ആലപ്പുഴ: കോവിഡിന്‍റെ പശ്ചാത്തലത്തില്‍  സ്കൂള്‍ വിദ്യാര്‍ഥികള്‍ക്കായി വിദ്യാഭ്യാസ വകുപ്പ് ഓണ്‍ലൈന്‍ പഠനത്തിനുള്ള ട്രയല്‍ ആരംഭിച്ചിട്ടുണ്ട്. ഓണ്‍ലൈനില്‍ പഠനത്തിന് സൗകര്യങ്ങള്‍ ഇതുവരെ ലഭ്യമായിട്ടില്ലാത്ത വിദ്യാര്‍ഥികള്‍ക്കും അവരുടെ രക്ഷകര്‍ത്താക്കള്‍ക്കുമായി ഹെല്‍പ്പ് ‍ഡ‍െസ്ക് ജില്ലാ തലത്തില്‍  ആരംഭിച്ചു. ബന്ധപ്പെടേണ്ട ഹെല്‍പ്പ് ലൈന്‍ നമ്പര്‍ : 9446136786, 9495570542.
 

ആലപ്പുഴ:  റേഷൻ കടകളിൽ നിന്ന് കോവിഡ് - 19 അതിജീവനകിറ്റ് കൈപ്പറ്റാൻ കഴിയാത്ത കാർഡുടമകൾക്ക് ഇന്നു മുതൽ (ജൂൺ 10 മുതൽ) ജൂൺ 15 വരെ സപ്ലൈകോ വില്പനശാലകൾ വഴി വാങ്ങാനാവുമെന്ന് സിഎംഡി പി.എം.അലി അസ്ഗർ പാഷ അറിയിച്ചു.

ഇന്ന് ജില്ലയിൽ 11 പേർക്ക് കോവിഡ് സ്ഥിരീകരിച്ചു .ഇതിൽ 10 പേർ വിദേശത്തു നിന്നും ഒരാൾ മുംബൈയിൽ നിന്നും എത്തിയവരാണ് 

.1.ദുബായിൽ നിന്നും 30/5ന് കൊച്ചിയിൽ എത്തി തുടർന്ന് കോവിഡ് കെയർ സെന്ററിൽ നിരീക്ഷണത്തിൽ ആയിരുന്ന പട്ടണക്കാട് സ്വദേശിയായ യുവാവ് 

2.ദുബായിൽ നിന്നും 4/6ന് കൊച്ചിയിൽ എത്തി തുടർന്ന് കോവിഡ് കെയർ സെന്ററിൽ നിരീക്ഷണത്തിൽ ആയിരുന്ന ചമ്പക്കുളം സ്വദേശിയായ യുവാവ് 

3.&4 അബുദാബിയിൽ നിന്നും 31/5ന് തിരുവനന്തപുരത്തു എത്തി തുടർന്ന് കോവിഡ് കെയർ സെന്ററിൽ നിരീക്ഷണത്തിലായിരുന്ന കുമാരപുരം സ്വദേശികളായ ദമ്പതികൾ (64&58വയസ്സ് ).

 

ആലപ്പുഴ : വീടുകളിൽ ഓൺലൈൻ  പഠന സൗകര്യം ഇല്ലാത്ത കുട്ടികൾക്കായി ജില്ലയിൽ 106 പഠനകേന്ദ്രങ്ങൾ സജ്ജീകരിച്ച് വിദ്യാഭ്യാസ വകുപ്പ്. ഇത്തരം വിദ്യാര്‍ത്ഥികള്‍ക്കായി ജൂണ്‍ 12ന് മുമ്പ്  കേന്ദ്രങ്ങളിലെ ക്രമീകരണങ്ങള്‍ ഉറപ്പാക്കാന്‍  ജില്ലാ  കളക്ടർ എ അലക്‌സാണ്ടറുടെ അധ്യക്ഷതയിൽ കളക്ട്രേറ്റില്‍ ചേര്‍ന്ന് യോഗം തീരുമാനിച്ചു. 

ആലപ്പുഴ:  ‍ ആരോഗ്യ വകുപ്പിന്‍റെ ആഭിമുഖ്യത്തില്‍ കോവിഡ് റാപ്പിഡ‍് ആന്റീ ബോഡി ടെസ്റ്റുുകള്‍ റാന്‍ഡം അടസ്ഥാനത്തില്‍ ജില്ലയില്‍ ഇന്നുമുതല്‍ (ജൂണ്‍ 9) വിവിധ തലങ്ങളില്‍ ആരംഭിക്കും. പ്രവര്‍ത്തിക്കുന്ന ജനങ്ങളുമായി കൂടുതല്‍ അടുത്തിടപഴകുന്ന വിഭാഗങ്ങളില്‍ പെട്ടവരുടെ റാന്‍ഡം ചെക്കിങ് നടത്തുന്നുണ്ട്. ഇതിലേക്ക് ആദ്യ ഘട്ടത്തില്‍ കാർത്തികപ്പള്ളി, ചെങ്ങന്നൂര്‍, ചേര്‍ത്തല, അമ്പലപ്പുുഴ താലൂക്കുകളിലെ മീഡിയ പ്രവര്‍ത്തകര്‍ ഉള്‍പ്പടെ വിവിധ തൊഴില്‍ മേഖലയിലുള്ളവരുടെ ആന്റീബോഡി ടെസ്റ്റ് വരും ദിവസങ്ങളി‍ല്‍ നടത്തും. റാന്‍ഡം ചെക്കിങ് ആയതിനാല്‍ മുന്‍ കൂട്ടി നിശ്ചയിക്കുന്നവര്‍ക്കല്ല ടെസ്റ്റ് ചെയ്യുക.

 ഇന്ന് ജില്ലയിൽ അഞ്ച് പേർക്ക് കോവിഡ് സ്ഥിരീകരിച്ചു . അഞ്ചുപേരും വിദേശത്തു നിന്നും വന്നതാണ്.

ആലപ്പുഴ : കോവിഡ് സാഹചര്യത്തിൽ ഭക്ഷ്യ സുരക്ഷ ലക്ഷ്യമാക്കി സംസ്ഥാന സർക്കാർ നടപ്പിലാക്കുന്ന സുഭിക്ഷ കേരളം പദ്ധതിയുടെ ഭാഗമായി വിവിധ പദ്ധതികൾക്ക് ജില്ല ആസൂത്രണ സമിതി ആനുമതി നൽകി. കൃഷി, മൃഗ സംരക്ഷണം, ക്ഷീര വികസനം തുടങ്ങിയ മേഖലകൾ ഉൾപ്പെടുന്ന പദ്ധതികൾക്കാണ് ആസൂത്രണ സമിതി യോഗത്തിൽ അനുമതി ലഭിച്ചത് 

ജില്ലയിലെ 24 ഗ്രാമപഞ്ചായത്തുകളും,മാവേലിക്കര, കായംകുളം നഗരസഭകളും, അമ്പലപ്പുഴ, ഹരിപ്പാട്, മുതുകുളം, മാവേലിക്കര, ഭരണിക്കാവ് തുടങ്ങിയ 5 ബ്ലോക്ക് പഞ്ചായത്തുകളും . ഉൾപ്പെടെ 31 തദ്ദേശസ്വയം ഭരണ സ്ഥാപനങ്ങൾ 2020-2021 സാമ്പത്തിക വർഷം മുന്നോട്ട് വെച്ച വിവിധ പദ്ധതികൾക്കാണ് അംഗീകാരം ലഭിച്ചത്.