കെട്ടിട നിര്‍മാണോദ്ഘാടനം മുഖ്യമന്ത്രി ഇന്ന് നിര്‍വഹിക്കും
ജില്ലയിലെ അഞ്ച് തീരദേശ സ്‌കൂളുകളിലെ പുതിയ കെട്ടിടങ്ങളുടെ നിര്‍മാണോദ്ഘാടനം ഇന്ന് (ജൂലൈ ഒമ്പത്) വൈകീട്ട് മൂന്നിന് മുഖ്യമന്ത്രി പിണറായി വിജയന്‍ ഓണ്‍ലൈനിലൂടെ നിര്‍വഹിക്കും. പരപ്പനങ്ങാടി ചെട്ടിപ്പടി ഗവ.എല്‍.പി സ്‌കൂള്‍, കൂട്ടായി നോര്‍ത്ത് ഗവ. മോഡല്‍ എല്‍.പി സ്‌കൂള്‍, പുറത്തൂര്‍ ഗവ.യു.പി സ്‌കൂള്‍, അരിയല്ലൂര്‍ ഗവ. യു.പി സ്‌കൂള്‍, വള്ളിക്കുന്ന് ഗവ.എല്‍.പി സ്‌കൂള്‍ തുടങ്ങിയ സ്‌കൂള്‍ കെട്ടിടങ്ങളുടെ നിര്‍മാണോദ്ഘാടനമാണ് മുഖ്യമന്ത്രി നിര്‍വഹിക്കുന്നത്. 

മക്കരപ്പറമ്പ് ഇലക്ട്രിക്കല്‍ സെക്ഷന്‍ പരിധിയില്‍ വരുന്ന എല്ലാ ഫീഡറുകളിലും നവീകരണ പ്രവൃത്തികള്‍ നടക്കുന്നതിനാല്‍  ഇന്ന് (ജൂലൈ ഒന്‍പത്) മുതല്‍ ജൂലൈ 18 വരെ   ഭാഗികമായി വൈദ്യുതി വിതരണം തടസ്സപ്പെടുമെന്ന് അസിസ്റ്റന്റ് എഞ്ചിനീയര്‍ അറിയിച്ചു.
 

കോവിഡ് 19 പ്രതിരോധ പ്രവര്‍ത്തനങ്ങളുടെ ഭാഗമായി കോഴിക്കോട് അന്താരാഷ്ട്ര വിമാനത്താവളം, കരിപ്പൂര്‍ ഹജ്ജ് ഹൗസ് എന്നിവിടങ്ങളില്‍ ജോലി ചെയ്യുന്ന ആരോഗ്യ വകുപ്പിലെ ജീവനക്കാര്‍ക്ക് താമസിക്കുന്നതിനായി കൊണ്ടോട്ടി മഹാകവി മോയിന്‍കുട്ടി വൈദ്യര്‍ സ്മാരക അക്കാദമിയിലെ ഓഡിറ്റോറിയവും അനുബന്ധ സൗകര്യങ്ങളും വിട്ടുകൊടുത്തിരിക്കുന്നതിനാല്‍ അക്കാദമിയിലെ അറബി മലയാളം റിസര്‍ച്ച് ലൈബ്രറിയില്‍ ഉള്‍പ്പെടെ ഇനിയൊരറിയിപ്പുണ്ടാകുന്നതു വരെ പൊതുജനങ്ങള്‍ക്ക് പ്രവേശനമുണ്ടായിരിക്കില്ലെന്ന് സെക്രട്ടറി അറിയിച്ചു. 9207173451 എന്ന വാട്സ് ആപ്പ് നമ്പറില്‍ വൈദ്യര്‍ അക്കാദമിയുടെ ഓണ്‍ലൈന്‍ സേവനം ലഭിക്കും.  ഫോണ്‍: 0483 271 1432.

കോവിഡ് 19 പ്രതിരോധത്തിന്റെ ഭാഗമായി മലബാര്‍ ദേവസ്വം ബോര്‍ഡിന് കീഴിലുള്ള ക്ഷേത്രങ്ങളില്‍ കര്‍ക്കിടക വാവിനോടനുബന്ധിച്ചുള്ള ബലിതര്‍പ്പണ ചടങ്ങുകള്‍ക്ക് സമ്പൂര്‍ണ്ണ വിലക്ക് ഏര്‍പ്പെടുത്തിയതായി  ബോര്‍ഡ് കമ്മീഷണര്‍ അറിയിച്ചു.
വേങ്ങരയിലെ റോഡുകളുടെ പ്രവൃത്തികള്‍ ഉടന്‍ പൂര്‍ത്തിയാകും

2020 ലെ തദ്ദേശ സ്വയംഭരണ സ്ഥാപനങ്ങളിലേക്കുള്ള പൊതുതിരഞ്ഞെടുപ്പിന് മുന്നോടിയായി കാസര്‍കോട്് നഗരസഭാ പരിധിയിലെ  2015 ലെ തദ്ദേശ തിരഞ്ഞെടുപ്പിന് ഉപയോഗിച്ച വോട്ടര്‍ പട്ടികയുടെ അടിസ്ഥാനത്തില്‍ പുതിയ വോട്ടര്‍മാരെ ചേര്‍ത്ത്  അന്തിമ പട്ടിക  ജൂണ്‍ 17 ന് പ്രസദ്ധീകരിച്ചു.  ലിസ്റ്റില്‍  മരിച്ചവരുടെ പേര് ഉള്‍പ്പെട്ടിട്ടുണ്ടെങ്കില്‍ അവരെ പട്ടിക പുതുക്കുന്ന ഘട്ടത്തില്‍ ഒഴിവാക്കും. ഇവരുടെ പേരുകള്‍ ഒഴിവാക്കുന്നതിന് രാഷ്ട്രീയ പാര്‍ട്ടികളുടെ സഹകരണത്തോടെ  പരിശോധിച്ച് നീക്കം ചെയ്ത് അന്തിമമാക്കുന്നതിന് വാര്‍ഡ്തല ഉദ്യോഗസ്ഥരെ ചുമതലപ്പെടുത്തി. വാര്‍ഡ്തല ഉദ്യോഗസ്ഥര്‍ അന്വേഷണം നടത്തി ലിസ്റ്റ് അന്തിമമാക്കും.

ദൈനംദിന ഗാര്‍ഹിക വ്യാവസായ ആവശ്യങ്ങള്‍ക്ക് വിദഗ്ദ്ധരായവരുടെ സേവനം ഇനി മുതല്‍ സ്‌കില്‍ രജിസ്റ്ററി മൊബൈല്‍ ആപ്ലിക്കേഷനില്‍ ലഭിക്കും.

കേരള അക്കാദമി ഫോര്‍ സ്‌കില്‍ എക്‌സലന്‍സിന്റെ  നേതൃത്വത്തിലാണ്  'സ്‌കില്‍ രജിസ്റ്ററി'  വികസിപ്പിച്ചിച്ചത്. സാങ്കേതികവും പാരമ്പര്യവുമായ വിവിധ മേഖലകളില്‍ പ്രാവീണ്യമുള്ളവരുടെ സേവനങ്ങള്‍ ലഭ്യമാക്കുക എന്നതാണ് സ്‌കില്‍ രജിസ്റ്ററിയുടെ ലക്ഷ്യം. 

ജില്ലയിലെ കായിക മേഖലയ്ക്ക് പുത്തനുണര്‍വ് നല്‍കാന്‍ നീലേശ്വരത്ത് ഇ എം എസ് സ്റ്റേഡിയം യാഥാര്‍ത്ഥ്യമാവുന്നു. അത്യാധുനിക സൗകര്യങ്ങളോടെ നിര്‍മിക്കുന്ന സ്റ്റേഡിയത്തിന്റെ നിര്‍മാണ പ്രവര്‍ത്തികള്‍ അവസാനഘട്ടത്തിലെത്തിയെന്നും ഡിസംബറോടെ പ്രവര്‍ത്തനസജ്ജമാവുമെന്ന് പ്രതീക്ഷിക്കാമെന്നും ജില്ലാ സ്പോര്‍ട്സ് കൗണ്‍സില്‍ പ്രസിഡന്റ് പി ഹബീബ്റഹ്്മാന്‍ പറഞ്ഞു. പദ്ധതിക്കായി കിഫ്ബി വഴി 17.02 കോടി രൂപയാണ് അനുവദിച്ചത്. 

ആശങ്ക നിറഞ്ഞ കോവിഡ്  കാലത്ത് റേഷന്‍ കാര്‍ഡുകള്‍ക്ക് പ്രധാന്യമേറിയപ്പോള്‍ കാര്‍ഡില്ലാത്തവര്‍ക്കും ആശ്വാസ നടപടികളുമായി ജില്ലാ സിവില്‍ സപ്ലൈസ് വിഭാഗം.