ട്രാവൻകൂർ-കൊച്ചിൻ മെഡിക്കൽ കൗൺസിലിൽ ഹോമിയോപ്പതി സമ്പ്രദായത്തിൽ 10931-ാം നമ്പർ വരെ രജിസ്റ്റർ ചെയ്ത എല്ലാ ഹോമിയോ ചികിത്സകരും ആഗസ്റ്റ് 31ന് മുമ്പ് ഹോളോഗ്രാം പതിച്ച സർട്ടിഫിക്കറ്റ് നേടണം. അല്ലാത്തവർക്കെതിരെ നടപടിയെടുക്കും. www.medicalcouncil.kerala.gov.in  ൽ ഓൺലൈനായി അപേക്ഷ നൽകാം.
പി.എൻ.എക്സ്. 2151/2020

സപ്‌ളൈകോ ഔട്ട് ലെറ്റുകൾ വഴി വിതരണം ചെയ്യുന്ന പലവൃഞ്ജന കിറ്റുകളുടെ വിതരണം 20 വരെ നീട്ടി.
പി.എൻ.എക്സ്. 2150/2020

തെങ്ങിനൊപ്പം മറ്റു വിളകളുടെയും ശാസ്ത്രീയ കൃഷി രീതിയും അതിലൂടെ ഉത്പാദന വർധനയും വിഷയമാക്കി ഹരിതകേരളം മിഷൻ ഫേസ്ബുക്ക് ലൈവ് സംഘടിപ്പിക്കുന്നു. ഇന്ന് (ജൂൺ 16 ) വൈകിട്ട് മൂന്നു മുതൽ 4.30 വരെ സംഘടിപ്പിക്കുന്ന ലൈവ് പരിപാടിയിൽ ഇന്ത്യൻ കൗൺസിൽ ഫോർ അഗ്രിക്കൾച്ചറൽ റിസർച്ചിനു കീഴിൽ കാസർകോഡുള്ള കേന്ദ്ര തോട്ടവിള ഗവേഷണ കേന്ദ്രത്തിൽ നിന്നും ഹരിതകേരളം മിഷനിൽ നിന്നും വിദഗ്ദ്ധർ പങ്കെടുക്കും. പ്രേക്ഷകരുടെ ചോദ്യങ്ങൾക്ക് മറുപടിയും സംശയനിവാരണവും തത്സമയം ലൈവിലൂടെ നൽകും. facebook.com/harithakeralamission പേജ് സന്ദർശിച്ച് ലൈവ് കാണാം.

  എറണാകുളം: പേരണ്ടൂര്‍-വടുതല പാലത്തിന്റെ സര്‍വേ ജോലികള്‍ രണ്ടാഴ്ചയ്ക്കുള്ളില്‍ പൂര്‍ത്തിയാക്കാന്‍ തീരുമാനം. ജില്ലാ കളക്ടര്‍ എസ്. സുഹാസിന്റെ അദ്ധ്യക്ഷതയില്‍ കൊച്ചി നഗരത്തിലെ വിവിധ പാലങ്ങളുടെ പദ്ധതി പുരോഗതി വിലയിരുത്താന്‍ ചേര്‍ന്ന യോഗത്തിലാണ് തീരുമാനം.

* മന്ത്രി ഇ.ചന്ദ്രശേഖരൻ  ഉദ്ഘാടനം ചെയ്യും
പ്രകൃതിക്ഷോഭങ്ങളിൽപ്പെടുന്നവർക്ക് താൽക്കാലിക ദുരിതാശ്വാസ കേന്ദ്രങ്ങളൊരുക്കുന്നതിന്റെ ഭാഗമായി ആലപ്പുഴ മാരാരിക്കുളത്ത് നിർമ്മിച്ച ദുരിതാശ്വാസ അഭയകേന്ദ്രം 18 ന് ഉദ്ഘാടനം ചെയ്യും. രാവിലെ എട്ടിന് മാരാരിക്കുളം വടക്ക് പഞ്ചായത്തിൽ ജനക്ഷേമം കോളനിയിൽ  നടക്കുന്ന ചടങ്ങിൽ റവന്യൂ മന്ത്രി ഇ. ചന്ദ്രശേഖരൻ ഉദ്ഘാടനം നിർവഹിക്കും.  മന്ത്രിമാരായ ഡോ. ടി.എം തോമസ് ഐസക്, ജി.സുധാകരൻ, പി തിലോത്തമൻ എന്നിവരും എ.എം ആരിഫ് എം.പിയും സംബന്ധിക്കും.

കോഴിക്കോട് ഡി.ടി.പി.സിയുടെ 2017-18, 2018-19, 2019-2020 സാമ്പത്തിക വര്‍ഷങ്ങളിലെ വരവ് ചെലവ് കണക്കുകള്‍ ഓഡിറ്റ് ചെയ്ത് സാക്ഷ്യപ്പെടുത്തുന്നതിന് ചാര്‍ട്ടേര്‍ഡ് അക്കൗണ്ടന്റ്മാരില്‍ നിന്നും ഏജന്‍സികളില്‍ നിന്നും ക്വട്ടേഷന്‍ ക്ഷണിച്ചു. ക്വട്ടേഷന്‍ ജൂണ്‍ 30 വരെ കോഴിക്കോട് മാനാഞ്ചിറ ഡിടിപിസി ഓഫീസില്‍ സ്വീകരിക്കും. കൂടുതല്‍ വിവരങ്ങള്‍ക്ക്: 0495 2720012.

കേരള കര്‍ഷകതൊഴിലാളി നിയമം 1974 ലെ വകുപ്പ് (9) പ്രകാരം ഭൂവുടമകളില്‍ നിന്ന് റവന്യൂ വകുപ്പ് പിരിച്ചെടുത്തിരുന്ന കേരള കര്‍ഷകതൊഴിലാളി ക്ഷേമനിധി ബോര്‍ഡിലേക്കുളള ഭൂവുടമാ വിഹിതം ജൂണ്‍ 16 മുതല്‍ തൃശ്ശൂര്‍ ജില്ലാ ട്രഷറിയിലെ സ്പെഷ്യല്‍ ടി.എസ്.ബി അക്കൗണ്ട് നമ്പര്‍ 799011400005373 ല്‍ മാത്രമായിരിക്കും സ്വീകരിക്കുകയെന്ന് ജില്ലാ എക്സിക്യൂട്ടീവ് ഓഫീസര്‍ അറിയിച്ചു.

ബേപ്പൂര്‍ വില്ലേജ് റീസര്‍വ്വേ നമ്പര്‍ 77 ല്‍ ഉള്‍പ്പെട്ട 5.36 സെന്റ് ഭൂമിയും കൂഴിക്കൂറും 2020 ആഗസ്റ്റ് അഞ്ചിന് രാവിലെ 11.30ന് ബേപ്പൂര്‍  വില്ലേജ് ഓഫീസില്‍ ലേലം ചെയ്യുമെന്ന് കോഴിക്കോട് തഹസില്‍ദാര്‍ അറിയിച്ചു.