മേലെ ചൊവ്വ അടിപ്പാത നിര്‍മ്മിക്കുന്നതിന്റെ ഭാഗമായി ഏറ്റെടുക്കുന്ന ഭൂമിയുമായി  ബന്ധപ്പെട്ട് കലക്ടറേറ്റ് ആംഫി തീയറ്ററില്‍ നടക്കുന്ന വിചാരണ മെയ് 27 അവസാനിക്കും. പദ്ധതി ബാധിതര്‍ ഹാജരാക്കുന്ന രേഖകളുടെ അടിസ്ഥാനത്തില്‍ പുനരധിവാസത്തിനും പുനസ്ഥാപനത്തിനും നഷ്ടപരിഹാരം കണക്കാക്കുന്നതിനുള്ള അന്തിമ വാദം കേള്‍ക്കുന്നതിനായാണ് വിചാരണ സംഘടിപ്പിക്കുന്നത്. 23.25 ആര്‍ ഭൂമിയാണ് പദ്ധതിക്കായി ഏറ്റെടുക്കുന്നത്. 50 ല്‍ അധികം പേരുടെ കൈവശങ്ങളും 60 ഓളം സ്ഥാപനങ്ങളുമാണ് ഈ ഭൂമിയില്‍ വരുന്നത്.    

തിരുവനന്തപുരം എൻജിനിയറിങ് കോളേജിൽ ഇലക്ട്രിക്കൽ എൻജിനിയറിങ് വിഭാഗത്തിലെ പ്രോജെക്ടിൽ ജൂനിയർ റിസർച്ച് ഫെല്ലോയുടെ ഒഴിവിലേക്ക് അപേക്ഷ ക്ഷണിച്ചു. താത്പര്യമുള്ളവർ ജൂൺ പത്തിന് വൈകിട്ട് അഞ്ചിനുമുൻപ് വിശദവിവരങ്ങൾ അടങ്ങുന്ന ബയോഡാറ്റ(സോഫ്റ്റ് കോപ്പി) ഡോ.മിനി വി.പി, അസിസ്റ്റന്റ് പ്രൊഫസർ, ഡിപ്പാർട്ട്‌മെന്റ് ഓഫ് ഇലക്ട്രിക്കൽ എൻജിനിയറിങ്, കോളേജ് ഓഫ് എൻജിനിയറിങ്, തിരുവനന്തപുരം-695016 (minivp@cet.ac.in ) എന്ന വിലാസത്തിൽ അയയ്ക്കണം.

യുവജനങ്ങളെ കൃഷിയിലേക്ക് ആകർഷിക്കുന്നതിന് സർവകലാശാലകൾക്ക് നല്ല പങ്ക് വഹിക്കാൻ കഴിയുമെന്ന് മുഖ്യമന്ത്രി പിണറായി വിജയൻ പറഞ്ഞു. കോവിഡാനന്തര കേരളത്തിന്റെ ഭക്ഷ്യസുരക്ഷയ്ക്കായി സംസ്ഥാന സർക്കാരുമായി കൈകോർത്ത് കേരള സർവകലാശാല നടത്തുന്ന ഹരിതാലയം പദ്ധതിയുടെ ഉദ്ഘാടനം വീഡിയോ കോൺഫറൻസ് വഴി നിർവഹിക്കുകയായിരുന്നു മുഖ്യമന്ത്രി.

*ഗവർണർ ആരിഫ് മുഹമ്മദ് ഖാൻ ഉദ്ഘാടനം ചെയ്തു
കർഷകർക്ക് അധിക വരുമാനസ്രോതസ്സായി ഫലവൃക്ഷ കൃഷി പദ്ധതിയുമായി മിൽമ. രാജ്ഭവനിൽ ഡോ.വർഗ്ഗീസ് കുര്യന്റെ സ്മരണാർത്ഥം മാവിൻ തൈ നട്ട് ഗവർണർ ആരിഫ് മുഹമ്മദ് ഖാൻ മിൽമ ഫലവൃക്ഷം പദ്ധതി ഉദ്ഘാടനം ചെയ്തു. തൈകളുടെ വിതരണോദ്ഘാടനം വിയറ്റ്‌നാം ഏർളി സ്വാർഫ് പ്ലാവിൻ തൈ വനംമന്ത്രി കെ.രാജുവിന് നൽകി ഗവർണർ നിർവഹിച്ചു.  പ്ലാവിൻ തൈ മന്ത്രി രാജ്ഭവൻ അങ്കണത്തിൽ നട്ടു.

മഴ തുടരുന്ന സാഹചര്യത്തില്‍ കോവിഡ് പ്രതിരോധത്തിനൊപ്പം ഡെങ്കിപ്പനിക്കും എലിപ്പനിക്കുമെതിരെ ജനങ്ങള്‍ ജാഗ്രത പുലര്‍ത്തണമെന്ന് ആരോഗ്യ വകുപ്പ് നിര്‍ദേശിച്ചു. ഡെങ്കിപ്പനി പരത്തുന്ന ഈഡിസ് കൊതുകുകള്‍ കെട്ടിനില്‍ക്കുന്ന മഴവെള്ളത്തില്‍

മുട്ടയിട്ട് പെരുകുവാന്‍ സാധ്യത ഏറെയാണ്. അസുഖം മുന്‍പ് ബാധിച്ചവര്‍ക്ക് വീണ്ടും ഉണ്ടായാല്‍ സ്ഥിതി സങ്കീര്‍ണമാകുമെന്ന് ജില്ലാ മെഡിക്കല്‍ ഓഫീസര്‍ ഡോ. ജേക്കബ് വര്‍ഗീസ് പറഞ്ഞു.

രോഗപ്രതിരോധത്തിന് ആരോഗ്യ വകുപ്പ് ഊര്‍ജ്ജിത നടപടികള്‍ സ്വീകരിച്ചുവരികയാണ്. 

ആകെ രോഗബാധിതര്‍ 27

കോട്ടയം ജില്ലയില്‍ അഞ്ചു പേര്‍ക്കു കൂടി  കോവിഡ്-19 സ്ഥിരീകരിച്ചു. ഇതോടെ ജില്ലയില്‍ രോഗം ബാധിച്ച് ചികിത്സയിലുള്ളവരുടെ എണ്ണം 27 ആയി. രോഗബാധിതരില്‍ മൂന്നു പേര്‍ കുവൈറ്റില്‍നിന്ന് മെയ് 26നും ഒരാള്‍ മഹാരാഷ്ട്രയില്‍നിന്ന് മെയ് 25നും ഒരാള്‍ പൂനയില്‍നിന്ന് മെയ് 30നുമാണ് എത്തിയത്. 

ജില്ലയില്‍ 10 പേര്‍ക്കു കൂടി ഇന്നലെ (മെയ് 25) കോവിഡ് ബാധ സ്ഥിരീകരിച്ചതായി ജില്ലാ കലക്ടര്‍ അറിയിച്ചു. അഞ്ചു പേര്‍ വിദേശരാജ്യങ്ങളില്‍ നിന്നു വന്നവരാണ്. ബാക്കി അഞ്ചു പേര്‍ക്ക് സമ്പര്‍ക്കത്തിലൂടെയാണ് രോഗബാധ.

കോവിഡ് 19 വ്യാപനത്തിന്റെ പശ്ചാത്തലത്തില്‍ മാറ്റിവെച്ച എസ് എസ് എല്‍ സി, ഹയര്‍ സെക്കണ്ടറി, വി എച് എസ് ഇ
പരീക്ഷകള്‍ നടത്തുന്ന കേന്ദ്രങ്ങളില്‍ ജില്ലാ ഭരണകൂടത്തിന്റെ നേതൃത്വത്തില്‍ കര്‍ശന സുരക്ഷാ മുന്‍കരുതല്‍. ആരോഗ്യ വകുപ്പിന്റെ നിര്‍ദേശപ്രകാരമുള്ള ക്രമീകരണങ്ങള്‍ക്കൊപ്പം പൊലീസിന്റെ നേതൃത്വത്തില്‍ ശക്തമായ സുരക്ഷാ നടപടികളും ഒരുക്കിയിട്ടുണ്ട്. പരീക്ഷാ കേന്ദ്രങ്ങള്‍ക്ക് 500 മീറ്റര്‍ ചുറ്റളവില്‍ കടകള്‍ തുറക്കാന്‍ പാടില്ല. പരീക്ഷ എഴുതാനെത്തുന്ന കുട്ടികള്‍ പുറത്തുള്ളവരുമായി സമ്പര്‍ക്കത്തിലേര്‍പ്പെടാനുള്ള സാധ്യത മുന്നില്‍ക്കണ്ടാണ് നടപടി.

ജില്ലയില്‍ 12 പേര്‍ക്കു കൂടി ഇന്നലെ (മെയ് 24) കോവിഡ് ബാധ സ്ഥിരീകരിച്ചതായി ജില്ലാ കലക്ടര്‍ അറിയിച്ചു. ഇവരില്‍ മൂന്നു പേര്‍ വിദേശരാജ്യങ്ങളില്‍ നിന്നും ആറു പേര്‍ ഇതര സംസ്ഥാനങ്ങളില്‍ നിന്നും എത്തിയവരാണ്. മൂന്നു പേര്‍ക്ക് സമ്പര്‍ക്കത്തിലൂടെയാണ് രോഗബാധ.

കോട്ടയം ജില്ലാ ഭക്ഷ്യ സുരക്ഷാ അസിസ്റ്റന്റ്  കമ്മീഷണറുടെ കാര്യാലയത്തിലേക്ക് 2020-21 വര്‍ഷത്തേക്ക് കരാര്‍ അടിസ്ഥാനത്തില്‍ ഡ്രൈവര്‍ ഉള്‍പ്പെടെ വാഹനം ലഭ്യമാക്കുന്നതിന് ദര്‍ഘാസ് ക്ഷണിച്ചു. ബൊലേറോ /സൈലോ/ എര്‍ടിഗ /തുല്യ സീറ്റിംഗ് കപ്പാസിറ്റിയുള്ള എയര്‍ കണ്ടീഷന്‍ഡ് വാഹനങ്ങളാണ് പരിഗണിക്കുന്നത്. ജൂണ്‍ 27 ഉച്ചയ്ക്ക് രണ്ട് മണി വരെ സ്വീകരിക്കും. ഫോണ്‍: 0481 2564677