ഏഴംകുളം ഗ്രാമപഞ്ചായത്തിലെ എഞ്ചിനീയറിംഗ് വിഭാഗത്തില്‍ ക്ലര്‍ക്ക് തസ്തികയിലേക്ക് ദിവസവേതനാടിസ്ഥാനത്തില്‍ ആറുമാസത്തെ താല്‍കാലിക നിയമനം നടത്തുന്നു. യോഗ്യതയുളള ഉദ്യോഗാര്‍ഥികള്‍ മതിയായ രേഖ സഹിതം അപേക്ഷിക്കണം. അവസാന തീയതി മെയ് 23. ഫോണ്‍ : 04734 240637.
 

കൊടുമണ്‍ സ്മാര്‍ട്ട് വില്ലേജ് ഓഫീസ് കെട്ടിട നിര്‍മാണവുമായി ബന്ധപ്പെട്ട് തറ നിരപ്പാക്കിയപ്പോള്‍ അധികം വന്ന 81.6 ക്യൂബിക് മീറ്റര്‍ (163.2 മെട്രിക് ടണ്‍) മണ്ണ് ജൂണ്‍ ഒമ്പതിന് രാവിലെ 11 ന് ലേലം ചെയ്യും.  
ലേലം സ്ഥിരീകരിച്ച് 15 ദിവസത്തിനുളളില്‍  സ്വന്തം ചെലവില്‍ മണ്ണ് നീക്കം ചെയ്യണം.  ഫോണ്‍ : 04734-224827
 

ഇലന്തൂര്‍ ബ്ലോക്ക് പഞ്ചായത്തില്‍ 2026-27 സാമ്പത്തിക വര്‍ഷത്തെ കേന്ദ്ര ധനകാര്യ കമ്മീഷന്‍ ഗ്രാന്റ് ഉപയോഗിച്ച് നടപ്പാക്കുന്ന പ്രവൃത്തികളുടെ ജിയോ ടാഗിംഗ് നടത്തുന്നതിനും ഇ-ഗ്രാം സ്വരാജ് പോര്‍ട്ടലില്‍ ബില്ലുകള്‍ തയ്യാറാക്കുന്നതിനും പ്രോജക്ട് അസിസ്റ്റന്റിനെ താല്‍ക്കാലികമായി നിയമിക്കുന്നു.
പ്രായപരിധി - 2026 ജനുവരി ഒന്നിന് 18നും 30നുമിടയില്‍. പട്ടികജാതി പട്ടികവര്‍ഗ വിഭാഗങ്ങള്‍ക്ക് മൂന്ന് വര്‍ഷ ഇളവ് അനുവദിക്കും.

പത്തനംതിട്ട ജില്ല സൈനിക ക്ഷേമ ഓഫീസില്‍ വിമുക്ത ഭടന്മാര്‍ക്ക് ആവശ്യമായ നിയമസഹായ സേവനം ലഭിക്കുന്നതിന്  (മെയ് 16 ) രാവിലെ 11 മുതല്‍ സിറ്റിംഗ് ഉണ്ടായിരിക്കും. ഫോണ്‍ : 0468-2961104
 

കരിപ്പൂർ വഴിയുള്ള ഹജ്ജ് യാത്ര പതിനേഴിനു സമാപിക്കും. മെയ് പതിനേഴിന് പുലർച്ചെ 2.20 നാണ് അവസാനത്തെ വിമാനം. ഇതിലേക്കുള്ള തീർത്ഥാടകർ മെയ് പതിനാറിനു രാവിലെ പത്തിന് ഹജ്ജ് ക്യാമ്പിൽ റിപ്പോർട്ട് ചെയ്യും. പതിനാറിനു ശനിയാഴ്ച പുലർച്ചെ 12.20 ന് പുറപ്പെടുന്ന വിമാനത്തിൽ 17 പുരുഷന്മാരും 126 സ്ത്രീകളും 2.25 ന് പുറപ്പെടുന്ന വിമാനത്തിൽ 65 പുരുഷന്മാരും 77 സ്ത്രീകളുമാണ് യാത്രയാവുക.

കരള്‍ സംബന്ധമായ ചികിത്സ നടത്തിയയാള്‍ക്ക് ഇന്‍ഷൂറന്‍സ് തുക അനുവദിക്കാത്ത സംഭവത്തില്‍ ഇന്‍ഷൂറന്‍സ് കമ്പനിയോട് 5,35,000 രൂപ നല്‍കാന്‍ ഉത്തരവിട്ട് ജില്ലാ ഉപഭോക്തൃ കമ്മീഷന്‍. താനാളൂര്‍ സ്വദേശി സ്റ്റാര്‍ ഹെല്‍ത്ത് ഇന്‍ഷൂറന്‍സ് കമ്പനിക്കെതിരെ സമര്‍പ്പിച്ച ഹര്‍ജിയിലാണ് കമ്മീഷന്റെ വിധി. പരാതിക്കാരന്റെ പേരില്‍ രണ്ട് ഇന്‍ഷൂറന്‍സ് പോളിസിയാണുണ്ടായിരുന്നത്.

വൈദ്യുതി അപകട നിവാരണ സമിതിയുടെ മലപ്പുറം ജില്ലാതല യോഗം മെയ് 26ന് രാവിലെ 10.30ന് എ.ഡി.എം. ചേംബറില്‍ ചേരും.

പൂക്കോട്ടൂര്‍ ഗവ. ഹയര്‍ സെക്കന്‍ഡറി സ്‌കൂളില്‍ ഹയര്‍ സെക്കന്‍ഡറി വിഭാഗത്തില്‍ ഒഴിവുള്ള മാത്സ്, സോഷ്യോളജി, കൊമേഴ്‌സ്, എക്കണോമിക്‌സ്, ഹിസ്റ്ററി എന്നീ തസ്തികകളിലേക്കുള്ള അഭിമുഖം മെയ് 25ന് രാവിലെ 9.30നും അറബിക്, ഉറുദു, പൊളിറ്റിക്കല്‍ സയന്‍സ്, ഇംഗ്ലീഷ് എന്നീ തസ്തികകളിലേക്കുള്ള അഭിമുഖം ഉച്ചക്ക് 1.30നും സ്‌കൂളില്‍ നടക്കും. ഫോണ്‍-0483 2771999.

പട്ടികജാതി വികസന വകുപ്പിന് കീഴില്‍ വണ്ടൂരില്‍ പ്രവര്‍ത്തിക്കുന്ന പെണ്‍കുട്ടികളുടെ പ്രീമെട്രിക് ഹോസ്റ്റലില്‍ വിദ്യാര്‍ഥികളുടെ രാത്രികാല പഠന മേല്‍ നോട്ടങ്ങള്‍ക്കായി കരാര്‍ അടിസ്ഥാനത്തില്‍ മേട്രണ്‍- കം-റസിഡന്റ് ട്യൂട്ടര്‍മാരെ നിയമിക്കുന്നു. ബി.എഡും ബിരുദവുമുള്ള പട്ടികജാതിക്കാരായ പുരുഷ ഉദ്യോഗാര്‍ഥികള്‍ക്ക് അപേക്ഷിക്കാം. മുന്‍പരിചയമുള്ളവര്‍ക്ക് മുന്‍ഗണന ലഭിക്കും. പ്രതിമാസം 12000/ രൂപ ഹോണറേറിയം ലഭിക്കും. റസിഡന്റ് ട്യൂട്ടറുടെ ജോലി സമയം വൈകിട്ട് നാല് മുതല്‍ പിറ്റേന്ന് രാവിലെ എട്ട് വരെയാണ്.  വണ്ടൂര്‍ ഗ്രാമപഞ്ചായത്ത് പരിധിയിലുള്ളവര്‍ക്കും മുന്‍പരിചയമുള്ളവര്‍ക്കും മുന്‍ഗണന ലഭിക്കും.