ഇന്ന് പുതുതായി വന്ന 692 പേര്‍ ഉള്‍പ്പെടെ ജില്ലയില്‍ 19,413 പേര്‍ നിരീക്ഷണത്തിലുണ്ട്്. ജില്ലയില്‍ ഇതുവരെ 47,918 പേര്‍ നിരീക്ഷണം പൂര്‍ത്തിയാക്കി.  ഇന്ന് പുതുതായി വന്ന 26 പേര്‍ ഉള്‍പ്പെടെ 175 പേര്‍ ആണ് ആശുപത്രികളില്‍ നിരീക്ഷണത്തിലുള്ളത്. ഇതില്‍ 118 പേര്‍ മെഡിക്കല്‍ കോളേജിലും 57 പേര്‍ കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററായ കോഴിക്കോട്ടെ ലക്ഷദ്വീപ് ഗസ്റ്റ്ഹൗസിലുമാണ്. 39 പേര്‍ ഇന്ന് ഡിസ്ചാര്‍ജ്ജ് ആയി. 

കോഴിക്കോട്  ജില്ലയില്‍ ഇന്ന് ആറു കോവിഡ് പോസിറ്റീവ്  കേസുകള്‍ കൂടി റിപ്പോര്‍ട്ട് ചെയ്തതായി  ജില്ലാ  മെഡിക്കല്‍ ഓഫീസര്‍ ഡോ. ജയശ്രീ വി. അറിയിച്ചു. 15 പേര്‍ രോഗമുക്തി നേടുകയും ചെയ്തു.

കോഴിക്കോട് ഗവ. മെഡിക്കല്‍ കോളേജിലെ പീഡിയാട്രിക് സര്‍ജറി, എമര്‍ജന്‍സി മെഡിസിന്‍, ജനറല്‍ മെഡിസിന്‍  വകുപ്പുകളില്‍ കരാര്‍ വ്യവസ്ഥയില്‍ സീനിയര്‍ റെസിഡന്റുകളുടെ താല്‍ക്കാലിക നിയമനത്തിന് അപേക്ഷ  ക്ഷണിച്ചു. ശമ്പളം പതിമാസം 70000 രൂപ. പിജി ഡിപ്ലോമ / ഡിഗ്രി, തിരുവിതാംകൂര്‍ കൊച്ചി മെഡിക്കല്‍ കൗണ്‍സില്‍ രജിസ്ട്രേഷന്‍ യോഗ്യതയുള്ളവര്‍ക്ക് അപേക്ഷിക്കാം. അപേക്ഷാ ഫോം govtmedicalcollegekozhikode.ac.in/news എന്ന ലിങ്കില്‍ നിന്ന് ഡൗണ്‍ലോഡ് ചെയ്യാം.  

കോവിഡ് 19 നെതിരായ കേരളത്തിന്റെ പോരാട്ടം വ്യക്തമാക്കുന്ന 'കോവിഡിനോട് പൊരുതി ജയിക്കുന്ന കേരളം' എന്ന പുസ്തകത്തിന്റെ ജില്ലാതല പ്രകാശനം കോഴിക്കോട് ജില്ലാ പഞ്ചായത്ത് പ്രസിഡന്റ് ബാബു പറശ്ശേരി ജില്ലാ മെഡിക്കല്‍ ഓഫീസര്‍ ഡോ. വി ജയശ്രീക്ക് കൈമാറികൊണ്ട്  സിവില്‍ സ്റ്റേഷനില്‍ നിര്‍വഹിച്ചു.

സംസ്ഥാന മോട്ടോര്‍ തൊഴിലാളി ക്ഷേമനിധി ബോര്‍ഡ് അംഗങ്ങള്‍ക്ക് പ്രഖ്യാപിച്ചിട്ടുളള കോവിഡ്-19 ധനസഹായത്തിനുളള അപേക്ഷ സമര്‍പ്പിക്കുവാനുളള തീയതി  ആഗസ്റ്റ് 31 വരെ ദീര്‍ഘിപ്പിച്ചതായി  ജില്ലാ എക്സിക്യൂട്ടീവ് ആഫീസര്‍ അറിയിച്ചു.

 താമരശ്ശേരി കൃഷിഭവന്റെ നേതൃത്വത്തില്‍ ഞാറ്റുവേലച്ചന്ത സംഘടിപ്പിച്ചു.  വിവിധയിനം നടീല്‍വസ്തുക്കളും ജൈവ ഉല്‍പ്പാദനോപാധികളും കര്‍ഷകര്‍ക്ക് നേരിട്ടു വാങ്ങാന്‍ സൗകര്യമൊരുക്കി  ഇക്കോ ഷോപ്പുമായി സഹകരിച്ച് കൃഷിഭവന്‍ പരിസരത്താണ് ചന്ത നടത്തിയത്.    താമരശ്ശേരി ഗ്രാമപഞ്ചായത്ത് പ്രസിഡന്റ് ഹാജറ കൊല്ലരുകണ്ടി ഉദ്ഘാടനം ചെയ്തു. കര്‍ഷകനില്‍ നിന്നും പോളിസിക്കുള്ള അപേക്ഷ വാങ്ങി, വിള ഇന്‍ഷുറന്‍സ് ദിനാചരണത്തിന്റെ ഉദ്ഘാടനവും പ്രസിഡന്റ് നിര്‍വഹിച്ചു.  

കൊല്ലം കോര്‍പ്പറേഷനിലെ രായരു ജംഗ്ഷനിലെ മാവേലി സ്റ്റോര്‍ പാലത്തറയിലെ എന്‍ എസ് ആശുപത്രിയ്ക്ക് സമീപമുള്ള പുതിയ കെട്ടിടത്തിലേക്ക് മാറ്റി സ്ഥാപിക്കുന്നു. മാവേലി സ്റ്റോറിന്റെ പ്രവര്‍ത്തനം നാളെ(ജൂണ്‍ 3) രാവിലെ 11 ന് ഭക്ഷ്യപൊതുവിതരണ വകുപ്പ് മന്ത്രി പി തിലോത്തമന്‍ വീഡിയോ കോണ്‍ഫറന്‍സിംഗിലൂടെ നിര്‍വഹിക്കും.
മേയര്‍ ഹണി ബഞ്ചമിന്‍, എം നൗഷാദ് എം എല്‍ എ, കൗണ്‍സിലര്‍ എസ് ആര്‍ ബിന്ദു തുടങ്ങിയവര്‍ പങ്കെടുക്കും.

തെ•ല ഗ്രാമപഞ്ചായത്തിലെ ഏഴാം വാര്‍ഡ് കണ്ടയിന്‍മെന്റ് സോണ്‍ ആയി നിശ്ചയിച്ച് ജില്ലാ ദുരന്ത നിവാരണ അതോറിറ്റി ചെയര്‍മാന്‍ കൂടിയായ ജില്ലാ കലക്ടര്‍ ബി അബ്ദുല്‍ നാസര്‍ ഉത്തരവായി.
കുളത്തൂപ്പുഴ ഗ്രാമപഞ്ചായത്തിലെ ഇ എസ് എം കോളനി(വാര്‍ഡ് നാല്), റോഡ്മല(5), അമ്പതേക്കര്‍(6), അമ്പലം(7), ചോഴിയക്കോട്(8), ആര്യങ്കാവ് ഗ്രാമപഞ്ചായത്തിലെ അച്ചന്‍കോവില്‍ ക്ഷേത്രം(1), അച്ചന്‍കോവില്‍(2) എന്നിവിടങ്ങളില്‍ നിലവിലുള്ള ഹോട്ട് സ്‌പോട്ട് നിയന്ത്രണങ്ങളും പിന്‍വലിച്ചു.