കോഴിക്കോട് ജില്ലയില്‍ ഇന്ന് (13.06.20) പുതുതായി വന്ന 655 പേര്‍ ഉള്‍പ്പെടെ 11365 പേര്‍ നിരീക്ഷണത്തില്‍. ഇതുവരെ 36,836 പേര്‍ നിരീക്ഷണം പൂര്‍ത്തിയാക്കി. ഇന്ന് പുതുതായി വന്ന 35 പേര്‍ ഉള്‍പ്പെടെ 163 പേരാണ് ആശുപത്രികളില്‍ നിരീക്ഷണത്തിലുള്ളത്. ഇതില്‍ 86 പേര്‍ മെഡിക്കല്‍ കോളേജിലും 77 പേര്‍ കോവിഡ് ഫസ്റ്റ്‌ലൈന്‍ ട്രീറ്റ്‌മെന്റ് സെന്ററായ കോഴിക്കോട് ലക്ഷദ്വീപ് ഗസ്റ്റ്ഹൗസിലുമാണ്. 63 പേര്‍ ഡിസ്ചാര്‍ജ്ജ് ആയി.

കോഴിക്കോട് ജില്ലയില്‍ ഇന്ന് (13.06.20) 12 പേര്‍ക്ക് കൂടി കോവിഡ് സ്ഥിരീകരിച്ചതായും രണ്ട് പേര്‍ രോഗമുക്തി നേടിയതായും ജില്ലാ മെഡിക്കല്‍ ഓഫീസര്‍ ഡോ. ജയശ്രീ വി. അറിയിച്ചു. പോസിറ്റീവായവരില്‍ എട്ട് പേര്‍ വിദേശത്ത് നിന്നും (കുവൈത്ത് 3, സൗദി 2, ദുബൈ 2, റഷ്യ 1) രണ്ട് പേര്‍ മറ്റ് സംസ്ഥാനങ്ങളില്‍ നിന്നും (മഹാരാഷ്ട്ര, ചെന്നൈ ഒന്നു വീതം) വന്നവരാണ്. കരിപ്പൂര്‍ വിമാനത്താവളത്തിലെ ഒരു ഉദ്യോഗസ്ഥനും ഒരു ആരോഗ്യ പ്രവര്‍ത്തകനും ഇന്ന് കോവിഡ് സ്ഥിരീകരിച്ചിട്ടുണ്ട്. 

കണ്ണൂരില്‍ ചികിത്സയിലുള്ള രണ്ട് പേര്‍
ഉള്‍പ്പെടെ നാല് പേര്‍ക്ക് രോഗമുക്തി

കോഴിക്കോട് ജില്ലയില്‍ ഇന്ന് (12.06.20) നാല് കോവിഡ് പോസിറ്റീവ് കേസുകള്‍ കൂടി റിപ്പോര്‍ട്ട് ചെയ്തതായും നാല് പേര്‍ രോഗമുക്തി നേടിയതായും ജില്ലാ മെഡിക്കല്‍ ഓഫീസര്‍ ഡോ. ജയശ്രി വി. അറിയിച്ചു. പോസിറ്റീവായ നാലു പേരും വിദേശത്ത് നിന്ന് വന്നവരാണ്. അബുദാബി-2, സൗദി-1, കുവൈത്ത്-1.

ബേപ്പൂര്‍  വില്ലേജ് റീസര്‍വ്വേ നമ്പര്‍ 77 ല്‍ ഉള്‍പ്പെട്ട  5.36 സെന്റ് ഭൂമിയും കൂഴിക്കൂറും 2020 ആഗസ്റ്റ് അഞ്ചിന് രാവിലെ 11.30ന് ബേപ്പൂര്‍  വില്ലേജ് ഓഫീസില്‍  ലേലം ചെയ്യുമെന്ന് കോഴിക്കോട് തഹസില്‍ദാര്‍ അറിയിച്ചു

ജില്ലാ പ്രൊബേഷന്‍ ഓഫീസിലെ ഔദ്യോഗിക ആവശ്യങ്ങള്‍ക്ക്് 2020- 21 സാമ്പത്തിക വര്‍ഷത്തില്‍ ഉപയോഗിക്കുന്നതിന് എ.സി. കാര്‍ വാടകക്ക് നല്‍കാന്‍ താല്‍പര്യമുള്ള വാഹന ഉടമകളില്‍ നിന്നും ടെണ്ടര്‍ ക്ഷണിച്ചു.  വാഹനത്തിന് ഏഴു വര്‍ഷത്തിലധികം കാലപ്പഴക്കം പാടില്ല.  കൂടുതല്‍ വിവരങ്ങള്‍ ജില്ലാ പ്രൊബേഷന്‍ ഓഫീസില്‍നിന്നും പ്രവൃത്തി ദിവസങ്ങളില്‍ ലഭിക്കും.  അവസാന തീയതി ജൂലൈ 10.  ഫോണ്‍ 04952373575

ക്ഷീരവികസന വകുപ്പിന്റെ മില്‍ക് ഷെഡ് വികസന പദ്ധതിയിലുള്‍പ്പെടുത്തി ക്ഷീരകര്‍ഷകര്‍ക്ക് വിവിധ പദ്ധതികളില്‍ ധനസഹായം നല്‍കും.  താല്‍പര്യമുള്ള ക്ഷീരകര്‍ഷകര്‍ ബ്ലോക്ക് ക്ഷീര വികസന ഓഫീസിലോ പ്രദേശത്തെ ക്ഷീര സഹകരണ സംഘത്തിലോ ജൂണ്‍ 20നകം അപേക്ഷിക്കണമെന്ന്  ഡെപ്യൂട്ടി ഡയറക്ടര്‍ അറിയിച്ചു.