ക്ലോത്തിംഗ് ആന്റ് ഫാഷന്‍ ടെക്‌നോളജി കോഴ്‌സ്

വെള്ളം കൃത്യതയോടെ ഉപയോഗിക്കണമെന്നും വീടുകളിലുപയോഗിക്കുന്ന ജലം കൃഷി പോലുള്ള ആവശ്യങ്ങള്‍ക്കായി പുനരുപയോഗിക്കാന്‍ കഴിയണമെന്നും മുഖ്യമന്ത്രി പിണറായി വിജയന്‍. പിണറായി പഞ്ചായത്തിലെ എരുവട്ടി വില്ലേജില്‍ നടപ്പാക്കുന്ന കുടിവെള്ള പദ്ധതിയുടെ പ്രവൃത്തി ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം. കുടിവെള്ളത്തിന്റെ പ്രാധാന്യം ഉള്‍ക്കൊള്ളാതെ മറ്റ് ആവശ്യങ്ങള്‍ക്കും നമ്മള്‍ അത് ഉപയോഗിക്കുന്നുണ്ട്. അത് മാറ്റിയെടുക്കാനുള്ള ശ്രമമുണ്ടാകണമെന്നും അദ്ദേഹം പറഞ്ഞു.

കെ കെ രാഗേഷ് എം പിയുടെ പ്രാദേശിക വികസന നിധിയില്‍ ഉള്‍പ്പെടുത്തി അനുവദിച്ച കൃത്രിമ കാല്‍ കൈമാറി. അപകടത്തില്‍ ഒരു കാല്‍ നഷ്ടപ്പെട്ട മുണ്ടേരി പഞ്ചായത്തിലെ കെ സമേഷിനാണ് കൃത്രിമ കാല്‍ നല്‍കിയത്. കലക്ടറേറ്റില്‍ നടന്ന ചടങ്ങില്‍ കെ കെ  രാഗേഷ് എം പിയില്‍ നിന്നും കെ സമേഷ് കൃത്രിമ കാല്‍ ഏറ്റുവാങ്ങി. എം പിയുടെ 2019-2020 പ്രാദേശിക വികസന നിധിയില്‍ നിന്നും 4.85 ലക്ഷം രൂപയാണ് ഇതിനായി ചെലവഴിച്ചത്.
ചടങ്ങില്‍ അസി. കലക്ടര്‍ ആര്‍ ശ്രീലക്ഷ്മി, ജില്ലാ മെഡിക്കല്‍ ഓഫീസര്‍ ഡോ. കെ നാരായണ നായ്ക്, അസിസ്റ്റന്റ് പ്ലാനിങ്ങ് ഓഫീസര്‍ എം എം നിനോജ് എന്നിവര്‍ പങ്കെടുത്തു

സപ്ലൈകോയ്ക്ക് പുതിയ ലോഗോ രൂപകല്പന ചെയ്യാൻ അവസരം. ലോഗോ ജൂലൈ 13 വരെ അയക്കാം. ലോഗോ രൂപകല്പന ചെയ്യുന്ന വിജയികൾക്ക് കമ്പനി ഉചിതമായ പാരിതോഷികം നൽകും. ലോഗോ അയക്കേണ്ട ഇ -മെയിൽ: logo@supplycomail.com. ഫോൺ: 0484-2206780.

പി.എൻ.എക്സ്. 2430/2020

മത്സ്യ കർഷക ദിനാചരണത്തിന്റെയും സുഭിക്ഷ കേരളം ബയോ ഫ്‌ളോക് മത്സ്യ സംരംഭകർക്കായുള്ള പരിശീലന പരിപാടിയുടേയും ഉദ്ഘാടനം ഫിഷറീസ് മന്ത്രി ജെ. മേഴ്‌സിക്കുട്ടി അമ്മ 10 ന് രാവിലെ 10 മണിക്ക് ഓൺലൈനായി നിർവഹിക്കും. 

ആരോഗ്യ കേരളത്തില്‍  (നാഷണല്‍ ഹെല്‍ത്ത് മിഷന്‍, ഇടുക്കി) വിവിധ തസ്തികകളിലേക്ക് അപേക്ഷ ക്ഷണിച്ചു.
 തസ്തികകളും യോഗ്യതയും:
സ്‌പെഷ്യലിസ്റ്റ് മെഡിസിന്‍ - എം.ഡി/ ഡി.എന്‍.ബി, റ്റി.സി.എം.സി രജിസ്‌ട്രേഷന്‍.
സ്‌പെഷ്യലിസ്റ്റ് അനസ്‌തേഷ്യ-എം.ഡി/ ഡി.എ/ ഡി.എന്‍.ബി, റ്റി.സി.എം.സി രജിസ്‌ട്രേഷന്‍ .
സ്‌പെഷ്യലിസ്റ്റ് മൈക്രോബയോളജി - എം.ഡി, റ്റി.സി.എം.സി രജിസ്‌ട്രേഷന്‍
മെഡിക്കല്‍ ഓഫീസര്‍: എം.ബി.ബി.എസ്, റ്റി.സി.എം.സി രജിസ്‌ട്രേഷന്‍.

പുതുതായി ആരംഭിക്കുന്ന സൂക്ഷ്മ ചെറുകിട ഇടത്തരം സംരംഭങ്ങള്‍ വര്‍ഗ്ഗീകരിക്കുന്നതിനും രജിസ്‌ട്രേഷന്‍ നടത്തുന്നതിനും ആഗ്രഹിക്കുന്നവര്‍ക്ക് കേന്ദ്രസര്‍ക്കാരിന്റെ  രജിസ്‌ട്രേഷന്‍ സംവിധാനമായ ഉദ്യം രജിസ്‌ട്രേഷന്‍ പോര്‍ട്ടല്‍  ( www.udyamregistration.gov.in) വഴി സ്വയം സാക്ഷ്യപ്പെടുത്തിയ രേഖകളുടെ അടിസ്ഥാനത്തില്‍ മറ്റു രേഖകള്‍ അപ്‌ലോഡ് ചെയ്യാതെ ആധാര്‍ നമ്പര്‍ മാത്രം നല്‍കി സൗജന്യമായി രജിസ്‌ട്രേഷന്‍ നടത്താം.

സാമൂഹ്യനീതി വകുപ്പ് മുഖേന നടപ്പിലാക്കുന്ന പ്രൊബേഷന്‍ സംവിധാനത്തിന്റെ ഭാഗമായി വിവിധ പദ്ധതികള്‍ക്ക് ധനസഹായം അനുവദിക്കുന്നതിനായി അപേക്ഷ ക്ഷണിച്ചു. അതിക്രമത്തിനിരയായി കൊല്ലപ്പെട്ടവരുടെയും, കിടപ്പിലായവരുടെയും ഗുരുതരമായി പരിക്കേറ്റവരുടെയും മക്കള്‍ക്ക് വിദ്യാഭ്യാസത്തിന് ധനസഹായം നല്‍കും. കുടുംബത്തിന്റെ വാര്‍ഷിക വരുമാനം 1 ലക്ഷം രൂപയില്‍ താഴെയായിരിക്കണം. മറ്റ് ധനസഹായ പദ്ധതിയില്‍ നിന്നും തുക കൈപ്പറ്റിക്കൊണ്ടിരിക്കുന്ന കുട്ടികള്‍ക്ക് വീണ്ടും തുക അനുവദിക്കുന്നതല്ല.

കൊവിഡ് കാലത്ത് വിവിധ ആദിവാസി മേഖലകളിലും വിദ്യാര്‍ത്ഥികള്‍ ഓണ്‍ലൈന്‍ പഠനത്തില്‍ വ്യാപൃതരാണ്. കുമളി ഗ്രാമപഞ്ചായത്തിലെ മന്നാക്കുടി കമ്മ്യൂണിറ്റി ഹാളില്‍ ക്രമീകരിച്ചിട്ടുള്ള ഓണ്‍ലൈന്‍ പഠനകേന്ദ്രത്തില്‍ 97 കുട്ടികളാണ് പുതിയ രീതിയില്‍ പഠനം നടത്തുന്നത്. മന്നാക്കുടി ആദിവാസി മേഖലയില്‍ ഓണ്‍ലൈന്‍ പഠനസൗകര്യമൊരുക്കാന്‍ പഞ്ചായത്തിന്റെയും ട്രൈബല്‍, വനം വകുപ്പുകളുടെയും സഹകരണമുണ്ടായി. കമ്പ്യൂട്ടറിന്റെയും ടെലിവിഷന്റെയും സഹായത്തോടെയാണ് കുട്ടികള്‍ക്ക് പഠനം സാധ്യമാക്കിയിട്ടുള്ളത്. രാവിലെ 8 മുതല്‍ മന്നാക്കുടിയിലെ ഓണ്‍ലൈന്‍ പഠന കേന്ദ്രം സജീവമാണ്.