കോവിഡ് 19 മായി ബന്ധപ്പെട്ട് ജില്ലയില്‍ നിലവില്‍ 178 പേരാണ് ചികിത്സയിലുള്ളത്. കൂടാതെ, വിവിധ ആശുപത്രികളിലായി 33 പേർ നിരീക്ഷണത്തിലുമുണ്ട്. ഇന്ന് 11 പേരെയാണ്  ആശുപത്രിയിൽ പ്രവേശിപ്പിച്ചത്. 

 ഇന്ന് (ജൂൺ 11) ജില്ലയിൽ  13 പേർക്കാണ് കോവിഡ് 19 സ്ഥിരീകരിച്ചത്. പരിശോധനയ്ക്കായി ഇന്ന് 341 സാമ്പിളുകൾ അയച്ചു. 

പരിശോധനയ്ക്കായി ഇതുവരെ 12499 സാമ്പിളുകൾ  അയച്ചതിൽ 10770 പരിശോധനാ ഫലങ്ങളാണ്  ലഭ്യമായത്.  78 പേർ രോഗമുക്തരായി ആശുപത്രി വിട്ടു. 

സെന്റിനെന്റൽ സർവൈലൻസ് പ്രകാരം ഇതുവരെ 1892 സാമ്പിളുകളും ഓഗ്മെന്റഡ് സർവൈലൻസ് പ്രകാരം ഇതുവരെ 195 സാമ്പിളുകളാണ്  പരിശോധിച്ചത്.

13 പേര്‍  ഇന്‍സ്റ്റിറ്റ്യൂഷനല്‍ ക്വാറന്റൈനില്‍

 ഷാർജ,  ദുബായ്,  ജിദ്ദ,  റിയാദ്,  മസ്കറ്റ്,  ദോഹ,  ബഹറിൻ,  സലാല എന്നിവിടങ്ങളില്‍ നിന്നും നെടുമ്പാശ്ശേരി, കണ്ണൂർ,  കരിപ്പൂർ, തിരുവനന്തപുരം അന്താരാഷ്ട്ര വിമാനത്താവളങ്ങളിൽ  ഇന്നലെ (ജൂണ്‍ 10) ജില്ലയിലെത്തിയത് 66 പാലക്കാട് സ്വദേശികള്‍.  ഇവരിൽ 13 പേർ ഇന്‍സ്റ്റിറ്റ്യൂഷനല്‍ ക്വാറന്റൈനില്‍ പ്രവേശിച്ചു.  

 ദുബായിൽ  നിന്നും നെടുമ്പാശ്ശേരി അന്താരാഷ്ട്ര വിമാനത്താവളത്തില്‍ എത്തിയ 26 പേരിൽ 9 പേർ ഇൻസ്റ്റിറ്റ്യൂഷനൽ  ക്വാറന്റൈനിൽ പ്രവേശിച്ചു. 17  പേർ വീടുകളിൽ നിരീക്ഷണത്തിലാണ്.

പാലക്കാട് ജില്ലയിൽ ഇന്ന്(ജൂൺ 11) 13 പേർക്ക്  കോവിഡ് 19  സ്ഥിരീകരിച്ചു. 

ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

ഒമാൻ-1
വല്ലപ്പുഴ ചെമ്മാങ്കുഴി സ്വദേശി (24, സ്ത്രീ)

യുഎഇ-6
ഷാർജയിൽ നിന്ന് വന്ന 
കാരാക്കുറുശ്ശി സ്വദേശികൾ (76 പുരുഷൻ,69 സ്ത്രീ),
അബുദാബിയിൽ നിന്ന് വന്നവരായ 
പൊൽപ്പുള്ളി സ്വദേശി(53, പുരുഷൻ), കോട്ടോപ്പാടം സ്വദേശി (42 പുരുഷൻ), മണ്ണാർക്കാട് സ്വദേശി (23 പുരുഷൻ), ദുബായിൽനിന്ന് വന്ന കാരാക്കുറുശ്ശി സ്വദേശി (55 സ്ത്രീ)

എലപ്പുള്ളി 2 വില്ലേജ് സ്വദേശിയായ കുപ്പുസ്വാമിയില്‍ നിന്നും ഏറ്റെടുത്ത കുളത്തില്‍ 2020-2022 കാലയളവിലേക്ക് മത്സ്യം വളര്‍ത്തി വിളവെടുക്കാനുള്ള അവകാശം ജൂണ്‍ 18 ന് രാവിലെ 11 ന് എലപ്പുള്ളി 2 വില്ലേജോഫീസില്‍ ലേലം ചെയ്യുമെന്ന് അഡീഷണല്‍ തഹസില്‍ദാര്‍ അറിയിച്ചു. സര്‍വേ നമ്പര്‍ 22 ബി/ 64.24 ഏക്കര്‍ കുളമാണ് ഏറ്റെടുത്തിരിക്കുന്നത്.

പുതുശ്ശേരി ഈസ്റ്റ് വില്ലേജ് സ്വദേശിയായ ദൊരൈരാജിന്റെ ബാലാജി മോഡേണ്‍ സ്പിന്നേഴ്‌സ് ലിമിഡറ്റില്‍ നിന്നും ഏറ്റെടുത്ത തെങ്ങുകളിലെ കായ്ഫലം 2020-2021 കാലയളവിലേക്ക് ഏറ്റെടുക്കാനുള്ള അവകാശം ജൂണ്‍ 17 ന് രാവിലെ 11 ന് പുതുശ്ശേരി ഈസ്റ്റ് വില്ലേജോഫീസില്‍ ലേലം ചെയ്യുമെന്ന് അഡീഷണല്‍ തഹസില്‍ദാര്‍ അറിയിച്ചു. സര്‍വേ നമ്പര്‍ 1088/1 ല്‍ ഉള്‍പ്പെട്ട 7.52 ഏക്കര്‍ മിച്ചഭൂമിയിലെ 429 തെങ്ങുകളിലെ കായ്ഫലം എടുക്കുന്നതിനാണ് ലേലം നടക്കുന്നത്.

മെന്റര്‍ ടീച്ചര്‍ നിയമനം

ലോക്ക് ഡൗണ്‍ മൂലം നിര്‍ത്തിവെച്ച സാമൂഹിക-സാമ്പത്തിക സര്‍വെ, പീരിയോഡിക് ലേബര്‍ ഫോഴ്‌സ് സര്‍വ്വേ, അര്‍ബന്‍ ഫ്രയിം സര്‍വെ എന്നിവ നാഷണല്‍ സ്റ്റാറ്റിസ്റ്റിക്കല്‍ ഓഫീസിന്റെ ആഭിമുഖ്യത്തില്‍ കോവിഡ് -19 മാനദണ്ഡങ്ങള്‍ പാലിച്ച് പുനരാരംഭിച്ചതായി റീജ്യനല്‍ ഹെഡും ഡയറക്ടറുമായ എഫ്. മുഹമ്മദ് യാസിര്‍ അറിയിച്ചു. കോവിഡ് -19 മായി ബന്ധപ്പെട്ട് പ്രാദേശികമായ നിബന്ധനകള്‍ പാലിച്ച് അനുവദനീയമായ മേഖലകളില്‍ മാത്രമാണ് സര്‍വേ നടത്തുന്നത്.

കോട്ടയം താലൂക്കിലെ കാലവര്‍ഷ ദുരന്തനിവാരണ മുന്നൊരുക്കങ്ങള്‍ തിരുവഞ്ചൂര്‍ രാധാകൃഷ്ണന്‍ എം.എല്‍.എയുടെ അധ്യക്ഷതയില്‍ ചേര്‍ന്ന യോഗം വിലയിരുത്തി. ദുരിതാശ്വാസ ക്യാമ്പുകളുടെ ക്രമീകരണം ഉള്‍പ്പെടെയുള്ള പ്രവര്‍ത്തനങ്ങൾ സംസ്ഥാന ദുരന്ത നിവാരണ അതോറിറ്റി പുറത്തിറക്കിയ ദുരന്ത പ്രതികരണ മാര്‍ഗരേഖ പൂര്‍ത്തീകരിക്കാന്‍ കോട്ടയം ജവഹര്‍ ബാലഭവനില്‍ ചേര്‍ന്ന യോഗം തീരുമാനിച്ചു.   

ഡല്‍ഹിയില്‍നിന്ന് ജൂണ്‍ രണ്ടിന് ട്രെയിനില്‍ കോട്ടയത്ത് എത്തിയ രണ്ടു യുവതികള്‍ക്ക് കോവിഡ്-19 സ്ഥിരീകരിച്ചു. കങ്ങഴയിലെ ക്വാറന്‍റയിന്‍ കേന്ദ്രത്തില്‍ കഴിഞ്ഞിരുന്ന വെള്ളാവൂര്‍ സ്വദേശിനി(34), ഹോം ക്വാറന്‍റയിനില്‍ കഴിഞ്ഞിരുന്ന ഗര്‍ഭിണിയായ എരുമേലി സ്വദേശിനി(31) എന്നിവരെയാണ് രോഗം ബാധിച്ചതിനെത്തുടര്‍ന്ന് ആശുപത്രിയില്‍ പ്രവേശിപ്പിച്ചത്. വെള്ളാവൂര്‍ സ്വദേശിനിക്കൊപ്പമെത്തിയ ഭര്‍ത്താവിന്‍റെയും മകന്‍റെയും പരിശോധനാഫലം നെഗറ്റീവാണ്. 

ഇടുക്കി ജില്ലാ ആശുപത്രിയില്‍ ലബോറട്ടറിയിലെ വിവിധ രക്ത പരിശോധനകള്‍ക്കാവശ്യമായ ആശുപത്രി ഫാര്‍മസി സ്റ്റോറില്‍ ലഭ്യമല്ലാത്ത റീഏജന്റുകള്‍ ഗുണമേന്‍മ ഉറപ്പാക്കി ലഭ്യമാക്കുന്നതിനും ആരോഗ്യ ഇന്‍ഷുറന്‍സ് പദ്ധതിയായ ആയുഷ്മാന്‍ ഭാരതിന്റെ ആര്‍.ബി.എസ്.കെ കീഴില്‍ ഓര്‍ത്തോപീഡിക് ഇംബ്ലാറ്റിന്റെ വിവിധ തരത്തിലുള്ള ശാസ്ത്രീയ ഉപകരണങ്ങളും മറ്റു സഹായികളും രോഗികള്‍ക്ക് കുറഞ്ഞ നിരക്കില്‍ ലഭ്യമാക്കുന്നതിനും  അംഗീകൃത വിതരണക്കാരില്‍ നിന്നും ആരോഗ്യ ഇന്‍ഷുറന്‍സ് പദ്ധതിയായ ആയുഷ്മാന്‍ ഭാരത് പി.എം.ജെ.എ.വൈ ആര്‍.ബി.എസ്.കെ/ ജെ.എസ്.എസ്.കെ പദ്ധതികള്‍ പ്രകാരം ആശുപത്രിയില്‍ ചികിത്സയ്‌ക്കെത്തുന്ന രോഗികള്‍ക്ക് എം.ആര്‍.ഐ/ സി.റ്റി/ യു.