അടിമാലി ട്രൈബല്‍ ഡെവലപ്‌മെന്റ് ഓഫീസിന്റെ കീഴിലുള്ള അടിമാലി, മറയൂര്‍, മൂന്നാര്‍ ട്രൈബല്‍ എക്സ്റ്റന്‍ഷന്‍ ഓഫീസുകളില്‍ പ്രവര്‍ത്തിക്കുന്ന സഹായി കേന്ദ്രത്തിലെ ഡാറ്റാ എന്‍ട്രി ഓപ്പറേറ്ററുടെ തസ്തികയിലേക്ക് ഒരു വര്‍ഷത്തേക്ക് കരാര്‍ അടിസ്ഥാനത്തില്‍ പട്ടികവര്‍ഗ്ഗ വിഭാഗത്തില്‍പ്പെട്ട 20നും 35നും ഇടയില്‍ പ്രായമുള്ളതും ഇടുക്കി ജില്ലയില്‍ താമസിക്കുന്നതും ഒരു ലക്ഷം രൂപയില്‍  താഴെ വാര്‍ഷിക വരുമാനമുള്ളതുമായ യുവതീ യുവാക്കളില്‍ നിന്നും അപേക്ഷ ക്ഷണിച്ചു. ദേവികുളം താലൂക്കിലുള്ളവര്‍ക്ക്   മുന്‍ഗണന. ഡി.സി.എ, മലയാളം ടൈപ്പിംഗ്, ഓണ്‍ലൈന്‍ അപേക്ഷകള്‍ തയ്യാറാക്കുന്നതിനുള്ള പരിജ്ഞാനം എന്നിവയാണ് യോഗ്യത.

ജില്ലാ ദുരന്തനിവാരണ അതോറിറ്റി യോഗം ജൂണ്‍ 11 രാവിലെ 11.30ന് ചേരും.
 

ലൈഫ് മിഷന്‍ പദ്ധതിയുടെ ഭാഗമായി തദ്ദേശ സ്വയംഭരണ സ്ഥാപനങ്ങളില്‍ തയ്യാറാക്കിയ ഭൂരഹിത ഭവനരഹിതരായ ഗുണഭോക്താക്കളുടെ പട്ടികയില്‍ ഉള്‍പ്പെട്ടവരില്‍ പുനരധിവാസത്തിന് അര്‍ഹത തെളിയിക്കാന്‍ ആവശ്യമായ രേഖകള്‍ മുന്‍പ് ഹാജരാക്കാന്‍ കഴിയാതിരുന്നവര്‍ക്ക് ജൂണ്‍ 15 ന് മുന്‍പ് അതത് തദ്ദേശ സ്വയംഭരണ സ്ഥാപനങ്ങളില്‍ ആവശ്യമായ സാക്ഷ്യപത്രങ്ങള്‍ ഹാജരാക്കണം.
 

തദ്ദേശ സ്വയംഭരണ തെരഞ്ഞെടുപ്പുമായി ബന്ധപ്പെട്ട് ജൂണ്‍ 17ന് അന്തിമപട്ടിക പ്രസിദ്ധീകരിക്കേണ്ടതിനാല്‍ കട്ടപ്പന നഗരസഭയില്‍ വോട്ടര്‍ പട്ടികയില്‍ പേര് ചേര്‍ക്കുന്നതിനായി മാര്‍ച്ച് 16ന് മുമ്പായി അപേക്ഷ സമര്‍പ്പിച്ചിട്ട് ഫോട്ടോ അപ്‌ലോഡ് ചെയതിട്ടില്ലാത്തവര്‍ ഫോട്ടോയും രേഖകളും സഹിതം ജൂണ്‍11ന് മുമ്പായി നഗരസഭാ ഓഫീസില്‍ ഹാജരാക്കണം.  

ഫിഷറീസ് വകുപ്പ്  നടപ്പിലാക്കുന്ന ജനകീയ മത്സ്യകൃഷി പദ്ധതിയിലേക്ക് അപേക്ഷ ക്ഷണിച്ചു. ശാസ്ത്രീയ സമ്മിശ്ര കാര്‍പ്പ് കൃഷി, നൈല്‍ തിലാപ്പിയ കൃഷി, ആസാംവാള കൃഷി, വീട്ടുവളപ്പിലെ കരിമീന്‍ വിത്തുല്‍പ്പാദന യൂണിറ്റ്, ബയോഫ്‌ളോക്ക്, ആര്‍.എ.എസ് എന്നിവയാണ് പദ്ധതിഘടകങ്ങള്‍. അനുബന്ധ രേഖകള്‍ സഹിതം ജൂണ്‍ 15ന് മുമ്പ് അപേക്ഷിക്കണം. ഫോണ്‍ 9961450288, 9995060374.

ജില്ലാ ആസൂത്രണ സമിതി യോഗം ഇന്ന് (9) ഉച്ചകഴിഞ്ഞ് മൂന്നിന് കലക്ടറേറ്റ് കോണ്‍ഫറന്‍സ് ഹാളില്‍ ചേരും.

ജൂണ്‍ 7, 8 തീയതികളിലായി അഞ്ച് രാജ്യങ്ങളില്‍ നിന്ന് 19 പ്രവാസികള്‍ ഇടുക്കി ജില്ലയിലെത്തി. ആരോഗ്യ പരിശോധനകള്‍ക്ക് ശേഷം ഒരാളെ കോവിഡ് കെയര്‍ സെന്ററിലും ബാക്കിയുള്ളവരെ വീടുകളിലും നിരീക്ഷണത്തിലാക്കി.

കേരള സംസ്ഥാന ജൈവ വൈവിധ്യ ബോർഡ് നടപ്പാക്കുന്ന കാർഷിക ജൈവ വൈവിധ്യ സംരക്ഷണ പദ്ധതിയിലേക്ക് ഈ മേഖലയിൽ പരിചയമുള്ള സർക്കാർ കാർഷിക ഗവേഷണ സ്ഥാപനങ്ങൾ, ഗ്രാന്റ് ഇൻ എയ്ഡ് സ്ഥാപനങ്ങൾ എന്നിവയിൽ നിന്ന് താത്പര്യപത്രവും പ്രോജക്ട് പ്രൊപ്പോസലും ക്ഷണിച്ചു.

കോവിഡ് 19 പ്രതിരോധ പ്രവര്‍ത്തനങ്ങളുടെ ഭാഗമായി സാമൂഹിക വ്യാപന സാധ്യത പരിശോധിക്കുന്നതിനായുള്ള റാപ്പിഡ് ആന്റി ബോഡി ടെസ്റ്റുകള്‍ ജില്ലയില്‍  ഇന്നു മുതല്‍ ആരംഭിക്കും. ആദ്യഘട്ടത്തില്‍ 500 ടെസ്റ്റ് കിറ്റുകളാണ് ജില്ലയ്ക്ക് ലഭിച്ചിട്ടുള്ളത്. പൊതുസമൂഹവുമായി അടുത്തിടപഴകുന്ന വിഭാഗങ്ങളില്‍ നിന്നും  റാന്‍ഡമായി തെരഞ്ഞെടുത്തവര്‍ക്കാണ് ആന്റി ബോഡി ടെസ്റ്റ് നടത്തുന്നത്. ഇതിനായി അഞ്ച് പ്രധാന മേഖലകളിലായി 11 കാറ്റഗറി വിഭാഗങ്ങള്‍ തിരിച്ചിട്ടുണ്ട്.  ആദ്യ ഗ്രൂപ്പില്‍ കോവിഡ് കേസുകള്‍ കൈകാര്യം ചെയ്യുന്ന ആശുപത്രിയിലെ ജീവനക്കാര്‍, ഇതര ആശുപത്രികളിലെ ജീവനക്കാര്‍ എന്നിവരെയാണ് ഉള്‍പ്പെടുത്തിയിട്ടുള്ളത്.

*മന്ത്രി ടി.പി രാമകൃഷ്ണൻ മന്ദിരത്തിന് തറക്കല്ലിട്ടു
കേരള മോട്ടോർ വാഹന തൊഴിലാളി ക്ഷേമനിധി ബോർഡിന്റെ തിരുവനന്തപുരം ജില്ലാ ഓഫീസിന് പുതിയ മന്ദിരം. മന്ദിരത്തിന് തൊഴിൽ വകുപ്പ് മന്ത്രി ടി.പി രാമകൃഷ്ണൻ തറക്കല്ലിട്ടു. സെക്രട്ടേറിയറ്റിനു സമീപം ഗാന്ധാരിയമ്മൻ കോവിൽ റോഡിൽ ബോർഡിന്റെ തന്നെ സ്വന്തം ഭൂമിയിലാണ് കെട്ടിടം നിർമ്മിക്കുന്നത്. 2.30 കോടി ചെലവിൽ നിർമ്മിക്കുന്ന പരിസ്ഥിതി സൗഹാർദ്ദ  കെട്ടിടത്തിന്റെ രൂപകല്പന നിർവഹിക്കുന്നത് ഹാബിറ്റാറ്റ് ഗ്രൂപ്പാണ്. 11 മാസം കൊണ്ട് നിർമ്മാണം പൂർത്തീകരിക്കാനാണ് ലക്ഷ്യമിടുന്നത്.