ഡി.ടി.പി.സിയുടെ കീഴില്‍ മഴ യാത്ര സംഘടിപ്പിക്കുന്നു. മലപ്പുറം ഡി.ടി.പി.സി ഓഫീസില്‍ നിന്നും ആരംഭിച്ച് തുഷാരഗിരിയിലേക്ക് ഒരു ഏകയാത്ര സംഘടിപ്പിക്കുന്നു. ഒരാള്‍ക്ക് 1100/- രൂപയാണ് ചെലവ്. കൂടുതല്‍ വിവരങ്ങള്‍ക്ക് 04832731504, 9447627781, 8593999001, 9447750474.

പൊന്നാനി അഴിമുഖത്തേയും പടിഞ്ഞാറേക്കരയെയും തമ്മില്‍ ബന്ധിപ്പിക്കുന്ന  സംസ്ഥാനത്തെ ആദ്യത്തെ സസ്‌പെന്‍ഷന്‍  ബ്രിഡ്ജിന്റെ ഡിപിആര്‍ തയ്യാറാക്കുന്നതിനുള്ള ടെണ്ടര്‍ നടപടി പൂര്‍ത്തിയായി. എല്‍ ആന്റ് ടി കമ്പനിയാണ് കരാര്‍ എടുത്തിട്ടുള്ളത്. ആറ് കമ്പനികളാണ് ടെണ്ടറില്‍ പങ്കെടുത്തത്. കാസര്‍കോഡ്- തിരുവനന്തപുരം  തീരദേശ ഇടനാഴിയുടെ ഭാഗമായാണ് യാത്രയ്ക്കും ടൂറിസത്തിനും ഏറെ സാധ്യതയുള്ള കടല്‍ തൂക്കുപാലം വരുന്നത് .

കേന്ദ്ര-സംസ്ഥാന സര്‍ക്കാരും കുടുംബശ്രീയും സംയുക്തമായി നടപ്പിലാക്കുന്ന സൗജന്യ നഴ്‌സിങ് അസിസ്റ്റന്റ് റീട്ടെയില്‍ മാനേജ്‌മെന്റ് കോഴ്‌സിലേക്ക് അപേക്ഷ ക്ഷണിച്ചു.  എറണാകുളം നെട്ടൂരിനടുത്തുള്ള ട്രെയിനിംഗ് സെന്ററിലാണ് പരിശീലനം.  കോഴ്‌സ് കാലാവധി മൂന്ന് മാസം.  യോഗ്യത എസ്.എസ്.എല്‍.സി.  പ്രായം 18നും 30നുമിടയില്‍. താമസം, ഭക്ഷണം, യൂണിഫോം, പഠനോപകരണങ്ങള്‍ എന്നിവ സൗജന്യമാണ്. ഫോണ്‍ 8943169196, 8943925017.

മാനന്തവാടി പി.കെ.കാളന്‍ മെമ്മോറിയല്‍ കോളജില്‍ ബി.എസ്.സി. ഇലക്‌ട്രോണിക്‌സ്, ബി.എസ്.സി. കമ്പ്യൂട്ടര്‍ സയന്‍സ് വിഷയങ്ങളില്‍ എസ്.സി, എസ്.ടി. വിഭാഗങ്ങള്‍ക്ക് സംവരണം ചെയ്ത ഏതാനും സീറ്റുകളില്‍ ഒഴിവുണ്ട്.  ഇവരുടെ അഭാവത്തില്‍ ജനറല്‍ വിഭാഗത്തെയും പരിഗണിക്കും. യോഗ്യരായവര്‍ അസല്‍ സര്‍ട്ടിഫിക്കറ്റുമായി ഹാജരാകണം.  ഫോണ്‍ 04935245484, 8547005060.

        2019-2021 അദ്ധ്യായന വര്‍ഷത്തേക്കുള്ള ഡി.എല്‍.എഡ്  കോഴ്‌സിലേക്കുള്ള  കൂടിക്കാഴ്ച ജൂലൈ 11-ന്  രാവിലെ 9.30  മുതല്‍ കല്‍പ്പറ്റ എസ്.കെ.എം.ജെ. ഹയര്‍ സെക്കന്ററി സ്‌കൂളില്‍  നടത്തും.  വിദ്യാര്‍ത്ഥികള്‍  ആവശ്യമായ രേഖകള്‍  സഹിതം കൃത്യസമയത്ത്  ഹാജരാകണം.  ഫോണ്‍ 04936  202593, 8089901165.

തവിഞ്ഞാല്‍ ഗ്രാമപഞ്ചായത്തില്‍  കെട്ടിടനിര്‍മ്മാണ അനുമതി,  ക്രമവത്കരണ അനുമതി, ഒക്യുപന്‍സി, കെട്ടിട നമ്പര്‍ എന്നിവ ലഭിക്കുന്നതിനായി  മെയ് 31 വരെ സമര്‍പ്പിച്ച അപേക്ഷകളില്‍  തീര്‍പ്പ് കല്‍പിക്കുന്നതിനുള്ള അദാലത്ത് ജൂലൈ 10 ന് രാവിലെ 10.30 മുതല്‍ വൈകിട്ട് 3 വരെ  ഗ്രാമപഞ്ചായത്ത് ഓഫീസില്‍ നടക്കും. സമര്‍പ്പിച്ച അപേക്ഷയുടെ വിവരങ്ങളും ഫോണ്‍ നമ്പര്‍ സഹിതം അപേക്ഷകള്‍ ജൂലൈ 9നകം പഞ്ചായത്തില്‍ നല്‍കണം. ജൂലൈ 26ന് പനമരം പഞ്ചായത്ത് ഓഫീസില്‍ നടക്കുന്ന ജില്ലാ തല അദാലത്തിലേക്കുള്ള അപേക്ഷകള്‍ ജൂലൈ 10 ന് വൈകുന്നേരം 5 നകം പഞ്ചായത്ത് ഓഫീസിലോ, പഞ്ചായത്ത് ഡെപ്യൂട്ടി ഡയറക്ടര്‍ ഓഫീസിലോ നല്‍കണം.