നവംബര്‍ 19, 20, 21 തീയതികളില്‍ കോഴിക്കോട്  ബീച്ചില്‍ ഫിഷറീസ് വകുപ്പ് മന്ത്രിയുടെ നേതൃത്വത്തില്‍ നടത്തുന്ന മത്സ്യമേളയോടനുബന്ധിച്ച് മത്സ്യമേഖലയിലെ പ്രശ്‌നങ്ങള്‍ പരിഹരിക്കുന്നതിനായി അദാലത്ത് സംഘടിപ്പിക്കുന്നു..

സിവില്‍ സര്‍വ്വീസ് സ്‌പോര്‍ട്‌സ് ഡവലപ്പ്‌മെന്റ് സൊസൈറ്റി സോഷ്യല്‍ ഫോറസ്ട്രിയുമായി ചേര്‍ന്ന് ഇറിഗേഷന്‍ വകുപ്പിന്റെ സഹകരണത്തോടെ കാരാപ്പുഴ അണക്കെട്ടിന്റെ വൃഷ്ടി പ്രദേശത്ത്  ഒരു ഏക്കര്‍ സ്ഥലത്ത്  വനവല്‍ക്കരണം നടത്തി.  ജില്ലാ കളക്ടര്‍ എസ്.സുഹാസ് പരിപാടി ഉദ്ഘാടനം ചെയ്തു.    സി.എസ്.പി.എല്‍ ചെയര്‍മാന്‍  പി.കെ.ജയന്‍ അദ്ധ്യക്ഷത വഹിച്ചു.  അസിസ്റ്റന്റ് ഫോറസ്റ്റ് കണ്‍സര്‍വേറ്റര്‍ ഷജന കരീം, ഇറിഗേഷന്‍ എക്‌സിക്യൂട്ടീവ് എഞ്ചിനീയര്‍  വി.സന

മീനങ്ങാടി കൃഷിഭവനില്‍ സമഗ്രപുരയിട കൃഷി വികസന പരിപാടിയില്‍ ഗ്രാമസഭവഴി അപേക്ഷ നല്‍കിയിട്ടുള്ള കര്‍ഷകര്‍ കുമ്മായവും വളവും വാങ്ങിയതിന്റെ ഒറിജിനല്‍ ബില്ലും ആധാര്‍ കാര്‍ഡിന്റെ കോപ്പിയും നവംബര്‍ 25നകം മീനങ്ങാടി കൃഷിഭവനില്‍ എത്തണം.

വ്യാവസായിക പരിശീലന വകുപ്പിന്റെ ആഭിമുഖ്യത്തില്‍ ഡിസംബര്‍ 16ന് കല്‍പ്പറ്റ ഗവ.ഐ.ടി.ഐ.-ല്‍ നടത്തുന്ന തൊഴില്‍ മേളയില്‍ പങ്കെടുക്കുന്നതിന് ഐ.ടി.ഐ. കോഴ്‌സ് പൂര്‍ത്തിയാക്കിവര്‍ക്ക് www.itdjobfair.in വെബ്‌പോര്‍ട്ടലില്‍ രജിസ്റ്റര്‍ ചെയ്യണം.  സര്‍ക്കാര്‍/പ്രൈവറ്റ് ഐ.ടി.ഐ.കളിലും രജിസ്റ്റര്‍ ചെയ്യാം. 

ജില്ലാ പദ്ധതി രൂപീകരണവുമായി ബന്ധപ്പെട്ട് ജില്ലാ പ്ലാനിംഗ് ഓഫീസില്‍ രണ്ട് മാസത്തേക്ക് പ്രൊജക്ട് അസ്സോസിയേറ്റിനെ നിയമിക്കുന്നു.  യോഗ്യത: ഏതെങ്കിലും വിഷയത്തില്‍ ബിരുദം.  മലയാള ഭാഷയില്‍ പ്രാവീണ്യവും മലയാളവും ഇംഗ്ലീഷും വേഗത്തില്‍ ടൈപ്പ് ചെയ്യാനുള്ള കഴിവും വേണം. വികസന റിപ്പോര്‍ട്ടുകള്‍ വായിച്ച് എഡിറ്റ് ചെയ്യുന്നതിനുള്ള പ്രായോഗിക പരിജ്ഞാനം.

നവംബര്‍ മാസത്തെ സ്യൂട്ട് കോണ്‍ഫറന്‍സ് 25ന് വൈകീട്ട് മൂന്നിനും അതിനു ശേഷം ജില്ലാ എംപവേര്‍ഡ് കമ്മറ്റി മീറ്റിംഗും കളക്‌ട്രേറ്റ് കോണ്‍ഫറന്‍സ് ഹാളില്‍ ചേരും.

അന്താരാഷ്ട്ര മാധ്യമ ദിനാചരണ പരിപാടികളുടെ ഭാഗമായി നാളെ (നവംബര്‍ 17) വയനാട് പ്രസ് ക്ലബില്‍ പ്രഭാഷണം നടത്തും.  'മാധ്യമ നിഷ്പക്ഷതയുടെ കാണാപ്പുറങ്ങള്‍' എന്ന വിഷയത്തില്‍ രാവിലെ 10 ന് കേരള മീഡിയ അക്കാദമി ചെയര്‍മാന്‍ ആര്‍.എസ്. ബാബു മുഖ്യപ്രഭാഷണം നടത്തും.  വി.ജി.വിജയന്‍ സ്മാരക പ്രഭാഷണം ഒ.കെ.ജോണി  നടത്തും.

കൊച്ചി: സ്വതന്ത്രവും മൂലധനതാത്പര്യമില്ലാത്തതും ക്രൗഡ് ഫണ്ടിംഗ് വഴി പ്രവര്‍ത്തിക്കുന്നതുമായ നൂതന മാധ്യമ സംരംഭങ്ങളില്‍ പ്രതീക്ഷയര്‍പ്പിച്ച് ദേശീയ മാധ്യമദിനാചരണം. ദിനാചരണത്തിന്റെ ഭാഗമായി ജില്ല ഇന്‍ഫര്‍മേഷന്‍ ഓഫീസും തേവര സേക്രഡ് ഹാര്‍ട്ട് കോളേജിലെ എസ്എച്ച് കോളേജ് ഓഫ് കമ്മ്യൂണിക്കേഷനും സംയുക്തമായി വിലക്കുകളും വെല്ലുവിളികളും-മാധ്യമസ്വാതന്ത്രം ഇന്ന് എന്ന വിഷയത്തില്‍ സെമിനാര്‍ സംഘടിപ്പിച്ചു. മാധ്യമപ്രവര്‍ത്തകനും റിപ്പോര്‍ട്ടര്‍ ടിവി സീനിയര്‍ ന്യൂസ് എഡിറ്ററുമായ അഭിലാഷ് മോഹനന്‍ മുഖ്യപ്രഭാഷണം നടത്തി.

മദ്യ വര്‍ജ്ജനത്തിനായുള്ള സഹകരണ പ്രസ്ഥാനത്തിന് രൂപം നല്‍കേണ്ട സമയം അതിക്രമിച്ചതായി സി.കെ.ശശീന്ദ്രന്‍ എം.എല്‍.എ പറഞ്ഞു.  ലഹരി മുക്ത വിദ്യാലയങ്ങള്‍ ലക്ഷ്യമാക്കി ജില്ലാ ലീഗല്‍ സര്‍വീസസ് അതോറിറ്റി ആരംഭിച്ച യുവ രക്ഷ പദ്ധതിയുടെ ജില്ലാതല ഉദ്ഘാടനം മുട്ടില്‍ ഡബ്‌ള്യൂ എം.ഒ കോളജില്‍ നിര്‍വഹിച്ച് സംസാരിക്കുകയായിരുന്നു അദ്ദേഹം.

ശബരിമല: ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിന്റെ സന്നിധാനത്തെ മീഡിയ സെന്റര്‍ ദേവസ്വം മന്ത്രി കടകംപള്ളി സുരേന്ദ്രന്‍ ഉദ്ഘാടനം ചെയ്തു. മണ്ഡല- മകരവിളക്കു കാലത്ത് സര്‍ക്കാര്‍ വകുപ്പുകള്‍ നടത്തുന്ന പ്രവര്‍ത്തനങ്ങളുടെ പ്രചാരണത്തിനും തീര്‍ഥാടകര്‍ക്ക് ആവശ്യമുള്ള വിവരവിനിമയത്തിനുമുള്ള പ്രവര്‍ത്തനങ്ങള്‍ മീഡിയ സെന്ററില്‍ നടക്കും.

ദേവസ്വം പ്രസിഡന്റ് എ.പത്മകുമാര്‍, ബോര്‍ഡ് അംഗങ്ങളായ കെ.രാഘവന്‍, കെ.പി.ശങ്കരദാസ്, ദേവസ്വം സെക്രട്ടറി കെ.ആര്‍ ജ്യോതിലാല്‍ തുടങ്ങിയവര്‍ ഉദ്ഘാടന ചടങ്ങില്‍ പങ്കെടുത്തു. മീഡിയ സെന്റര്‍ ഫോണ്‍-04735 202664. ഇമെയില്‍- ുൃറമെിിശറമിമാ2018@ഴാമശഹ.രീാ