മിശ്ര വിവാഹ ദമ്പതികള്‍ക്ക് സുരക്ഷിതമായി താമസിക്കുന്നതിന് എല്ലാ ജില്ലകളിലും സെയിഫ് ഹോമുകള്‍ സജ്ജമാക്കുന്നതിനായി സന്നദ്ധ സംഘടനകളില്‍ നിന്നും സാമൂഹ്യനീതി വകുപ്പ് പ്രൊപ്പോസല്‍ ക്ഷണിച്ചു. പരമാവധി പത്ത് ദമ്പതികള്‍ക്ക് ഒരേസമയം താമസസൗകര്യമൊരുക്കാന്‍ കഴിയണം. താമസ കാലയളവില്‍ ദമ്പതികള്‍ക്ക് ഭക്ഷണം ഉള്‍പ്പെടെയുള്ള അടിസ്ഥാനസൗകര്യങ്ങള്‍ ലഭ്യമാക്കണം. താത്പര്യമുള്ള സംഘടനകള്‍ അതാത് ജില്ലയിലുള്ള സാമൂഹ്യനീതി ഓഫീസില്‍ മാര്‍ച്ച് 20ന് മുന്‍പ് അപേക്ഷ സമര്‍പ്പിക്കണം. കൂടുതല്‍ വിവരങ്ങള്‍ക്ക് 0471-2306040.
(പി.ആര്‍.പി. 240/2020)

    കൊറോണ പ്രതിരോധ നടപടികളുടെ ഭാഗമായി മ്യൂസിയം, മൃഗശ്ശാല, പ്ലാനറ്റോറിയം എന്നിവ മാര്‍ച്ച് 31 വരെ അടച്ചതായി ജില്ലാ കളക്ടര്‍ കെ. ഗോപാലകൃഷ്ണന്‍ അറിയിച്ചു.
(പി.ആര്‍.പി. 238/2020)

കൊറോണ വൈറസ് പ്രതിരോധ നടപടികളുടെ ഭാഗമായി കോട്ടയം ജില്ലയില്‍ ഐസോലേഷന്‍ വിഭാഗത്തില്‍ കഴിഞ്ഞിരുന്ന നാലു പേരെ ഇന്നലെ ആശുപത്രിയിലെ നീരീക്ഷണത്തില്‍നിന്ന് ഒഴിവാക്കി. 

കോട്ടയം മെഡിക്കല്‍ കോളേജ് ആശുപത്രിയില്‍നിന്നും ജനറല്‍ ആശുപത്രിയില്‍നിന്നും രണ്ടു പേരെ വീതമാണ് ഒഴിവാക്കിയത്. ഇനി ഒന്‍പതു പേരാണ് ആശുപത്രികളിലുള്ളത്.

പുതിയതായി ആരെയും ആശുപത്രി നിരീക്ഷണത്തില്‍ പ്രവേശിപ്പിച്ചിട്ടില്ല. പുതിയതായി ഒരാളുടെയും നേരത്തെ നെഗറ്റീവാണെന്ന് കണ്ടെത്തിയ നാലുപേരുടെയും സാമ്പിളുകള്‍ ഇന്നലെ പരിശോധനയ്ക്കയച്ചു.

ജനസമ്പര്‍ക്കമില്ലാതെ കഴിയുന്നത് 942 പേര്‍

വിദേശത്തുനിന്നു വന്ന കൊറോണ രോഗികള്‍ വീടുകളില്‍ ഒളിച്ചിരിക്കുന്നു എന്ന അഭ്യൂഹം ജില്ലയില്‍ വ്യാപകമായുണ്ട്. കളക്ടറേറ്റിലെ കൊറോണ കണ്‍ട്രോള്‍ റൂമിലും വിവിധ വകുപ്പുകളിലും ആശുപത്രികളിലും നിരവധി പേര്‍ ഇത്തരം രോഗികളെക്കുറിച്ച് ഫോണില്‍ വിളിച്ചറിയിക്കുന്നുണ്ട്.

 പാമ്പാടി താലൂക്ക് ആശുപത്രി സ്റ്റോറില്‍ ലാബ് റീഏജന്‍സ്, എക്‌സ്‌റേ ഫിലിം എന്നിവ എത്തിച്ചു നല്‍കുന്നതിന് താല്പര്യമുളളവരില്‍ നിന്ന് ദര്‍ഘാസ് ക്ഷണിച്ചു. മാര്‍ച്ച് 27 രാവിലെ 10.30നകം ആശുപത്രി സൂപ്രണ്ടിന്  നല്‍കണം. ഫോണ്‍: 0481 2507866

   പോലീസ് കംപ്ലയിന്റ് അതോറിറ്റി മാര്‍ച്ച് 16 രാവിലെ 11ന്  കളക്ടറേറ്റ് കോണ്‍ഫറന്‍സ് ഹാളില്‍    നടത്താനിരുന്ന സിറ്റിംഗ് മാറ്റിവച്ചു. ഈ ദിവസത്തെ കേസുകള്‍ ഏപ്രില്‍ 20ന് നടത്തുന്ന സിറ്റിംഗില്‍ പരിഗണിക്കുന്നതാണെന്ന് അധികൃതര്‍ അറിയിച്ചു.  

    സാമൂഹ്യ പ്രശ്‌നങ്ങള്‍ നേരിടുന്ന മിശ്രവിവാഹ ദമ്പതികള്‍ക്ക് പരമാവധി ഒരു വര്‍ഷം സുരക്ഷിതമായി താമസിക്കുന്നതിനുളള സെയ്ഫ് ഹോമുകള്‍ ഒരുക്കുന്നതിന് സന്നദ്ധ സംഘടനകളില്‍ നിന്ന് സാമൂഹ്യനീതി വകുപ്പ് പ്രൊപ്പോസല്‍ ക്ഷണിച്ചു. മാര്‍ച്ച് 20നകം ജില്ലാ സാമൂഹ്യനീതി ഓഫീസില്‍ നല്‍കണം. കൂടുതല്‍ വിവരങ്ങള്‍ക്ക് ഫോണ്‍: 0471 2306040