ആലപ്പുഴ: ജനറൽ ആശുപത്രിയിൽ 2020 ജൂലൈ മുതൽ 2021 മാർച്ച് 31 വരെയുള്ള കാലയളവില്‍  ഉപയോഗശൂന്യമായ കാർട്ടൺ, ബോക്‌സുകൾ, മിനറൽ വാട്ടർ കുപ്പികൾ, പ്ലാസ്റ്റിക്ക് കുപ്പികൾ, വേസ്റ്റു പേപ്പറുകൾ, പ്ലാസ്റ്റിക്ക് കന്നാസുകൾ, പ്ലാസ്റ്റിക്ക് കവറുകൾ എന്നീ  വസ്തുക്കൾ കൊണ്ടു പോകുന്നതിന് ക്വട്ടേഷൻ ക്ഷണിച്ചു. ക്വട്ടേഷൻ സമർപ്പിക്കേണ്ട അവസാന തീയതി. ജൂൺ 18. വിശദവിവരങ്ങൾക്ക് ജനറൽ ആശുപത്രി ഓഫീസുമായി ബന്ധപ്പെടണം. ഫോൺ: 0477- 2253324.

ആലപ്പുഴ: കോവിഡ് 19 അതിജീവനക്കിറ്റ്  ജൂൺ 15 വരെ സപ്ലൈകോയുടെ  വിൽപ്പനശാലകളിൽ നിന്നു വാങ്ങാമെന്ന് സിഎംഡി പി .എം. അലി അസ്ഗർ പാഷ അറിയിച്ചു.  റേഷൻ കടകളിൽ നിന്ന് കിറ്റ് വാങ്ങാത്ത കാർഡുടമകൾ കാർഡുമായെത്തി കിറ്റ്  കൈപ്പറ്റണം.

ജില്ലയിലെ മത്സ്യബന്ധന മേഖലയിലെ പ്രശ്നങ്ങള്‍ ചര്‍ച്ച ചെയ്യുന്നതിനായി ജില്ലാ കളക്ടര്‍ നവ്ജ്യോത് ഖോസയുടെ നേതൃത്വത്തില്‍ കളക്ടറേറ്റില്‍ യോഗം ചേര്‍ന്നു. മുതലപ്പൊഴി, അഞ്ചുതെങ്ങ് പ്രദേശങ്ങളില്‍ അശാസ്ത്രീയ മത്സ്യബന്ധനം നടക്കുന്നതായി പരാതി ലഭിച്ചതായും ഇത് പാടില്ലെന്നും കളക്ടര്‍ നിര്‍ദേശിച്ചു. ജില്ലാ പഞ്ചായത്ത് വൈസ് പ്രസിഡന്റ് എ. ഷൈലജ ബീഗം, എ.ഡി.എം വി.ആര്‍ വിനോദ്, റൂറല്‍ എസ്.പി ബി. അശോകന്‍, പ്രാദേശിക മത്സ്യസംഘ പ്രതിനിധികള്‍, സഭാ മേലധ്യക്ഷ•ാര്‍ എന്നിവര്‍ സംബന്ധിച്ചു.

അക്ഷയസെന്ററിലെ സ്‌ക്രീനില്‍ പ്രത്യക്ഷയായ കളക്ടര്‍ നവ്‌ജ്യോത് ഖോസയോട് നേരില്‍ക്കണ്ടാലെന്നപോലെ തങ്ങളുടെ പരാതികളും ആവശ്യങ്ങളും  പങ്കുവച്ചു പൊതുജനങ്ങള്‍. പരാതികളെല്ലാം കേട്ട കളക്ടര്‍ അപ്പോള്‍തന്നെ ഒപ്പമുണ്ടായിരുന്ന ഉദ്യോഗസ്ഥര്‍ക്ക് നിര്‍ദേശങ്ങള്‍ നല്‍കുകയും നിശ്ചിത ദിവസങ്ങള്‍ക്കകം അന്വേഷിച്ച് നടപടിസ്വീകരിക്കുമെന്ന് പരാതിക്കാരെ അറിയിക്കുകയും ചെയ്തു. കോവിഡിന്റെ പശ്ചാത്തലത്തില്‍  ഓണ്‍ലൈനായി നടത്തിയ അദാലത്തിലാണ് കളക്ടര്‍ ചേംബറില്‍ നിന്ന് വര്‍ക്കല താലൂക്കിലെ ആളുകളുമായി സംവദിച്ചത്.