ജില്ലയില്‍ മത്സ്യത്തൊഴിലാളി കടാശ്വാസകമ്മീഷന്‍ സിറ്റിങ്  മാര്‍ച്ച് 17ന് രാവിലെ 10ന്  തിരൂര്‍ ഇ.എം.എസ് സംസ്‌കാരിക നിലയത്തില്‍ നടത്തും. സിറ്റിങില്‍ പങ്കെടുക്കാന്‍ കമ്മീഷനില്‍ നിന്നും നോട്ടീസ് കൈപ്പറ്റിയ അപേക്ഷകരും ബന്ധപ്പെട്ട ബാങ്കിന്റെ പ്രതിനിധികളും സിറ്റിങില്‍ ഹാജാരാകണമെന്ന് സെക്രട്ടറി അറിയിച്ചു.
 

കരുവാരക്കുണ്ട്, എടപ്പറ്റ, തുവൂര്‍ ഗ്രാമപഞ്ചായത്തുകളിലെ അങ്കണവാടികളില്‍ വര്‍ക്കര്‍, ഹെല്‍പ്പര്‍ തസ്തികളില്‍ നിയമനം നടത്തുന്നു. അപേക്ഷിക്കുന്നവര്‍ അതത് ഗ്രാമപഞ്ചായത്തുകളില്‍ സ്ഥിരതാമസക്കാരാവണം. താത്പര്യമുള്ള വനിതകള്‍ മാര്‍ച്ച് 31നകം കാളികാവ് അഡീഷനല്‍ ഓഫീസില്‍ അപേക്ഷ നല്‍കണം. അപേക്ഷ ഫോം ഐ.സി.ഡി.എസ് ഓഫീസ്, ബന്ധപ്പെട്ട പഞ്ചായത്തുകള്‍ എന്നിവിടങ്ങളില്‍ നിന്ന് മാര്‍ച്ച് 16 മുതല്‍ ലഭിക്കുമെന്ന് കാളികാവ് ശിശുവികസന പദ്ധതി ഓഫീസര്‍ അറിയിച്ചു.
 

സംസ്ഥാനത്ത് പ്ലാസ്റ്റിക് നിരോധനം കര്‍ശനമായി നടപ്പാക്കിയതിന്റെ പശ്ചാത്തലത്തില്‍ പച്ചക്കറി കൃഷിയിലും  പുതു മാതൃക തീര്‍ക്കുകയാണ്  തൃക്കലങ്ങോട് ഗ്രാമപഞ്ചായത്ത്. 'മണ്‍ചട്ടിയില്‍ പച്ചക്കറികൃഷി' ചെയ്തുകൊണ്ടാണ് തൃക്കലങ്ങോട് പഞ്ചായത്ത് മാതൃകയാവുന്നത്. വിഷരഹിത പച്ചക്കറിയുടെ ഉല്പാദനത്തില്‍ സ്വയം പര്യാപ്തത കൈവരിക്കുക, ജൈവകൃഷി പ്രോത്സാഹിപ്പിക്കുക, സ്ഥലപരിമിതിയുള്ള വര്‍ക്കും കൃഷി ചെയ്യാന്‍ സൗകര്യമൊരുക്കുക തുടങ്ങിയ ആശയങ്ങള്‍ മുന്‍നിര്‍ത്തി കൃഷിഭവന്‍ മുഖേനയാണ് പദ്ധതി നടപ്പാക്കുന്നത്. 2018-19 സാമ്പത്തിക വര്‍ഷം മുതല്‍ ആരംഭിച്ച പദ്ധതി വിജയകരമായി മുന്നേറുകയാണ്.

പരപ്പനങ്ങാടി പാലത്തിങ്ങലില്‍ പക്ഷിപ്പനി സ്ഥിരീകരിച്ച സാഹചര്യത്തില്‍ അടിയന്തര പ്രതിരോധ പ്രവര്‍ത്തനങ്ങള്‍ തുടങ്ങി. പരപ്പനങ്ങാടി നഗരസഭയിലെ 16-ാം ഡിവിഷനായ പാലത്തിങ്ങല്‍ പ്രദേശത്തെ ഒരു കിലോ മീറ്റര്‍ ചുറ്റളവിലുള്ള നാലായിരത്തോളം കോഴികളെയും വളര്‍ത്തുപക്ഷികളെയും കൊന്നൊടുക്കാനും പത്ത് കിലോമീറ്റര്‍ പരിധിയിലെ കോഴിക്കടകളും മുട്ടവില്‍പ്പന കേന്ദ്രങ്ങളും വളര്‍ത്തുപക്ഷി വില്‍പ്പനശാലകളും  അടപ്പിക്കാനും തീരുമാനിച്ചതായി ജില്ലാ കലക്ടര്‍ ജാഫര്‍ മലിക് അറിയിച്ചു. 

    ഇന്ന് തിരുവനന്തപുരം ജില്ലയില്‍ പുതുതായി 21 പേര്‍ രോഗ നിരീക്ഷണത്തിലായി. ജില്ലയില്‍ ഇതുവരെ 815 പേരെയാണ്  സ്‌ക്റീനിംഗിന് വിധേയരാക്കിയത് ജില്ലയില്‍ 160 പേര്‍ വീടുകളില്‍ കരുതല്‍ നിരീക്ഷണത്തിലുണ്ട്. ജനറല്‍ ആശുപത്റി ഐസൊലേഷന്‍ വാര്‍ഡില്‍ ഇന്ന്  2 പേരും മെഡിക്കല്‍ കോളേജ് ഐസൊലേഷന്‍ വാര്‍ഡില്‍ 3 പേരും നിരീക്ഷണത്തിലുണ്ട്. പരിശോധനയ്ക്കായി അയച്ച 197 സാമ്പിളുകളില്‍ 145 പരിശോധനാഫലം ലഭിച്ചു,  എല്ലാ റിസല്‍ട്ടുകളും നെഗറ്റീവാണ്. 52 സാമ്പിളുകളുടെ ഫലം ലഭിക്കാനുണ്ട്.

    മിശ്ര വിവാഹ ദമ്പതികള്‍ക്ക് സുരക്ഷിതമായി താമസിക്കുന്നതിന് എല്ലാ ജില്ലകളിലും സെയിഫ് ഹോമുകള്‍ സജ്ജമാക്കുന്നതിനായി സന്നദ്ധ സംഘടനകളില്‍ നിന്നും സാമൂഹ്യനീതി വകുപ്പ് പ്രൊപ്പോസല്‍ ക്ഷണിച്ചു. പരമാവധി പത്ത് ദമ്പതികള്‍ക്ക് ഒരേസമയം താമസസൗകര്യമൊരുക്കാന്‍ കഴിയണം. താമസ കാലയളവില്‍ ദമ്പതികള്‍ക്ക് ഭക്ഷണം ഉള്‍പ്പെടെയുള്ള അടിസ്ഥാനസൗകര്യങ്ങള്‍ ലഭ്യമാക്കണം. താത്പര്യമുള്ള സംഘടനകള്‍ അതാത് ജില്ലയിലുള്ള സാമൂഹ്യനീതി ഓഫീസില്‍ മാര്‍ച്ച് 20ന് മുന്‍പ് അപേക്ഷ സമര്‍പ്പിക്കണം. കൂടുതല്‍ വിവരങ്ങള്‍ക്ക് 0471-2306040.
(പി.ആര്‍.പി. 240/2020)