തിരുവല്ല വിദ്യാഭ്യാസ ജില്ലയില്‍ എസ് എസ് എല്‍ സി  ഐ ടി പരീക്ഷയ്ക്ക് 2012 മാര്‍ച്ച് മുതല്‍ പങ്കെടുക്കാന്‍ കഴിയാതിരുന്നവര്‍ക്കും, പരാജയപ്പെട്ടവര്‍ക്കും 2018 ല്‍ ഐ ടി പരീക്ഷ എഴുതാന്‍ കഴിയാതിരുന്ന സ്‌കൂള്‍ ഗോയിങ് വിഭാഗം കുട്ടികള്‍ക്കും, പരാക്ഷാര്‍ഥിത്വം റദ്ദാക്കല്‍, അറ്റന്‍ഡന്‍സ് റികൂപ്ഡ് വിഭാഗത്തില്‍പ്പെട്ട വിദ്യാര്‍ഥികള്‍ ക്കുമുള്ള ഐ ടി പരീക്ഷ ഈ മാസം 27 ന് തിരുവല്ല മോഡല്‍ ഗവണ്‍മെന്റ്  ഗേള്‍സ് ഹൈ സ്‌കൂളില്‍ നടത്തും. ഹാള്‍ടിക്കറ്റുമായി 9.30 ന് സ്‌കൂളിലെത്തണമെന്ന് തിരുവല്ല ജില്ലാ വിദ്യാഭ്യാസ ഓഫീസര്‍ അറിയിച്ചു.                                  
 

    സാംസ്‌കാരിക വകുപ്പിന്റെ ആറന്മുള വാസ്തുവിദ്യാ ഗുരുകുലത്തില്‍ പോസ്റ്റ് ഗ്രാജുവേറ്റ് ഡിപ്ലോമ ഇന്‍ ട്രഡീഷണല്‍ ആര്‍ക്കിടെക്ചര്‍, ഹ്രസ്വകാല ചുമര്‍ചിത്രരചനാ കോഴ്‌സ്, ഒരു വര്‍ഷ സര്‍ട്ടിഫിക്കറ്റ് കോഴ്‌സ് എന്നിവയിലേക്ക് അപേക്ഷ ക്ഷണിച്ചു. 
    സിവില്‍/ആര്‍ക്കിടെക്ചര്‍ ബിരുദധാരികള്‍ക്ക് ഒരു വര്‍ഷത്തെ പോസ്റ്റ് ഗ്രാജുവേറ്റ് ഡിപ്ലോമ ഇന്‍ ട്രഡീഷണല്‍ ആര്‍ക്കിടെക്ചര്‍ കോഴ്‌സിലേക്ക് അപേക്ഷിക്കാം. ഹ്രസ്വകാല കോഴ്‌സായ ചുമര്‍ ചിത്രരചനയില്‍ അപേക്ഷിക്കുന്ന അഭിരുചിയുള്ളവര്‍ എസ്.എസ്.എല്‍.സി യോഗ്യതയുള്ളവരായിരിക്കണം. 

    ഐഎച്ച്ആര്‍ഡിയുടെ എറണാകുളം മോഡല്‍ ഫിനിഷിംഗ് സ്‌കൂളിലും (0484 2341410), തിരുവനന്തപുരം റീജിയണല്‍ സെന്ററിലും (0471 2550612) ഏപ്രില്‍ മാസം ആരംഭിക്കുന്ന പോസ്റ്റ് ഗ്രാജുവേറ്റ് ഡിപ്ലോമ ഇന്‍ എംബഡഡ് സിസ്റ്റം ഡിസൈന്‍ (ആറ് മാസം) കോഴ്‌സിലേക്ക് അപേക്ഷിക്കാം. ഇലക്ട്രിക്കല്‍, ഇലക്‌ട്രോണിക്‌സ്, ബയോമെഡിക്ക ല്‍, ഇന്‍സ്ട്രുമെന്റേഷന്‍, കംപ്യൂട്ടര്‍ സയന്‍സ്, ഐടി തുടങ്ങിയ വിഷയങ്ങളില്‍ എം.ടെക്/ ബി.ടെക്/എം.എസ്.സി ബിരുദമുള്ളവരോ അവസാന സെമസ്റ്റര്‍ ഫലം പ്രതീക്ഷിക്കുന്നവരോ ആയിരിക്കണം അപേക്ഷകര്‍. അപേക്ഷാഫോറവും വിശദവിവരവും www.ihrd.ac.in എന്ന വെബ്‌സൈറ്റില്‍ നിന്നും ഡൗണ്‍ലോഡ് ചെയ്യാം.                  

    പന്തളം തെക്കേക്കര ഗ്രാമപഞ്ചായത്തിലെ കെട്ടിട നികുതി കുടിശിക ഈ മാസം 25ന് മുമ്പ് അടയ്ക്കണമെന്ന് സെക്രട്ടറി അറിയിച്ചു.                      

       മൈലപ്ര ഗ്രാമപഞ്ചായത്തിന്റെ 2018-19 വര്‍ഷത്തെ ബജറ്റ് വൈസ്പ്രസിഡന്റ് റൂബി തോമസ് അവതരിപ്പിച്ചു. 5.97 കോടി രൂപ വരവും 5.85 കോടി രൂപ ചെലവും 12.42 ലക്ഷം രൂപ നീക്കിയിരിപ്പുമുള്ളതാണ് ബജറ്റ്. കാര്‍ഷിക മേഖല, ഭവന നിര്‍മാണ പദ്ധതി, ഭവന പുനരുദ്ധാരണം, വയോജന ക്ഷേമം, മാലിന്യ സംസ്‌കരണം, ഗ്രാമീണ റോഡുകളുടെ അറ്റകുറ്റപ്പണി, പട്ടികജാതി വിഭാഗത്തിനായുള്ള പദ്ധതികള്‍ എന്നിവയ്ക്കാണ് മുന്‍ഗണന നല്‍കിയിട്ടുള്ളത്.                                                                                    
 

     ലോക ജലദിനമായ മാര്‍ച്ച് 22 സംസ്ഥാനവ്യാപകമായി സമുചിതമായി ആചരിക്കാന്‍ സര്‍ക്കാര്‍ ഉത്തരവായി. നദികളും ജലാശയങ്ങളും മറ്റു ജലസ്രോതസ്സുകളും മലിനമുക്തമാക്കാനുള്ള ശ്രമകരമായ ദൗത്യം ഏറ്റെടുക്കുവാന്‍ ജലദിനാചരണം പ്രേരകമാവുമെന്ന് ഉത്തരവില്‍ പറയുന്നു.

     സംസ്ഥാന പിന്നാക്ക വിഭാഗ കമ്മീഷന്‍ മാര്‍ച്ച് 21 ന് എറണാകുളം സര്‍ക്കാര്‍ ഗസ്റ്റ് ഹൗസ് കോണ്‍ഫറന്‍സ് ഹാളില്‍ സിറ്റിംഗ് നടത്തും.  രാവിലെ 11 ന് ആരംഭിക്കും.  തെളിവെടുപ്പില്‍ വിവിധ സംഘടനാ പ്രതിനിധികളും വ്യക്തികളും സമര്‍പ്പിച്ച നിവേദനങ്ങള്‍ പരിഗണിക്കും.
പി.എന്‍.എക്‌സ്.1040/18