വരവൂർ പഞ്ചായത്തിൽ കോവിഡ് 19 വൈറസിനെപ്പറ്റി ബോധവൽക്കരണ ക്ലാസ് നടത്തി. ഡോക്ടർ രമ്യ ജോർജ്ജ് കോവിഡ് 19നെക്കുറിച്ച് സംസാരിച്ചു. പഞ്ചായത്ത് ഉദ്യോഗസ്ഥർ, ജനപ്രതിനിധികൾ, മെഡിക്കൽ ഉദ്യോഗസ്ഥർ എന്നിവർ സ്ഥിതിഗതികൾ വിലയിരുത്തി. ഗൾഫ് നാടുകളിൽ നിന്നും മറ്റു സ്ഥലങ്ങളിൽ നിന്നും വരുന്നവർ ആരോഗ്യവകുപ്പുമായി ഫോണിൽ ബന്ധപ്പെടണം. ആരാധനാലയങ്ങളിലും മറ്റ് പൊതുസ്ഥലങ്ങളിലും ചെയ്യേണ്ട സുരക്ഷയെക്കുറിച്ചും സംസാരിച്ചു.

കേരള സംസ്ഥാന വികലാംഗക്ഷേമ കോർപ്പറേഷൻ കാസർകോട്, തൃശൂർ, കോട്ടയം, കൊല്ലം, ഇടുക്കി ജില്ലകളിൽ നടത്താൻ നിശ്ചിയിച്ചിരുന്ന കാഴ്ച സ്മാർട്ട് ഫോൺ വിതരണ പരിശീലന പരിപാടി, ശുഭയാത്ര, ശ്രവൺ ഹസ്തദാനം എന്നിവയിലെ ആനുകൂല്യ വിതരണ പരിപാടി എന്നിവ മാറ്റിവച്ചു. പുതുക്കിയ തിയതി പിന്നീട് അറിയിക്കും.
പി.എൻ.എക്സ്.1020/2020

തസ്തികകൾ സംബന്ധിച്ച വിവരങ്ങൾ, ചോദ്യാവലിയോടുളള പ്രതികരണം എന്നിവ അറിയിക്കുന്നതിനും നിവേദനങ്ങൾ സമർപ്പിക്കുന്നതിനും വകുപ്പ് തലവൻമാർ, സർവീസ് സംഘടനകൾ, പൊതുജനങ്ങൾ എന്നിവർക്ക് പതിനൊന്നാം ശമ്പള പരിഷ്‌കരണ കമ്മീഷൻ അനുവദിച്ച സമയപരിധി മാർച്ച് 21ന് വൈകിട്ട് അഞ്ചു വരെ ദീർഘിപ്പിച്ചു.
പി.എൻ.എക്സ്.1019/2020

സംസ്ഥാന വിദ്യാഭ്യാസ വകുപ്പിന്റെയും എസ്.സി.ഇ.ആർ.ടിയുടെയും നേതൃത്വത്തിൽ സ്‌കൂൾ കുട്ടികളുടെ ഗണിതശാസ്ത്രത്തിലുളള കഴിവുകൾ പരിപോഷിപ്പിക്കുന്നതിനുളള പദ്ധതിയായ ന്യൂമാറ്റ്‌സ്  (NuMATS) ന്റെ സംസ്ഥാനതല അഭിരുചി പരീക്ഷാഫലം പ്രസിദ്ധീകരിച്ചു. ഫലം www.scert.kerala.gov.in ൽ പരീക്ഷാഫലം ലഭിക്കും.
പി.എൻ.എക്സ്.1018/2020

കേരള സംസ്ഥാന ജൈവവൈവിധ്യ ബോർഡിൽ വയനാട് ജില്ലയിൽ ജില്ലാ കോ-ഓർഡിനേറ്റർ, പ്രോജക്ട് ഫെല്ലോ തസ്തികളിലെ താത്കാലിക ഒഴിവിലേയ്ക്ക് അപേക്ഷ ക്ഷണിച്ചു. അപേക്ഷ സമർപ്പിക്കാനുളള അവസാന തിയതി മാർച്ച് 26. വയനാട് ജില്ലയിൽ നിന്നുളള ഉദ്യോഗാർഥികളെയാണ് ഒഴിവിലേയ്ക്ക് പരിഗണിക്കുന്നത്. വിശദവിവരങ്ങൾ www.keralabiodiversity.org യിൽ ലഭിക്കും. ഫോൺ: 0471-2724740, 0471-2721135
പി.എൻ.എക്സ്.1017/2020

പത്തനംതിട്ട ജില്ലയില്‍ അഗ്രികള്‍ച്ചര്‍ വകുപ്പില്‍ ട്രാക്ടര്‍ ഡ്രൈവര്‍(കാറ്റഗറി നമ്പര്‍ 212/18) തസ്തികയുടെ ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ത്ഥികള്‍ക്ക് കേരള പബ്ലിക് സര്‍വീസ് കമ്മീഷന്റെ തിരുവനന്തപുരം ഓഫീസില്‍ ഈ മാസം 20ന് കമ്മീഷന്‍ അഭിമുഖം നടത്തും.  

വണ്‍ടൈം വെരിഫിക്കേഷന്‍ സര്‍ട്ടിഫിക്കറ്റ്, ജനനതിയതി, യോഗ്യതകള്‍ ഇവ തെളിയിക്കുന്ന സര്‍ട്ടിഫിക്കറ്റുകള്‍ വ്യക്തിവിവരക്കുറിപ്പ് ഇവ സഹിതം അഭിമുഖത്തിന് ഹാജരാകണം. 17.03.2020 പ്രൊഫൈല്‍ മെസേജ് ലഭിക്കാത്തവര്‍ മാത്രം പി.എസ്.സിയുടെ പത്തനംതിട്ട ജില്ലാ ഓഫീസുകമായി ബന്ധപ്പെടുക. ഫോണ്‍: 0468 2222665.