വിദ്യാഭ്യാസ വായ്പ തിരിച്ചടവ് സഹായ പദ്ധതി സംബന്ധിച്ച സൗജന്യ കൈപ്പുസ്തകം കളക്ടറേറ്റിന്‍റെ ഒന്നാം നിലയിലുള്ള ജില്ലാ ഇന്‍ഫര്‍മേഷന്‍  ഓഫീസില്‍ ലഭിക്കും. 
                                      (പിഎന്‍പി 3358/17)
 

വിദ്യാഭ്യാസ വായ്പ തിരിച്ചടവ് സഹായ പദ്ധതിയിലേക്ക് ഈമാസം 31 വരെ അപേക്ഷിക്കാമെന്ന് ലീഡ് ബാങ്ക് ജില്ലാ മാനേജര്‍ വി. വിജയകുമാരന്‍ അറിയിച്ചു. ലഹൃെ.സലൃമഹമ.ഴീ്.ശി എന്ന ലിങ്ക് മുഖേന ഓണ്‍ലൈനായി അപേക്ഷ നല്‍കണം.  തുടര്‍ന്ന് പ്രിന്‍റ് എടുത്ത് വായ്പയെടുത്ത ബാങ്കില്‍ നല്‍കണം.                                  (പിഎന്‍പി 3357/17)

എട്ട് ജില്ലകളിലെ 15 തദ്ദേശ സ്വയംഭരണ വാര്‍ഡുകളില്‍ ജനുവരി 11ന് ഉപതെരഞ്ഞെടുപ്പ് നടത്താന്‍ തീരുമാനിച്ചതായി സംസ്ഥാന തെരഞ്ഞെടുപ്പു കമ്മീഷണര്‍  വി.ഭാസ്‌കരന്‍  അറിയിച്ചു. തിരുവനന്തപുരം, കൊല്ലം, കോട്ടയം, ഇടുക്കി, പാലക്കാട്, മലപ്പുറം ജില്ലകളിലെ 12 ഗ്രാമപഞ്ചായത്ത് വാര്‍ഡുകളിലും എറണാകുളം ഏലൂര്‍ നഗരസഭയിലെ പാറയ്ക്കല്‍ വാര്‍ഡിലും മലപ്പുറം പൊന്നാനി നഗരസഭയിലെ അഴീക്കല്‍ വാര്‍ഡിലും കാസര്‍ഗോഡ് കാറഡുക്ക ബ്ലോക്ക് പഞ്ചായത്തിലെ ബേഡകം വാര്‍ഡിലുമാണ് ഉപതെരഞ്ഞെടുപ്പ്.

തൃശൂര്‍ സര്‍ക്കാര്‍ ദന്തല്‍ കോളേജില്‍ പുതുതായി മൂന്ന് തസ്തികകള്‍ സൃഷ്ടിച്ചതായി ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര്‍ അറിയിച്ചു. നാലാം വര്‍ഷ ബി.ഡി.എസ്. കോഴ്‌സിനായി ഓര്‍ത്തോഡോണ്ടിക്‌സ് വിഭാഗത്തില്‍ ഒരു പ്രൊഫസര്‍ തസ്തികയും പ്രോസ്‌തോഡോണ്ടിക്‌സ്, ഓറല്‍ പത്തോളജി എന്നീ വിഭാഗങ്ങളിലായി ഓരോ അസോസിയേറ്റ് പ്രൊഫസര്‍ തസ്തികയുമാണ് സൃഷ്ടിച്ചത്.

പി.എന്‍.എക്‌സ്.5314/17

   സംസ്ഥാന വനിതാ വികസന കോര്‍പ്പറേഷന്‍, സംസ്ഥാനത്തെ 10 കേന്ദ്രങ്ങളിലായി 18നും 55നും മദ്ധ്യേ പ്രായമുള്ള വിധവകള്‍ക്ക്  ജില്ലതോറും സംരംഭകത്വ വികസന പരിശീലന പരിപാടികള്‍ ആരംഭിക്കുന്നു. 40 വയസ്സിനുമേല്‍ പ്രായമുള്ള അവിവാഹിതകള്‍, വിവാഹമോചിതര്‍, അവിവാഹിതരായ അമ്മമാര്‍ എന്നിവര്‍ക്കും അപേക്ഷിക്കാം. മൂന്ന് ദിവസത്തെ പരിശീലന പരിപാടിയില്‍ ആദ്യം രജിസ്റ്റര്‍ ചെയ്യുന്ന യോഗ്യരായ 30 പേരെ പരിശീലനത്തിനായി തെരഞ്ഞെടുക്കും.

   പരമ്പരാഗത കളിമണ്‍പാത്രനിര്‍മ്മാണ തൊഴിലാളികള്‍ക്ക് ഉപകരണങ്ങള്‍ ഉണ്ടാക്കുന്നതിനുളള കളിമണ്ണ് ലഭ്യമാക്കുന്നതിന്റെ ആവശ്യത്തിലേക്കായി തിരിച്ചറിയല്‍ കാര്‍ഡ് വിതരണം ചെയ്യും. കാസര്‍കോട് ബ്ലോക്ക് പഞ്ചായത്ത് പരിധിയില്‍ വരുന്ന കുമ്പള, മൊഗ്രാല്‍ പുത്തൂര്‍, ചെങ്കള, ചെമ്മനാട്, ബദിയടുക്ക, മധൂര്‍ എന്നീ പഞ്ചായത്തുകളില്‍ പ്രവര്‍ത്തിക്കുന്ന  വില്ലേജ് എക്സ്റ്റന്‍ഷന്‍ ഓഫീസുകളില്‍ അപേക്ഷ നല്‍കണം. അപേക്ഷാഫോറം ബന്ധപ്പെട്ട വില്ലേജ് എക്സ്റ്റന്‍ഷന്‍ ഓഫീസില്‍ ലഭിക്കും. അപേക്ഷയോടൊപ്പം രണ്ട് പാസ്‌പോര്‍ട്ട് സൈസ് ഫോട്ടോയും  സമര്‍പ്പിക്കണം.  അപേക്ഷ സമര്‍പ്പിക്കേണ്ട അവസാന തീയ്യതി ഈ മാസം 31.