മാങ്കാവ് - കണ്ണിപറമ്പ റോഡിന്റെ പുനരുദ്ധാരണ പ്രവൃത്തി ആരംഭിക്കുന്നതിനാല്‍ ഇന്ന് (ജൂണ്‍ 11) മുതല്‍ പ്രവൃത്തി അവസാനിക്കുന്നതുവരെ ഇതു വഴിയുള്ള വാഹന ഗതാഗതം ഭാഗികമായി നിരോധിച്ചതായി പൊതുമരാമത്ത് വകുപ്പ് എക്സിക്യൂട്ടീവ് എഞ്ചിനീയര്‍ അറിയിച്ചു.

റഷന്‍ കടയില്‍ നിന്നും സൗജന്യഭക്ഷ്യകിറ്റ് വാങ്ങാന്‍ സാധിക്കാത്തവര്‍ക്ക് ജൂണ്‍ 15 വരെ സപ്ലൈകോയുടെ മാവേലി സ്റ്റോറുകള്‍, സൂപ്പര്‍മാര്‍ക്കറ്റുകള്‍ എന്നിവിടങ്ങളില്‍ നിന്നും റേഷന്‍ കാര്‍ഡുപയോഗിച്ച് സൗജന്യ ഭക്ഷ്യകിറ്റ്  െേകെപ്പറ്റാവുന്നതാണെന്ന് ജില്ലാ സപ്ലൈ ഓഫീസര്‍ അറിയിച്ചു.

കോഴിക്കോട് ജില്ലയില്‍ ജൂണ്‍ 11, 12, 13 തീയതികളില്‍ കേന്ദ്ര കാലാവസ്ഥ വകുപ്പ് യെല്ലോ അലേര്‍ട്ട് പ്രഖ്യാപിച്ചു. ഒറ്റപ്പെട്ടയിടങ്ങളില്‍  64.5 മി.മീ  മുതല്‍ 115.5മി.മീ വരെ മഴ ലഭിക്കുന്ന ശക്തമായ മഴയാണ് പ്രവചിക്കപ്പെട്ടിരിക്കുന്നത്.

മധ്യ-കിഴക്ക് ബംഗാൾ ഉൾക്കടലിൽ ന്യൂനമർദം

മധ്യ-കിഴക്കൻ ബംഗാൾ ഉൾക്കടലിലും ,അതിനോട് ചേർന്നുള്ള പ്രദേശത്തും രൂപപ്പെട്ടിട്ടുള്ള ന്യൂനമർദ്ദം അടുത്ത 48 മണിക്കൂറിൽ  പടിഞ്ഞാറ് -വടക്കു പടിഞ്ഞാറ് ദിശയിലേക്ക് നീങ്ങാനും ശക്തമായ ന്യൂന മർദം ആകാനും സാധ്യതയുണ്ട് .  

തമിഴ്നാട്-പുതുച്ചേരി തീരം:

10-06-2020 മുതൽ 14-06-2020 വരെ : തെക്ക് -പടിഞ്ഞാറൻ അറബിക്കടലിലും അതിനോട് ചേർന്നുള്ള മധ്യ പടിഞ്ഞാറൻ അറബിക്കടലിലും മണിക്കൂറിൽ 45 മുതൽ 55 കി മി വരെ  വേഗതയിൽ  ശക്തമായ കാറ്റിന്  സാധ്യത. 

ആലപ്പുഴ: 2020 വർഷത്തെ കാലവർഷത്തിനോടനുബന്ധിച്ച്  കുട്ടനാട് താലൂക്കിൽ വെള്ളപ്പൊക്കക്കെടുതികൾ രൂക്ഷമാകുന്ന സാഹചര്യത്തിൽ കരമാർഗം എത്തിച്ചേരാൻ സാധിക്കാത്ത സന്ദർഭങ്ങളിൽ താലൂക്കിലെ വിവിധ വില്ലേജ് പ്രദേശങ്ങളിൽ ജലമാർഗം സഞ്ചരിച്ചു രക്ഷ പ്രവർത്തനങ്ങൾക്ക് ഉപയോഗിക്കുന്നതിനുള്ള ബാർജ്ജുകളുടെ വാടക നിശ്ചയിക്കുന്നതിന് ബാർജുകളുടെ ഉടമകളിൽ നിന്ന് മുദ്ര വച്ച ദർഘാസ് ക്ഷണിച്ചു. ജൂൺ 12ന് പകൽ 12നകം കുട്ടനാട് താലൂക്ക് ഓഫീസില്‍  നൽകണം. അന്നേ ദിവസം മൂന്നിന്  തുറക്കും. ഫോൺ 0477 2702221.

ആലപ്പുഴ: 2020-21 സാമ്പത്തിക വര്‍ഷം ഫിഷറീസ് വകുപ്പ് ആലപ്പുഴ ജില്ലാ പഞ്ചായത്ത് വഴി സമുദ്ര മേഖലയില്‍ നടപ്പിലാക്കുന്ന പദ്ധതികളായ  മത്സ്യതൊഴിലാളികള്‍ക്ക് ഫൈബര്‍ റീ ഇന്‍ഫോഴ്സ് വള്ളം നല്‍കല്‍ പദ്ധതി,   പരമ്പരാഗത മത്സ്യബന്ധന യാനങ്ങൾക്ക് ഗിൽ നെറ്റ് നൽകൽ  10  മീറ്റർ ഓ .എ .എല്ലില്‍  അധികരിക്കാത്ത വള്ളങ്ങളിലെ കേടായ പഴയ വല മാറ്റി പുതിയ വല നൽകൽ   എന്നീ പദ്ധതിയിലേയ്ക്ക് മത്സ്യതൊഴിലാളികളില്‍  നിന്നും അപേക്ഷ ക്ഷണിക്കുന്നു. അപേക്ഷ ഫോറം ജില്ലാഫിഷറീസ്  ഡെപ്യൂട്ടി ഡയറക്ടര്‍ ഓഫിസില്‍ ലഭ്യമാണ്.  അപേക്ഷ ലഭിക്കേണ്ട അവസാന തീയതി ജൂണ്‍ 20. ഫോണ്‍ നമ്പര്‍ : 0477 2251103.