മലബാര്‍ കാന്‍സര്‍ സെന്ററില്‍ ഒഴിവ്

ഹയര്‍ സെക്കണ്ടറി പരീക്ഷ മെയ് 30 ശനിയാഴ്ച സമാപിക്കും. വെള്ളിയാഴ്ച രാവിലെ ഹയര്‍ സെക്കണ്ടറി രണ്ടാം വര്‍ഷപരീക്ഷയും ഉച്ചയ്ക്ക് ഒന്നാം വര്‍ഷ പരീക്ഷയും നടന്നു. ആരോഗ്യ വകുപ്പിന്റെ നേതൃത്വത്തിലുള്ള കര്‍ശന നിയന്ത്രണത്തോടെയാണ് പരീക്ഷ നടത്തിയത്.

കൊവിഡ് പ്രതിരോധ പ്രവര്‍ത്തനങ്ങള്‍ ഫലപ്രദമാകാനും രോഗത്തിന്റെ സമൂഹവ്യാപന സാധ്യത തടയാനും വീടുകളിലെ ക്വാറന്റൈനില്‍ കഴിയുന്നവര്‍ നിയന്ത്രണങ്ങള്‍ കര്‍ശനമായി പാലിക്കണമെന്ന് ജില്ലാ കലക്ടര്‍ ടി വി സുഭാഷ് അറിയിച്ചു. നിയന്ത്രണങ്ങളില്‍ ലംഘനമുണ്ടാകുന്നില്ലെന്ന് തദ്ദേശസ്ഥാപനങ്ങള്‍ ഉറപ്പുവരുത്തണം. ഇതിനായി വാര്‍ഡ് തല സമിതികളുടെ പ്രവര്‍ത്തനം നല്ല നിലയില്‍ നടക്കുന്നുവെന്ന് ഉറപ്പാക്കണമെന്നും അദ്ദേഹം നിര്‍ദേശിച്ചു. വീടുകളില്‍ ക്വാറന്റൈനില്‍ കഴിയുന്നവരെ നിരീക്ഷിക്കുന്നതിന് സി ഐമാരുടെ നേതൃത്വത്തില്‍ പൊലീസും രംഗത്തുണ്ട്.

ജില്ലയില്‍ ഏഴു പേര്‍ക്കു കൂടി ഇന്നലെ (മെയ് 29) കോവിഡ് ബാധ സ്ഥിരീകരിച്ചതായി ജില്ലാ കലക്ടര്‍ അറിയിച്ചു. ആറു പേര്‍ വിദേശത്തു നിന്നും ഒരാള്‍ മഹാരാഷ്ട്രയില്‍ നിന്നും വന്നവരാണ്.

ലെവല്‍ക്രോസ് അടച്ചിടും
തലശ്ശേരി - എടക്കാട് സ്റ്റേഷനുകള്‍ക്കിടയിലെ എന്‍ എച്ച് - ബീച്ച് റോഡിലുള്ള 234- നമ്പര്‍ ലെവല്‍ ക്രോസ് ജൂണ്‍ ഒന്നിന് രാവിലെ എട്ട് മണി മുതല്‍ അഞ്ചിന് വൈകിട്ട് ആറ് മണി വരെ അടച്ചിടുമെന്ന് അസി.ഡിവിഷണല്‍ എഞ്ചിനീയര്‍ അറിയിച്ചു

മഴക്കാല പൂര്‍വ്വ  ശുചീകരണ പ്രവര്‍ത്തനങ്ങള്‍ ഊര്‍ജിതപ്പെടുത്തുന്നതിനായി തദ്ദേശ സ്വയംഭരണ സ്ഥാപനങ്ങളുടെ മേല്‍നോട്ടത്തില്‍ പൊതുജന പങ്കാളിത്തത്തോടെ ശുചീകരണ പ്രവര്‍ത്തനങ്ങള്‍ നടത്തണമെന്ന് ജില്ലാ ശുചിത്വമിഷന്‍ കോ ഓര്‍ഡിനേറ്റര്‍  അറിയിച്ചു.
മെയ് 30 ശനിയാഴ്ച  പൊതുജന പങ്കാളിത്തം ഉറപ്പാക്കി അതാത് വാര്‍ഡ് മെമ്പര്‍മാരുടെ നേതൃത്വത്തില്‍ സ്ഥാപനങ്ങള്‍, പൊതു ഇടങ്ങള്‍ എന്നിവ വൃത്തിയാക്കുകയും കൊതുക് നിവാരണ പ്രവര്‍ത്തനങ്ങള്‍ സംഘടിപ്പിക്കുകയും വേണം. മെയ് 31 ഞായറാഴ്ച വീടും പരിസരവും വൃത്തിയാക്കുന്നതിനും കൊതുകുകളുടെ ഉറവിടങ്ങള്‍ നശിപ്പിക്കുന്നതിനുമായും ജനങ്ങള്‍ മുന്നിട്ടിറങ്ങണം.

കൊട്ടിയൂര്‍ മഹാക്ഷേത്രത്തിലെ വൈശാഖ മഹോത്സവം കോവിഡ്-19 രോഗ നിര്‍വ്യാപന/പ്രതിരോധ പ്രവര്‍ത്തനത്തിന്റെ ഭാഗമായി കേന്ദ്ര സംസ്ഥാന സര്‍ക്കാരുകളുടെ കര്‍ശന മാര്‍ഗ നിര്‍ദേശമനുസരിച്ച് ഭക്തജനങ്ങള്‍ക്കോ പൊതുജനങ്ങള്‍ക്കോ പ്രവേശനമില്ലാതെ ചടങ്ങുകള്‍ മാത്രമായി നടക്കും.  ജില്ലാ കലക്ടറുടെ ഉത്തരവ് പ്രകാരമാണിതെന്ന് ദേവസ്വം അറിയിച്ചു.  ക്ഷേത്രത്തിലെ പ്രധാന ചടങ്ങായ നെയ്യാട്ടത്തിന് നെയ്യ് എഴുന്നെള്ളിക്കുന്നതിനും ഇളനീര്‍വെപ്പിന് ഇളനീര്‍ സമര്‍പ്പിക്കുന്നതിനും നിശ്ചിത സംഘങ്ങള്‍ക്ക് മാത്രമേ അനുവാദമുണ്ടായിരിക്കുകയുള്ളൂ.  

കൂടിച്ചേരലുകളോ ആരവങ്ങളോ ഇല്ലാതെ, കാത്തിരു പരീക്ഷ ആശ്വാസത്തോടെ എഴുതിത്തീര്‍ത്ത് പത്താം ക്ലാസ്സുകാര്‍. കോവിഡ് പശ്ചാത്തലത്തില്‍ ഏറെ ആശങ്കയുണര്‍ത്തിയാണ് വലിയൊരു ഇടവേളയ്ക്കു ശേഷം എസ് എസ് എല്‍ സി പ്ലസ് ടു പരീക്ഷകള്‍ പുനരാരംഭിച്ചത്. കര്‍ശന നിയന്ത്രണങ്ങളില്‍, ആരോഗ്യ വകുപ്പിന്റെ നിര്‍ദേശങ്ങള്‍ക്കനുസൃതമായി  33722 പേരാണ് എസ്എസ്എല്‍സി പരീക്ഷ എഴുതിയത്. 56 വിദ്യാര്‍ഥികള്‍ മറ്റ് ജില്ലകളില്‍ നി് സെന്റര്‍ മാറ്റം വഴി കണ്ണൂര്‍ ജില്ലയില്‍ പരീക്ഷ എഴുതി. 203 സെന്ററുകളിലായി 33737 പേരാണ് പരീക്ഷക്ക് രജിസ്റ്റര്‍ ചെയ്തത്. പരീക്ഷക്ക് ഹാജരാകാത്ത 15 പേരില്‍ 9 പേര്‍ മാര്‍ച്ചിലെ പരീക്ഷകളും എഴുതാത്തവരാണ്.

 മരങ്ങള്‍ മുറിച്ചു മാറ്റണം
കല്ല്യാശ്ശേരി ഗ്രാമപഞ്ചായത്തില്‍ കാലവര്‍ഷത്തോടനുബന്ധിച്ചുള്ള ദുരന്തനിവാരണ മുന്നൊരുക്ക പ്രവര്‍ത്തനങ്ങളുടെ ഭാഗമായി സ്വകാര്യ ഭൂമിയിലുള്ള അപകടകരമായ മരങ്ങളും മരച്ചില്ലകളും ഉടമസ്ഥര്‍ സ്വന്തം ചെലവില്‍ മുറിച്ചു മാറ്റണമെന്ന് സെക്രട്ടറി അറിയിച്ചു. അല്ലാത്തപക്ഷം മരം വീണ് ഉണ്ടാകുന്ന എല്ലാ അപകടങ്ങള്‍ക്കും നഷ്ടപരിഹാരം നല്‍കാനുള്ള ഉത്തരവാദിത്വം ഉടമസ്ഥരില്‍ നിക്ഷിപ്തമായിരിക്കുമെന്നും അറിയിപ്പില്‍ വ്യക്തമാക്കി