വളവന്നൂര്‍ ഗ്രാമപഞ്ചായത്തിലെ ഓട്ടുകാരപ്പുറം, തയ്യിലപടി, കടുങ്ങത്ത്കുണ്ട്, കിഴക്കെപാറ എന്നിവിടങ്ങളിലെ അങ്കണവാടികളിലും ജി.എം.എല്‍.പി.എസ് ചെറുവണ്ണൂര്‍, ചേലേമ്പ്ര ഗ്രാമ പഞ്ചായത്തിലെ പി.എച്ച്.സി ചേലേമ്പ്ര, വേങ്ങര ഗ്രാമ പഞ്ചായത്തിലെ പൂങ്കടായ അങ്കണവാടി (റീടെന്റര്‍), കോട്ടക്കല്‍ നഗരസഭയിലെ ചക്കാലക്കല്‍ എസ്.സി കോളനി (പണിക്കര്‍കുണ്ട്), മങ്കട ഗ്രാമ പഞ്ചായത്തിലെ നരിമട ചോലത്തോണ്ടന്‍ ചാല്‍ എസ്.സി കോളനി എന്നിവിടങ്ങളില്‍ കുഴല്‍ കിണര്‍ നിര്‍മ്മിക്കുന്നതിന് ദര്‍ഘാസ് ക്ഷണിച്ചു.  ദര്‍ഘാസ് മാര്‍ച്ച് 18ന് വൈകീട്ട് മൂന്നിനകം ജില്ലാ ഓഫീസ്, ഭൂജല വകുപ്പ്, മലപ്പുറം വിലാസത്തില്‍ ലഭിക്കണം.  
 

കോവിഡ് 19ന്റെ പശ്ചാത്തലത്തില്‍ പ്രതിരോധ പ്രവര്‍ത്തനങ്ങള്‍ ഊര്‍ജ്ജിതമാക്കി വേങ്ങര ബ്ലോക്ക് പഞ്ചായത്ത്. വേങ്ങരയിലെ വിവിധ പഞ്ചായത്തുകള്‍ നടത്തിയ പ്രതിരോധ പ്രവര്‍ത്തനങ്ങള്‍ വിലയിരുത്തുന്നതിനായി ബ്ലോക്ക് പഞ്ചായത്തില്‍ അവലോകന യോഗം ചേര്‍ന്നു. 

കോവിഡ് 19ന്റെ സാഹചര്യത്തില്‍ കണ്ണത്തുപാറ അങ്കണവാടിയിലെ കുട്ടികള്‍ക്ക് ഭക്ഷണ സാധനങ്ങള്‍ വീട്ടില്‍ എത്തി തുടങ്ങി. സംസ്ഥാനത്തെ അങ്കണവാടി കുട്ടികള്‍ക്ക് അവധി നല്‍കിയെങ്കിലും ഭക്ഷണം വീട്ടിലെത്തിച്ചു നല്‍കുന്നതിനായി സംസ്ഥാന സര്‍ക്കാര്‍ ആരംഭിച്ച 'ടേക്ക് ഹോം റേഷന്‍' പദ്ധതിയുടെ ഭാഗമായാണ് സാധനങ്ങള്‍ നല്‍കിയത്. അങ്കണവാടി ടീച്ചര്‍ സതിയുടെ നേതൃത്വത്തില്‍ കണ്ണത്തുപാറ  ആലമ്പാടന്‍  വീട്ടിലെ ശ്രിതിലിനാണ് ആദ്യമായി സാധനങ്ങള്‍ എത്തിച്ചു നല്‍കിയത്.

മഞ്ചേരി പയ്യനാട് കോമണ്‍ ഫെസിലിറ്റി സര്‍വീസ് സെന്ററില്‍ സ്ത്രീ ശാക്തീകരണ പദ്ധതികളുടെ ഭാഗമായി മാര്‍ച്ച് ഒന്‍പത് മുതല്‍ നടന്നുവന്നിരുന്ന തുണിസഞ്ചി/ബാഗ് നിര്‍മ്മാണ പ്രായോഗിക പരിശീലനം ആരോഗ്യ വകുപ്പിന്റെ സംസ്ഥാന വ്യപകമായുള്ള മുന്നറിയിപ്പിനെ തുടര്‍ന്ന് താത്ക്കാലികമായി നിര്‍ത്തിവച്ചതായി അസിസ്റ്റന്റ് ഡയറക്ടര്‍ അറിയിച്ചു.  
 

വേങ്ങര ബ്ലോക്ക് ഡവലപ്‌മെന്റ് ഓഫീസില്‍ ടൈപ്പിസ്റ്റ് / ക്ലാര്‍ക്ക് ഒഴിവിലേക്ക് താത്ക്കാലികാടിസ്ഥാനത്തില്‍ യോഗ്യരായവരില്‍ നിന്ന്  അപേക്ഷ ക്ഷണിച്ചു. കൂടിക്കാഴ്ച്ച മാര്‍ച്ച് 21ന് രാവിലെ 10.30 ന് ബ്ലോക്ക് ഓഫീസില്‍ നടത്തും. കൂടുതല്‍ വിവരങ്ങള്‍ക്ക് -ഫോണ്‍: 0494 2450 283.
 

കൊണ്ടോട്ടി മഹാകവി മോയിന്‍കുട്ടി വൈദ്യര്‍ മാപ്പിളകലാ അക്കാദമിയില്‍ ഇന്ന്(മാര്‍ച്ച് 13) നടത്താനിരുന്ന യുവ സമാജം രൂപീകരണ യോഗവും ബാലകൃഷ്ണന്‍ വള്ളിക്കുന്ന് അനുസ്മരണവും മാറ്റിവച്ചതായി സെക്രട്ടറി അറിയിച്ചു. 
 

സി-ഡിറ്റിന്റെ കവടിയാര്‍ കേന്ദ്രത്തില്‍ വിഷ്വല്‍ മീഡിയ കോഴ്‌സുകള്‍ക്ക് അപേക്ഷ ക്ഷണിച്ചു. ഡിപ്ലോമ ഇന്‍ ഡിജിറ്റല്‍ പ്രൊഡക്ഷന്‍, വെബ് ഡിസൈന്‍ ആന്‍ഡ് ഡവലപ്‌മെന്റ് , സര്‍ട്ടിഫിക്കറ്റ് കോഴ്‌സ് ഇന്‍ വീഡിയോഗ്രാഫി, നോണ്‍ ലീനിയര്‍ എഡിറ്റിങ്, ഡിജിറ്റല്‍ സ്റ്റില്‍ ഫോട്ടോഗ്രാഫി തുടങ്ങിയ കോഴ്‌സുകളിലാണ് അപേക്ഷ ക്ഷണിച്ചത്. യോഗ്യത: പ്ലസ്ടു. അപേക്ഷ അയക്കേണ്ട അവസാന തീയതി: മാര്‍ച്ച് 20. ഫോണ്‍: 0471 2721917/8547720167.