രാജാക്കാട് ഗ്രാമ പഞ്ചായത്തില്‍ വോട്ടര്‍ പട്ടികയില്‍ പേര് ചേര്‍ക്കുന്നതിന് അപേക്ഷ സമര്‍പ്പിച്ചവരില്‍ ഫോട്ടോ ഉള്‍പ്പെടെയുള്ള അനുബന്ധ രേഖകള്‍ ഹാജരാക്കാത്തവര്‍ ജൂണ്‍ 11 നകം നേരിട്ടോ അല്ലാതെയോ സമര്‍പ്പിക്കണം എന്ന് രാജാക്കാട് ഗ്രാമപഞ്ചായത്ത് സെക്രട്ടറി അറിയിച്ചു.
മരങ്ങള്‍ ലേലം ചെയ്യും

ഇടുക്കി കളക്ടറേറ്റില്‍ ഇലക്ഷന്‍ വിഭാഗത്തോട് ചേര്‍ന്നുള്ള സ്ഥലത്ത് വെയര്‍ഹൗസ് സ്ഥാപിക്കുന്നതിനു മുറിച്ചുമാറ്റാനായി അവിടെ നില്‍ക്കുന്ന മരങ്ങള്‍ ജൂണ്‍ 26 ന് രാവിലെ 11.30 ന്  ഇടുക്കി താലൂക്ക് ഓഫീസില്‍ ലേലം ചെയ്തു വില്‍ക്കും.കൂടുതല്‍ വിവരങ്ങള്‍ക്കു ഫോണ്‍: 04862 23 2242
 

കോവിഡ്- 19 സാമൂഹിക വ്യാപന സാധ്യത മനസിലാക്കുന്നതിനുള്ള റാപ്പിഡ് ആന്റിബോഡി ടെസ്റ്റ് ജില്ലയില്‍ ആരംഭിച്ചു. പീരുമേട്, നെടുങ്കണ്ടം താലൂക്കുകളിലെ കോവിഡ് ചികിത്സാര്‍ത്ഥമുള്ള ആശുപത്രികളിലെ ജീവനക്കാരിലാണ് ഇന്നലെ (9/6/20) ടെസ്റ്റ് നടത്തിയത്. റാന്‍ഡമായി തിരഞ്ഞെടുത്ത 20 പേരെയാണ് പരിശോധിച്ചത്.
ജില്ലയില്‍ ആദ്യഘട്ടമായി 11 കാറ്റഗറികളിലായി 500 പേര്‍ക്കാണ് റാപ്പിഡ് ആന്റിബോഡി ടെസ്റ്റ് നടത്തുന്നത്. ഡോക്ടറും സ്റ്റാഫ് നഴ്‌സും ലാബ് ടെക്‌നീഷ്യനു മടങ്ങിയ പ്രത്യേക ടീം സ്ഥലത്തെത്തിയാണ് പരിശോധന നടത്തുന്നത്.

തൊടുപുഴ താലൂക്കില്‍ നിന്ന് 450 അതിഥി തൊഴിലാളികള്‍ പശ്ചിമ ബംഗാളിലേക്ക് മടങ്ങി. തൊടുപുഴയില്‍ നിന്നും ഒമ്പത് ബസിലായി ആലുവ റെയില്‍വേ സ്റ്റേഷനിലെത്തിച്ചാണ് തൊഴിലാളികളെ യാത്രയാക്കിയത്. വൈകിട്ട് 9.30 ന് കൊല്‍ക്കത്തയിലേക്കുള്ള ട്രെയിനിലാണ് ഇവര്‍ മടങ്ങുന്നത്.

2018, 2019 വര്‍ഷങ്ങളില്‍ പ്രളയത്തില്‍ നാശനഷ്ടം സംഭവിച്ച ഇടുക്കി ജില്ലയിലെ വനിതാ സംഘകൃഷി ഗ്രൂപ്പുകള്‍ക്ക് ഒന്നരക്കോടി രൂപയുടെ ധനസഹായം ഇടുക്കി കുടുംബശ്രീ മിഷന്‍ മുഖേന വിതരണം ചെയ്തു.   ജില്ലയില്‍ പ്രളയം ബാധിച്ച 750 വനിതാ സംഘകൃഷി ഗ്രൂപ്പുകള്‍ക്കാണ് 20000/-രൂപ വീതം സഹായം നല്‍കിയത്.  സംസ്ഥാന പ്ലാനിംഗ് ബ്ലോര്‍ഡിന്റെ സഹായത്തോടെ നല്‍കിയ ഈ തുക സംഘകൃഷി ഗ്രൂപ്പുകള്‍ വിവിധ കാര്‍ഷീക പുനരുജ്ജീവന പ്രവര്‍ത്തനങ്ങള്‍ക്കും മറ്റ് കാര്‍ഷിക പദ്ധതികള്‍ക്കുമാണ് വിനിയോഗിക്കുന്നത്.  

ഓണ്‍ലൈന്‍ ക്ലാസ് തുടങ്ങിയെങ്കിലും ടിവി ഇല്ലാത്തതിനാല്‍ പഠിക്കാന്‍ സാധിക്കാതെ വന്ന വിദ്യാര്‍ത്ഥികള്‍ക്ക് തുണയായി ദുബായ് ഇന്‍കാസ് ഗ്രൂപ്പിന്റെ ഇടുക്കി യൂണിറ്റ്. ദുബായ് ഇന്‍കാസ് ഗ്രൂപ്പ് ജനറല്‍ സെക്രട്ടറി അമല്‍ ചെറുചിലപറമ്പിലിന്റെ നേതൃത്വത്തില്‍  രണ്ട് എല്‍ഇഡി  ടിവികള്‍  ജില്ലാ കളക്ടര്‍ എച്ച് ദിനേശന് കൈമാറി.

   വൃത്തിയാക്കല്‍, അണുനശീകരണം തുടങ്ങിയവ സംബന്ധിച്ച് ഒരു സൗജന്യ ഓണ്‍ലൈന്‍ പരിശീലന പരിപാടി സൂം എന്ന ആപ്പുവഴി ജൂണ്‍ 14 ഞായറാഴ്ച ഉച്ചയ്ക്ക് 2.30 മുതല്‍ 4.30 വരെ സംഘടിപ്പിക്കും. ഫോസ്റ്റാക് ട്രെയിനിംഗ് ഏജന്‍സിയായ ഇന്‍സൈറ്റുമായി സഹകരിച്ചാണ് പരിശീലനം  സംഘടിപ്പിച്ചിരിക്കുന്നത്. ഇടുക്കി ജില്ലാ ഭക്ഷ്യസുരക്ഷാവിഭാഗം സംഘടിപ്പിച്ചിരിക്കുന്ന പരിപാടിയില്‍  ഹോട്ടല്‍, റസ്റ്റോറന്റ്, ബേക്കറി, കാറ്ററിംഗ് വിഭാഗത്തില്‍ പ്രവര്‍ത്തിക്കുന്ന എല്ലാവരും നിര്‍ബന്ധമായും പങ്കെടുക്കണമെന്ന് ഭക്ഷ്യസുരക്ഷാ അസ്സിസ്റ്റന്റ് കമ്മീഷണര്‍ അറിയിച്ചു. കൂടുതല്‍ വിവരങ്ങള്‍ക്ക് ഫോണ്‍ 04862 220066,  8943346186.

ജില്ലയില്‍ ലോക്ക്ഡൗണ്‍ പിന്‍വലിക്കല്‍ നടപടികളിലേയ്ക്ക് കടക്കുന്ന സാഹചര്യത്തില്‍ ഹോട്ടലുകളും, റെസ്റ്റോറന്റുകളും, ബേക്കറികളും ഉള്‍പ്പടെയുള്ള ഭക്ഷണ നിര്‍മ്മാണ വിതരണസ്ഥാപനങ്ങള്‍ക്ക് ഭക്ഷ്യ സുരക്ഷാ വകുപ്പിന്റെ നിര്‍ദ്ദേശങ്ങള്‍

തേക്കടി കൊച്ചി സംസ്ഥാനപാതയുടെ ഭാഗമായ പരപ്പ് മുതല്‍ വളകോട് വരെയുള്ള പാതയുടെ നവീകരണം  ഉദ്ഘാടനം ആരംഭിച്ചു. നിര്‍മ്മാണജോലികളുടെ ഉദ്ഘാടനം  ഇ.എസ് ബിജിമോള്‍ എംഎല്‍എ  നിര്‍വ്വഹിച്ചു. ബിഎംബിസി നിലവാരത്തിലാണ് പാതയുടെ ജോലികള്‍ നടത്തുക. വളകോട് മുതല്‍ പരപ്പ് വരെയുള്ള 8 കിലോമീറ്റര്‍ പാതയുടെ നിര്‍മ്മാണ ജോലികള്‍ക്കായി 7 കോടി രൂപ ചിലവഴിക്കും.പാതയുടെ വീതിവര്‍ധിപ്പിച്ച് ഐറിഷ് ഓടയോടുകൂടിയായിരിക്കും നിര്‍മ്മാണ ജോലികള്‍ പൂര്‍ത്തീകരിക്കുക.വിസ്താരം വര്‍ധിപ്പിക്കാനാവശ്യമായ കെട്ടുകളുടെ നിര്‍മ്മാണം ആദ്യം നടക്കും.മഴകുറയുന്ന മുറക്ക് മണ്ണ് ജോലികള്‍ ആരംഭിക്കും.

തമിഴ്‌നാട്ടില്‍ വിദ്യാര്‍ത്ഥികള്‍ക്ക് വാര്‍ഷിക പരീക്ഷകള്‍  ജൂണ്‍ 15 ന് ആരംഭിക്കുന്നതിനാല്‍ ഇടുക്കി ജില്ലയിലെ അതിര്‍ത്തി, തോട്ടം മേഖലകളില്‍ നിന്നും തമിഴ്‌നാട്ടില്‍ വിദ്യാഭ്യാസം നടത്തുന്ന വിദ്യാര്‍ത്ഥികള്‍ക്ക്  പരീക്ഷകളില്‍ പങ്കെടുക്കുന്നതിന് പ്രത്യേക പാസ് വാങ്ങണ്ട.  ഇവര്‍ക്ക്  കുമളി, ബോഡിമെട്ട്, കമ്പംമെട്ട്, ചിന്നാര്‍ എന്നീ ചെക്ക് പോസ്റ്റുകളിലൂടെ അതിര്‍ത്തി കടന്ന് പോകുന്നതിന് അനുവാദം നല്‍കിയിട്ടുണ്ട്.  വിദ്യാര്‍ത്ഥികള്‍ വിദ്യാഭ്യാസ സ്ഥാപനത്തിലെ തിരിച്ചറിയല്‍ രേഖയോ പരീക്ഷയുടെ ഹാള്‍ടിക്കറ്റോ മറ്റ് തിരിച്ചറിയല്‍ രേഖകളോ പരിശോധനക്ക് നല്‍കേണ്ടതാണ്.
 

കുടുംബശ്രീയുടെ വനിതാകണ്‍സ്ട്രക്ഷന്‍ ഗ്രൂപ്പുകള്‍ക്കും  എറൈസ് ഗ്രൂപ്പുകള്‍ക്കും ടെന്‍ഡര്‍ ഇല്ലാതെ തന്നെ വര്‍ക്ക് കിട്ടുവാന്‍ വേണ്ടണ്‍ി സര്‍ക്കാര്‍ ഉത്തരവ് ഇറങ്ങി. പൊതുമരാമത്ത് വകുപ്പ്, ജലസേചന വകുപ്പ്, തദ്ദേശസ്വയംഭരണ വകുപ്പ് എന്നിവയുട അറ്റകുറ്റപണി, ഓട നിര്‍മ്മാണം, ചെറിയ നിര്‍മ്മാണ പ്രവര്‍ത്തനങ്ങള്‍ തുടങ്ങിയ 2 ലക്ഷം രൂപ വരെയുളള പ്രവര്‍ത്തനങ്ങളില്‍ ടെന്‍ഡര്‍ ഇല്ലാതെ കിട്ടും. അത് കൂടാതെ ഓരോ ഗ്രൂപ്പുകള്‍ക്കും പതിനഞ്ച് ലക്ഷം രൂപ വരെ ഇത്തരത്തില്‍ വിവിധ ഘട്ടങ്ങളിലെ ജോലികള്‍ക്കായി ലഭിക്കും.