ജില്ലയില്‍ സമ്പര്‍ക്കം വഴി കോവിഡ് സ്ഥിരീകരിച്ചവരില്‍ പച്ചക്കറി കടകളില്‍ ജോലി ചെയ്തിരുന്നവരും ഉള്‍പ്പെട്ടതിനാല്‍ മംഗളൂരുവില്‍ നിന്ന് ദിവസവും പച്ചക്കറിയെടുക്കാന്‍ കാസര്‍കോട് ജില്ലയില്‍ നിന്നും പോകുന്ന വാഹനങ്ങള്‍ക്ക് നിയന്ത്രണം ഏര്‍പ്പെടുത്തും. ആദ്യ ഘട്ടത്തില്‍ ഇത് സംബന്ധിച്ച് തിരുമാനമെടുക്കാന്‍ ഇന്ന് (ജൂലൈ 9)  ജില്ലയിലെ വ്യാപാരികളുമായി ചര്‍ച്ച ചെയ്യുന്നതിന് ആ ര്‍ ടി ഒയുടെ നേതൃത്‌വത്തില്‍ യോഗം ചേരും. ഇതിന്റെ അടിസ്ഥാനത്തില്‍ ഏതെല്ലാം വാഹനങ്ങളാണ് പച്ചക്കറിയെടുക്കാന്‍ മംഗളൂരുവിലേക്ക് പോകുന്നതെന്ന് മനസ്സിലാക്കി അത്തരം വാഹനങ്ങളിലെ ജീവനക്കാര്‍ക്ക്( ഡ്രൈവര്‍,ക്ലീനര്‍) പ്രത്യേക പാസ് അനുവദിക്കും.

ലോക്്ഡൗണ്‍ നിലനില്‍ക്കുന്ന സാഹചര്യത്തില്‍  പൊതുജനങ്ങള്‍ക്ക്   സര്‍ക്കാര്‍   ഓഫീസുകളില്‍ എത്താന്‍ ബുദ്ധിമുട്ടുള്ളതിനാല്‍    പരാതികള്‍ സമര്‍പ്പിക്കുന്നതിനും പരിഹരിക്കുന്നതിനും മുഖ്യമന്ത്രി നിര്‍ദേശിച്ച ജില്ലാ കളക്ടറുടെ താലൂക്ക്തല ഓണ്‍ലൈന്‍ പരാതി പരിഹാര അദാലത്ത് ജൂലായ് 18 ന്   നടത്തും.  വെള്ളരിക്കുണ്ട് താലൂക്ക്തല പരാതി പരിഹാര ഓണ്‍ലൈന്‍ അദാലത്താണ് 18 ന് ഉച്ചയ്ക്ക് രണ്ട് മുതല്‍ വൈകീട്ട് അഞ്ച് വരെ സംഘടിപ്പിക്കുക.അദാലത്തിലേക്കുള്ള അപേക്ഷ ജൂലായ് 13 ന് രാത്രി 12 വരെ സ്വീകരിക്കും.

ലഹരി വര്‍ജ്ജന മിഷന്‍ വിമുക്തിയുടെ ഭാഗമായി നീലേശ്വരം താലൂക്ക് ആശുപത്രിയിലെ ലഹരി വിമുക്ത കേന്ദ്രത്തിലേക്ക് സൈക്യാട്രിക് സോഷ്യല്‍ വര്‍ക്കറുടെ താല്‍ക്കാലിക ഒഴിവുണ്ട്. അഭിമുഖം കാഞ്ഞങ്ങാട് ചെമ്മട്ടംവയലിലെ ജില്ലാ മെഡിക്കല്‍ ഓഫീസറുടെ കാര്യാലയത്തില്‍  ജൂലൈ 14 ന്  രാവിലെ 10.30ന് നടക്കും.

ചോക്ലേറ്റ് സംരംഭകരാകാന്‍ മികച്ച അവസരവുമായി കല്പ ഗ്രീന്‍ ചാറ്റ്. ജൂലൈ 11 ന്  ചോക്ലേറ്റ് നിര്‍മാണം കുറഞ്ഞ മുതല്‍ മുടക്കില്‍ എങ്ങനെ ആരംഭിക്കാം എന്ന വിഷയത്തില്‍ ഡോ ഷമീന ബീഗം ഓണ്‍ലൈന്‍ ക്ലാസ് കൈകാര്യം ചെയ്യും. കേന്ദ്ര തോട്ടവിള ഗവേഷണ കേന്ദ്രത്തിന് കീഴിലുള്ള അഗ്രി ബിസിനസ് ഇന്‍ക്യൂബേറ്ററും കേരള സ്റ്റാര്‍ട്ടപ്പ് മിഷനും സംയോജിച്ചാണ് കല്പ ഗ്രീന്‍ ചാറ്റ് എന്ന പേരില്‍ ഓണ്‍ലൈന്‍ പരിശീലനം സംഘിടിപ്പിക്കുന്നത്. രാവിലെ 10.30 ന് ആരംഭിക്കുന്ന പരിശീലന പരിപാടി സി പി സി ആര്‍ ഐ സോഷ്യല്‍ സയന്‍സ് വിഭാഗം തലവന്‍ ഡോ കെ മുരളീധരന്‍ നിയന്ത്രിക്കും.

അന്ത്യോദയ അന്നയോജന (മഞ്ഞ) മുന്‍ഗണന(പിങ്ക്)  കാര്‍ഡുകളില്‍ അനര്‍ഹമായി റേഷന്‍ വിഹിതം കൈപ്പറ്റുന്നവരില്‍ നിന്നും കാര്‍ഡുകള്‍ പിടിച്ചെടുത്ത് നാളിതുവരെ വാങ്ങിയ ഭക്ഷ്യധാന്യങ്ങളുടെ കമ്പോളവില ഈടാക്കി പ്രോസിക്യൂഷന്‍ നടപടികള്‍ ആരംഭിച്ച് ജില്ലാ സിവില്‍ സപ്ലൈസ്  വകുപ്പ്. ജില്ലയില്‍ പട്ടിണിപ്പാവങ്ങള്‍ക്ക് ലഭിക്കേണ്ട റേഷന്‍ അരി,ഗോതമ്പ്,പഞ്ചസാര എന്നിവ ചിലര്‍ അനര്‍ഹരായി കൈപ്പറ്റുന്നുണ്ടെന്ന് പരാതികള്‍ വകുപ്പിന് ദിനംപ്രതി ലഭിച്ചുകൊണ്ടിരിക്കുന്ന സാഹചര്യത്തിലാണ് നടപടി.അര്‍ഹരായ മുഴുവന്‍ പേര്‍ക്കും റേഷന്‍ ഭക്ഷ്യധാന്യങ്ങള്‍ ഉറപ്പാക്കുന്നത് വരെ അനര്‍ഹരായവരെ കണ്ടെത്താനാണ് തീരുമാനം.

മഴക്കാല രോഗങ്ങളായ ഡെങ്കിപ്പനി, ചിക്കുന്‍ ഗുനിയ എന്നിവ പ്രതിരോധിക്കുന്നതിനായി ജില്ലയിലെ സര്‍ക്കാര്‍-സ്വകാര്യ സ്ഥാപനങ്ങളിലും കൊതുക് ഉടവിട നശീകരണം നടത്തും. പരിപാടിയുടെ ജില്ലാതല ഉദ്ഘാടനം രാവിലെ 10.30ന് ജില്ലാ കലക്ടര്‍ ബി അബ്ദുല്‍ നാസര്‍ നിര്‍വഹിക്കും.  കൊതുകുകളുടെ പ്രജനനം ഉണ്ടാകുന്നില്ലായെന്ന് ഉറപ്പാക്കുന്നതിന് ഉറവിട നശീകരണ പ്രവര്‍ത്തനങ്ങളില്‍ എല്ലാവരും പങ്കാളികളാകണമെന്ന് ജില്ലാ മെഡിക്കല്‍ ഓഫീസര്‍ ഡോ ആര്‍ ശ്രീലത അറിയിച്ചു.
(പി.ആര്‍.കെ നമ്പര്‍ 1833/2020)

ചിറക്കര ഡിസ്‌പെന്‍സറിയുടെ പുതിയ കെട്ടിടത്തിന്റെ ഉദ്ഘാടനം ഇന്ന്(ജൂലൈ 09) രാവിലെ 11.30 ന് മന്ത്രി കെ രാജു നിര്‍വഹിക്കും. ജില്ലയിലെ നാട്ടാനകള്‍ക്കുള്ള ഭക്ഷണ വിതരണം പുത്തന്‍കുളം മൃഗാശുപത്രിയില്‍ ഉച്ചയ്ക്ക് 12 ന് മന്ത്രി ഉദ്ഘാടനം ചെയ്യും. ജി എസ് ജയലാല്‍ എം എല്‍ എ അധ്യക്ഷനാകും.
(പി.ആര്‍.കെ നമ്പര്‍ 1832/2020)

സമ്പര്‍ക്കത്തിലൂടെയുള്ള കോവിഡ് വ്യാപനം അതിവേഗം കണ്ടെത്തുന്നതിനും നിയന്ത്രണ നടപടികള്‍ കൈക്കൊള്ളുന്നതിനും സഹായകമായി ആന്റിജന്‍ ടെസ്റ്റ് ജില്ലയില്‍ ആരംഭിച്ചു. ടെസ്റ്റിംഗ് കഴിഞ്ഞ് 15 മിനിറ്റിനകം ഫലം അറിയാമെന്നതാണ് ആന്റിജന്‍ ടെസ്റ്റിംഗിന്റെ സവിശേഷതയെന്ന് ജില്ലാ മെഡിക്കല്‍ ഓഫീസര്‍ ഡോ ആര്‍ ശ്രീലത അറിയിച്ചു.
ഇതോടെ ജില്ലയില്‍ ആര്‍ ടി-പി സി ആര്‍ സ്വാബ് ടെസ്റ്റിംഗ്, ട്രൂ നാറ്റ്, ആന്റിജന്‍ എന്നിങ്ങനെ മൂന്നു തരം ടെസ്റ്റിംഗ് നിലവിലുണ്ട്. കൂടാതെ രോഗം വന്നുപോയവരെ തിരിച്ചറിയുന്നതിന് വണ്‍ ടൈം ആന്റിബോഡി പരിശോധനയും നടത്തി വരുന്നു.

ജില്ലയില്‍ ഇന്നലെ(ജൂലൈ 08) 23 പേര്‍ രോഗമുക്തി നേടി.

ജില്ലയില്‍ ഇന്നലെ(ജൂലൈ 08) ഏട്ടു പേര്‍ക്ക് കോവിഡ് സ്ഥിരീകരിച്ചു. എഴു പേര്‍ വിദേശത്തു നിന്നും ഒരാള്‍ ഇതര സംസ്ഥാനത്ത് നിന്നും എത്തിയവരാണ്. നാലുപേര്‍ സൗദിയില്‍ നിന്നും രണ്ടുപേര്‍ കുവൈറ്റില്‍ നിന്നും ഒരാള്‍ ഖത്തറില്‍ നിന്നും ഒരാള്‍ മുംബൈയില്‍ നിന്നുമാണ് എത്തിയത്.