ജില്ലയില്‍ കോവിഡ്-19 ആശങ്ക പടര്‍ത്തുന്ന സാഹചര്യത്തില്‍ ഇല്ലിക്കല്‍കല്ല്, അരുവിക്കുഴി, എരുമേലി  എന്നീ വിനോദസഞ്ചാര കേന്ദ്രങ്ങളില്‍ സന്ദര്‍ശകരുടെ പ്രവേശനം താല്ക്കാലികമായി  നിരോധിച്ചു.  

സര്‍ക്കാര്‍ സ്ഥാപനമായ സി ഡിറ്റിന്റെ കവടിയാര്‍ കേന്ദ്രത്തില്‍ വിഷ്വല്‍ മീഡിയ കോഴ്‌സുകള്‍ക്ക് അപേക്ഷ ക്ഷണിച്ചു. ആറ് മാസം ദൈര്‍ഘ്യമുള്ള ഡിപ്ലോമ ഇന്‍ ഡിജിറ്റല്‍ മീഡിയ  പ്രൊഡക്ഷന്‍, ഡിപ്ലോമ കോഴ്‌സ് ഇന്‍ വെബ് ഡിസൈന്‍ ആന്റ് ഡെവലപ്‌മെന്റ്, മൂന്ന് മാസത്തെ  സര്‍ട്ടിഫിക്കറ്റ് കോഴ്‌സ് ഇന്‍ വീഡിയോഗ്രാഫി, സര്‍ട്ടിഫിക്കറ്റ് കോഴ്‌സ് ഇന്‍ നോണ്‍ ലീനിയര്‍ എഡിറ്റിംഗ്,  അഞ്ച് ആഴ്ച ദൈര്‍ഘ്യമുള്ള  സര്‍ട്ടിഫിക്കറ്റ് കോഴ്‌സ് ഡിജിറ്റല്‍ സ്റ്റില്‍ ഫോട്ടോഗ്രാഫി  എന്നീ കോഴ്‌സുകള്‍ക്ക്  പ്ലസ്ടു യോഗ്യതയുള്ളവര്‍ക്ക് അപേക്ഷിക്കാം. അപേക്ഷിക്കേണ്ടണ്‍ അവസാന തീയതി മാര്‍ച്ച് 20.

കോവിഡ് 19 സംബന്ധിച്ച അടിയന്തര അവലോകന യോഗം നാളെ (14) രാവിലെ 11 ന് വൈദ്യുതിമന്ത്രി എം.എം മണിയുടെ നേതൃത്വത്തില്‍ കലക്ടറേറ്റ് കോണ്‍ഫറന്‍സ് ഹാളില്‍ ചേരും.

ഇടുക്കി ജില്ലയിലെ ഹൈസ്‌കൂള്‍ വിഭാഗം ഗോത്രവര്‍ഗ്ഗ വിദ്യാര്‍ഥികളുടെ ശാസ്ത്ര - ഗണിത വിഷയങ്ങളിലെ അഭിരുചി വളര്‍ത്താനായി നടത്തുന്ന വിദ്യാഭ്യാസ പദ്ധതിയാണ് പഠനോദ്യാനം. ഐക്യരാഷ്ട്ര സംഘടനയുടെ ഭാഗമായ യൂനിസെഫും, ജനകീയ ഗവേഷണ സ്ഥാപനമായ ഐ.ആര്‍.ടി.സി. യും സംയുക്തമായാണ് ഈ പദ്ധതി നടപ്പിലാക്കിയത്. വൈവിധ്യമാര്‍ന്ന പ്രായോഗിക പഠന പ്രവര്‍ത്തനങ്ങളിലൂടെയാണ് പാഠ്യവിഷയങ്ങള്‍ വിദ്യാര്‍ഥികള്‍ക്ക് കൈമാറുന്നത്. ജില്ലയില്‍ പൂമാല, മേത്തൊട്ടി, അരിക്കുഴ, ചിന്നപ്പാറക്കുടി, മന്നാംകണ്ടം എന്നീ സ്ഥലങ്ങളില്‍ പഠനോദ്യാനങ്ങള്‍ പ്രവര്‍ത്തിക്കുന്നുണ്ട്.

കൊവിഡ് 19 വൈറസ് ബാധ സ്ഥിരീകരിച്ചിട്ടുള്ള രാജ്യങ്ങളില്‍ നിന്നും  ഇടുക്കി ജില്ലയില്‍  എത്തുന്ന വിനോദസഞ്ചാരികള്‍ക്ക് രോഗബാധ ഇല്ല എന്ന് ഉറപ്പ് വരുത്തിയതിന് ശേഷം മാത്രമേ  ജില്ലയിലെ റിസോര്‍ട്ടുകള്‍, ഹോട്ടലുകള്‍ എന്നിവയില്‍ ബുക്കിംഗുകള്‍ അനുവദിക്കാന്‍ പാടുള്ളൂവെന്ന്  ജില്ലാകലക്ടര്‍ ഉത്തരവിട്ടു. ഏത് രാജ്യത്തു നിന്നുള്ള  വിനോദസഞ്ചാരികളാണ് എന്നുള്ള വിവരം അവരുടെ പാസ്‌പോര്‍ട്ട്, മറ്റ് രേഖകള്‍ എന്നിവ പരിശോധിച്ച് ഉറപ്പുവരുത്തേണ്ട ഉത്തരവാദിത്വം ബന്ധപ്പെട്ട ഹോട്ടല്‍/റിസോര്‍ട്ട് ഉടമകള്‍ക്കാണ്.

കോവിഡ് 19 ആശങ്ക വേണ്ട, നിരീക്ഷണം മാത്രം

കൊട്ടേക്കാട് നാമ്പള്ളം സ്വദേശി വിവേകാനന്ദന്റെ ഭാര്യ ബീനയെ 2019 നവംബര്‍ 12 മുതല്‍ വീട്ടില്‍ നിന്നും കാണാതായതായി മലമ്പുഴ പൊലീസ് സബ് ഇന്‍സ്‌പെക്ടര്‍ അറിയിച്ചു. 150 സെന്റിമീറ്ററാണ് ഉയരം. തടിച്ച ശരീരം, ഇരുനിറം. ഇവരെകുറിച്ച് എന്തെങ്കിലും വിവരം ലഭിക്കുന്നവര്‍ 0491-2815284 (മലമ്പുഴ പൊലീസ് സ്റ്റേഷന്‍), 9497980614 (മലമ്പുഴ എസ്.ഐ), 9497990095 (ഡി.വൈ.എസ്.പി പാലക്കാട്) നമ്പറുകളില്‍ അറിയിക്കേണ്ടതാണ്.