ആലപ്പുഴ: മാവേലിക്കര പാലമേൽ വില്ലേജിൽ ആദിക്കാട്ടുകുളങ്ങര വടക്ക് മുറിയിൽ പടിഞ്ഞാറ്റതിൽ വീട്ടിൽ റജീനമോൾ കളക്ടറുടെ പരാതി പരിഹാര അദാലത്തിലെത്തിയത് കെ.ഐ.പി. കനാൽ തുറന്നു കഴിഞ്ഞാൽ വീട് വെള്ളത്തിലാകുന്ന ദുഖം അറിയിച്ചാണ്.കനാൽ വെള്ളം അനിയന്ത്രിതമായി കയറി വീടിന്റെ അടിത്തറ തകരുകയും കൃഷി നശിക്കുകയും ചെയ്യുന്നു എന്നാണ് പരാതി. കെ.ഐ.പി കനാലിന്റെ അരിക് സംരക്ഷണവുമായി ബന്ധപ്പെട്ട് അടിയന്തിര ശ്രദ്ധ വേണമെന്ന് കണ്ടതിനെത്തുടർന്ന് ജില്ല കളക്ടർ എ. അലക്‌സാണ്ടർ  കനാലിന്റെ സമീപത്തുള്ള തദ്ദേശ ഭരണ സ്ഥാപനങ്ങളുടെയും കെ.ഐ.പി കനാൽ ചുമതലയുള്ള ഉദ്യോഗസ്ഥരുടെയും അടിയന്തിര യോഗം വിളിക്കാൻ നിർദ്ദേശം നൽകി. 

    • ഓൺലൈൻ അദാലത്ത് ജില്ലയിൽ ആദ്യമായി

 
ആലപ്പുഴ : കോവിഡ് പശ്ചാത്തലത്തിൽ കർഷകർക്ക് പ്രോത്സാഹനമായി താമരക്കുളം ഗ്രാമപഞ്ചായത്ത് ഞാറ്റുവേല ചന്തയും, കർഷക സഭയും സംഘടിപ്പിച്ചു. ആർ രാജേഷ് എം. എൽ. എ ഉദ്ഘാടനം ചെയ്തു. ലോക്ക്  ഡൌൺ മൂലം കർഷർ നടീൽ വസ്തുക്കളുടെയും, വളങ്ങളുടെയും, കാർഷിക വസ്തുക്കളുടെയും ദൗർലഭ്യം നേരിടുന്ന സാഹചര്യത്തിലാണ് പഞ്ചായത്ത്‌ കൃഷിഭവനുമായി ചേർന്ന്   പരിപാടി സംഘടിപ്പിച്ചത്. 
ഗ്രാമപഞ്ചായത്തിലെ വിവിധ വാർഡിലെ കർഷകർ കാർഷിക സഭയിൽ പങ്കെടുത്തു. കൃഷി വകുപ്പിന് കീഴിലെ ജനകീയാസൂത്രണ പദ്ധതി പ്രകാരംമുള്ള പദ്ധതികളും, കർഷകരുടെ പ്രതിസന്ധികളും ചർച്ച ചെയ്തു.  

തെക്കുപടിഞ്ഞാറൻ കാലവർഷം,  കടൽക്ഷോഭം എന്നിവയുമായി ബന്ധപ്പെട്ട ദുരിതാശ്വാസ പ്രവർത്തനങ്ങൾ വിലയിരുത്തുന്നതിനായി പൊതുമരാമത്ത്- രജിസ്ട്രേഷൻ വകുപ്പ് മന്ത്രി ജി സുധാകരൻറെ അധ്യക്ഷതയിൽ പുനരവലോകന യോഗം ജൂൺ 13  വൈകിട്ട് മൂന്ന് മണിക്ക് ജില്ലാ പ്ലാനിംഗ് ഓഫീസിലെ കോൺഫറൻസ് ഹാളിൽ നടക്കും.

ആരോഗ്യ വകുപ്പില്‍ നിന്നും റിട്ടയര്‍ ചെയ്ത 60 വയസ്സില്‍ താഴെയുളള ജീവനക്കാരെ ജില്ലയിലെ കോവിഡ് കെയര്‍ സെന്‍ററുകളിലെ ക്ലീനിംഗിനായി തെരഞ്ഞെടുക്കുന്നു.  താല്പര്യമുളളവര്‍ ജില്ലാശുചിത്വമിഷന്‍ ഓഫീസുമായി ബന്ധപ്പെടണമെന്ന് ശുചിത്വ മിഷൻ ജില്ലാ കോ-ഓർഡിനേറ്റർ അറിയിച്ചു. ഫോണ്‍: 0477 2253020, 9995877158.

ഇന്ന് ജില്ലയിൽ ഒരാൾക്ക് കോവിഡ് സ്ഥിരീകരിച്ചു .1/6ന് മോസ്കോയിൽ നിന്ന് കണ്ണൂരെത്തി തുടർന്ന് ജില്ലയിലെ കോവിഡ് കെയർ സെന്ററിൽ നിരീക്ഷണത്തിൽ ആയിരുന്ന മുതുകുളം സ്വദേശിയായ യുവാവിനാണ് കോവിഡ് സ്ഥിരീകരിച്ചത് .ഇയാളെ മെഡിക്കൽ കോളേജിൽ പ്രവേശിപ്പിച്ചു . ആകെ 82പേർ ആശുപത്രികളിൽ ചികിത്സയിൽ ഉണ്ട്. 

ആലപ്പുഴ: കോവിഡ് കെയർ സെന്ററുകളിലെ മാലിന്യ നീക്കവും സംസ്കരണവും സംബന്ധിച്ചു വിലയിരുത്തലിനും കൂടിയാലോചനകൾക്കും ബന്ധപ്പെട്ട വിവിധ വകുപ്പുകളുടെ യോഗം ജില്ല കളക്ടറുടെ ചേമ്പറിൽ ചേർന്നു. 15 ലക്ഷം ലിറ്റർ കപ്പാസിറ്റിയുള്ള മെഡിക്കൽ കോളേജിലെ ട്രീറ്റ്‌മെന്റ് പ്ലാന്റാണ് ജില്ലയിൽ     ഏറ്റവും സുസജ്ജമായതെന്നും ഈ പശ്ചാത്തലത്തിൽ കോവിഡ് കെയർ സെന്ററുകളിൽ നിന്നുള്ള സിവറേജ്‌ ട്രീറ്റ്‌മെന്റ് എം സി എച്ചിലേക്ക് മാറ്റുന്നതാണ് ഉചിതമെന്നും യോഗം വിലയിരുത്തി. 

യോഗത്തിലെ പ്രധാന നിർദേശങ്ങളും തീരുമാനങ്ങളും:

x

ആലപ്പുഴ: തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പുമായി ബന്ധപ്പെട്ട് പുന്നപ്ര തെക്ക് ഗ്രാമപഞ്ചായത്തിലെ വോട്ടര്‍ പട്ടികയില്‍ പേര് ചേര്‍ക്കുന്നതിനായി ഓണ്‍ലൈന്‍ അപേക്ഷ സമര്‍പ്പിച്ചവര്‍ ഏതെങ്കിലും രേഖകള്‍ സമര്‍പ്പിക്കാനുണ്ടെങ്കില്‍ ഇന്ന് (11/06) വൈകിട്ട് നാല് മണിക്കു മുമ്പായി പുന്നപ്ര തെക്ക് പഞ്ചായത്തില്‍ നേരിട്ട് സമര്‍പ്പിക്കാം.