ജില്ലയില്‍  സമ്പര്‍ക്കത്തിലൂടെ  രണ്ടു പേര്‍ക്ക് കോവിഡ് -19 സ്ഥിരീകരിച്ച സാഹചര്യത്തില്‍ പൊതു ജനങ്ങള്‍  ജാഗ്രത പാലിക്കണമെന്നും ആരോഗ്യവകുപ്പിന്റെ നിര്‍ദ്ദേശങ്ങള്‍  കര്‍ശനമായി  പാലിക്കണമെന്നും ജില്ലാ മെഡിക്കല്‍ ഓഫീസര്‍ ഡോ.രാംദാസ് എ.വി അറിയിച്ചു.

 
അബുദാബി, ഷാർജ,  റാസൽഖൈമ,  മസ്കറ്റ്,  ദമാം,  ദുബായ്,  കുവൈറ്റ്, റിയാദ് എന്നിവിടങ്ങളില്‍ നിന്നും നെടുമ്പാശ്ശേരി, കരിപ്പൂർ അന്താരാഷ്ട്ര വിമാനത്താവളങ്ങൾ വഴി ഇന്നലെ (ജൂണ്‍ 30) ജില്ലയിലെത്തിയത് 32 പാലക്കാട് സ്വദേശികള്‍. ഇവരിൽ 17 പേർ ഇൻസ്റ്റിറ്റ്യൂഷനൽ ക്വാറന്റൈനിൽ  പ്രവേശിച്ചു. 15 പേർ വീടുകളിൽ നിരീക്ഷണത്തിലാണ്.

 അബുദാബി,  ഷാർജ,  റാസൽഖൈമ,  മസ്കറ്റ്,  ദമാം,  ദുബായ്,  കുവൈറ്റ് എന്നിവിടങ്ങളിൽ നിന്നും കൊച്ചി അന്താരാഷ്ട്ര വിമാനത്താവളത്തിൽ എത്തിയ 28  പേരിൽ 15 പേർ  ഇൻസ്റ്റിറ്റ്യൂഷനൽ ക്വാറന്റൈനിൽ പ്രവേശിച്ചു. 13  പേർ വീടുകളിൽ നിരീക്ഷണത്തിലാണ്.

ഒന്നാം വിളയുടെ ഞാറ്റടി തയ്യാറാക്കുന്നതിനായി   മംഗലം ഡാമിന്റെ ഇടത് - വലത് കര കനാലിലൂടെ ഇന്ന് (ജൂലൈ രണ്ടിന്) രാവിലെ 10 ന് ജലവിതരണം ആരംഭിക്കുമെന്ന് എക്സിക്യൂട്ടീവ് എഞ്ചിനീയർ അറിയിച്ചു.  കനാലുമായി ബന്ധപ്പെട്ടവർ ജാഗ്രത പാലിക്കാൻ നിർദ്ദേശമുണ്ട്.
 

ജില്ലയിൽ ഇന്ന്(ജൂലൈ ഒന്ന്) 80 വയസ്സുകാരി ഉൾപ്പെടെ 11 പേർ രോഗമുക്തരായതായി ആരോഗ്യവകുപ്പ് അധികൃതർ അറിയിച്ചു.

മണ്ണാർക്കാട് സ്വദേശി (52 പുരുഷൻ), കോട്ടായി സ്വദേശി (39 പുരുഷൻ), ചാലിശ്ശേരി സ്വദേശി (27 പുരുഷൻ), കൊപ്പം സ്വദേശികളായ രണ്ടുപേർ (54,30 പുരുഷന്മാർ), മലപ്പുറം സ്വദേശി (80 സ്ത്രീ), നല്ലേപ്പുള്ളി സ്വദേശി(55 പുരുഷൻ), തൃത്താല സ്വദേശി (30 പുരുഷൻ), ഒറ്റപ്പാലം ചുനങ്ങാട് സ്വദേശി (46 സ്ത്രീ), കൽക്കണ്ടി സ്വദേശി (21 പുരുഷൻ), കോവിഡ് ബാധിച്ച് മരിച്ച കടമ്പഴിപ്പുറം സ്വദേശിനിയുടെ ചെറുമകൾ (9) എന്നിവരാണ് ഇന്ന് രോഗ രോഗ മുക്തരായത്.
 

കേന്ദ്ര സര്‍ക്കാരിന്റെ 2019 ലെ  ദേശീയ അധ്യാപക അവാര്‍ഡിനുള്ള അപേക്ഷ ക്ഷണിച്ചു. പൊതുവിദ്യാഭ്യാസ വകുപ്പിനു കീഴിലുള്ള സര്‍ക്കാര്‍, എയ്ഡഡ് സ്‌കൂളുകളിലെ അധ്യാപകര്‍, പ്രഥമാധ്യാപകര്‍, പ്രിന്‍സിപ്പാള്‍മാര്‍ക്കും http://natioanlawardstoreachers  എന്ന ലിങ്കില്‍ ജൂലൈ ആറ് വരെ രജിസ്റ്റര്‍ ചെയ്ത് നോമിനേഷന്‍ സമര്‍പ്പിക്കാം.

പാലക്കാട് ജില്ലയിൽ ഇന്ന്(ജൂലൈ ഒന്ന്) 17 പേർക്ക്  കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. ജില്ലയിൽ ഇന്ന് 11 പേർ രോഗ രോഗമുക്തി നേടിയതായും അധികൃതർ അറിയിച്ചു.

ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

കുവൈത്ത്-2
പരുതൂർ സ്വദേശി (30 പുരുഷൻ)

തച്ചനാട്ടുകര സ്വദേശി (47 പുരുഷൻ)

ഡൽഹി-3
ശ്രീകൃഷ്ണപുരം സ്വദേശികളായ അച്ഛനും(56) മകളും (17)

പരുതൂർ സ്വദേശി (39 പുരുഷൻ)

ഒമാൻ-3
തിരുമിറ്റക്കോട് സ്വദേശി (24 പുരുഷൻ)

ജില്ലാ സാമൂഹ്യ നീതി ഓഫീസ് വഴി നല്‍കിവരുന്ന ഭിന്നശേഷിക്കാരുടെ മക്കള്‍ക്കുള്ള സ്‌കോളര്‍ഷിപ്പ് 'വിദ്യാകിരണം', ഭിന്നശേഷിക്കാരായ വിദ്യാര്‍ത്ഥികള്‍ക്ക് യുണിഫോമും പഠനോപകരണങ്ങളും വാങ്ങുന്നതിനുള്ള ധന സഹായമായ 'വിദ്യാജ്യോതി', തീവ്വ്ര മാനസിക ശാരീരിക വെല്ലുവിളികള്‍ നേരിടുന്ന മക്കളെ സംരക്ഷിക്കുന്ന വിധവകള്‍ക്ക് സ്വയം തൊഴിലിനുള്ള ധന സഹായമായ 'സ്വാശ്രയ', വിദൂര വിദ്യാഭ്യാസം വഴി പഠനം നടത്തുന്ന ഭിന്നശേഷിക്കാര്‍ക്കുള്ള ധനസഹായം, ഭിന്നശേഷിക്കാര്‍ക്ക് തുല്യതാപരീക്ഷ എഴുതുന്നതിനുള്ള ധനസഹായം എന്നിവയ്ക്കുള്ള അപേക്ഷകള്‍ ക്ഷണിച്ചു.

കാഞ്ഞങ്ങാട് ജില്ലാ ആശുപത്രിയില്‍ ബ്ലഡ് ബാങ്ക് ടെക്‌നീഷ്യന്റെ ഒഴിവുണ്ട്. ബി എസ് സിയും  ബ്ലഡ് ബാങ്കിലെ കമ്പോണന്റ് സെഗ്രിഗേഷനില്‍ ആറ് മാസത്തെ പ്രവര്‍ത്തി പരിചയമോ ഡി എം എല്‍ ടി യും ബ്ലഡ് ബാങ്കിലെ കമ്പോണന്റ് സെഗ്രിഗേഷനില്‍ ഒരു വര്‍ഷത്തെ പ്രവൃത്തി പരിചയമോ ഉള്ളവര്‍ക്ക് അപേക്ഷിക്കാം. ഉദ്യോഗാര്‍ഥികള്‍ ബയോഡേറ്റ ജൂലൈ 13 നകം knghospital@gmail.com ലേക്ക് അയക്കണം

ജില്ലാ വ്യവസായ കേന്ദ്രം മുഖേന നടപ്പാക്കുന്ന പ്രധാന മന്ത്രിയുടെ തൊഴില്‍ ദായക പദ്ധതിയില്‍ ഉല്‍പ്പാദന, സേവന മേഖലയില്‍ പുതിയതായി വ്യവസായ സംരംഭങ്ങള്‍ തുടങ്ങാന്‍ താത്പര്യമുള്ള സംരംഭകരില്‍ നിന്നും അപേക്ഷകള്‍ ക്ഷണിച്ചു. www.kviconline.gov.in/pmegpeportal ലൂടെയാണ് അപേക്ഷിക്കേണ്ടത്.  അവസാന തിയ്യതി ജൂലൈ 18. ഫോണ്‍ 04994 255749. 

ജില്ലയിലെ വിധവകളുടെ ഉന്നമനത്തിനും സംരക്ഷണത്തിനുമായി ജില്ലാ ഭരണകൂടത്തിന്റെയും വനിതാ സംരക്ഷണ വിഭാഗത്തിന്റെയും നേതൃത്വത്തില്‍ ആവിഷ്‌കരിക്കുന്ന 'കൂട്ട്' പദ്ധതിയില്‍ ഗാര്‍മെന്റ് നിര്‍മ്മാണ യൂണിറ്റ് ആരംഭിക്കുന്നു. പദ്ധതിയുടെ ഭാഗമാകുന്ന വനിതകള്‍ക്ക് കാഞ്ഞങ്ങാട് വെള്ളിക്കോത്ത് ഇന്‍സ്റ്റിറ്റ്യൂട്ട് മുഖേന സൗജന്യ തയ്യല്‍ പരിശീലനം (സൗജന്യ താമസം, ഭക്ഷണം ഉള്‍പ്പെടെ) നല്‍കും.