തിരൂരങ്ങാടി താലൂക്കില്‍ ഹോട്ടലുകള്‍, പലചരക്ക് സ്ഥാപനങ്ങള്‍ എന്നിവിടങ്ങളില്‍ താലൂക്ക് സപ്ലൈ ഓഫീസറുടെ നേതൃത്വത്തില്‍ പരിശോധന നടത്തി. വിലവിവര പട്ടിക പ്രദര്‍ശിപ്പിക്കാത്തതും മതിയായ രേഖകളില്ലാതെ പ്രവര്‍ത്തിക്കുന്നതുമായ സ്ഥാപനങ്ങള്‍ക്കെതിരെ ഉദ്യോഗസ്ഥര്‍ കര്‍ശനമായ മുന്നറിയിപ്പ് നല്‍കി. ഗാര്‍ഹികാവശ്യത്തിനുള്ള പാചകവാതക സിലിണ്ടറുകള്‍ വാണിജ്യാവശ്യത്തിനായി ഉപയോഗിക്കുന്നത് ശ്രദ്ധയില്‍ പെട്ടാല്‍ നിയമ നടപടികള്‍ സ്വീകരിക്കും. വരും ദിവസങ്ങളിലും താലൂക്കിലെ വിവിധ ഭാഗങ്ങളില്‍ പരിശോധന തുടരും. പരിശോധനയില്‍ താലൂക്ക് സപ്ലൈ ഓഫീസര്‍ പി.പ്രമോദ്, റേഷനിംഗ് ഇന്‍സ്‌പെക്ടര്‍മാരായ എം.

മലപ്പുറം ദേശീയപാത 66 ഭൂമി ഏറ്റെടുക്കലുമായി ബന്ധപ്പെട്ട ആര്‍ബിട്രേഷന്‍ യൂണിറ്റിലേക്ക് ക്ലര്‍ക്ക്, ടൈപ്പിസ്റ്റ്, ഡാറ്റാ എന്‍ട്രീ ഓപ്പറേറ്റര്‍ എന്നീ തസ്തികകളിലേക്ക് ദിവസ വേതന അടിസ്ഥാനത്തില്‍ പരിചയ സമ്പന്നരായ ഉദ്യോഗാര്‍ഥികളില്‍ നിന്നും അപേക്ഷ ക്ഷണിച്ചു. ഭൂവുടമകള്‍ക്ക് നഷ്ടപരിഹാരം നല്‍കിയതുമായി ബന്ധപ്പെട്ട് ജില്ലാ ആര്‍ബിട്രേറ്ററായ ജില്ലാ കളക്ടര്‍ക്ക് ലഭിച്ച പരാതികള്‍ സമയബന്ധിതമായി തീര്‍പ്പു കല്‍പ്പിക്കുന്നതിന് ആര്‍ബിട്രേറ്ററെ സഹായിക്കുന്നതിനയാണ് നിയമനം.

കളക്ടറേറ്റ് കോണ്‍ഫറന്‍സ് ഹാളില്‍ മെയ് 19ന്  നടത്താന്‍ നിശ്ചയിച്ചിരുന്ന റീജിയണല്‍ ട്രാന്‍സ്‌പോര്‍ട്ട് അതോറിറ്റി (ആര്‍.ടി.എ)   യോഗം മാറ്റിവെച്ചതായി ആര്‍.ടി.ഒ അറിയിച്ചു.

വനം വന്യജീവി വകുപ്പിലെ ബീറ്റ് ഫോറസ്റ്റ് ഓഫീസര്‍ തസ്തികകളിലേക്കുള്ള കായിക്ഷമത  പരീക്ഷ നടക്കുന്നതിനാല്‍ കോട്ടക്കല്‍ പുത്തൂര്‍ ബൈപ്പാസില്‍ പുത്തൂര്‍ ജംഗ്ഷന്‍ മുതല്‍ രണ്ട് കിലോമീറ്റര്‍ ദൂരം മെയ് 19, 20 തീയതികളില്‍ പരീക്ഷാ സമയം തീരുന്നതുവരെ വാഹന ഗതാഗതം പൂര്‍ണ്ണമായും നിരോധിച്ചു.  ഈ വഴി പോകേണ്ട വാഹനങ്ങള്‍ തിരൂര്‍ - മലപ്പുറം റോഡ് വഴി പോകണം.

ജില്ലയില്‍ 2013-ലെ ഭൂമി ഏറ്റെടുക്കല്‍ നിയമപ്രകാരം ഭൂമി ഏറ്റെടുക്കുന്നതുമായി ബന്ധപ്പെട്ട് സാമൂഹിക ആഘാത പഠനം നടത്തുന്നതിനും റിപ്പോര്‍ട്ടും പരിഹാര പദ്ധതികളും തയ്യാറാക്കുന്നതിനുമായി ജില്ലാ തലത്തില്‍ പുതിയ ഏജന്‍സികളെ എംപാനല്‍ ചെയ്യാന്‍ അപേക്ഷ ക്ഷണിച്ചു. ബന്ധപ്പെട്ട മേഖലയില്‍ അവഗാഹവും സാങ്കേതിക അറിവുമുള്ള വ്യക്തികള്‍ക്കും സ്ഥാപനങ്ങള്‍ക്കും പ്രവൃത്തിപരിചയം തെളിയിക്കുന്ന രേഖകളുടെ പകര്‍പ്പുകള്‍ സഹിതം ഡെപ്യൂട്ടി കളക്ടര്‍ (എല്‍.എ), കളക്ടറേറ്റ്, സിവില്‍ സ്റ്റേഷന്‍, മലപ്പുറം - 676505 വിലാസത്തില്‍ മെയ് 30 വരെ അപേക്ഷിക്കാം. ഫോണ്‍ 0483-2739581.

വണ്ടൂര്‍ താലൂക്ക് ആശുപത്രിയില്‍ ദിവസ വേതനാടിസ്ഥാനത്തില്‍ ഡോക്ടര്‍, നഴ്‌സിംഗ് ഓഫീസര്‍ തസ്തികകളിലേയ്ക്ക് നിയമനം നടത്തുന്നു. ഡോക്ടര്‍ തസ്തികയിലേക്ക് ഗവ. അംഗീകൃത എം.ബി.ബി.എസ്, ടി.സി. മെഡിക്കല്‍ കൗണ്‍സിലിന്റെ രജിസ്‌ട്രേഷന്‍ പെര്‍മനെന്റ് ഉള്ളവര്‍ക്കും, നഴ്‌സിംഗ് ഓഫീസര്‍ തസ്തികയിലേക്ക് ഗവ. അംഗീകൃത ജി.എന്‍.എം./ബി.എസ്.സി. നഴ്‌സിംഗ് കോഴ്‌സ് പാസ്സ്, കേരള നഴ്സിംഗ് കൗണ്‍സിലിന്റെ രജിസ്‌ട്രേഷന്‍ ഉള്ളവര്‍ക്കും അപേക്ഷിക്കാം.

കുടുംബശ്രീ ജില്ലാ മിഷന്റെ നേതൃത്വത്തിൽ ജില്ലയിലാകെ “റിഥം 2026” ക്യാമ്പയിൻ സംഘടിപ്പിക്കുന്നു. സി.ഡി.എസ് അംഗങ്ങളുടെ നേതൃത്വശേഷി, സംഘടനാ പ്രവർത്തന മികവ്, ആശയവിനിമയ കഴിവ് എന്നിവ കൂടുതൽ ശക്തിപ്പെടുത്തുകയെന്ന ലക്ഷ്യത്തോടെ ബ്ലോക്ക് തലങ്ങളിലായാണ് പരിശീലന പരിപാടികൾ നടക്കുന്നത്. സി.ഡി.എസിലെ മുഴുവൻ അംഗങ്ങളുടെയും പങ്കാളിത്തം ഉറപ്പുവരുത്തുന്ന രീതിയിലാണ് ക്യാമ്പയിൻ ക്രമീകരിച്ചിരിക്കുന്നത്.

വൈറ്റില ജംഗ്ഷനിലെ കടുത്ത ഗതാഗതക്കുരുക്കിന് അടിയന്തര പരിഹാരം കാണുന്നതിനായി ഒന്നരക്കോടി രൂപയുടെ നവീകരണ പ്രവർത്തനങ്ങൾ നടപ്പിലാക്കാൻ തീരുമാനം. ജില്ലാ കളക്ടർ ജി. പ്രിയങ്കയുടെ നേതൃത്വത്തിൽ ചേർന്ന യോഗത്തിലാണ് റോഡ് സേഫ്റ്റി അതോറിറ്റി പി.ഡബ്ല്യു.ഡി ക്ക് (എൻ.എച്ച്  വിഭാഗം) അനുവദിച്ച തുക ഉപയോഗിച്ചുള്ള റോഡ് വികസന പ്രവൃത്തികൾ വേഗത്തിൽ നടപ്പിലാക്കാൻ നിർദ്ദേശം നൽകിയത്.

അനുവദിച്ച തുക ഉപയോഗിച്ചുള്ള റോഡ് വികസന പ്രവൃത്തികൾ അടുത്ത ആഴ്ച തന്നെ ആരംഭിക്കണം. നിലവിലെ തടസ്സങ്ങൾ നീക്കി പുതിയ റോഡ് ലൈൻ ചെയ്യുന്ന പദ്ധതി ജൂലൈ 30-നകം യുദ്ധകാലാടിസ്ഥാനത്തിൽ പൂർത്തിയാക്കാൻ ജില്ലാ കളക്ടർ കർശന നിർദ്ദേശം നൽകി.