പാലോട് ജവഹർലാൽ നെഹ്‌റു ട്രോപ്പിക്കൽ ബൊട്ടാണിക് ഗാർഡൻ ആന്റ് റിസർച്ച് ഇൻസ്റ്റിറ്റ്യൂട്ട് നടപ്പിലാക്കുന്ന ഗവേഷണ പദ്ധതിയിൽ ജൂനിയർ പ്രോജക്ട് ഫെല്ലോയുടെ ഒഴിവിലേക്ക് അപേക്ഷ ക്ഷണിച്ചു. താത്പര്യമുളളവർ അപേക്ഷയോടൊപ്പം വിശദമായ ബയോഡേറ്റ, യോഗ്യത തെളിയിക്കുന്ന സർട്ടിഫിക്കറ്റുകളുടെയും ടെസ്റ്റിമോണിയലുകളുടെയും പകർപ്പുകൾ എന്നിവ സഹിതം pcctbgri@gmail.com  എന്ന ഇ-മെയിലിൽ ജൂൺ 22നകം അയക്കണം. ഇതു സംബന്ധിച്ച വിജ്ഞാപനം www.jntbgri.res.in എന്ന വെബ്‌സൈറ്റിൽ ലഭ്യമാണ്.
പി.എൻ.എക്സ്. 2119/2020

ലൈഫ് മിഷൻ സംസ്ഥാന കാര്യാലയത്തിൽ പ്രോഗ്രാം മാനേജർ (ഫിനാൻസ്) തസ്തികയിൽ ഒരു വർഷത്തെ കരാർ നിയമനം നടത്തുന്നു. ഡെപ്യൂട്ടി സെക്രട്ടറി റാങ്കിൽ കുറയാത്ത തസ്തികയിൽ നിന്ന് സെക്രട്ടേറിയറ്റിലെ ധനവകുപ്പിൽ നിന്ന് വിരമിച്ചവർക്ക് അപേക്ഷിക്കാം. പ്രതിമാസ വേതനം 50,000 രൂപ. ലൈഫ് മിഷൻ സംസ്ഥാന കാര്യാലയത്തിൽ 19ന് വൈകിട്ട് മൂന്നിനകം അപേക്ഷ ലഭിക്കണം. ബയോഡാറ്റയിൽ മൊബൈൽ നമ്പറും ഇ-മെയിൽ ഐഡിയും ഉണ്ടാവണം.
പി.എൻ.എക്സ്. 2118/2020

കേരള സ്റ്റേറ്റ് ലീഗൽ സർവീസ്സസ് അതോറിറ്റിയുടെ അനുബന്ധ സ്ഥാപനങ്ങളിൽ വിവിധ തസ്തികകളിൽ അന്യത്ര സേവന വ്യവസ്ഥയിൽ അപേക്ഷ ക്ഷണിച്ചു. വിശദ വിവരങ്ങൾക്ക്: www.kelsa.nic.in  
പി.എൻ.എക്സ്. 2117/2020

സംസ്ഥാന സർക്കാരിന്റെ മുഖമാസികകളായ കേരള കോളിംഗ്, ജനപഥം എന്നിവയുടെ വാർഷിക വരിസംഖ്യ സർക്കാരിന്റെ ഇ- പെയ്മെന്റ് സംവിധാനം വഴിയും അടയ്ക്കാം. www.etreasury.kerala.gov.in

ജില്ലാ ഒളിമ്പിക് അസോസിയേഷൻറെ നേതൃത്വത്തിൽ പ്രാദേശിക ഓൺലൈൻ പഠന കേന്ദ്രങ്ങൾ തുറക്കുന്നു. പ്രാദേശിക പഠനകേന്ദ്രങ്ങളുടെ ഉദ്ഘാടനം പൊതുമരാമത്ത് മന്ത്രി ജി സുധാകരൻ ശനിയാഴ്ച (ജൂൺ 13 ) രാവിലെ 10ന്  എസ് എസ് വി എൽ പി എസ്, 10.30 സുപ്രിം റസിഡൻസി, 11.മണി  വാടയ്ക്കൽ എസ് എൻ ഡി പി  ഹാൾ എന്നിവിടങ്ങളിൽ നിർവഹിക്കും.

ആലപ്പുഴ: ജനറൽ ആശുപത്രിയിൽ 2020 ജൂലൈ മുതൽ 2021 മാർച്ച് 31 വരെയുള്ള കാലയളവില്‍  ഉപയോഗശൂന്യമായ കാർട്ടൺ, ബോക്‌സുകൾ, മിനറൽ വാട്ടർ കുപ്പികൾ, പ്ലാസ്റ്റിക്ക് കുപ്പികൾ, വേസ്റ്റു പേപ്പറുകൾ, പ്ലാസ്റ്റിക്ക് കന്നാസുകൾ, പ്ലാസ്റ്റിക്ക് കവറുകൾ എന്നീ  വസ്തുക്കൾ കൊണ്ടു പോകുന്നതിന് ക്വട്ടേഷൻ ക്ഷണിച്ചു. ക്വട്ടേഷൻ സമർപ്പിക്കേണ്ട അവസാന തീയതി. ജൂൺ 18. വിശദവിവരങ്ങൾക്ക് ജനറൽ ആശുപത്രി ഓഫീസുമായി ബന്ധപ്പെടണം. ഫോൺ: 0477- 2253324.

ആലപ്പുഴ: കോവിഡ് 19 അതിജീവനക്കിറ്റ്  ജൂൺ 15 വരെ സപ്ലൈകോയുടെ  വിൽപ്പനശാലകളിൽ നിന്നു വാങ്ങാമെന്ന് സിഎംഡി പി .എം. അലി അസ്ഗർ പാഷ അറിയിച്ചു.  റേഷൻ കടകളിൽ നിന്ന് കിറ്റ് വാങ്ങാത്ത കാർഡുടമകൾ കാർഡുമായെത്തി കിറ്റ്  കൈപ്പറ്റണം.