ഖാദി ബോര്‍ഡ്  തുണിയില്‍ നിര്‍മ്മിച്ച മാസ്കുകള്‍ ജിലയിലെ  പോലീസ് ഉദ്യോഗസ്ഥര്‍ക്കായി നല്‍കി. ബോര്‍ഡിന്‍റെ കളത്തൂര്‍ റെഡിമെയ്ഡ്  വസ്ത്ര നിര്‍മ്മാണ കേന്ദ്രത്തില്‍ തയ്യാറാക്കിയ 13 രൂപ വിലവരുന്ന 1000 മാസ്കുകള്‍ ഇന്ത്യന്‍ ബാങ്ക്  കോട്ടയം ശാഖയുടെ സഹകരണത്തോടെയാണ് പോലിസുകാര്‍ക്ക് ലഭ്യമാക്കിയത്. 

ബോര്‍ഡംഗം ടി.വി ബേബി മാസ്കുകള്‍ ജില്ലാ പോലീസ് മേധാവി ജി ജയദേവിന് കൈമാറി. ഇന്‍ഡ്യന്‍ ബാങ്ക് മാനേജര്‍ അനൂപ് ശിവകുമാര്‍, ഖാദി പ്രോജക്ട് ഓഫീസര്‍ കെ.എസ്. ഉണ്ണികൃഷ്ണന്‍ നായര്‍ എന്നിവര്‍ പങ്കെടുത്തു.

കോവിഡ് ചികിത്സയ്ക്കും സാമ്പിള്‍ പരിശോധനയ്ക്കുമുള്ള സംവിധാനങ്ങളുടെ വിപുലീകരണ കര്‍മ്മ പദ്ധതിക്ക് ജില്ലയിലെ സ്വകാര്യ ആശുപത്രികള്‍ പിന്തുണ അറിയിച്ചു. ജില്ലാ കളക്ടര്‍ എം. അഞ്ജനയുടെ അധ്യക്ഷതയില്‍ ചേര്‍ന്ന യോഗത്തിലാണ് ആശുപത്രികളുടെ പ്രതിനിധികള്‍ തുടര്‍ പ്രവര്‍ത്തനങ്ങളില്‍ പങ്കാളിത്തം വാഗ്ദാനം ചെയ്തത്. 

ക്വറന്‍റയിന്‍ നിര്‍ദേശങ്ങള്‍ ലംഘിച്ചാല്‍ നടപടി

കോവിഡ് വ്യാപനത്തിനെതിരെ പൊതുജനങ്ങള്‍ കര്‍ശന ജാഗ്രത പുലര്‍ത്തണമെന്ന് ജില്ലാ കളക്ടർ എം. അഞ്ജന നിര്‍ദേശിച്ചു. വിദേശത്തുനിന്നും മറ്റു സംസ്ഥാനങ്ങളില്‍നിന്നും കൂടുതല്‍ ആളുകള്‍ എത്തിക്കൊണ്ടിരിക്കുന്ന ഘട്ടമാണിത്. ജില്ലയില്‍ നിലവില്‍ 115 പേര്‍ രോഗം ബാധിച്ച് ചികിത്സയിലുണ്ട്. രോഗപ്രതിരോധത്തിന്‍റെ ഭാഗമായി 7206 പേര്‍ വീടുകളിലും നിരീക്ഷണ കേന്ദ്രങ്ങളിലുമായി ക്വാറന്‍റയിനില്‍ കഴിയുന്നുണ്ട്.

രണ്ടു പേര്‍ക്ക് കോവിഡ് സ്ഥിരീകരിച്ച പൊന്‍കുന്നത്തെ സ്വകാര്യ ആശുപത്രിയിലെ എല്ലാ ജീവനക്കാരെയും കോവിഡ് പരിശോധനയ്ക്ക് വിധേയരാക്കുമെന്ന് ജില്ലാ കളക്ടര്‍ എം. അഞ്ജന അറിയിച്ചു. ആദ്യം രോഗം സ്ഥിരീകരിച്ച പള്ളിക്കത്തോട് സ്വദേശിനിയുടെ സമ്പര്‍ക്ക പട്ടികയിലുള്ളവരുടെ സാമ്പിള്‍ പരിശോധന നടത്തിവരികയാണ്. ഇങ്ങനെ നടത്തിയ പരിശോധനയിലാണ് യുവതിയുടെ സഹപ്രവര്‍ത്തകയായ പൊന്‍കുന്നം സ്വദേശിനിക്ക് രോഗം സ്ഥിരീകരിച്ചത്.

കോട്ടയം ജില്ലയില്‍ പുതിയതായി ഒന്‍പതു പേര്‍ക്കു കൂടി കോവിഡ് സ്ഥിരീകരിച്ചു. മൂന്നു പേര്‍ വിദേശത്തുനിന്നും അഞ്ചു പേര്‍ മറ്റു സംസ്ഥാനങ്ങളില്‍നിന്നും എത്തിയവരാണ്. ഒരാള്‍ക്ക് സമ്പര്‍ക്കം മുഖേനയാണ് രോഗം ബാധിച്ചത്. എല്ലാവരും ഹോം ക്വാറന്‍റയിനിലായിരുന്നു. വിദേശത്ത് ചികിത്സയ്ക്കുശേഷം കോവിഡ് മുക്തയായി നാട്ടിലെത്തിയ യുവതിയും ഒരു കുടുംബത്തിലെ നാലു പേരും രോഗം ബാധിച്ചവരില്‍ ഉള്‍പ്പെടുന്നു.  ഏഴു പേര്‍ക്ക് രോഗലക്ഷണങ്ങള്‍ ഉണ്ടായിരുന്നു. 

രോഗം ബാധിച്ചവര്‍

1. കൊല്‍ക്കത്തയില്‍നിന്ന്  ജൂണ്‍ 22ന് എത്തിയ കൂരോപ്പട സ്വദേശിനി(60). രോഗലക്ഷണങ്ങള്‍ ഉണ്ടായിരുന്നില്ല.

പറത്താനം പ്രാഥമികാരോഗ്യ കേന്ദ്രത്തില്‍ ജൂണിയര്‍ ഹെല്‍ത്ത് ഇന്‍സ്പെക്ടര്‍, ജൂണിയര്‍ പബ്ലിക് ഹെല്‍ത്ത് നഴ്സ് തസ്തികകളില്‍ താത്കാലിക നിയമനത്തിന് അപേക്ഷ ക്ഷണിച്ചു.  നിശ്ചിത യോഗ്യതയും 40ല്‍ താഴെ പ്രായവുമുള്ളവരെയാണ് പരിഗണിക്കുന്നത്. 

അപേക്ഷ യോഗ്യത തെളിയിക്കുന്ന രേഖകള്‍ സഹിതം ജൂലൈ എട്ടിനകം സമര്‍പ്പിക്കണം.  ഇന്‍റര്‍വ്യൂ തീയതി അപേക്ഷകരെ നേരിട്ട് അറിയിക്കും. ഫോണ്‍: 04828 296001

മൂന്നു കോടി രൂപയുടെ പദ്ധതി

വിനോദ സഞ്ചാര കേന്ദ്രമായ ഇല്ലിക്കല്‍കല്ലില്‍ അടിസ്ഥാന സൗകര്യങ്ങളും സുരക്ഷയും ഉറപ്പാക്കുന്നതിന് കോട്ടയം ജില്ലാ ടൂറിസം പ്രൊമോഷന്‍ കൗണ്‍സില്‍ മുഖേന ടൂറിസം വകുപ്പ് നടപ്പാക്കുന്ന മൂന്നു കോടി രൂപയുടെ വികസന പദ്ധതിയുടെ നിര്‍മാണോദ്ഘാടനം  ഇന്ന് (ജൂലൈ 3) നടക്കും.

ടൂറിസം വകുപ്പിന് സംസ്ഥാന സര്‍ക്കാര്‍ വിട്ടുനല്‍കിയിട്ടുള്ള 50 സെന്‍റ് സ്ഥലത്ത് പ്രവേശന കവാടം, അഡ്മിനിസ്ട്രേഷന്‍ ബ്ലോക്ക്, ടോയ്ലറ്റ് സമുച്ചയം, കഫറ്റേരിയ, കോട്ടേജുകള്‍, ഷോപ്പുകള്‍, വ്യൂ പോയന്‍റ്, നടപ്പാത  തുടങ്ങിയ സൗകര്യങ്ങളാണ്  ക്രമീകരിക്കുന്നത്. 

തമിഴ്നാട് സര്‍ക്കാരിന്‍റെ ബോംബ് ഡിസ്പോസല്‍ സ്ക്വാഡില്‍ ചേരുന്നതിന് വിമുക്തഭടന്മാര്‍ക്ക് അവസരം. എസ്.എസ്.എല്‍.സി അല്ലെങ്കില്‍ തത്തുല്യ യോഗ്യതയും ആര്‍മി/എന്‍.എസ്.ജി/സി.എം.ഇ(പൂന) എന്നിവിടങ്ങളില്‍ നിന്നും ബോംബ് ഡിറ്റക്ഷന്‍ ആന്‍റ് ഡിസ്പോസല്‍ കോഴ്സില്‍ പരിശീലനം നേടിയവരെയും പ്രവൃത്തിപരിചയവുമുള്ളവരെയുമാണ് പരിഗണിക്കുന്നത്.   താല്‍പ്പര്യമുള്ളവര്‍ ജില്ലാ സൈനിക ക്ഷേമഓഫീസുമായി ബന്ധപ്പെടണം.ഫോണ്‍: 04812371187

ഇതര സംസ്ഥാനങ്ങളില്‍നിന്ന് മുംബൈ-തിരുവനന്തപുരം, നിസാമുദീന്‍- എറണാകുളം, ന്യൂഡല്‍ഹി-തിരുവനന്തപുരം സ്‌പെഷ്യല്‍ ട്രെയിനുകളിലായി വ്യാഴാഴ്ച (ജൂലൈ 2) പത്തനംതിട്ട ജില്ലക്കാരായ 11 പേര്‍കൂടി എത്തി. ഇവരില്‍ ആറു പേരെ കോവിഡ് കെയര്‍ സെന്ററുകളിലും അഞ്ചു പേരെ വീടുകളിലും നിരീക്ഷണത്തില്‍ പ്രവേശിപ്പിച്ചു.

തിരുവനന്തപുരം,കൊച്ചി, കരിപ്പൂര്‍ അന്താരാഷ്ട്ര വിമാനത്താവളങ്ങള്‍ വഴി  വ്യാഴാഴ്ച (ജൂലൈ 2) 14 വിമാനങ്ങളിലായി പത്തനംതിട്ട ജില്ലക്കാരായ 119 പ്രവാസികള്‍കൂടി എത്തി. ഇവരില്‍ 23 പേരെ വിവിധ കോവിഡ് കെയര്‍ സെന്ററുകളിലും രണ്ടു ഗര്‍ഭിണികള്‍ ഉള്‍പ്പെടെ 96 പേരെ വീടുകളിലും നിരീക്ഷണത്തിലാക്കി.