കൊച്ചി: കടല്‍ക്ഷോഭത്തെ  തുടര്‍ന്ന് ജില്ലയില്‍ 7 ക്യാമ്പുകള്‍ സജ്ജീകരിച്ചിട്ടുണ്ടെന്ന് ജില്ലാ കലക്ടര്‍ കെ മുഹമ്മദ് വൈ സഫീറുള്ള അറിയിച്ചു. 1258 കുടുംബങ്ങളിലായി 4674 പേരാണ് ക്യാമ്പുകളില്‍ ഉള്ളത്. 

എടവനക്കാട് ഗവണ്‍മെന്റ് യുപി സ്‌കൂള്‍, ചെല്ലാനം സെന്റ് മേരീസ് എച്ച്എസ്എസ്,  ചെല്ലാനം പുത്തന്‍തോട് ഗവണ്‍മെന്റ് ഹയര്‍ സെക്കന്‍ഡറി സ്‌കൂള്‍, ചെല്ലാനം സെന്റ് {ഫാന്‍സിസ് ചര്‍ച്ച് പാരിഷ് ഹാള്‍, ചെല്ലാനം സെന്റ് ജോര്‍ജ്ജ് ചര്‍ച്ച് പാരിഷ് ഹാള്‍,  നായരമ്പലം ദേവിവിലാസം സ്‌കൂള്‍, ഞാറയ്ക്കല്‍ ഗവണ്‍മെന്റ് ഫിഷറീസ് സ്‌കൂള്‍ എന്നിവിടങ്ങളിലാണ് ക്യാമ്പുകള്‍ ആരംഭിച്ചിട്ടുള്ളത്. 

കൊച്ചി: നവീകരിച്ച ജില്ലാ ഇടപെടല്‍ കേന്ദ്രത്തിന്റെയും സഞ്ചരിക്കുന്ന യൂണിറ്റിന്റെയും ഉദ്ഘാടനം ഇന്ന് (2017 ഡിസംബര്‍ 3ന്) രാവിലെ 9 മണിക്ക് എറണാകുളം ജനറല്‍ ആശുപത്രിയില്‍ ആരോഗ്യ കുടുംബക്ഷേമ വകുപ്പ് മന്ത്രി കെ.കെ. ശൈലജ നിര്‍വഹിക്കും. 

കൊച്ചി: ആരോഗ്യരംഗത്ത് സമഗ്രമാറ്റം ലക്ഷ്യമിട്ട് സംസ്ഥാനസര്‍ക്കാര്‍ നടപ്പിലാക്കുന്ന ആര്‍ദ്രം ദൗത്യത്തിന്റെ ഭാഗമായി ജില്ലാതല സെമിനാര്‍ ഇന്ന് (2017 ഡിസംബര്‍ 3ന്) രാവിലെ 10 മണിക്ക് എറണാകുളം ടൗണ്‍ ഹാളില്‍ മന്ത്രി ആരോഗ്യവകുപ്പ് മന്ത്രി കെ.കെ. ശൈലജ ഉദ്ഘാടനം ചെയ്യും. പ്രൊഫ. കെ.വി. തോമസ് എം പി, ഹൈബി ഈഡന്‍ എംഎല്‍എ, ജില്ലാ പഞ്ചായത്ത് പ്രസിഡന്റ് ആശ സനില്‍, ജില്ലാ കളക്ടര്‍ മുഹമ്മദ് വൈ സഫീറുള്ള തുടങ്ങിയവര്‍ പങ്കെടുക്കും. ആര്‍ദ്രം ദൗത്യത്തിന്റെ ഭാഗമായി ജില്ലയില്‍ ആരോഗ്യരംഗത്ത് വിവിധ പദ്ധതികള്‍ നടന്നുവരികയാണ്. പതിനഞ്ച് പ്രാഥമികാരോഗ്യകേന്ദ്രങ്ങള്‍ കുടുംബാരോഗ്യ കേന്ദ്രങ്ങളായി ഉയര്‍ത്തുകയാണ്.

ലോകമെമ്പാടുമുള്ള മലയാളികളായ പ്രവാസികളുടെ പ്രതിനിധികള്‍ ഉള്‍ക്കൊള്ളുന്ന  ലോക കേരള സഭ ഒരു സ്ഥിരം സംവിധാനമാക്കുമെന്ന് മുഖ്യമന്ത്രി പിണറായി വിജയന്‍ പറഞ്ഞു. സംസ്ഥാനത്തിന്റെ എംപിമാരും എംഎല്‍എമാരും മറ്റു രാജ്യങ്ങളിലെ മലയാളികളായ ജനപ്രതിനിധികളുമുള്‍പ്പെടെ 351 പേര്‍ സഭയിലുണ്ടാകുമെന്നും മുഖ്യമന്ത്രി പറഞ്ഞു. ജനുവരി 12,13 തിയതികളില്‍ നടക്കുന്ന ലോക കേരള സഭയ്ക്കു മുന്നോടിയായി വിളിച്ചു ചേര്‍ത്ത വിവിധ മാധ്യമസ്ഥാപനങ്ങളിലെ പത്രാധിപര്‍മാരുടെ യോഗത്തില്‍ സംസാരിക്കുകയായിരുന്നു അദ്ദേഹം.

കടലില്‍പ്പെട്ടുപോയ മത്സ്യത്തൊഴിലാളികളെ രക്ഷിക്കാന്‍ യുദ്ധകാലാടിസ്ഥാനത്തിലുള്ള നടപടികള്‍ തുടരുകയാണെന്ന് മുഖ്യമന്ത്രി പിണറായി വിജയന്‍ വാര്‍ത്താ സമ്മേളനത്തില്‍ പറഞ്ഞു. 

 കൊച്ചി: ആയുഷ് ചികിത്സാസമ്പ്രദായങ്ങളുടെ പ്രാധാന്യവും പൊതുജനാരോഗ്യരംഗത്ത് അവ വഹിക്കുന്ന പങ്കും പ്രചരിപ്പിക്കുന്നതിനുള്ള രാജ്യാന്തര ആയുഷ് കോണ്‍ക്ലേവ് മെയ് മാസം രണ്ടാംവാരത്തില്‍ കൊച്ചിയില്‍ നടക്കും. വിവിധ നാല്‍പതോളം രാജ്യങ്ങളില്‍ നിന്നായി 3000ലേറെ പ്രതിനിധികളും രാഷ്ട്രത്തലവന്‍മാര്‍ ഉള്‍പ്പെടെ പ്രമുഖരും പങ്കെടുക്കുന്ന വിപുലമായ പരിപാടിയാണ് സംസ്ഥാന സര്‍ക്കാര്‍ വിഭാവനം ചെയ്തിരിക്കുന്നത്. കോണ്‍ക്ലേവിന്റെ നടത്തിപ്പിനെ കുറിച്ച് ആലോചിക്കുന്നതിനും സംഘാടകസമിതി രൂപീകരിക്കുന്നതിനുള്ള യോഗം ഇന്ന് (ഡിസം 3) ഉച്ചയ്ക്ക് രണ്ടു മണിക്ക് എറണാകുളം ടൗണ്‍ഹാളില്‍ ചേരും. ആരോഗ്യ സാമൂഹ്യനീതി വകുപ്പ് മന്ത്രി കെ.കെ.

കൊച്ചി: പ്രതിരോധമരുന്നുകള്‍ക്കെതിരെ നിക്ഷിപ്ത താല്‍പര്യക്കാര്‍ നടത്തുന്ന പ്രചരണങ്ങളില്‍ കുടുങ്ങാതെ അവ അവകാശമാണന്ന തിരിച്ചറിവാണ് സമൂഹത്തിലുണ്ടാകേണ്ടതെന്ന് ഇന്ത്യന്‍ അക്കാദമി ഓഫ് പീഡിയാട്രിക്‌സ് മുന്‍ സംസ്ഥാന ചെയര്‍മാന്‍ ഡോ. പി.എന്‍.എന്‍. പിഷാരടി പറഞ്ഞു. കഴിഞ്ഞ രണ്ട് നൂറ്റാണ്ടനിടയില്‍ ആരോഗ്യ ചികിത്സാരംഗത്തുണ്ടായ മുന്നേറ്റങ്ങളെ തമസ്‌കരിക്കുന്ന തരത്തിലുള്ള പ്രചാരണങ്ങള്‍ക്ക് വഴിപ്പെടുന്നത് ഗുരുതരമായ തിരിച്ചടികള്‍ക്ക് കാരണമാകുമെന്നും അദ്ദേഹം പറഞ്ഞു.

കടലില്‍ അകപ്പെട്ട മത്‌സ്യത്തൊഴിലാളികളെ വിവിധ സംഘങ്ങളായി രാവിലെ മുതല്‍ കൊണ്ടുവന്നതോടെ ആരോഗ്യവകുപ്പിന്റെ ഡോക്ടര്‍മാരും പാരാമെഡിക്കല്‍ സ്റ്റാഫും ഉള്‍പ്പെടെയുള്ള സംഘം എയര്‍ഫോഴ്‌സ് ടെക്‌നിക്കല്‍ ഏരിയയില്‍ വിശ്രമമില്ലാതെയാണ് പ്രവര്‍ത്തിച്ചത്. ഓരോ തവണ ഹെലികോപ്റ്ററില്‍ മത്‌സ്യത്തൊഴിലാളികളെ എത്തിക്കുമ്പോഴും പ്രാഥമിക ശുശ്രൂഷ നല്‍കാനായി ഇവര്‍ ഓടിയെത്തി. കൂടുതല്‍ ചികിത്‌സ ആവശ്യമുള്ളവരെ ആശുപത്രികളിലേക്ക് അയച്ചു. 

2017 മാര്‍ച്ചില്‍ നടന്ന ഒന്നാം വര്‍ഷ ഹയര്‍സെക്കന്ററി പരീക്ഷയുടെ മാര്‍ക്ക് ലിസ്റ്റുകള്‍ ഡിസംബര്‍ 28 മുതല്‍ സ്‌കൂളുകളില്‍ വിതരണം ചെയ്യും.  പുനര്‍ മൂല്യ നിര്‍ണയത്തിലൂടെ വ്യത്യാസം വന്ന മാര്‍ക്ക് കൂടി ഉള്‍പ്പെടുത്തിയാണ് ഇപ്പോള്‍ മാര്‍ക്ക്‌ലിസ്റ്റുകള്‍ വിതരണം ചെയ്യുന്നത്.  പുനര്‍ മൂല്യനിര്‍ണയത്തില്‍ മാര്‍ക്ക് വ്യത്യാസം വന്ന മാര്‍ക്ക് ലിസ്റ്റ് ഡയറക്ടറേറ്റില്‍ സമര്‍പ്പിക്കേണ്ടതില്ലെന്ന് ബോര്‍ഡ് ഓഫ് ഹയര്‍സെക്കന്ററി എക്‌സാമിനേഷന്‍സ് സെക്രട്ടറി അറിയിച്ചു.   

പി.എന്‍.എക്‌സ്.5140/17