കോവിഡ് 19 സുരക്ഷാ മുന്‍കരുതലോടെ നാഷനല്‍ സ്റ്റാറ്റിസ്റ്റിക്കല്‍ ഓഫീസ് (എന്‍.എസ്.ഒ) വിവിധ ദേശീയ സാമ്പിള്‍ സര്‍വേകള്‍ ആരംഭിച്ചു. 78-ാമത് സാമൂഹിക സാമ്പത്തിക സര്‍വേ, തൊഴില്‍ സേനാ സര്‍വേ, അര്‍ബന്‍ ഫ്രെയിം സര്‍വേ എന്നിവയാണ് കണ്‍െയ്‌മെന്റ് സോണുകള്‍ ഒഴികെയുള്ള വിവിധ സാമ്പിള്‍ യൂനിറ്റുകളില്‍ നടത്തിവരുന്നത്.

മഴ കൂടുതല്‍ ശക്തമായില്ലെങ്കില്‍ പമ്പാ ത്രിവേണിയില്‍ അടിഞ്ഞുകൂടിയിരിക്കുന്ന മണലെടുപ്പ് പ്രവര്‍ത്തനങ്ങള്‍ 25 ദിവസത്തിനുള്ളില്‍ പൂര്‍ത്തിയാക്കാന്‍ സാധിക്കുമെന്ന് ജില്ലാ കളക്ടര്‍ പി.ബി നൂഹ് പറഞ്ഞു. പമ്പാ ത്രിവേണിയില്‍ അടിഞ്ഞുകൂടിയിട്ടുള്ള മണലും മാലിന്യങ്ങളും നീക്കം ചെയ്യുന്നതിനുള്ള പ്രവര്‍ത്തനങ്ങള്‍ പമ്പയില്‍ സന്ദര്‍ശനം നടത്തി വിലയിരുത്തിയ ശേഷം സംസാരിക്കുകയായിരുന്നു ജില്ലാ കളക്ടര്‍.

ജില്ലയില്‍ ആകെ നിരീക്ഷണത്തിലുള്ളത് 12,937 പേര്‍

2020 ഫെബ്രുവരിയിലെ കെ-ടെറ്റ് വിജയികളുടെ അസല്‍ സര്‍ട്ടിഫിക്കറ്റ് പരിശോധന പത്തനംതിട്ട ജില്ലാ വിദ്യാഭ്യാസ ഓഫീസില്‍ നടത്തും.  ജൂണ്‍ 11 മുതല്‍ 30 വരെയാണ് പരിശോധന. ഈ ദിവസങ്ങളില്‍ ഹാജരാകുവാന്‍ സാധിക്കാത്തവര്‍ ജൂലൈ ആറിനകം സര്‍ട്ടിഫിക്കറ്റ് പരിശോധനയ്ക്ക് ഹാജരാക്കണമെന്ന് ജില്ലാ വിദ്യാഭ്യാസ ഓഫീസര്‍ അറിയിച്ചു.  

സര്‍ട്ടിഫിക്കറ്റ് പരിശോധന നടത്തുന്ന കാറ്റഗറി, രജിസ്റ്റര്‍ നമ്പര്‍, തീയതി എന്നിവ ക്രമത്തില്‍ താഴെ:

മലപ്പുറം ജില്ലയില്‍ പത്ത് പേര്‍ക്ക് കൂടി ഇന്നലെ (ജൂണ്‍ 11) കോവിഡ് 19 സ്ഥിരീകരിച്ചു. ഇതില്‍ അഞ്ച് പേര്‍ക്ക് സമ്പര്‍ക്കത്തിലൂടെയാണ് രോഗബാധ. മൂന്ന് പേര്‍ ഇതര സംസ്ഥാനങ്ങളില്‍ നിന്നും രണ്ട് പേര്‍ വിദേശ രാജ്യങ്ങളില്‍ നിന്നും എത്തിയവരാണ്. പുതുതായി രോഗബാധ സ്ഥിരീകരിച്ചവരെല്ലാം കോവിഡ് പ്രത്യേക ചികിത്സാ കേന്ദ്രമായ മഞ്ചേരി ഗവ. മെഡിക്കല്‍ കോളജ് ആശുപത്രിയില്‍ ഐസൊലേഷനില്‍ ചികിത്സയിലാണെന്ന് ജില്ലാ കലക്ടര്‍ കെ. ഗോപാലകൃഷ്ണന്‍ അറിയിച്ചു. 

കടമ്പനാട് പഞ്ചായത്ത് ഓണ്‍ലൈന്‍ പഠനവുമായി ബന്ധപ്പെട്ട് പ്രത്യേക പിഇസി യോഗം പഞ്ചായത്ത് ഹാളില്‍ ചേര്‍ന്നു. ചിറ്റയം ഗോപകുമാര്‍ എംഎല്‍എ ഉദ്ഘാടനം ചെയ്തു. 

ഓണ്‍ലൈന്‍ പഠനം പ്രശ്‌നങ്ങള്‍, സാധ്യതകള്‍  എന്നിവയെപ്പറ്റി സമഗ്ര ശിക്ഷ പ്രോഗ്രാം ഓഫീസര്‍ ജോസ് മാത്യു  വിശദീകരിച്ചു. പഞ്ചായത്തിലെ മുഴുവന്‍ പ്രഥമാധ്യാപകരും പങ്കെടുത്ത് റിപ്പോര്‍ട്ട് അവതരിപ്പിച്ചതില്‍ നിന്നും 41 കുട്ടികള്‍ക്കാണ് സ്വന്തമായി ഓണ്‍ലൈന്‍ പഠന സാമഗ്രികള്‍ ഇല്ലാത്തതെന്ന് കണ്ടെത്തി. യോഗത്തില്‍ ബ്ലോക്ക് പഞ്ചായത്ത് വൈസ് പ്രസിഡന്റ് നാലു പഴയ ടി.വി ക്രമീകരിച്ചു നല്‍കാമെന്ന് അറിയിച്ചു. 

കോവിഡിന്റെ പശ്ചാത്തലത്തില്‍ കര്‍ഷകര്‍ക്കായി പത്തനംതിട്ട ജില്ലാ കൃഷി വിജ്ഞാന കേന്ദ്രത്തിന്റെ ആഭിമുഖ്യത്തില്‍ ഓണ്‍ ലൈന്‍ ക്ലാസുകള്‍ ആരംഭിച്ചു. പുകരഹിത കുടംപുളി സംസ്‌കരണം എന്ന പരിശീലനത്തില്‍ സംസ്ഥാനത്തിന്റെ വിവിധ ഭാഗത്തുനിന്നായി 37 കര്‍ഷകരും സംരംഭകരും പങ്കെടുത്തു.  കൃഷി വിജ്ഞാന കേന്ദ്രം മേധാവി ഡോ.സി.പി റോബര്‍ട്ട് പരിശീലന പരിപാടി ഉദ്ഘാടനം ചെയ്തു.  ഹോം സയന്‍സ് വിഭാഗം സബ്ജക്റ്റ് മാറ്റര്‍ സ്പെഷ്യലിസ്റ്റ് ഡോ.ഷാനാ ഹര്‍ഷന്‍ പരിശീലനത്തിന് നേതൃത്വം നല്‍കി.  പുകരഹിതമായി കുടംപുളി സംസ്‌കരിക്കുന്നതിന്റെ വിവിധ വശങ്ങള്‍ പരിശീലനത്തില്‍ വിവരിച്ചു. വീഡിയോ പ്രദര്‍ശനവും നടത്തി.