ആലപ്പുഴ: ജില്ല കളക്ടറുടെ പൊതുജനപരാതി പരിഹാര പരിപാടി സേവനസ്പർശം അമ്പലപ്പുഴ താലൂക്കിൽ ഇന്ന് (നവംബർ 18)ന് നടക്കും. എസ്.ഡി.വി. സ്‌കൂൾ സെന്റനറി ഹാളിൽ കളക്ടർ ടി.വി. അനുപമ പരാതികൾ നേരിട്ടു കേട്ട് തീർപ്പാക്കും. പുതിയ പരാതികളും സ്വീകരിക്കും.
 

ആലപ്പുഴ: സ്ത്രീകളുടെ സംരക്ഷണത്തിനുള്ള നിയമങ്ങളെക്കുറിച്ച് സ്ത്രീകൾക്ക് വേണ്ടത്ര ബോധ്യമില്ലെന്ന് വനിത കമ്മീഷൻ ചെയർപേഴ്‌സൺ എം.സി. ജോസഫൈൻ പറഞ്ഞു. ആലപ്പുഴയിൽ നടന്ന വനിത മെഗാ അദാലത്തിനു ശേഷം മാധ്യമങ്ങളോടു സംസാരിക്കുകയായിരുന്നു അവർ. 

ആലപ്പുഴ: സാമൂഹികനീതി വകുപ്പിന്റെ വെളിയനാട് ഐ.സി.ഡി.എസ്. പ്രോജക്ടിലെ 105 അങ്കണവാടികളിലേക്ക് കണ്ടിജൻസി സാധനങ്ങൾ വിതരണം ചെയ്യുന്നതിന് സ്ഥാപനങ്ങൾ/അംഗീകൃത സ്ഥാപനങ്ങളിലെ വ്യക്തികൾ എന്നിവരിൽ നിന്ന് മുദ്രവച്ച ക്വട്ടേഷനുകൾ ക്ഷണിച്ചു. ക്വട്ടേഷൻ നവംബർ 29ന് രാവിലെ 11 വരെ സമർപ്പിക്കാം. അന്ന് ഉച്ചകഴിഞ്ഞ് രണ്ടിന് തുറക്കും. വിശദവിവരം കിടങ്ങറയിലുള്ള കക്കന്നൂർ സിറ്റി ബിൽഡിങ്ങിൽ പ്രവർത്തിക്കുന്ന ശിശുവികസന പദ്ധതി ഓഫീസിൽ ലഭിക്കും. ഫോൺ: 0477 2754748.
     
(പി.എൻ.എ.2768/17)
 

    കേരള സര്‍ക്കാരിന്റെ നിയന്ത്രണത്തിലുള്ള എല്‍. ബി. എസ്.  സെന്ററിന്റെ ആഭിമുഖ്യത്തില്‍ പ്രവര്‍ത്തിക്കുന്ന സെന്റര്‍  ഫോര്‍ ഡിസെബിലിറ്റി സ്റ്റഡീസ് പൂജപ്പുരയില്‍, സൗജന്യമായി ഭിന്നശേഷിയുള്ള 10-ാം ക്ലാസ്സ് പാസ്സായ ഉദ്യോഗാര്‍ത്ഥികള്‍ക്കായി തൊഴില്‍ പരിശീലന പരിപാടി സംഘടിപ്പിക്കുന്നു.  താല്‍പര്യമുള്ള ഉദ്യോഗാര്‍ത്ഥികള്‍  പൂജപ്പുരയിലെ സെന്റര്‍ ഓഫ് എക്‌സലെന്‍സ് ഫോര്‍ ഡിസെബിലിറ്റി സ്റ്റഡീസില്‍ നവംബര്‍ 20 ന് രാവിലെ   10:30 ന് നടത്തുന്ന അഭിമുഖത്തില്‍ പങ്കെടുക്കേണ്ടതാണ്.  കൂടുതല്‍ വിവരങ്ങള്‍ക്ക് 04712345627.
(പി.ആര്‍.പി 1899/2017)
 

    പട്ടികജാതി വട്ടികവര്‍ഗ വികസന കോര്‍പ്പറേഷന്റെ ജില്ലാ ഓഫീസില്‍ നിന്ന് വിവിധ വായ്പാ പദ്ധതിയിന്‍കീഴില്‍ വായ്പയെടുത്ത് കുടിശ്ശിക വരുത്തി  റിക്കവറി നേരിടുന്ന നെടുമങ്ങാട് താലൂക്കിലെ ഗുണഭോക്താക്കള്‍ക്കായി നവംബര്‍ 20 ന് രാവിലെ 10 മുതല്‍ താലൂക്ക് റവന്യൂ റിക്കവറി ഓഫീസില്‍ വച്ച്  റവന്യൂ റിക്കവറി ഒത്തു തീര്‍പ്പ് സംഗമം നടത്തും.  കൂടുതല്‍ വിവരങ്ങള്‍ക്ക് ഫോണ്‍ 0471 2723155, 0472 2802425.              
                                          (പി.ആര്‍.പി 1892/2017)
 

എം.ബി.എ പ്രവേശനത്തിനുളള കെമാറ്റ് പ്രവേശന പരീക്ഷയുടെ രജിസ്‌ട്രേഷന്‍ ആരംഭിച്ചു.  2018 ഫെബ്രുവരി നാലിന് നടക്കുന്ന പ്രവേശന പരീക്ഷയുടെ വിശദവിവരം kmatkerala.in ല്‍ ലഭ്യമാണ്.  തിരുവനന്തപുരം എന്‍ജിനീയറിംഗ് കോളേജിന്റെ ഭാഗമായ സി.ഇ.ടി. സ്‌കൂള്‍ ഓഫ് മാനേജ്‌മെന്റില്‍ എം.ബി.എ ഫുള്‍ടൈം ഇവനിംഗ് കോഴ്‌സുകളുടെ പ്രവവേശനത്തിന് കെമാറ്റോ, സിമാറ്റോ, ക്യാറ്റോ പ്രവേശന പരീക്ഷ വിജയിച്ചിരിക്കണമെന്ന് പ്രിന്‍സിപ്പല്‍ അറിയിച്ചു.

പി.എന്‍.എക്‌സ്.4907/17

ഹയര്‍സെക്കണ്ടറി ഡയറക്ടറേറ്റില്‍ 36,000 -79,200 ശമ്പള സ്‌കെയിലില്‍ സിസ്റ്റം മാനേജരുടെ തസ്തിക സൃഷ്ടിച്ച് ഉത്തരവായി.

പി.എന്‍.എക്‌സ്.4906/17

പട്ടികവര്‍ഗക്കാരുടെ സാംസ്‌കാരിക വിദ്യാഭ്യാസ പുരോഗതിക്കായി പ്രതേ്യക ദൃശ്യ ശ്രവ്യ മാധ്യമ പരിപാടികള്‍ ആവിഷ്‌കരിക്കുന്നതിന് പ്രവൃത്തിപരിചയമുളള സ്ഥാപനങ്ങളില്‍ നിന്നും പട്ടികവര്‍ഗ വികസന വകുപ്പ് അപേക്ഷ ക്ഷണിച്ചു.  ഗോത്രകലകള്‍ ഉള്‍പ്പെടുത്തിയുളള പരിപാടികളിലൂടെ പ്രോജക്ട് തയ്യാറാക്കണം.  ഒരോ സമുദായത്തിന്റെയും ഭാഷകള്‍ അടിസ്ഥാനമാക്കിയുളള ലഘു നാടകങ്ങള്‍, പാട്ടുകള്‍ ഉള്‍പ്പെടുത്തി കുടംബ സദസുകള്‍ക്ക് ആസ്വാദ്യമാകുന്ന തരത്തില്‍ പരിപാടികള്‍ തയ്യാറാക്കണം.  അപേക്ഷകള്‍ 24നകം പട്ടികവര്‍ഗ വികസന വകുപ്പ് ഡയറക്ടറേറ്റില്‍ ലഭിക്കണം.  കൂടുതല്‍ വിവരങ്ങള്‍ക്ക് ഡയറക്ടര്‍, പട്ടികവര്‍ഗ വികസന വകുപ്പ്, വികാസ്ഭവന്‍, നാലാം നില,

പട്ടികവര്‍ഗ വികസന വകുപ്പിന്റെ കീഴിലുളള 20 മോഡല്‍ റസിഡന്‍ഷ്യല്‍ സ്‌കൂളുകളിലെയും 109 ഹോസ്റ്റലുകളിലെയും വിദ്യാര്‍ത്ഥികളുടെ സംസ്ഥാനതല കായികമേളയായ കളിക്കളം 2017 -18 നവംബര്‍ 20, 21 തീയതികളില്‍ തിരുവനന്തപുരം യൂണിവേഴ്‌സിറ്റി മൈതാനത്ത് നടക്കും.  21ന് രാവിലെ ഒന്‍പതിന് വിദ്യാഭ്യാസമന്ത്രി പ്രൊഫ. സി. രവീന്ദ്രനാഥ് കായികമേള ഉദ്ഘാടനം ചെയ്യും.  കെ. മുരളീധരന്‍ എം.എല്‍.എ അധ്യക്ഷത വഹിക്കും.

ഓട്ടം, ജംപ്, ത്രോ ഇനങ്ങളും നീന്തല്‍, അമ്പെയ്ത്ത്, ഷട്ടില്‍ മത്സരങ്ങളും നടക്കും. കളിക്കളം 2017 -18ന്റെ ഭാഗ്യചിഹ്നം മീട്ടു എന്ന മലയണ്ണാനാണ്.

പി.എന്‍.എക്‌സ്.4904/17

കേരളത്തിലെ എല്ലാ ജില്ലകളിലും പട്ടയ വിതരണ നടപടികൾ ഗവൺമെന്റ് ഊർജിതപ്പെടുത്തുകയാണെന്നും ഏറ്റവും കൂടുതൽ ജനങ്ങൾക്ക് പട്ടയം നൽകാൻ കഴിയുന്നത് ഇടുക്കിയിലാണെന്നും റവന്യു വകുപ്പ് മന്ത്രി ഇ.ചന്ദ്രശേഖരൻ പറഞ്ഞു. പട്ടയവിതരണ നടപടികളുടെ പുരോഗതി വിലയിരുത്താൻ കളക്ട്രേറ്റിൽ വിളിച്ചുചേർത്ത റവന്യു ഉദ്യോഗസ്ഥരുടെ യോഗത്തിൽ സംസാരിക്കുകയായിരുന്നു മന്ത്രി. പട്ടയത്തിലെ വീട് വയ്ക്കാനും കൃഷിക്കുമുള്ള