ചെന്നീര്‍ക്കര കേന്ദ്രീയ വിദ്യാലയത്തില്‍ കരാര്‍ അടിസ്ഥാനത്തില്‍ ഇന്‍സ്ട്രക്ടര്‍ (യോഗ, സ്‌പോര്‍ട്‌സ്) തസ്തികകളില്‍ നിയമനം നടത്തുന്നതിന് പാനല്‍ തയാറാക്കുന്നതിനുള്ള അഭിമുഖം 12ന് ഉച്ചയ്ക്ക് 12.30ന് നടക്കും. കൂടുതല്‍ വിവരം www.kvchenneerkara.nic.in എന്ന വെബ്‌സൈറ്റില്‍ ലഭിക്കും. ഫോണ്‍: 0468 2256000.                   (പിഎന്‍പി 1689/19)

ഗുണനിലവാരം കുറഞ്ഞ വെളിച്ചെണ്ണ നിര്‍മിക്കുകയും വില്‍ക്കുകയും ചെയ്യുന്നതിനെതിരെ ഭക്ഷ്യസുരക്ഷാ വകുപ്പ് നടത്തിയ പരിശോധനകളുടെ ഭാഗമായി സൂര്യ, ആയില്യം എന്നീ വെളിച്ചെണ്ണ ബ്രാന്‍ഡുകളുടെ സംഭരണം, വിതരണം, വിപണനം എന്നിവ ജൂലൈ നാല് മുതല്‍ ജില്ലയില്‍ നിരോധിച്ചതായി അസിസ്റ്റന്റ് ഭക്ഷ്യ സുരക്ഷാ കമ്മീഷണര്‍ അറിയിച്ചു.

പ്രളയത്തിന്റെ കെടുതികളില്‍ നിന്ന് കരകയറുന്നതിന് സംസ്ഥാന സര്‍ക്കാര്‍ ആവിഷ്‌കരിച്ച നവകേരള നിര്‍മാണത്തിന്റെ തുടര്‍പ്രവര്‍ത്തനങ്ങള്‍ ജനങ്ങളില്‍ എത്തിക്കുന്നതിന് പൊതുജന സംഗമം നടത്തും. ജൂലായ് 20 ന് താമശ്ശേരിയിലാണ് ജനകീയം ഈ അതിജീവനം എന്ന പേരില്‍ ജില്ലയിലെ പരിപാടി സംഘടിപ്പിക്കുന്നത്. സംസ്ഥാനം കണ്ട ഏറ്റവും വലിയ പ്രകൃതി ദുരന്തമായ 2018 ലെ പ്രളയത്തില്‍ നാശനഷ്ടങ്ങളും ജീവഹാനിയും ഉള്‍പ്പെടെ സംഭവിച്ച കുടുംബങ്ങള്‍ക്കായി സര്‍ക്കാര്‍ നടപ്പാക്കിയ പ്രവര്‍ത്തനങ്ങള്‍ ജനങ്ങളില്‍ എത്തിക്കുകയാണ് പരിപാടി ലക്ഷ്യമിടുന്നത്.

സംസ്ഥാന ടൂറിസം വകുപ്പിന്റെ മാനേജ്‌മെന്റ് ഇൻസ്റ്റിറ്റ്യൂട്ടായ കിറ്റ്‌സിൽ കേരള സർവകലാശാല അനുവദിച്ച ബി.കോം (ട്രാവൽ ആൻഡ് ടൂറിസം) കോഴ്‌സിലേക്ക് അപേക്ഷിക്കാം. താത്പര്യമുള്ള വിദ്യാർത്ഥികൾ www.admissions.keralauniversity.ac.in  എന്ന ലിങ്കിൽ അപേക്ഷ നൽകണം. മാനേജ്‌മെന്റ് ക്വാട്ടയിൽ പ്രവേശനത്തിന് താത്പര്യമുള്ള വിദ്യാർത്ഥികൾ  www.kittsedu.org യിലോ നേരിട്ടോ അപേക്ഷിക്കണം. കൂടുതൽ വിവരങ്ങൾക്ക് ഫോൺ: 94446529467, 0471-2327707.
പി.എൻ.എക്സ്.2228/19

തിരുവനന്തപുരം കോളേജ് ഓഫ് എൻജിനീയറിങ്ങിൽ കരാർ അടിസ്ഥാനത്തിൽ ക്ലിനിക്കൽ സൈക്കോളജിസ്റ്റിനെ നിയമിക്കുന്നു. ബയോഡേറ്റയും സർട്ടിഫിക്കറ്റുകളുടെ പകർപ്പുകളുമായി 17 നകം അപേക്ഷിക്കണം. പ്രതിദിനം 1600 രൂപ പ്രകാരം പരമാവധി 40,000 രൂപ മാസം ലഭിക്കും. എം.എസ്‌സിയിൽ ക്ലിനിക്കൽ സൈക്കോളജി, എം.ഫിൽ(രണ്ടുവർഷ ക്ലിനിക്കൽ സൈക്കോളജി കോഴ്‌സ്), ആർസിഐ രജിസ്‌ട്രേഷൻ എന്നിവ വേണം. പ്രവൃത്തിപരിചയമുള്ളവർക്ക് മുൻഗണന. ആഴ്ചയിൽ അഞ്ച് ദിവസം രാവിലെ 10 മുതൽ വൈകിട്ട് അഞ്ച് വരെ ജോലി ചെയ്യണം. വിശദവിവരങ്ങൾക്ക് www.cet.ac.in.    
പി.എൻ.എക്സ്.2227/19

മത്സ്യബോർഡിൽ അംഗത്വമുള്ള മത്സ്യത്തൊഴിലാളികളുടെ മക്കൾക്ക് കായിക രംഗത്ത് പ്രോത്സാഹനം നൽകുന്നതിന് മത്സ്യബോർഡ് ക്യാഷ് അവാർഡ് നൽകുന്നു. 2018-19 അധ്യയന വർഷത്തിൽ ദേശീയ തലത്തിലും സംസ്ഥാന തലത്തിലും നടക്കുന്ന വ്യക്തിഗത ഗ്രൂപ്പ് കായിക മത്സരങ്ങളിൽ പങ്കെടുത്ത് സമ്മാനാർഹരാകുന്ന വിദ്യാർത്ഥികൾക്ക്/വിദ്യാർത്ഥിനികൾക്ക് മത്സ്യബോർഡിൽ നിന്നും പ്രത്യേക ക്യാഷ് അവാർഡും സർട്ടിഫിക്കറ്റും നൽകും.

എസ്.എസ്.എൽ.സി, ടി.എച്ച്.എസ്.എൽ.സി, ഗവൺമെന്റ് റീജിയണൽ ഫിഷറീസ് ടെക്‌നിക്കൽ ഹൈസ്‌കൂളിലെ എസ്.എസ്.എൽ.സി, പ്ലസ്ടു, വി.എച്ച്.എസ്.ഇ പരീക്ഷകളിൽ ഉയർന്ന മാർക്ക് നേടിയ മത്സ്യത്തൊഴിലാളികളുടെ/ അനുബന്ധത്തൊഴിലാളികളുടെ മക്കൾക്ക് പ്രോത്സാഹന സമ്മാനം നൽകുന്നു.
എസ്.എസ്.എൽ.സി. പരീക്ഷയിൽ എല്ലാ വിഷയത്തിലും എ+ ഗ്രേഡ് ലഭിച്ചിട്ടുള്ള കുട്ടികൾക്ക് 5000 രൂപയും 9 എ+ ലഭിച്ചിട്ടുള്ളവർക്ക് 4000 രൂപയും, 8 എ+ ലഭിച്ചിട്ടുള്ളവർക്ക് 3000 രൂപയുമാണ് സമ്മാനം. പ്ലസ്ടുവിനും വി.എച്ച്.എസ്.ഇ. ക്കും എല്ലാ വിഷയത്തിലും എ+ ഗ്രേഡ് ലഭിച്ചിട്ടുള്ള വിദ്യാർത്ഥികൾക്ക് 5000 രൂപ ലഭിക്കും.

മുന്നാക്ക സമുദായങ്ങളിലെ സാമ്പത്തികമായി പിന്നാക്കം നിൽക്കുന്നവർക്കായി കേരള സംസ്ഥാന കമ്മിഷൻ നടത്തുന്ന മുന്നാക്ക സമുദായ സംഘടനകളുടെ യോഗം ജൂലൈ 12ന് രാവിലെ 11ന് തൈക്കാട് ഗവ. ഗസ്റ്റ് ഹൗസ് ബാൻക്വറ്റ് ഹാളിൽ നടക്കും.  മുന്നാക്ക സംഘടനകളുടെ രണ്ടു വീതം പ്രതിനിധികൾക്ക് പങ്കെടുക്കാം.  അഭിപ്രായങ്ങളും നിർദ്ദേശങ്ങളും നേരിട്ടും രേഖാമൂലവും സമർപ്പിക്കാമെന്ന് കമ്മിഷൻ അറിയിച്ചു.
പി.എൻ.എക്സ്.2224/19

 കാസര്‍കോട്  ആര്‍.ടി. ഓഫീസില്‍ 'സാരഥി സോഫ്‌വെയര്‍' വഴി  അപേക്ഷിച്ച് മോട്ടോര്‍ വാഹന ഡ്രൈവിങ് ലൈസന്‍സ് പാസായിട്ടും ഇതുവരെയായി  മോട്ടോര്‍ വാഹന ഡ്രൈവിങ് ലൈസന്‍സ്  ലഭിക്കാത്തവര്‍ നാളെ (ജൂലൈ 10) രാവിലെ 9.30 നും 12 നും ഇടയില്‍ വിദ്യാനഗര്‍ പാറക്കട്ട ടോസ്റ്റ് ഗ്രൗണ്ടില്‍ ഹാജരായി ലൈസന്‍സ് കൈപ്പറ്റണം. അപേക്ഷകര്‍ ലൈസന്‍സ് നമ്പരും തിരിച്ചറിയല്‍ രേഖയും കൊണ്ടുവരണം.