കോവിഡ് 19 പ്രതിരോധ പ്രവർത്തനങ്ങളുടെ ഭാഗമായി ചൊവ്വന്നൂർ ബ്ലോക്ക് പഞ്ചായത്തിലെ മഹാത്മാഗാന്ധി ദേശീയ തൊഴിലുറപ്പ് പദ്ധതി അംഗങ്ങൾക്ക് ബോധവത്ക്കരണം നടത്തി. ബ്ലോക്കിലെ കടവല്ലൂർ, കാട്ടകാമ്പാൽ, പോർക്കുളം, ചൊവ്വന്നൂർ, ചൂണ്ടൽ, വേലൂർ, കണ്ടാണശ്ശേരി, കടങ്ങോട് ഗ്രാമപഞ്ചായത്തിലെ തൊഴിലുറപ്പ് തൊഴിലാളികൾക്ക് ബി ഡി ഒ, പഞ്ചായത്തുകളിലെ ആരോഗ്യ പ്രവർത്തകർ എന്നിവരുടെ നേതൃത്വത്തിലാണ് ബോധവത്ക്കരണ നിർദേശം നൽകിയത്.

കോവിഡ് 19 പ്രതിരോധത്തിന്റെ ഭാഗമായി ഇരിങ്ങാലക്കുട താലൂക്ക് ആശുപത്രിയിൽ ഹെൽപ്പ് ഡെസ്‌ക് പ്രവർത്തനം തുടങ്ങി. ആശുപത്രിയിൽ നിരീക്ഷണത്തിലുള്ളവരുടെ രക്തസാമ്പിളുകൾ ആലപ്പുഴ വൈറോളജി ഇൻസ്റ്റിറ്റ്യൂട്ടിലേക്ക് അയച്ചിട്ടുണ്ട്. വിദേശത്ത് നിന്ന് മടങ്ങുന്നവരോട് ജില്ലാതല കൊറോണ സെല്ലുമായും ആരോഗ്യ കേന്ദ്രങ്ങളുമായും ബന്ധപ്പെടാനാണ് നിർദ്ദേശം നൽകുന്നത്. താലൂക്ക് ആശുപത്രിയിൽ പേ വാർഡുകൾ എല്ലാം ഐസോലേഷൻ വാർഡുകളായി സജ്ജീകരിച്ചു കഴിഞ്ഞിട്ടുണ്ടെന്നും ആശുപത്രി അധികൃതർ അറിയിച്ചു. താലൂക്ക് ആശുപത്രിയിലേക്ക് അനുവദിച്ച ഡയാലിസിസ് യൂണിറ്റിന് വേണ്ടിയുള്ള

ചാവക്കാട് അഡീഷണൽ ഐസിഡിഎസിനു കീഴിൽ പ്രവർത്തിക്കുന്ന 109 അങ്കണവാടികൾക്ക് പ്രീസ്‌കൂൾ കിറ്റ് വിതരണം ചെയ്യുന്നതിന് ദർഘാസ് ക്ഷണിച്ചു. ദർഘാസ് സ്വീകരിക്കുന്ന അവസാന തീയതി മാർച്ച് 19 വൈകീട്ട് മൂന്ന് മണി. ഫോൺ: 0487 2556989.

അമ്മയോടൊപ്പം ചേറ്റുവപുഴയിൽ കാണാതായ മകളുടെ മൃതദേഹവും കണ്ടെത്തി. നെല്ലുവായ് മുരിങ്ങാത്തേരി മുല്ലയ്ക്കൽ രജനി(44)യുടെ മകൾ ശ്രീഭദ്രയുടെ (13) മൃതദേഹമാണ് ഇന്നു രാവിലെ 7.45 ഓടെ കണ്ടെത്തിയത്. രജനിയുടെ മൃതദേഹം ബുധനാഴ്ച തന്നെ ലഭിച്ചിരുന്നു. രജനിയുടെ മൃതദേഹം കണ്ടെത്തിയ സ്ഥലത്ത് നിന്നു തന്നെയാണ് ശ്രീഭദ്രയുടെ മൃതദേഹം കണ്ടെത്തിയത്.

തൃശൂർ ജില്ലയിലെ ഗ്രാമപഞ്ചായത്തുകളിൽ കുടിവെളള വിതരണം നടത്തുന്ന ടാങ്കർ ലോറി/മറ്റ് വാഹനം എന്നിവയിൽ ജിപിഎസ് സംവിധാനം ഘടിപ്പിക്കുന്നതിനും ജിപിഎസ് ഡിവൈസ് വിതരണം ചെയ്യുന്നതിനും ക്വട്ടേഷൻ ക്ഷണിച്ചു. ക്വട്ടേഷൻ സംബന്ധിച്ച വിശവിവരങ്ങൾ lsgkerala.gov.in/en/district-news/thrissur-district-quotation-supply-drinking-water-gramapanchayats-gprs-2233 എന്ന ലിങ്കിൽ ലഭ്യമാണ്. ഫോൺ: 0487 2360616.

കോവിഡ് 19 വൈറസ് ബാധയുമായി ബന്ധപ്പെട്ട് പൊയ്യ ഗ്രാമ പഞ്ചായത്തിൽ മുൻകരുതൽ പ്രതിരോധ പ്രവർത്തനങ്ങൾക്ക് തുടക്കമായി. പൊതുപരിപാടികൾക്ക് വിലക്കുള്ള സാഹചര്യത്തിൽ മെഡിക്കൽ ഓ ഫീസർമാർ, ആരോഗ്യ പ്രവർത്തകർ, ആശാവർക്കർമാരുടെ പ്രതിനിധി, കുടുംബശ്രീ സി ഡി എസ്
ചെയർപേഴ്സൺ ജനപ്രതിനിധികൾ തുടങ്ങിയവർക്കായി അടിയന്തര യോഗം ചേർന്നു. പ്രസിഡന്റ് സിജി വിനോദ് അധ്യക്ഷത വഹിച്ചു. കുടുംബാരോഗ്യ കേന്ദ്രം മെഡിക്കൽ ഓഫീസർ ഡോ ബോബിൻ പോൾ വൈറസ് ബാധയെക്കുറിച്ചും പ്രതിരോധ മുൻകരുതൽ പ്രവർത്തനങ്ങളും വിശദീകരിച്ചു. അസിസ്റ്റന്റ് സെക്രട്ടറി സുജൻ പൂപ്പത്തി ആമുഖ പ്രഭാഷണം നടത്തി.

കോവിഡ് 19 വൈറസ് പ്രതിരോധത്തിന്റെ ഭാഗമായി ഗുരുവായൂർ നഗരസഭ കൗൺസിലർമാരും ആരോഗ്യ വിഭാഗം ഉദ്യോഗസ്ഥരും പ്രത്യേക യോഗം ചേർന്നു. പ്രതിരോധ പ്രവർത്തനങ്ങളുടെ ഭാഗമായി വാർഡ് തല ആരോഗ്യ സമിതിയുടെ നേതൃത്വത്തിൽ ബോധവൽക്കരണവും വീടുകൾ തോറും ലഘുലേഖ വിതരണവും നടത്താനാണ് തീരുമാനം. പ്രൈവറ്റ് ബസ്സ്റ്റാൻഡ്, കെ എസ് ആർ ടി സി എന്നിവിടങ്ങളിൽ വാട്ടർ ടാങ്ക്, ഹാന്റ് വാഷ് സംവിധാനങ്ങൾ ഒരുക്കും. ഹെൽപ്പ് ലൈൻ നമ്പർ 9074624065 പ്രവർത്തന സജ്ജമാക്കിയിട്ടുണ്ട്.