ഇതര സംസ്ഥാനങ്ങളില്‍ നിന്നും കേരളത്തിലെത്തി തിരികെ പോകാന്‍ കഴിയാതിരുന്നവരില്‍ തിരിച്ചു പോകേണ്ടവര്‍ യാത്രാവിവരം അറിയിക്കണമെന്ന് ജില്ലാ കലക്ടര്‍ ബി അബ്ദുല്‍ നാസര്‍ അറിയിച്ചു. 1077 എന്ന ടോള്‍ ഫ്രീ നമ്പരിലോ deockollam@gmail.com  എന്ന ഇ-മെയിലിലോ പോകുന്നവരുടെ മൊബൈല്‍ നമ്പര്‍, പോകേണ്ട സ്ഥലത്തെ വിലാസം, ജില്ല, സംസ്ഥാനം, ഇവിടുത്തെ വിലാസം എന്നിവ ഉടന്‍ അറിയിക്കണം.
(പി.ആര്‍.കെ നമ്പര്‍ 1579/2020)

ഫിഷറീസ് വകുപ്പിന്റെ മത്സ്യ വിത്തുല്പ്പാദന കേന്ദ്രങ്ങളിലേയ്ക്ക് കരാര്‍ അടിസ്ഥാനത്തില്‍ നിയമിക്കുന്ന പ്രോജക്ട് അസിസ്റ്റന്റുമാര്‍ക്ക്  ബി എഫ് എസ് സി/എം എഫ് എസ് സി/അംഗീകൃത യൂണിവേഴ്‌സിറ്റിയില്‍ നിന്നും ഫിഷറീസിലോ അക്വാകള്‍ച്ചറിലോ നിശ്ചിത യോഗ്യത ഉണ്ടായിരിക്കണം. മറ്റ് ബിരുദധാരികള്‍ അര്‍ഹരല്ല. അഭിമുഖം ജൂണ്‍ 12 ന് രാവിലെ 10 ന് നടക്കും.  വിശദ  വിവരങ്ങള്‍ 0474-2792850 എന്ന നമ്പരില്‍ ലഭിക്കുമെന്ന് ഫിഷറീസ് ഡെപ്യൂട്ടി ഡയറക്ടര്‍ അറിയിച്ചു.
(പി.ആര്‍.കെ നമ്പര്‍ 1578/2020)

ജില്ലയില്‍ സര്‍വീസ് നടത്തുന്ന എല്ലാ ആംബുലന്‍സുകളിലും ഡ്രൈവറും ആംബുലന്‍സ് യാത്രക്കാരും തമ്മില്‍ വായു വഴി സമ്പര്‍ക്കം വരാത്ത രീതിയില്‍ ഡ്രൈവര്‍ കാബിനും പാസഞ്ചര്‍ കാബിനും തമ്മില്‍ വേര്‍തിരിക്കണമെന്ന് ജില്ലാ ദുരന്ത നിവാരണ അതോറിറ്റി ചെയര്‍മാന്‍ കൂടിയായ ജില്ലാ കലക്ടര്‍ ബി അബ്ദുല്‍ നാസര്‍ അറിയിച്ചു. പോളിയൂറത്തേന്‍ അഥവാ പര്യാപ്തമായ മറ്റ് പദാര്‍ത്ഥങ്ങള്‍ ഉപയോഗിച്ച് പൂര്‍ണമായും വേര്‍തിരിവ് വരുത്തണം.
(പി.ആര്‍.കെ നമ്പര്‍ 1577/2020)

ലൈഫ് മിഷന്‍ മൂന്നാംഘട്ടം അംഗീകൃത ഗുണഭോക്തൃ പട്ടികയില്‍ ഉള്‍പ്പെട്ട ചില ഗുണഭോക്താക്കള്‍ക്ക് രേഖാ പരിശോധന വേളയില്‍ രേഖകള്‍ സമര്‍പ്പിക്കാന്‍ സാധിക്കാത്തവര്‍ക്ക് ജൂണ്‍ എട്ടു മുതല്‍ 15 വരെ സമര്‍പ്പിക്കാന്‍ അവസരം. രേഖകള്‍ സമര്‍പ്പിച്ചിട്ടില്ലാത്ത മുഴുവന്‍ ഗുണഭോക്താക്കളും ബന്ധപ്പെട്ട തദ്ദേശ സ്വയംഭരണ സ്ഥാപനങ്ങളില്‍ ഹാജരായി അര്‍ഹത തെളിയിക്കാമെന്ന് ലൈഫ് മിഷന്‍ ജില്ലാ കോ-ഓര്‍ഡിനേറ്റര്‍ അറിയിച്ചു.
(പി.ആര്‍.കെ നമ്പര്‍ 1576/2020)
 

* ചികിത്സയിലുള്ളത് 1029 പേർ
* 10 പുതിയ ഹോട്ട് സ്‌പോട്ടുകൾ

കോഴിക്കോട് ജില്ലയില്‍ ഇന്ന് (06.06.20) പുതുതായി വന്ന 421 പേര്‍ ഉള്‍പ്പെടെ 7704 പേര്‍ നിരീക്ഷണത്തില്‍. ഇതുവരെ 33,935 പേര്‍ നിരീക്ഷണം പൂര്‍ത്തിയാക്കി. ഇന്ന് പുതുതായി വന്ന 31 പേര്‍ ഉള്‍പ്പെടെ 136 പേരാണ് ആശുപത്രികളില്‍ നിരീക്ഷണത്തിലുള്ളത്. ഇതില്‍ 100 പേര്‍ മെഡിക്കല്‍ കോളേജിലും 36 പേര്‍ കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററിലുമാണ്. 26 പേര്‍ ഡിസ്ചാര്‍ജ്ജ് ആയി.

ആറ് എയര്‍ ഇന്ത്യ ജീവനക്കാരടക്കം
ഏഴ് പേര്‍ക്ക്  രോഗമുക്തി

കോഴിക്കോട് ജില്ലയില്‍ ഇന്ന് (06.06.2020) 4 പേര്‍ക്ക് കൂടി കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ജയശ്രി വി അറിയിച്ചു. മൂന്ന് അഴിയൂര്‍ സ്വദേശികളും ഒരു ഏറാമല സ്വദേശിയുമാണ് പോസിറ്റീവായത്. നാല് പേരും ഇതര സംസ്ഥാനങ്ങളില്‍ നിന്ന് എത്തിയവരാണ്.

ജില്ലയിലെ സ്വകാര്യ ആശുപത്രിയില്‍ ചികിത്സയിലായിരുന്ന കണ്ണൂരിലെ ആറ് എയര്‍ഇന്ത്യാ ജീവനക്കാരും കോവിഡ് ഫസ്റ്റ്‌ലൈന്‍ ട്രീറ്റ്‌മെന്റ് സെന്ററില്‍ ചികിത്സയിലായിരുന്ന 33 വയസ്സുള്ള ഫറോക്ക് സ്വദേശിയും ഇന്ന് രോഗമുക്തി നേടി.

പല ആവശ്യങ്ങള്‍ക്കായി ജില്ലയിലെത്തി തിരികെ പോവാനാവാതെ കുടുങ്ങിപ്പോയ ഇതര സംസ്ഥാനങ്ങളില്‍ നിന്നുള്ളവര്‍ 24 മണിക്കൂറിനകം വിവരം അറിയിക്കണം. നാട്ടിലേക്ക് തിരികെ പോവാന്‍ ആഗ്രഹിക്കുന്നവര്‍ അവരുടെ പേര്, വിലാസം, ജില്ല, സംസ്ഥാനം, മൊബൈല്‍ നമ്പര്‍ ഉള്‍പ്പെടെയുള്ള വിവരങ്ങള്‍ 1077 എന്ന നമ്പറില്‍ വിളിച്ചോ 9446538900എന്ന നമ്പറില്‍ വാട്ട്‌സാപ്പ് വഴിയ dmcellkozhikode@gmail.comഎന്ന ഇ-മെയിലിലോ നല്‍കണം. ഇങ്ങനെ ജില്ലയില്‍ കുടുങ്ങിപ്പോയവരെ കുറിച്ച് അറിയാവുന്നവര്‍ ഈ വിവരം അവര്‍ക്ക് എത്രയും വേഗം എത്തിക്കണമെന്നും അഭ്യര്‍ഥിക്കുന്നു.

കുരുവട്ടൂർ എ.എം.എൽ.പി സ്കൂൾ പാലേത്ത്പുയിൽ പുല്ല്യാട്ട് ക്ഷേത്രം റോഡ്  ഗതാഗത വകുപ്പ് മന്ത്രി എ.കെ ശശീന്ദ്രൻ ഉദ്ഘാടനം ചെയ്തു. സ്ഥലം എം.എൽ.എ കൂടിയായ മന്ത്രിയുടെ പ്രാദേശിക ഫണ്ടിൽ നിന്നും 13 ലക്ഷം രൂപ വിനിയോഗിച്ചാണ്  റോഡ് പണി പൂർത്തീകരിച്ചത്. കുരുവട്ടൂർ ഗ്രാമപഞ്ചായത്ത് പ്രസിഡൻ്റ് പി അപ്പുകുട്ടൻ അധ്യക്ഷത വഹിച്ചു. ബ്ലോക്ക് പഞ്ചായത്ത് മെമ്പർ രതി തടത്തിൽ, സ്റ്റാൻ്റിംഗ് കമ്മിറ്റി ചെയർമാൻ  കെ കെ കൃഷ്ണദാസ്, ഗ്രാമപഞ്ചായത്ത് വാർഡ് മെമ്പർമാരായ കെ ഷീബ, എം രാധ, എ സരിത തുടങ്ങിയവർ പങ്കെടുത്തു.