കോവിഡ് മാനദണ്ഡങ്ങള്‍ പൂര്‍ണ്ണമായും പാലിച്ച് മാത്രമെ ഇന്ന് (ജൂണ്‍ 12) മുതല്‍ ആരാധനാലയങ്ങള്‍ പ്രവര്‍ത്തിക്കാവൂ എന്ന് ജില്ലാ കലക്ടര്‍ കെ. ഗോപാലകൃഷ്ണന്‍ അറിയിച്ചു. ആരാധന ആരാധനാലയങ്ങള്‍ക്കുള്ളില്‍ ഒതുങ്ങുന്ന രീതിയില്‍ മാത്രമെ അനുവദിക്കൂവെന്നും മദ്രസകള്‍ ഉള്‍പ്പെടെയുള്ള വിദ്യാഭ്യാസ സ്ഥാപനങ്ങളിലും വീടുകളിലും ആരാധനയ്ക്ക് ഒത്തുചേരാന്‍ അനുമതി നല്‍കിയിട്ടില്ലെന്നും കലക്ടറുടെ അറിയിപ്പില്‍ പറയുന്നു.
(എം.പി.എം 2182/2020)
 

മലപ്പുറം ജില്ലയില്‍ തുറക്കുന്ന ആരാധനാലയങ്ങളില്‍, കോവിഡ് വ്യാപന സാധ്യത മുന്‍നിര്‍ത്തി അതീവ ജാഗ്രത പുലര്‍ത്തുകയും കോവിഡ് മുന്‍കരുതല്‍ നിര്‍ദേശങ്ങള്‍ കര്‍ശനമായി പാലിക്കുകയും ചെയ്യണമെന്ന്  ജില്ലാ കലക്ടര്‍ കെ. ഗോപാലകൃഷ്ണന്‍ അറിയിച്ചു. ഇക്കാര്യങ്ങള്‍ ആരാധനാലയ അധികൃതര്‍ ഉറപ്പുവരുത്തണം. ആരാധനാലയങ്ങളില്‍ ശ്രദ്ധിക്കേണ്‍ കാര്യങ്ങള്‍ ചുവടെ പറയുന്നു.
• രോഗ ലക്ഷണങ്ങളുള്ള ആരേയും ആരാധനാലയങ്ങളില്‍ പ്രവേശിപ്പിക്കരുത്. 
• ആരാധനാലയങ്ങളില്‍ എത്തുന്നവരുടെ ശരീരോഷ്മാവ് പരിശോധിക്കാന്‍ തെര്‍മല്‍ സ്‌കാന്‍ സൗകര്യങ്ങള്‍ ഉള്‍പ്പെടെ ഒരുക്കണം. 

കോവിഡ് 19 പ്രതിരോധത്തിന്റെ ഭാഗമായുള്ള ആരോഗ്യ ജാഗ്രത ലംഘിച്ചതിന് ജില്ലയില്‍ 14 കേസുകള്‍ കൂടി ഇന്നലെ (ജൂണ്‍ 11) രജിസ്റ്റര്‍ ചെയ്തതായി ജില്ലാ പൊലീസ് മേധാവി യു. അബ്ദുള്‍ കരീം അറിയിച്ചു.  വിവിധ സ്റ്റേഷനുകളിലായി 23 പേരെ ഇന്നലെ അറസ്റ്റു ചെയ്തു. നിര്‍ദേശങ്ങള്‍ ലംഘിച്ച് നിരത്തിലിറക്കിയ ആറ് വാഹനങ്ങളും പിടിച്ചെടുത്തിട്ടുണ്‍്. ഇതോടെ ആരോഗ്യ ജാഗ്രത ലംഘിച്ചതിന് പൊലീസ് രജിസ്റ്റര്‍ ചെയ്ത കേസുകളുടെ എണ്ണം 4,558 ആയി. 5,614 പേരെയാണ് ഇതുവരെ അറസ്റ്റു ചെയ്തത്. ജില്ലയിലാകെ ഇതുവരെ 2,603 വാഹനങ്ങളും പിടിച്ചെടുത്തിട്ടുണ്‍്.

ജില്ലാ ശിശുക്ഷേമ സമിതിയുടെ നേതൃത്വത്തില്‍  വഴിക്കടവിലെ പട്ടികവര്‍ഗകോളനികളിലെ കുട്ടികള്‍ക്ക്    ഓണ്‍ലൈന്‍ പഠന സൗകര്യം ഒരുക്കി. വഴിക്കടവിലെ പുഞ്ചക്കൊല്ലി, അളക്കല്‍ തുടങ്ങിയ കോളനികളിലെ കുട്ടികള്‍ക്കാണ് ടി.വി യും ഡിഷും അടക്കമുള്ള ഓണ്‍ലൈന്‍ സൗകര്യം ഒരുക്കിയത്.  കുട്ടികള്‍ക്ക് ചിത്ര പുസ്തകങ്ങളും പഠനോപകരണങ്ങളും വിതരണം ചെയ്തു. പരിപാടി ജില്ലാ ശിശുക്ഷേമ സമിതി സെക്രട്ടറി സി.വിജയകുമാര്‍ ഉദ്ഘാടനം ചെയ്തു. പി.സതീശന്‍ അധ്യക്ഷനായി. 
(എം.പി.എം 2175/2020)
 

കോവിഡ് 19 പ്രതിരോധപ്രവര്‍ത്തനങ്ങളുടെ ഭാഗമായി പുതുതായി ഏറ്റെടുത്തിട്ടുള്ള ഫസ്റ്റ് ലൈന്‍ ട്രീറ്റ്‌മെന്റ് സെന്ററുകളില്‍ 15 ദിവസത്തിനുള്ളില്‍ 1000 കിടക്കകള്‍ സ്ഥാപിക്കുമെന്ന് ജില്ലാ കളക്ടര്‍ പി.ബി നൂഹ് പറഞ്ഞു. പെരുനാട് കാര്‍മ്മല്‍ എഞ്ചിനീയറിംഗ് കോളേജ്, നിലയ്ക്കല്‍ ദേവസ്വം ബോര്‍ഡ് കെട്ടിടങ്ങള്‍ എന്നിവ സന്ദര്‍ശിച്ച് വിലയിരുത്തിയ ശേഷം സംസാരിക്കുകയായിരുന്നു ജില്ലാ കളക്ടര്‍.

പെരിന്തല്‍മണ്ണ നഗരസഭയില്‍ ആരോഗ്യ നടപ്പാതയുടെ നിര്‍മാണത്തിന് തുടക്കമായി. നഗരസഭയുടെ 28 ഇന പരിപാടികളുടെ ഭാഗമായി മാനത്ത്മംഗലം-പൊന്ന്യാകുര്‍ശ്ശി ബൈപ്പാസിലാണ് നടപ്പാത നിര്‍മിക്കുന്നത്. പ്രഭാത നടത്തം, വ്യായാമം, വിനോദം തുടങ്ങിയവ ലക്ഷ്യമിട്ടാണ് പാത നിര്‍മിക്കുന്നത്.

പെരിന്തല്‍മണ്ണ പൂക്കോയ തങ്ങള്‍ മെമ്മോറിയല്‍ ഗവണ്‍മെന്റ് കോളജില്‍ 2020-21 അധ്യയന വര്‍ഷത്തില്‍  വിവിധ പ്രോഗ്രാമുകളുടെ മൂന്ന്, അഞ്ച് സെമസ്റ്റര്‍ ക്ലാസ്സുകളില്‍ (യുജി, പിജി) ഏതാനും സീറ്റുകള്‍ ഒഴിവുണ്‍്. മൂന്നാം സെമസ്റ്റര്‍ ബി.എ ഇംഗ്ലീഷ്, ബിഎസ്.സി മാത്തമാറ്റിക്‌സ്, ഫിസിക്‌സ്, എം.എ അറബിക് , അഞ്ചാം സെമസ്റ്റര്‍ ബി.എ അറബിക്, ഇംഗ്ലീഷ്, ബിഎസ്.സി ഫിസിക്‌സ് തുടങ്ങിയ പ്രോഗ്രാമുകളിലാണ് ഒഴിവ്. താത്പര്യമുള്ള വിദ്യാര്‍ഥികള്‍ ജൂണ്‍ 16നകം  കോളജ് ഓഫീസില്‍ നേരിട്ട് അപേക്ഷ സമര്‍പ്പിക്കണമെന്ന് പ്രിന്‍സിപ്പല്‍ അറിയിച്ചു.
(എം.പി.എം 2173/2020)