നിലമ്പൂര്‍ കരുളായി റോഡ് നവീകരണം 16 ന് തുടങ്ങും. 16 ന് കരുളായിയില്‍ രാവിലെ 10 ന് പി.വി അന്‍വര്‍ എം.എല്‍.എ പ്രവര്‍ത്തി ഉദ്ഘാടനം നിര്‍വ്വഹിക്കും. കേന്ദ്ര റോഡ് ഫണ്ടില്‍ നിന്നു 16 കോടി രൂപ ചെലവഴിച്ച് താഴെ ചന്തക്കുന്ന് മുതല്‍ കരുളായി ചെറുപുഴ പാലം വരെ 11 കിലോമീറ്റര്‍ വീതിയിലും ഏഴ്മീറ്റര്‍ വീതിയിലും റോഡ്  റബ്ബൈറസ് ചെയ്യും. മുക്കട്ടയിലും കരുളായിയിലും ബസ് ബേ കള്‍ നിര്‍മ്മിക്കും. 10 കള്‍വെര്‍ട്ടുകള്‍ പുതുക്കി പണിയും. ആദ്യ ഘട്ടത്തില്‍ കള്‍വര്‍ട്ടുകളുടെ ജോലിയാണ് ആരംഭിക്കുക. പി.വി അന്‍വര്‍ എം.എല്‍.എയുടെ ശ്രമഫലമായാണ് സംസ്ഥാന പൊതുമരാമത്ത് വകുപ്പ് ഈ റോഡ് കേന്ദ്ര റോഡ് ഫണ്ടില്‍ ഉള്‍പ്പെടുത്തിയത്.

വി.എച്ച്.എസ്.ഇ ബ്രിഡ്ജ് കോഴ്‌സ് മെറ്റീരിയലിന്റെ പ്രകാശനവും വിതരണവും ഇന്ന് (ജൂണ്‍ 13) രാവിലെ 10.30 ജില്ലാ പഞ്ചായത്ത് പ്രസിഡണ്ട് എ പി ഉണ്ണികൃഷ്ണന്‍ നിര്‍വ്വഹിക്കും. ചടങ്ങില്‍ വൈസ് പ്രസിഡന്റ് സക്കീന പുല്‍പ്പാടന്‍, വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍മാന്‍ വി.സുധാകരന്‍, വി എച്ച് എസ് ഇ അസിസ്റ്റന്റ് ഡയറക്ടര്‍ എം. ഉബൈദുള്ള, വിജയഭേരി കോഡിനേറ്റര്‍ ടി.സലിം, പൊതുവിദ്യാഭ്യാസ സംരക്ഷണ യജ്ഞം കോഡിനേറ്റര്‍ എം.മണി തുടങ്ങിയവര്‍ സംബന്ധിക്കും.

       ജൂണ്‍ 21 ന് അന്താരാഷ്ട്ര യോഗ ദിനാചരണത്തോടനുബന്ധിച്ച് ഹൈസ്‌കൂള്‍/ ഹയര്‍ സെക്കന്ററി സ്‌കൂള്‍/ വൊക്കേഷണല്‍ ഹയര്‍ സെക്കന്ററി സ്‌കൂള്‍ മറ്റ് വിവിധ സ്ഥാപനങ്ങള്‍ എന്നിവിടങ്ങളില്‍ സ്വയം സന്നദ്ധരായി യോഗ പരിശീലനം നല്‍കുന്നതിന് തയ്യാറുള്ളവരുടെ ഡാറ്റ ജൂണ്‍ 14 ന് വൈകുന്നേരം അഞ്ചിനകം മലപ്പുറം സിവില്‍ സ്റ്റേഷനിലെ ആയുര്‍വ്വേദ ജില്ലാ മെഡിക്കല്‍ ഓഫീസില്‍ ലഭിക്കണം.            ഝൗമഹശളശരമശേീി : ആചഥട/ങരെ(ഥീഴമ)/ങ.ജവശഹ(ഥീഴമ)/ ഉശുഹീാമ ശി ഥീഴമ/ ീില ്യലമൃ ഇലൃശേളശരമലേ ഇീൗൃലെ ശി ്യീഴമ

നിലമ്പൂര്‍ ഗവ. കോളേജില്‍ ജോഗ്രഫി ഗസ്റ്റ് അധ്യാപക ഒഴിവിലേക്ക് അപേക്ഷ ക്ഷണിച്ചു.  കോളേജ് വിദ്യാഭ്യാസ വകുപ്പ് ഡെപ്യൂട്ടി ഡയറക്‌ട്രേറ്റുകളില്‍ രജിസ്റ്റര്‍ ചെയ്തിട്ടുള്ളവര്‍ കൂടിക്കാഴ്ചക്കായി ജൂണ്‍ 15ന് രാവിലെ 11ന് അസ്സല്‍ രേഖകളുമായി കോളേജില്‍ എത്തണം.

മലപ്പുറം ആര്‍.ട്ടി.എ യോഗം ജൂണ്‍ 29ന് വൈകുന്നേരം മൂന്നിന് കലക്‌ട്രേറ്റ് സമ്മേളന ഹാളില്‍ ചേരുമെന്ന് മലപ്പുറം ആര്‍.ട്ടി.ഒ അറിയിച്ചു.  

ഇലക്ട്രിക് പോസ്റ്റുകളിലെ പോസ്റ്ററുകള്‍, ബാനറുകള്‍ എന്നിവ നീക്കം ചെയ്യുന്നതിമായി ബന്ധപ്പെട്ട കാര്യങ്ങള്‍ ചര്‍ച്ച ചെയ്യുന്നതിനായി വൈദ്യുത അപകട നിവാരണ സമിതി യോഗം ജൂണ്‍ 17ന്  രാവിലെ 11ന് എ.ഡി.എമ്മിന്റെ ചേമ്പറില്‍ ചേരും.

ജില്ലാ എംപ്‌ളോയ്‌മെന്റ് എക്‌സ്‌ചേഞ്ചിലെ എംപ്ലോയബിലിറ്റി സെന്റ്ററിലേക്കും പ്രമുഖസ്വകാര്യ സ്ഥാപനങ്ങളിലേക്കും ഫാക്കല്‍റ്റി, അസിസ്റ്റന്റ് കൗണ്‍സിലര്‍, ഗ്രാഫിക്ക് ഡിസൈനിങ് ഫാക്കല്‍റ്റി, പി.ഡി.ഡി.സി.എ ഫാക്കല്‍റ്റി, ഫാഷന്‍ ഡിസൈനിങ് ഫാക്കല്‍റ്റി, ഓഫീസ്സ്റ്റാഫ്, റിസപ്ഷനിസ്റ്റ്, സെയില്‍സ് എക്‌സിക്യൂട്ടീവ് എന്നീ തസ്തികകളില്‍  ഉദ്യോഗാര്‍ത്ഥികളെ ആവശ്യമുണ്ട്. എംപ്ലോയബിലിറ്റി സെന്ററില്‍ ജൂണ്‍  17 ന് രാവിലെ 10 ന് നടക്കുന്ന കൂടിക്കാഴ്ചയില്‍ പ്ലസ്ടു, ഡിപ്ലൊമ, ഡിഗ്രി   യോഗ്യതയുള്ളര്‍ക്ക് പങ്കെടുക്കാം.  ഫോണ്‍ : 04832 734 737

പെരിന്തല്‍മണ്ണ ഗവ. പോളിടെക്‌നിക് കോളേജിനു കീഴിലുളള   മങ്കട ഏകഎഉ യിലെ ഇന്‍സ്ട്രക്ടര്‍ തസ്തികയിലേക്ക് മണിക്കൂര്‍ വേതനാടിസ്ഥാനത്തിലും  ഇംഗ്‌ളീഷ് അധ്യാപക തസ്തികയിലേക്ക്  ദിവസ വേതനാടിസ്ഥാനത്തിലും നിയമനം നടത്തുന്നു. യോഗ്യത  ഇംഗ്ലീഷ് അധ്യാപകന്‍ - കേരളത്തിലെ ഏതെങ്കിലും സര്‍വ്വകലാശാല അംഗീകരിച്ച ഇംഗ്ലീഷിലുള്ള പി.ജി ബിരുദവും ബി.എഡും സെറ്റും ടെയ്‌ലറിങ് ഇന്‍സ്ട്രകട്ര്‍ - കെ.ജി.ടി.ഇ ടൈലറിങ് ആന്‍ഡ് ഗാര്‍മെന്റ് മേക്കിങ്, ഫോട്ടോഷോപ്പ്, എക്‌സെല്‍, എം.എസ്. വേഡു അധ്യാപന പരിചയവും.   നിശ്ചിത യോഗ്യതയുളള വര്‍ ജൂണ്‍ 14 ന് ബയോഡാറ്റയും  അസല്‍ സര്‍ട്ടിഫിക്കറ്റുകളുമായി കൂടിക്കാഴ്ചക്ക് എത്തണം.

പരപ്പനങ്ങാടി ഐ.സി.ഡി.എസ് പ്രൊജക്ട് ഓഫീസിലെ ഔദ്യോഗിക ആവശ്യത്തിന് ടാക്‌സി പെര്‍മിറ്റുള്ള കാര്‍ / ജീപ്പ് വാടകക്ക് നല്‍കുവാന്‍ താല്‍പര്യമുളളവരില്‍ നിന്നും ദര്‍ഘാസ് ക്ഷണിച്ചു.  ദര്‍ഘാസ് ജൂണ്‍ 27ന് വൈകുന്നേരം 3.30നകം  ഓഫീസില്‍ ലഭിക്കണം.  ഫോണ്‍ 0483 2706467.

വണ്ടൂര്‍ ഗ്രാമ പഞ്ചായത്തിലെ പുല്ലൂര്‍ തുള്ളിശ്ശേരി  ഹരിജന്‍ കോളനി റോഡ് റീ ടാറിങിന് വെള്ളപ്പൊക്ക ദുരിതാശ്വാസ പദ്ധതിയില്‍ ഉള്‍പ്പെടുത്തി ആറു ലക്ഷം രൂപ അനുവദിച്ചു.