കും മുന്‍ഗണന. അപേക്ഷ ജൂലൈ 17 ന് വൈകിട്ട് നാലുവരെ കുളത്തൂപ്പുഴ ട്രൈബല്‍ എക്സ്റ്റന്‍ഷന്‍ ഓഫീസില്‍ സമര്‍പ്പിക്കാം. വിശദ വിവരങ്ങള്‍ 0475-2319347, 9496070347 എന്നീ നമ്പരുകളില്‍ ലഭിക്കും.
(പി.ആര്‍.കെ നമ്പര്‍ 1837/2020)
 

പകര്‍ച്ചവ്യാധി പ്രതിരോധ പ്രവര്‍ത്തനങ്ങളുടെ ഭാഗമായി ജില്ലയിലെ സര്‍ക്കാര്‍-സ്വകാര്യ സ്ഥാപനങ്ങളില്‍ ശുചീകരണ ദിനം ആചരിച്ചു. കലക്‌ട്രേറ്റില്‍ നടന്ന ജില്ലാതല ഉദ്ഘാടനം എ ഡി എം പി.ആര്‍.ഗോപാലകൃഷ്ണന്‍ നിര്‍വഹിച്ചു.
കോവിഡ്  പശ്ചാത്തലത്തില്‍ ഭാഗീകമായി  പ്രവര്‍ത്തിക്കുന്ന സ്ഥാപനങ്ങളില്‍ ശുചീകരണ പ്രവര്‍ത്തനങ്ങളും കൊതുകിന്റെ  ഉറവിട നശീകരണവും നടത്തി. ആരോഗ്യ പ്രവര്‍ത്തകരുടെ നേതൃത്വത്തില്‍ ജില്ലയിലെ മുഴുവന്‍ തദ്ദേശ സ്വയംഭരണ സ്ഥാപനങ്ങളിലും ഉറവിട നശീകരണം നടത്തി.

ചിറക്കര ഗ്രാമപഞ്ചായത്തിലെ പോളച്ചിറയില്‍ ആധുനിക സജീകരണങ്ങള്‍ ഒരുക്കി പ്രവര്‍ത്തനമാരംഭിച്ച സര്‍ക്കാര്‍ മൃഗാശുപത്രിയുടെ ഉദ്ഘാടനം മന്ത്രി കെ രാജു ഉദ്ഘാടനം ചെയ്തു. ജി എസ് ജയലാല്‍ എം എല്‍ എ ചടങ്ങില്‍ അധ്യക്ഷനായി.
35 ലക്ഷം രൂപ ചിലവില്‍ ലബോറട്ടറി, ഓപ്പറേഷന്‍ തീയറ്റര്‍ എന്നീ സംവിധാനങ്ങളൊരുക്കി മൃഗസംരക്ഷണ വകുപ്പാണ് എട്ട് സെന്റിലുള്ള കെട്ടിടത്തിന്റെ നിര്‍മാണം പൂര്‍ത്തിയാക്കിയത്. ആറ് മുറികള്‍ ഉള്‍പ്പെടെ വലിയ മൃഗങ്ങളേയും ചെറിയ മൃഗങ്ങളേയും പരിശോധിക്കാനുള്ള സംവിധാനങ്ങളും  ആറോളം ജീവനക്കാരുടെ സേവനവും ആശുപത്രിയില്‍ ലഭ്യമാണ്.