കോഴിക്കോട് ജില്ലാ വ്യവസായകേന്ദ്രം മുഖേന പിഎംഇജിപി പദ്ധതിയില്‍ ഇതിനോടകം അപേക്ഷിച്ചവര്‍ സ്‌കോര്‍ കാര്‍ഡ് കൂടി ചേര്‍ത്ത് പുതുതായി അപേക്ഷ അപ് ലോഡ് ചെയ്യണമെന്ന് ജനറല്‍ മാനേജര്‍ അറിയിച്ചു.  അല്ലാത്ത അപേക്ഷകള്‍ സ്വീകരിക്കില്ല.  വിശദവിവരങ്ങള്‍ക്ക് അതത് ബ്ലോക്ക്തല വ്യവസായ വികസന ഓഫീസുമായി ബന്ധപ്പെടണം.

        മടപ്പള്ളി ഗവ.കോളേജില്‍ കാന്റീന്‍ നടത്താന്‍ താല്‍പര്യമുള്ള കുടുംബശ്രീ അംഗങ്ങളില്‍നിന്നും ക്വട്ടേഷന്‍ ക്ഷണിച്ചു.  ഭക്ഷണപദാര്‍ത്ഥങ്ങള്‍ നിര്‍ദ്ദിഷ്ട അളവിലും തൂക്കത്തിലും വിദ്യാര്‍ത്ഥികള്‍ക്കും ജീവനക്കാര്‍ക്കും വിതരണം ചെയ്യണം.  ജൂണ്‍ 20 ഉച്ചക്ക് രണ്ടു മണി വരെ കോളേജ് ഓഫീസില്‍ ക്വട്ടേഷന്‍ സ്വീകരിക്കും.  ഫോണ്‍ 04962512587.

കോവിഡ് 19 പ്രതിരോധത്തിൻ്റെ ഭാഗമായി കോഴിക്കോട് ജില്ലയില്‍ കണ്ടെയിന്‍മെന്റ് സോണ്‍ ആയി പ്രഖ്യാപിച്ചിരുന്ന തൂണേരി, പുറമേരി, മാവൂര്‍, ഒളവണ്ണ പഞ്ചായത്തുകളെ പട്ടികയിൽ നിന്നും ഒഴിവാക്കിയതായി ജില്ലാ കലക്ടര്‍ സാംബശിവ റാവു അറിയിച്ചു.

രോഗികളുടെ പരിശോധന ഫലം നെഗറ്റീവ് ആവുകയും രോഗികളുമായി നേരിട്ട് സമ്പര്‍ക്കം ഉള്ളവരുടെ കോവിഡ് പരിശോധനാ ഫലം നെഗറ്റീവ് ആവുകയും ചെയ്ത സാഹചര്യത്തില്‍ ഈ പഞ്ചായത്തുകളില്‍  രോഗപ്പകര്‍ച്ചയില്ലെന്ന് കണ്ടെത്തിയതിനാലാണ് ഈ നാല് ഗ്രാമപഞ്ചായത്തുകളേയും കണ്ടെയിന്‍മെന്റ് സോണില്‍ നിന്നും ഒഴിവാക്കിയത്.  നിലവിൽ ജില്ലയിൽ കണ്ടെയിൻമെൻ്റ് സോണുകൾ ഇല്ല.

ഇന്ന് ജില്ലയിൽ 9പേർക്ക് കോവിഡ് സ്ഥിരീകരിച്ചു .ഇതിൽ 7പേർ വിദേശത്തുനിന്നും 2പേർ മറ്റ് സംസ്ഥാനങ്ങളിൽ നിന്നും എത്തിയവരാണ് .

1.ഡൽഹിയിൽ നിന്നും 2/6ന് ട്രെയിനിൽ കൊച്ചിയിൽ എത്തി തുടർന്ന് കോവിഡ് കെയർ സെന്ററിൽ നിരീക്ഷണത്തിൽ ആയിരുന്ന തലവടി സ്വദേശിനിയായ യുവതി 

2.കുവൈറ്റിൽ നിന്നും 2/6ന് കൊച്ചിയിൽ എത്തി തുടർന്ന് വീട്ടിൽ നിരീക്ഷണത്തിലായിരുന്ന ആലപ്പുഴ സ്വദേശി 

3.ദോഹയിൽ നിന്നും 2/6ന് കൊച്ചിയിൽ എത്തി തുടർന്ന് കോവിഡ് കെയർ സെന്ററിൽ നിരീക്ഷണത്തിലായിരുന്ന ചെങ്ങന്നൂർ സ്വദേശിയായ യുവാവ് 

    • ഓണ്‍ലെന്‍ പഠന കേന്ദ്രങ്ങളൊരുക്കി  ജില്ലാ ഒളിംമ്പിക് അസോസിയേഷന്‍