സാങ്കേവിദ്യകളും ചികിത്സാസൗകര്യങ്ങളും വന്‍തോതില്‍ വളര്‍ന്നെങ്കിലും ചികിത്സിക്കാന്‍ പ്രാപ്തിയില്ലാത്തവരുടെ എണ്ണം വര്‍ദ്ധിച്ചുവരുകയാണെന്ന് വിദ്യാഭ്യാസമന്ത്രി പ്രൊഫ. സി രവീന്ദ്രനാഥ് പറഞ്ഞു. പറപ്പൂക്കര സഹകരണബാങ്കിന്റെ നീതി മെഡിക്കല്‍സ്റ്റോര്‍ നന്തിക്കരയില്‍ ഉദ്ഘാടനം ചെയ്യുകയായിരുന്നു അദ്ധേഹം. ചികിത്സിക്കാന്‍ പ്രയാസപ്പെടുന്നവര്‍ക്ക് സഹായം ചെയ്യാനാണ് സംസ്ഥാനസര്‍ക്കാര്‍ ആര്‍ദ്രം പദ്ധതിതയ്യാറാക്കിയിട്ടുള്‌ളതെന്നും മന്ത്രി ഓര്‍മ്മിപ്പിച്ചു.

- പ്രശ്‌നോത്തരി മത്സരം നാളെ

ആലപ്പുഴ: ഭരണഭാഷ വാരാഘോഷത്തോടനുബന്ധിച്ച് ജീവനക്കാര്‍ക്കും അധ്യാപകര്‍ക്കുമായി നടത്തിയ വിവിധ മല്‍സരങ്ങളില്‍ മികച്ച പങ്കാളിത്തം. സ്‌കൂള്‍ കാലഘട്ടത്തിനുശേഷം കേട്ടെഴുത്തു പരീക്ഷയില്‍ പലരും ആദ്യമായാണ് പങ്കെടുത്തത്. അധ്യാപകര്‍ പലരും സ്‌കൂളില്‍ കേട്ടെഴുത്ത് നടത്തുന്നവരാണെങ്കിലും ഇത്തരമൊരു പരീക്ഷയില്‍ പങ്കെടുത്തത് നവ്യാനുഭവമായി. 

ആലപ്പുഴ: ജില്ലാ കാന്‍സര്‍ കെയര്‍ സൊസൈറ്റിയുടെ കീഴില്‍ മെഡിക്കല്‍ കോളജ് ആശുപത്രിയില്‍ പ്രവര്‍ത്തിക്കുന്ന സി.റ്റി സ്‌കാന്‍ സെന്ററിലെ സെക്യൂരിറ്റി സ്റ്റാഫിനെ നിയമിക്കുന്നതിനുള്ള വാക്-ഇന്‍-ഇന്റര്‍വ്യൂ നവംബര്‍ 18ന് രാവിലെ 11ന് നടക്കും.

കരാര്‍ അടിസ്ഥാനത്തില്‍ മൂന്ന് ഒഴിവുകള്‍ ഉണ്ട്. 50 വയസില്‍ താഴെ പ്രായമുള്ള വിമുക്തഭടന്മാരായ പുരുഷന്മാര്‍ക്കാണ് നിയമനം. താല്‍പര്യമുള്ളവര്‍ യോഗ്യത, വയസ് പ്രവൃത്തി പരിചയം എന്നിവ തെളിയിക്കുന്ന അസല്‍ സര്‍ട്ടിഫിക്കറ്റുകള്‍, സാക്ഷ്യപ്പെടുത്തിയ പകര്‍പ്പ് എന്നിവ സഹിതം വണ്ടാനം മെഡിക്കല്‍ കോളജ് ആശുപത്രി ഓഫീസില്‍ അഭിമുഖത്തിന് എത്തണം.

ആലപ്പുഴ: ജില്ലയില്‍  പത്രപ്രവര്‍ത്തക, പത്രപ്രവര്‍ത്തകേതര പെന്‍ഷന്‍ വാങ്ങുന്നവര്‍ നവംബര്‍ 30നകം ലൈഫ് സര്‍ട്ടിഫിക്കറ്റ് ജില്ലാ ഇന്‍ഫര്‍മേഷന്‍ ഓഫീസില്‍ നല്‍കണം.

വിശദവിവരത്തിന് ഫോണ്‍: 0477 2251349.

(പി.എന്‍.എ.2636/17)
 

ആലപ്പുഴ: വിദേശത്ത് തൊഴില്‍ നേടുന്നവര്‍ക്കായി അടൂര്‍ ഗവണ്‍മെന്റ് പോളിടെക്‌നിക് കോളജില്‍ സംസ്ഥാന നോര്‍ക്ക റൂട്ട്‌സ് നടത്തുന്ന വിവിധ കോഴ്‌സുകളിലേക്ക് അപേക്ഷ ക്ഷണിച്ചു.

അലുമിനിയം ഫാബ്രിക്കേഷന്‍ ആന്‍ഡ് കോമ്പോസിറ്റ് പാനലിങ്, ഫയര്‍ ആന്‍ഡ് ഇന്‍ടസ്ട്രിയല്‍ സേഫ്റ്റി, കമ്പ്യൂട്ടര്‍ ഹാര്‍ഡ് വെയര്‍ ആന്‍ഡ് നെറ്റ് വര്‍ക്കിങ്, കമ്പ്യൂട്ടര്‍ എയ്ഡഡ് ഡിസൈന്‍, ടിഗ് ആന്‍ഡ് മിഗ് വെല്‍ഡിങ് എന്നി തൊഴിലധിഷ്ഠിത കോഴ്‌സുകളിലാണ് പരിശീലനം. വിശദവിവരത്തിന് കണ്ടിന്യൂയിങ് എഡ്യൂക്കേഷന്‍ സെല്ലുമായി ബന്ധപ്പെടണം. ഫോണ്‍: 8304844704 9446962201: 

(പി.എന്‍.എ.2635/17)
 

ആലപ്പുഴ: സമഗ്ര ആരോഗ്യ ഇന്‍ഷുറന്‍സ് പദ്ധതിയിലേക്കുള്ള രജിസ്‌ട്രേഷന്‍  തുടരുന്നു. നിലവില്‍ കാര്‍ഡ് ഇല്ലാത്തവരും പുതുക്കാന്‍ കഴിയാത്തവരും സ്മാര്‍ട്ട് കാര്‍ഡില്‍ പേരിന് പകരം ഫാമിലി ഹെഡ് എന്ന് രേഖപ്പെടുത്തിയ സ്മാര്‍ട്ട് കാര്‍ഡ് ഉടമകളും റേഷന്‍ കാര്‍ഡ്, ക്ഷേമനിധി അംഗത്വം തെളിയിക്കുന്ന രേഖ ഹാജരാക്കി നവംബര്‍ 10നകം രജിസ്‌ട്രേഷന്‍ എടുക്കണമെന്ന് ജില്ലാ ലേബര്‍ ഓഫീസര്‍ അറിയിച്ചു.

 (പി.എന്‍.എ.2634/17)
 

ആലപ്പുഴ: ഡിസംബര്‍ 21 മുതല്‍ 27 വരെ നടക്കുന്ന കാര്‍ഷിക വ്യാവസായിക പ്രദര്‍ശനത്തിന്റെ സ്വാഗതസംഘ രൂപീകരണം നാളെ (നവംബര്‍ ആറ്) വൈകിട്ട് മൂന്നിന് കളക്ടറേറ്റ് കോണ്‍ഫറന്‍സ് ഹാളില്‍ നടക്കും.

ജില്ലാ കളക്ടര്‍ ടി.വി. അനുപമ ഉദ്ഘാടനം ചെയ്യും. 

(പി.എന്‍.എ.2633/17)
 

ആലപ്പുഴ: ചെന്നിത്തല ജവഹര്‍ നവോദയ വിദ്യാലയത്തില്‍ 2018 അധ്യയന വര്‍ഷത്തെ ആറാം ക്ളാസ് പ്രവേശനത്തിനുള്ള അപേക്ഷ ക്ഷണിച്ചു. നിലവില്‍ അഞ്ചാം ക്ലാസിലുള്ള വിദ്യാര്‍ഥികള്‍ക്ക് അപേക്ഷിക്കാം. അപേക്ഷ ജില്ലയുടെ വിവിധ ഭാഗങ്ങളില്‍ പ്രവര്‍ത്തിക്കുന്ന കോമണ്‍ സര്‍വീസ് സെന്റര്‍ മുഖേന ഓണ്‍ലൈനായി നവംബര്‍ 25നകം നല്‍കണം.

2018 ഫെബ്രുവരി 10ന് പ്രവേശന പരീക്ഷ നടത്തും. പരീക്ഷ സമയം ഫെബ്രുവരി 10 രാവിലെ 11.30. കൂടുതല്‍ വിവരങ്ങള്‍ www.jnvalleppey.org എന്ന വെബ്സൈറ്റില്‍ ലഭിക്കും. ഫോണ്‍: 0479-2322571,9446157689,9446283621,9436998029.

(പി.എന്‍.എ.2632/17)
 

ആലപ്പുഴ: സംസ്ഥാന പിന്നാക്ക വിഭാഗ വികസന കോര്‍പ്പറേഷന്‍ 'ബി.സി.ഡി.സി. എക്‌സ്‌പോ 2017' എന്ന പേരില്‍ വാണിജ്യ വിപണന മേള സംഘടിപ്പിക്കുന്നു. ഇ.എം.എസ് സ്റ്റേഡിയത്തില്‍ ഡിസംബര്‍ 26 മുതല്‍ ജനുവരി രണ്ടു വരെയാണ് പ്രദര്‍ശന വിപണന മേള.

ആലപ്പുഴ: നെഹ്റുയുവ കേന്ദ്രയും ഗാന്ധി സ്മാരക നിധിയും സംയുക്തമായി സൗത്ത് ഇന്ത്യയിലെ 200 യുവജനങ്ങളെ പങ്കെടുപ്പിച്ച് കൊണ്ട് സംഘടിപ്പിക്കുന്ന ഗാന്ധി യുവസംഗമം പരിപാടിക്ക് അനുയോജ്യമായ ലോഗോ ക്ഷണിച്ചു. തെരഞ്ഞടുക്കപ്പെടുന്ന ലോഗോ ഗാന്ധി സ്മാരക നിധിയുടെ യുവജന പരിപാടികളില്‍ തുടര്‍ന്നും ഉപയോഗിക്കും.

മികച്ച ലോഗോ തയ്യാറാക്കുന്നവരെ ഉദ്ഘാടന വേദിയില്‍ ആദരിച്ച് സര്‍ട്ടിഫിക്കറ്റും സമ്മാനങ്ങളും നല്‍കും. ഗാന്ധി സ്മാരക നിധി, തൈക്കാട്, തിരുവനന്തപുരം എന്ന വിലാസത്തില്‍ ലോഗോ അയയ്ക്കണം.  വിശദവിവരത്തിന് ഫോണ്‍: 9400598000.
    
(പി.എന്‍.എ.2630/17)