തൃശ്ശൂര്‍ വില്ലടത്ത് പ്രവര്‍ത്തിക്കുന്ന കനറാ ബാങ്ക് ഗ്രാമീണ സ്വയം തൊഴില്‍ പരിശീലന കേന്ദ്രത്തില്‍ ഫോട്ടോഗ്രാഫി ആന്‍ഡ് വീഡിയോഗ്രാഫി സൗജന്യ തൊഴില്‍ പരിശീലനത്തിന് അപേക്ഷ ക്ഷണിച്ചു. ജൂണ്‍ ആദ്യവാരം ആരംഭിക്കുന്ന പരിശീലനത്തിന് 18 നും 50 നും ഇടയില്‍ പ്രായമുള്ളവര്‍ക്ക് അപേക്ഷിക്കാം. രാവിലെ ഒന്‍പത് മുതല്‍ വൈകിട്ട് അഞ്ച് വരെയായിരിക്കും പരിശീലനം. 31 ദിവസം നീളുന്ന പരിശീലനത്തില്‍ സംരംഭകത്വം, വായ്പാ സൗകര്യങ്ങള്‍ എന്നിവ സംബന്ധിച്ച ക്ലാസുകളും ഉണ്ടായിരിക്കും. ഭക്ഷണവും താമസവും ഉള്‍പ്പെടെ പരിശീലനം തികച്ചും സൗജന്യമാണ്.

പട്ടിക വര്‍ഗ്ഗ വികസന വകുപ്പിന് കീഴില്‍ പ്രവര്‍ത്തിക്കുന്ന ചാലക്കുടി മോഡല്‍ റസിഡന്‍ഷ്യല്‍ സ്‌കൂളിലെ അന്തേവാസികളുടെ ഉപയോഗത്തിനായി 2026-27 വര്‍ഷം ഗുണനിലവാരമുള്ള ബെഡ് ഷീറ്റ് വിതരണം ചെയ്യുന്നതിന് തയ്യാറുള്ള സ്ഥാപനങ്ങളില്‍ നിന്ന് ക്വട്ടേഷന്‍ ക്ഷണിച്ചു. ക്വട്ടേഷന്‍ സ്വീകരിക്കുന്ന അവസാന തിയ്യതി മെയ് 21 ന് ഉച്ചയ്ക്ക് രണ്ട് മണി വരെ. കൂടുതല്‍ വിവരങ്ങള്‍ക്കായി ഫോണ്‍: 0480 2960400.

തൃശ്ശൂര്‍ ജില്ലയില്‍ വനം, വന്യജീവി വകുപ്പില്‍ ബീറ്റ് ഫോറസ്റ്റ് ഓഫീസര്‍ (കാറ്റഗറി നമ്പര്‍ 211/2025. 213/2025, 214/2025, 252/2025, 253/2025, 257/2025) തസ്തികയിലേയ്ക്കുള്ള തിരഞ്ഞെടുപ്പിന്റെ ഭാഗമായുള്ള എന്‍ഡ്യൂറന്‍സ് ടെസ്റ്റ് മെയ് 19, 20, 21 തീയതികളിലായി നടക്കും. രാമവര്‍മ്മപുരം ഡി.എച്ച്.ക്യൂ ക്യാമ്പ് പോലീസ് പരേഡ് ഗ്രൗണ്ടില്‍ രാവിലെ 5.15 ന് ടെസ്റ്റ് ആരംഭിക്കും.

2026 വർഷത്തെ കടൽ രക്ഷാപ്രവർത്തനത്തിൻ്റെയും മൺസൂൺകാല ട്രോളിംഗ് നിരോധനത്തിൻ്റെയും ഭാഗമായി ജില്ലയിൽ ഫിഷറീസ് കൺട്രോൾ റൂം പ്രവർത്തനം ആരംഭിച്ചു. അഴീക്കോടുള്ള ഫിഷറീസ് അസിസ്റ്റന്റ് ഡയറക്ടറുടെ കാര്യാലയത്തിലാണ് കൺട്രോൾ റൂം സജ്ജീകരിച്ചിരിക്കുന്നത്. 24 മണിക്കൂറും പ്രവർത്തിക്കുന്ന ഈ കൺട്രോൾ റൂം വഴി അടിയന്തര സാഹചര്യങ്ങളിൽ സഹായം തേടാവുന്നതാണ്. പൊതുജനങ്ങൾക്ക് നേരിട്ടോ ഫോൺ മുഖേനയോ ബന്ധപ്പെടാം. ബന്ധപ്പെടേണ്ട നമ്പർ:  0480 2996090.

കോടതി കുടിശിക തുക ഈടാക്കുന്നതിൻ്റെ ഭാഗമായി വടക്കാഞ്ചേരി വില്ലേജ് ബ്ലോക്ക് നമ്പർ 53, റീ.സർവേ 33/79 ൽ 0.0405 ഹെക്ടർ ഭൂമി ലേലം ചെയ്യുന്നു. ജൂൺ 23ന് രാവിലെ 11 മണിക്ക് വടക്കാഞ്ചേരി വില്ലേജ് ഓഫീസിൽ വച്ച് തലപ്പിള്ളി തഹസിൽദാരോ തഹസിൽദാർ അധികാരപ്പെടുത്തുന്ന ഉദ്യോഗസ്ഥനോ പരസ്യമായി ലേലം ചെയ്യും. ഫോൺ 04884 232226.

കോടതി കുടിശിക തുക ഈടാക്കുന്നതിൻ്റെ ഭാഗമായി പഴയന്നൂർ വില്ലേജ് സർവ്വേ 641/1 ൽ ഉൾപ്പെട്ട 0.0607 ഹെക്ടർ സ്ഥലം ലേലം ചെയ്യുന്നു. ജൂൺ 22ന് രാവിലെ 11 മണിക്ക് പഴയന്നൂർ വില്ലേജ് ഓഫീസിൽ വച്ച് തലപ്പിള്ളി തഹസിൽദാരോ തഹസിൽദാർ അധികാരപ്പെടുത്തുന്ന ഉദ്യോഗസ്ഥനോ പരസ്യമായി ലേലം ചെയ്യും. ഫോൺ 04884 232226.

ചാലക്കുടി ഗവ. ഐടിഐ യിൽ 2023 അഡ്മിഷൻ ലഭിച്ച ട്രെയിനികൾ അഡ്മിഷൻ സമയത്ത് അടച്ച കോഷൻ ഡെപ്പോസിറ്റ്, സെക്യൂരിറ്റി ഡെപ്പോസിറ്റ് എന്നിവ തിരികെ നൽകുന്നു. വിദ്യാർത്ഥികൾ കോഷൻ ഡെപ്പോസിറ്റ്, സെക്യൂരിറ്റി ഡെപ്പോസിറ്റ് എന്നിവ തിരികെ ലഭിക്കുന്നതിന് ബാങ്ക് പാസ് ബുക്കിൻ്റെ പകർപ്പ് ഗവ. ഐടിഐയുടെ ബന്ധപ്പെട്ട ഓഫീസിൽ ലഭ്യമാക്കണമെന്ന് പ്രിൻസിപ്പാൾ അറിയിച്ചു.

ഇന്ത്യ റിസർവ് ബറ്റാലിയനിൽ ഒഴിവുള്ള മൂന്ന് ക്യാമ്പ് ഫോളോവർ തസ്തികയിലേക്ക് താത്കാലിക നിയമനം നടത്തുന്നു. കുക്ക് - ഒന്ന്, സ്വീപ്പർ - രണ്ട്,  എന്നീ തസ്തികകളിൽ ദിവസ വേതനാടിസ്ഥാനത്തിൽ 59 ദിവസത്തേക്കു മാത്രമായിരിക്കും നിയമനം. മെയ് 22ന് രാവിലെ 11 മണിക്ക് ഇന്ത്യ റിസർവ് ബറ്റാലിയൻ ആസ്ഥാനത്തു വെച്ച് അഭിമുഖം നടത്തും. താല്പര്യമുള്ളവർ, അന്നേ ദിവസം അപേക്ഷ, പ്രവൃത്തി പരിചയ സർട്ടിഫിക്കറ്റ്, ആധാർ കാർഡ്, ബാങ്ക് പാസ് ബുക്ക് എന്നിവയുടെ പകർപ്പ്, പോലീസ് ക്ലിയറൻസ് സർട്ടിഫിക്കറ്റ് എന്നിവ സഹിതം ഹാജരാക്കുക. തൊഴിൽ പരിചയം ഉള്ളവർക്ക് മുൻഗണന ഉണ്ടായിരിക്കും.

കേരള സർക്കാർ ഫിഷറീസ് വകുപ്പിന് കീഴിൽ പ്രവർത്തിക്കുന്ന ഏജൻസി ഫോർ ഡെവലപ്‌മെൻ്റ് ഓഫ് അക്വാകൾച്ചർ കേരള ( എഡിഎകെ) എറണാകുളം സെൻട്രൽ റീജിയനു കീഴിലുള്ള ഗവ.ഫിഷ് സീഡ് ഹാച്ചറി, പീച്ചിയിലേക്ക് ജനറേറ്റർ, വാട്ടർപമ്പ് എയറേറ്റർ മറ്റ് ഇലക്ട്രിക്ക് ജോലികൾ കൈകാര്യം ചെയ്യുന്നതുൾപ്പടെയുള്ള ജോലികൾ ചെയ്യുന്നതിനായി സ്‌കിൽഡ് ലേബർമാരെ ദിവസവേതനാടിസ്ഥാനത്തിൽ താത്ക്കാലികമായി നിയമിക്കുന്നതിന് അപേക്ഷ ക്ഷണിച്ചു. എസ്. എസ്. എൽ.സി, ഇലക്ട്രീഷ്യൻ ട്രേഡ് ഐ.ടി.ഐ സർട്ടിഫിക്കറ്റ് എന്നിവയാണ് യോഗ്യത. 45 വയസിൽ താഴെയുള്ളള പുരുഷന്മാർക്ക് അപേക്ഷിക്കാം. താത്പര്യമുള്ളവർ മെയ് 29 ന് രാവിലെ 11 മണി മുതൽ രണ്ട് മണി വരെ പീച്ചിയിലുള്ള ഗവ.