ആലപ്പുഴ: കാര്‍ത്തികപ്പള്ളി താലൂക്കില്‍ കായംകുളം വില്ലേജില്‍ 15 മീറ്റര്‍ പൊക്കവും 1.20 മീറ്റര്‍ ചുറ്റു വണ്ണവുമുള്ള മാവ് ജൂലൈ 13ന് രാവിലെ 11ന് കായംകുളം വില്ലേജാഫീസില്‍ ലേലം ചെയ്യുന്നു. കൂടുതല്‍ വിവരത്തിന് ഫോണ്‍: 0479 2412797.

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂലൈ  5) വൈകിട്ട് 7.30 വരെ ജില്ലയിൽ പോലീസ് നടത്തിയ പരിശോധനയിൽ 28 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. 53 പേരെ അറസ്റ്റ് ചെയ്തു. അഞ്ച് വാഹനങ്ങൾ പിടിച്ചെടുത്തു.  

 *മാസ്ക് ധരിക്കാത്ത 315 പേർക്കെതിരെ കേസ്* 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 315 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തിയ ശേഷം കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു. 

ആലപ്പുഴ: പ്രളയത്തില്‍ നാശോന്മുഖമായ ജില്ലയിലെ സ്‌കൂളുകള്‍ക്ക് പുതിയ മുഖം നല്‍കി ഐ ആം ഫോര്‍ ആലപ്പി. പ്ലാന്‍ ഇന്ത്യയുടെ സഹകരണത്തോടെ ഐ ആം ഫോര്‍ ആലപ്പി വിദ്യാഭ്യാസ വകുപ്പുമായി ചേര്‍ന്നാണ പദ്ധതി നടപ്പാക്കിയത്. ജില്ലയിലെ താഴ്ന്ന പ്രദേശങ്ങളായ കുട്ടനാട്, മങ്കൊമ്പ്, വെളിയനാട്, കരുവാറ്റ എന്നിവിടങ്ങളിലെ സ്‌കൂളുകളിലാണ് പുനഃരുദ്ധാരണ പ്രവര്‍ത്തനങ്ങള്‍ നടത്തിയത്. 

കോവിഡ് 19 മായി ബന്ധപ്പെട്ട് ജില്ലയില്‍ നിലവില്‍ 188 പേരാണ് ചികിത്സയിലുള്ളത്.  ഇന്ന് (ജൂലായ് 5) ജില്ലയില്‍ 29 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 26 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 22370 സാമ്പിളുകള്‍ പരിശോധനയ്ക്കായി അയച്ചതില്‍ 19223 പരിശോധനാ ഫലങ്ങളാണ് ലഭ്യമായത്. ഇന്ന് 260 പരിശോധനാ ഫലങ്ങളാണ് ലഭിച്ചത്. പുതുതായി 1043 സാമ്പിളുകളും അയച്ചു. 616 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 416 പേർ രോഗമുക്തി നേടി. ഇനി 3147 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്. 

തോട്ടപ്പള്ളി ഹാർബറിന്റെ രണ്ടാം ഘട്ട പ്രവർത്തനത്തിന് ആരംഭം കുറിച്ചതായി മന്ത്രി ജി.സുധാകരൻ അറിയിച്ചു. 13.5 കോടി രൂപ ആദ്യഘട്ടമായി അനുവദിച്ചത് ടെണ്ടർ ചെയ്ത് പ്രവർത്തി ഏറ്റെടുത്ത് പ്രാരംഭ പ്രവർത്തനം ആരംഭിക്കുകയാണ് ചെയ്തിട്ടുള്ളത്. 

ആലപ്പുഴ: വനിത ശിശുവികസന വകുപ്പിന്റെ കഞ്ഞിക്കുഴി അഡീഷണൽ ഐ.സി.ഡി.എസ്. പ്രോജക്ട് പരിധിയിൽ ചേർത്തല തെക്ക് ഗ്രാമപഞ്ചായത്ത് പരിധിയിൽ പ്രവർത്തിക്കുന്ന അങ്കണവാടികളിൽ ഹെൽപ്പർ തസ്തികകളിൽ നിലവിലുള്ള/പ്രതീക്ഷിക്കുന്ന ഒഴിവുകളിലേക്ക് ചേർത്തല തെക്ക് ഗ്രാമപഞ്ചായത്തിൽ സ്ഥിര താമസമുള്ള വനിതകളിൽ നിന്ന് അപേക്ഷ ക്ഷണിച്ചു. വിശദവിവരങ്ങൾക്ക് ചേർത്തല ഫയർ സ്റ്റേഷന് എതിർവശം പ്രവർത്തിക്കുന്ന കഞ്ഞിക്കുഴി അഡീഷണൽ ഐ.സി.ഡി.എസ്. പ്രോജക്ട് ഓഫീസുമായി ബന്ധപ്പെടണം. അപേക്ഷകരുടെ പ്രായം 18നും 46നും മധ്യേ. എസ്.എസ്.എൽ.സി  പാസാകാത്തവരായിരിക്കണം. അവസാന തീയതി ജൂലൈ 17.

ആലപ്പുഴ: കോവിഡ് 19 വ്യാപന നിയന്ത്രണ,പ്രതിരോധ പ്രവർത്തനങ്ങളുടെ ഭാഗമായി ജില്ലയുടെ ചുമതലയുള്ള പൊതുമരാമത്ത് ,രജിസ്‌ട്രേഷൻ വകുപ്പ് മന്ത്രി ജി.സുധാകരന്റെ നിര്‍ദ്ദേശാനുസരണം ചേർന്ന നിയമസഭ നിയോജക മണ്ഡലതല അവലോകന യോഗങ്ങൾ ജില്ല കളക്‌ടർ എ അലക്‌സാണ്ടറുടെ നേതൃത്വത്തിൽ വിലയിരുത്തി. കരുതൽ ആംബുലൻസ് ലഭ്യത തുടങ്ങി ബുധനാഴ്‌ച നടന്ന അവലോകന യോഗത്തിലെ ആവശ്യങ്ങൾ മണിക്കൂറുകൾക്കകം പരിഹരിച്ചു. ഓരോ നിയമസഭ നിയോജകമണ്ഡലത്തിലെയും സ്ഥിതിഗതികൾ സമയബന്ധിതമായി വിലയിരുത്തി രോഗ നിയന്ത്രണ-പ്രതിരോധ പ്രവർത്തനങ്ങൾ കൂടുതൽ ഊർജ്ജിതമാക്കാൻ യോഗം തീരുമാനിച്ചു.

പാലക്കാട് ജില്ലയിൽ ഇന്ന്(ജൂലൈ അഞ്ച്) 13 കാരിക്ക് ഉൾപ്പെടെ 29 പേർക്ക്  കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. ഇതിൽ ഒരാൾ എറണാകുളത്തും ഏഴുപേർ മഞ്ചേരി മെഡിക്കൽ കോളേജിലും ചികിത്സയിലാണ്. ജില്ലയിൽ ഇന്ന് ഏഴ് പേർക്ക് രോഗമുക്തിയുള്ളതായും  അധികൃതർ അറിയിച്ചു.

*ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്.* 

*ഖത്തർ-4*
വാണിയംകുളം സ്വദേശി (30 പുരുഷൻ)

തച്ചമ്പാറ സ്വദേശി (25 പുരുഷൻ). 

വല്ലപ്പുഴ സ്വദേശി (25 പുരുഷൻ)

കരിമ്പ സ്വദേശി (40 പുരുഷൻ)