പുന്നപ്ര കേരള ഇൻസ്റ്റിറ്റ്യൂട്ട് ഓഫ് മേക്കിങ് ഓഫ് ദി ബെസ്റ്റിൽ സഹകരണസംഘങ്ങളിലെ ജീവനക്കാർക്ക് പ്രമോഷനും ഇൻക്രിമെന്റിനും വേണ്ടി ജൂൺ 19 മുതൽ 21 വരെ സബ് സ്റ്റാഫിനും ജൂൺ 24 മുതൽ 28 വരെ മിനിസ്റ്റീരിയൽ വിഭാഗത്തിനും പുന്നപ്ര വാടയ്ക്കൽ അക്ഷര നഗരി ക്യാമ്പസിൽ ഹ്രസ്വകാല പരിശീലന പരിപാടി സംഘടിപ്പിക്കുന്നു. ബുക്കിങ്ങിനും വിശദവിവരങ്ങൾക്കും വേണ്ടി 0477-2266701, 2970701, 9447729772, 9497221291, 9037323239.
 

ഗവ. മെഡിക്കൽ കോളേജിൽ പ്രോജക്ട് റിസർച്ച് ഫെല്ലോ തസ്തികയിൽ താൽക്കാലിക നിയമനം നടത്തുന്നു. സൈക്യാട്രി അല്ലെങ്കിൽ കമ്മ്യൂണിറ്റി നഴ്‌സിങ്ങിലുളള ബിരുദാനന്തര ബിരുദമാണ് യോഗ്യത. താൽപര്യമുളളവർ പ്രായം, യോഗ്യത, പ്രവൃത്തിപരിചയം എന്നിവ തെളിയിക്കുന്ന അസ്സൽ സർട്ടിഫിക്കറ്റ് സഹിതം ജൂൺ 19 രാവിലെ 10 ന് കോളേജ് പ്രിൻസിപ്പലിന്റെ കാര്യാലയത്തിൽ എത്തണം. ഫോൺ : 0487-2200316, 2200317.

ജില്ലാ വികസന സമിതി യോഗം ജൂൺ 29 രാവിലെ 11 ന് കളക്ടറേറ്റ് കോൺഫറൻസ് ഹാളിൽ ചേരും.
 

അരിമ്പൂർ ഗ്രാമപഞ്ചായത്തിലെ വില്ലുകുളം ചാൽ മുതൽ മണിയൻചാൽ വരെയുള്ള ഭാഗത്ത് കയർ ഭൂവസ്ത്രം വിരിക്കൽ ആരംഭിച്ചു. ഹരിതകേരളമിഷൻ പദ്ധതിയുടെ ഭാഗമായി 4 ലക്ഷം രൂപ വിനിയോഗിച്ചാണ് കയർഭൂവസ്ത്രം വിരിക്കുന്നത് വില്ലുകുളം ഭാഗത്തുനിന്ന് ആരംഭിക്കുന്ന 906 ചാൽ മുതൽ മണിയൻചാൽ വരെ 490 മീറ്റർ നീളത്തിൽ ചാലിന്റെ ഇരുവശങ്ങളിലുമായാണ് കയർഭൂവസ്ത്രം വിരിക്കുന്നത്. പദ്ധതിയിലൂടെ ഒരുകിലോ മീറ്ററോളം ദൂരത്തിൽ വില്ലുകുളം കോൾ പടവിലെ മണ്ണും ജലവും സംരക്ഷിക്കപ്പെടും. മഹാത്മാ ഗാന്ധി ദേശീയ തൊഴിലുറപ്പ് പ്രവർത്തകർ 523 തൊഴിൽദിനങ്ങളിലായാണ് ഭൂവസ്ത്രം വിരിക്കൽ പൂർത്തിയാക്കുക.

ജില്ലാ ആസൂത്രണ സമിതി നിർദ്ദേശമനുസരിച്ച് ഈ സാമ്പത്തിക വർഷം മുഴുവൻ അവശ്യപദ്ധതികൾക്കും വിഹിതം നീക്കി വച്ച എല്ലാ തദ്ദേശസ്വയംഭരണ സ്ഥാപനങ്ങളുടെയും പദ്ധതികൾക്ക് ആസൂത്രണസമിതി അംഗീകാരം നൽകി. എബിസി പദ്ധതിയുൾപ്പെടെയുളള സംയുക്ത പദ്ധതികൾക്ക് വിഹിതം നീക്കി വെക്കാത്ത തദ്ദേശസ്വയംഭരണ സ്ഥാപനങ്ങളുടെ പദ്ധതികൾ ജൂൺ 17 ന് ചേരുന്ന ആസൂത്രണസമിതി പരിശോധിക്കും. അതിന് മുമ്പ് വകയിരുത്താനുളള വിഹിതങ്ങൾ തദ്ദേശസ്വയംഭരണ സ്ഥാപനപ്രതിനിധികൾക്ക് ജില്ലാ ആസൂത്രണസമിതി ചെയ്‌പേഴ്‌സൺ കൂടിയായ ജില്ലാ പഞ്ചായത്ത് പ്രസിഡണ്ട് മേരി തോമസ് നിർദ്ദേശം നൽകി.