ഐ.എച്ച്.ആര്‍.ഡി. യുടെ കീഴിലുളള ഏഴ് എഞ്ചിനീയറിങ് കോളെജുകളില്‍ എം.ടെക് കോഴ്സുകളിലെ (2018-19) സ്പോണ്‍സേഡ് സീറ്റ് പ്രവേശനത്തിന് അപേക്ഷിക്കാം.  അതത് കോളെജിന്‍റെ വെബ്സൈറ്റില്‍ നിന്നും അപേക്ഷ ഡൗണ്‍ലോഡ് ചെയ്യാം.  പൂരിപ്പിച്ച അപേക്ഷയും മറ്റ് അനുബന്ധ രേഖകളും 500 രൂപയുടെ ഡിമാന്‍ഡ് ഡ്രാഫ്റ്റ് (എസ്.സി/എസ്.റ്റിക്ക് 250 രൂപ) സഹിതം ജൂണ്‍ 12 നകം അതത് കോളെജില്‍ എത്തിക്കണം.  യോഗ്യതയും മറ്റ്   വിവരങ്ങളും ശവൃറ.മര.ശി  ലെ പ്രോസ്പെക്ടസില്‍ ലഭിക്കും.

വയറിളക്ക രോഗങ്ങള്‍ക്കെതിരെയുളള പാനീയ ചികിത്സാ പരിചരണത്തിന്‍റെ ഭാഗമായി ഹൈസ്കൂള്‍ വിദ്യാര്‍ഥികള്‍ക്കായി ക്വിസ് മത്സരവും ഹയര്‍ സെക്കന്‍ഡറി വിദ്യാര്‍ഥികള്‍ക്കായി ഉപന്യാസ രചനാ മത്സരവും നടത്തും.  ക്വിസ് മത്സരം ജൂണ്‍ 21 നും ഉപന്യാസ മത്സരം ജൂണ്‍ 22 നും  ജില്ലാ ആശുപത്രി കോംപൗണ്ടിലുളള ഗവ. നഴ്സിങ് സ്കൂള്‍ ഓഡിറ്റോറിയത്തില്‍ നടത്തും.  താത്പര്യമുളളവര്‍ സ്കൂള്‍ അധികൃതരുടെ സമ്മതപത്രവുമായി രാവിലെ 9.30 ന് എത്തണം.  വയറിളക്ക രോഗവും പാനീയ ചികിത്സയും, പൊതുജനാരോഗ്യവും എന്നതാണ് ക്വിസ് മത്സര വിഷയം.  വയറിളക്കരോഗവും പാനീയ ചികിത്സയും എന്നതാണ് ഉപന്യാസ മത്സരത്തിനുളള വിഷയം.  ഫോണ്‍ - 9446381289.

    ജൂണ്‍ 11 വരെ കേരളത്തില്‍ അതിശക്തമായി മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പിന്‍റെ മുന്നറിയിപ്പിനെ തുടര്‍ന്ന് ജില്ലാ കലക്ടറേറ്റിലും താലൂക്കുകളിലും 24 മണിക്കൂര്‍  കണ്‍ട്രോള്‍ റൂമുകള്‍ പ്രവര്‍ത്തിക്കുമെന്ന് ജില്ലാ കലക്ടര്‍ അറിയിച്ചു.   0491 2505309, 0491 2505209 എന്നീ നമ്പരുകളിലാണ് ജില്ലാ കലക്ടറേറ്റ് കണ്‍ട്രോള്‍ റൂം പ്രവര്‍ത്തിക്കുക.

ജൂണ്‍ 12 ന് രാവിലെ 10.30 മണിക്ക് ജില്ലാ പഞ്ചായത്ത് പ്രസിഡണ്ടിന്റെ ചേമ്പറില്‍ നടത്താനിരുന്ന ജില്ലാ കാര്‍ഷിക വികസനസമിതി യോഗം മാറ്റി. 

മക്കരപ്പറമ്പ് ഇലക്ട്രിക്കല്‍ സെക്ഷന്‍് പരിധിയില്‍ വരുന്ന ചുങ്കത്തപ്പാറ, സെനീത്ത്, കടൂപുറം, കടുങ്ങൂത്ത്, കടുങ്ങൂത്ത് അത്തിക്കുഴി എന്നീ സ്ഥലങ്ങളില്‍  ഇന്ന് (ജൂണ്‍ 9) രാവിലെ എട്ടു മണി മുതല്‍ വൈകിട്ട് അഞ്ചു മണി വൈദ്യുതി മുടങ്ങുമെന്ന് അസിസ്റ്റന്റ് എഞ്ചിനീയര്‍ അറിയിച്ചു.

    നിലമ്പൂര്‍ ബ്ലോക്ക് പഞ്ചായത്ത് പരിധിയില്‍ വരുന്ന ഗ്രാമ പഞ്ചായത്തുകളില്‍ നിന്നും പ്രധാന മന്ത്രി ആവാസ് യോജന (പി.എം.എ.വൈ ഭവന പദ്ധതി) പ്രകാരം ഭവന നിര്‍മ്മാണത്തിന് കേന്ദ്ര സര്‍ക്കാര്‍ നിശ്ചയിച്ചിട്ടുള്ള മാനദണ്ഡ പ്രകാരം നിലവില്‍ വാസയോഗ്യമായ വീടില്ലാത്ത കുടുംബങ്ങളില്‍ നിന്നും അപേക്ഷ ക്ഷണിച്ചു. കൂടുതല്‍ വിവരങ്ങള്‍ക്ക് അതാത് ഗ്രാമ പഞ്ചായത്ത് വി.ഇ.ഒ. മാരുമായോ ബ്ലോക്ക് പഞ്ചായത്ത് ഓഫീസുമായോ ബന്ധപ്പെടേണ്ടതാണ്  ബ്ലോക്ക് സെക്രട്ടറി അറിയിച്ചു.