ആലപ്പുഴ: കോവിഡ്-19 ന്റെ വ്യാപനം മൂലം തൊഴിൽ നഷ്ടപ്പെട്ട ആലപ്പുഴ ജില്ലയിലെ കേരള സംസ്ഥാന അസംഘടിത തൊഴിലാളി സാമൂഹ്യ സുരക്ഷാ ബോർഡിൽ നിന്നും 1000 രൂപ ധനസഹായം ലഭിക്കുന്നതിനുള്ള അപേക്ഷ സ്വീകരിക്കുന്നതിനുള്ള തീയതി ജൂൺ 15 വരെ ദീർഘിപ്പിച്ചു. അപേക്ഷ ആലപ്പുഴ ജില്ലാ ഓഫീസിൽ നേരിട്ടോ, തപാൽ മുഖേനയോ ഇ-മെയിലായോ അയയ്ക്കാം.അപേക്ഷിച്ചവർ വീണ്ടും അപേക്ഷിക്കേണ്ടതില്ല ഇ - മെയിൽ വിലാസം unorganisedwssbalpy@gmail.com .

ആലപ്പുഴ: സി.സി.എൻ.ബി റോഡിനെയും സി.സി.എസ്.ബി റോഡിനെയും തമ്മിൽ ബന്ധിപ്പിക്കുന്ന മുപ്പാലത്തിന്റെ പുനർനിർമ്മാണം ജൂൺ എട്ടിന് ആരംഭിച്ചതിനാൽ ഈ വഴികളിലുടെയുള്ള വാഹന ഗതാഗതം പൂർണ്ണമായോ ഭാഗീകമായോ നിരോധിച്ചു. ഈ നിരത്തുകളിലൂടെ കടന്നു പോകേണ്ട വാഹനങ്ങൾ ഇതിന്റെ സമീപ പാതകൾ ഉപയോഗിക്കേണ്ടതാണെന്ന് തകഴി പൊതുമരാമത്ത് പാലം വിഭാഗം അസിസ്റ്റന്റ് എൻജിനിയർ  അറിയിച്ചു.

ആലപ്പുഴ: ജില്ലയിലെ ലൈഫ് ഭവന പദ്ധതിയുടെ മൂന്നാം ഘട്ട പ്രവർത്തങ്ങൾ ഊർജ്ജിതമാക്കാൻ ജില്ലകളക്ടർ എ. അലക്സാണ്ടറുടെ അദ്ധ്യക്ഷതയിൽ ചേർന്ന യോഗം  തീരുമാനിച്ചു.  മൂന്നാം ഘട്ടത്തിൽ അർഹരായ ഗുണഭോക്താക്കളിൽ ഭൂമി വാങ്ങുന്നവർക്ക് നേരിട്ട് ധനസഹായം നൽകുന്നതിനാവശ്യമായ തുടർ നടപടികൾ സ്വീകരിക്കുന്നതിന് ജില്ലാ പഞ്ചായത്ത്‌ സെക്രട്ടറിയേയും ഡെവലപ്മെന്റ് കമ്മീഷണറേയും കളക്ടർ ചുമതലപ്പെടുത്തി. 

    • പരിശോധിക്കേണ്ട പട്ടിക ഇന്ന് (ജൂണ്‍ 9 ) ഉച്ചയ്ക്ക് മുമ്പ് നല്‍കണമെന്ന് 
         ജില്ല കളക്ടര്‍

രാജാക്കാട് ഗ്രാമ പഞ്ചായത്തില്‍ വോട്ടര്‍ പട്ടികയില്‍ പേര് ചേര്‍ക്കുന്നതിന് അപേക്ഷ സമര്‍പ്പിച്ചവരില്‍ ഫോട്ടോ ഉള്‍പ്പെടെയുള്ള അനുബന്ധ രേഖകള്‍ ഹാജരാക്കാത്തവര്‍ ജൂണ്‍ 11 നകം നേരിട്ടോ അല്ലാതെയോ സമര്‍പ്പിക്കണം എന്ന് രാജാക്കാട് ഗ്രാമപഞ്ചായത്ത് സെക്രട്ടറി അറിയിച്ചു.
മരങ്ങള്‍ ലേലം ചെയ്യും

ഇടുക്കി കളക്ടറേറ്റില്‍ ഇലക്ഷന്‍ വിഭാഗത്തോട് ചേര്‍ന്നുള്ള സ്ഥലത്ത് വെയര്‍ഹൗസ് സ്ഥാപിക്കുന്നതിനു മുറിച്ചുമാറ്റാനായി അവിടെ നില്‍ക്കുന്ന മരങ്ങള്‍ ജൂണ്‍ 26 ന് രാവിലെ 11.30 ന്  ഇടുക്കി താലൂക്ക് ഓഫീസില്‍ ലേലം ചെയ്തു വില്‍ക്കും.കൂടുതല്‍ വിവരങ്ങള്‍ക്കു ഫോണ്‍: 04862 23 2242
 

കോവിഡ്- 19 സാമൂഹിക വ്യാപന സാധ്യത മനസിലാക്കുന്നതിനുള്ള റാപ്പിഡ് ആന്റിബോഡി ടെസ്റ്റ് ജില്ലയില്‍ ആരംഭിച്ചു. പീരുമേട്, നെടുങ്കണ്ടം താലൂക്കുകളിലെ കോവിഡ് ചികിത്സാര്‍ത്ഥമുള്ള ആശുപത്രികളിലെ ജീവനക്കാരിലാണ് ഇന്നലെ (9/6/20) ടെസ്റ്റ് നടത്തിയത്. റാന്‍ഡമായി തിരഞ്ഞെടുത്ത 20 പേരെയാണ് പരിശോധിച്ചത്.
ജില്ലയില്‍ ആദ്യഘട്ടമായി 11 കാറ്റഗറികളിലായി 500 പേര്‍ക്കാണ് റാപ്പിഡ് ആന്റിബോഡി ടെസ്റ്റ് നടത്തുന്നത്. ഡോക്ടറും സ്റ്റാഫ് നഴ്‌സും ലാബ് ടെക്‌നീഷ്യനു മടങ്ങിയ പ്രത്യേക ടീം സ്ഥലത്തെത്തിയാണ് പരിശോധന നടത്തുന്നത്.