സംസ്ഥാനത്തെ 2018-19 അധ്യയന വര്‍ഷത്തെ  എം.ഡി (ഹോമിയോ) കോഴ്‌സിലേക്കുള്ള പ്രവേശനം കേന്ദ്ര ആയുഷ് വകുപ്പ് നടത്തുന്ന എ.ഐ.എ-പി.ജി.ഇ.റ്റി പരീക്ഷയുടെ അടിസ്ഥാനത്തില്‍ തയ്യാറാക്കുന്ന മെരിറ്റ് ലിസ്റ്റില്‍ നിന്നായിരിക്കുമെന്ന്  തിരുവനന്തപുരം സര്‍ക്കാര്‍ ഹോമിയോപ്പതിക് മെഡിക്കല്‍ കോളേജ് പ്രിന്‍സിപ്പല്‍ അറിയിച്ചു.
പി.എന്‍.എക്‌സ്.1042/18

പ്രോസിക്യൂട്ടര്‍മാര്‍ക്ക് പരിശീലനം
കൊച്ചി: പ്രോസിക്യൂഷന്‍ ഡയറക്ടറേറ്റിന്റെ ആഭിമുഖ്യത്തില്‍ പ്രോസിക്യൂഷന്‍ ഡപ്യൂട്ടി ഡയറക്ടര്‍മാര്‍ക്കും അസിസ്റ്റന്റ് പബ്ലിക്ക് പ്രോസിക്യൂട്ടര്‍മാര്‍ക്കുമായി മാര്‍ച്ച് 23, 24 തീയതികളില്‍ ബോള്‍ഗാട്ടി പാലസില്‍ പരിശീലന പരിപാടി സംഘടിപ്പിക്കുന്നു. 23ന് രാവിലെ 9.15ന് കേരള ഹൈക്കോടതി ചീഫ് ജസ്റ്റിസ് ആന്റണി ഡൊമിനിക് ഉദ്ഘാടനം ചെയ്യും. പ്രോസിക്യൂഷന്‍ ഡയറക്ടര്‍ ജനറല്‍ സി. ശ്രീധരന്‍ നായര്‍ അധ്യക്ഷത വഹിക്കും. അഡീഷണല്‍ ഡയറക്ടര്‍ ജനറല്‍ സുരേഷ് ബാബു തോമസ് എന്നിവര്‍ പ്രസംഗിക്കും.

  
    എല്ലാ ഭവനരഹിതര്‍ക്കും വാസയോഗ്യമായ ഭവനം ലഭ്യമാക്കുകയെന്ന ലക്ഷ്യത്തോടെയുള്ള സംസ്ഥാന സര്‍ക്കാരിന്റെ ലൈഫ്മിഷന്‍ പദ്ധതിയില്‍ ജില്ലയ്ക്ക് മികച്ച നേട്ടം കൈവരിച്ച് മുന്നേറുന്നു. വീടുകളുടെ പൂര്‍ത്തീകരണത്തില്‍ ജില്ലയിലെ ബ്ലോക്ക് പഞ്ചായത്തുകള്‍ സംസ്ഥാനത്ത് ഒന്നാം സ്ഥാനത്താണെന്ന് ലൈഫ് മിഷന്‍ ജില്ലാ ചെയര്‍മാന്‍ കൂടിയായ ജില്ലാ പഞ്ചായത്ത് പ്രസിഡന്റ് അന്നപൂര്‍ണാദേവി, ജില്ലാ കലക്ടര്‍ ആര്‍.ഗിരിജ എന്നിവര്‍ അറിയിച്ചു. 
വീടുകളുടെ പൂര്‍ത്തീകരണത്തില്‍ ജില്ല സംസ്ഥാനത്ത് മൂന്നാംസ്ഥാനത്ത്

    മല്ലപ്പുഴശേരി പഞ്ചായത്തിലെ പുന്നയ്ക്കാട് പാടശേഖരത്തില്‍  കൊയ്ത്തുത്സവം നടത്തി. ഗ്രാമപഞ്ചായത്ത് പ്രസിഡന്റ് ഗീതാകൃഷ്ണന്‍ ഉത്ഘാടനം  ചെയ്തു. ബ്ലോക്ക് പഞ്ചായത്തംഗം സാലി തോമസ്, ഗ്രാമപഞ്ചായത്തംഗങ്ങളായ ബെന്നി കുഴിക്കാല, കുഞ്ഞമ്മ തങ്കച്ചന്‍ എന്നിവരും രാധാചന്ദ്രന്‍, പാടശേഖര സമിതി ഭാരവാഹികള്‍, കൃഷി അസിസ്റ്റന്റ് ഡയറക്ടര്‍ ജോര്‍ജ് ബേബി, കൃഷി ഓഫീസര്‍ ബീന വര്‍ഗീസ്, അസിസ്റ്റന്റ് കൃഷി ഓഫീസര്‍മാരായ റ്റി.ജെ.അനില്‍, അനില്‍കുമാര്‍, കര്‍ഷകര്‍ തുടങ്ങിയവര്‍ പങ്കെടുത്തു. 

    പത്തനംതിട്ട എസ്ബിഐയുടെ ഗ്രാമീണ സ്വയംതൊഴില്‍ പരിശീലന കേന്ദ്രത്തില്‍ ആരംഭിക്കുന്ന സൗജന്യ തയ്യല്‍ പരിശീലനത്തിന് 18നും 45നും മധ്യേ പ്രായമുള്ളവര്‍ക്ക് അപേക്ഷിക്കാം. താത്പര്യമുള്ളവര്‍ ഏപ്രില്‍ മൂന്നിന് രാവിലെ 10 മുതല്‍ ഉച്ചയ്ക്ക് ഒന്ന് വരെ നടക്കുന്ന കൂടിക്കാഴ്ചയില്‍ പങ്കെടുക്കണം. ബിപിഎല്‍ റേഷന്‍ കാര്‍ഡുള്ളവര്‍ അതിന്റെ പകര്‍പ്പ് ഹാജരാക്കണം. ഫോണ്‍: 0468 2270244, 2270243. 
                                             
 

    ഖാദി ഗ്രാമവ്യവസായ ബോര്‍ഡില്‍ നിന്നും സി.ബി.സി പദ്ധതി പ്രകാരം വായ്പ എടുത്തവരുടെ കുടിശിക ഒറ്റത്തവണയായി അടയ്ക്കുന്നതിനുള്ള തീയതി ഈ മാസം 31 വരെ നീട്ടി. ഫോണ്‍: 0468 2362070.                               

    സി-ഡിറ്റും പട്ടികവര്‍ഗ വകുപ്പും സംയുക്തമായി സൗജന്യമായി നടത്തുന്ന മീഡിയ കോഴ്‌സുകള്‍ക്ക് പട്ടികവര്‍ഗ വിദ്യാര്‍ഥികള്‍ക്ക് അപേക്ഷിക്കാം. ഡിപ്ലോമ ഇന്‍ ഡിജിറ്റല്‍ മീഡിയ പ്രൊഡക്ഷന്‍, സര്‍ട്ടിഫിക്കറ്റ് ഇന്‍ നോണ്‍ ലൈനര്‍ എഡിറ്റിംഗ് എന്നിവയ്ക്ക് പ്ലസ് ടുവും സര്‍ട്ടിഫിക്കറ്റ് കോഴ്‌സ് ഇന്‍ വീഡിയോഗ്രാഫ്, ഡിജിറ്റല്‍ സ്റ്റില്‍ ഫോട്ടോഗ്രാഫി എന്നിവയ്ക്ക് എസ്.എസ്.എല്‍.സിയുമാണ് യോഗ്യത. കൂടുതല്‍ വിവരം കവടിയാറുള്ള സിഡിറ്റിന്റെ സിറ്റി സെന്ററുമായി ബന്ധപ്പെടണം. ഫോണ്‍: 9895788155, 9995586468. അപേക്ഷാ ഫോറം റാന്നി ട്രൈബല്‍ എക്സ്റ്റന്‍ഷന്‍ ഓഫീസില്‍ ലഭിക്കും.