യുവാക്കളുടെ നവീന ആശയങ്ങള്‍ക്കു പിന്തുണ നല്‍കി വിവിധ മേഖലകളില്‍ വികസനം കൊണ്ടുവരുന്നതിനുള്ള പ്രവര്‍ത്തനങ്ങള്‍ക്ക് കേരള ഡവലപ്മെന്റ് ആന്റ് ഇന്നവേഷന്‍ സ്ട്രാറ്റജിക് കൗണ്‍സില്‍ (കെ-ഡിസ്‌ക്) തുടക്കമിടുന്നു.

ജില്ലയില്‍ദേശീയ പാതക്ക്‌വേണ്‍ിസ്ഥലംഏറ്റെടുക്കുന്നിന്റെ ഭാഗമായി നടക്കുന്ന സര്‍വ്വെ പ്രവര്‍ത്തനങ്ങള്‍ ഇന്നു (മാര്‍ച്ച് 19) മുതല്‍തുടങ്ങും. കുറ്റിപ്പുറത്തു നിന്നാണ്‌സര്‍വ്വെതുടങ്ങുക.രാവിലെ ഒമ്പതുമണിക്ക് തന്നെ സര്‍വ്വെ പ്രവര്‍ത്തനങ്ങള്‍ തുടങ്ങാനാണ്തീരുമാനം. ഒരുദിവസം ഏകദേശം നാലുകിലോമീറ്റര്‍സെന്റര്‍മാര്‍ക്കിംഗുംഅതിര്‍ത്തി നിര്‍ണയവു നടത്തും. നൂറിലധികംഉദേ്യഗസ്ഥര്‍ സര്‍വ്വെ അനുബന്ധ പ്രവര്‍ത്തനങ്ങളില്‍ ഏര്‍പ്പെടും. മതിയായസുരക്ഷയൊരുക്കിയായിരിക്കും പ്രവര്‍ത്തനങ്ങള്‍ നടക്കുക.

ഊര്‍ജ്ജിത വ്യവസായവല്‍ക്കണ പദ്ധതിയുടെ ഭാഗമായി ജില്ലയിലെ വ്യവസായ സംരംഭകരെയും സംരംഭങ്ങളില്‍ മുതല്‍ മുടക്കാന്‍  താല്‍പര്യമുള്ള നിക്ഷേപകരെയും പങ്കെടുപ്പിച്ച് മാര്‍ച്ച് 20ന് രാവിലെ 10 മുതല്‍ മലപ്പുറം കാവുങ്ങല്‍ പഗോഡ ഇവന്റ് ഹബ്ബ് അവിയല്‍ ഹോട്ടലില്‍ ജില്ലാതല സംരംഭക നിക്ഷേപ സംഗമം നടത്തും.  സംഗമം ജില്ലാ കലക്ടര്‍ അമിത് മീണ ഉദ്ഘാടനം ചെയ്യും. നഗരസഭാ ചെയര്‍പേഴ്‌സണ്‍ സി.എച്ച് ജമീല അധ്യക്ഷത വഹിക്കും.  

കുറ്റിപ്പുറം ദേശീയപാത ഉപവിഭാഗത്തിന്റെ കീഴില്‍ എന്‍.എച്ച് 68ല്‍ ചന്തപ്പടിക്കടുത്ത് റോഡ് പുനര്‍നിര്‍മ്മാണം നടക്കുന്നതിനാല്‍ ചന്തപ്പടിയിലേക്ക് വരുന്ന വാഹനങ്ങള്‍ ടി.ബി റോഡ് വഴി പോകണമെന്ന് കുറ്റിപ്പുറം ദേശീയപാത ഉപവിഭാഗം അസിസ്റ്റന്റ് എക്‌സിക്യൂട്ടീവ് എഞ്ചിനീയര്‍ അറിയിച്ചു.

സംസ്ഥാന വനിതാ കമ്മീഷന്‍ കലക്‌ട്രേറ്റ് സമ്മേളന ഹാളില്‍ മാര്‍ച്ച് 23 ന് രാവിലെ 10.30 ന് അദാലത്ത് നടത്തും.  അദാലത്തില്‍ നിലവിലുള്ള പാരിതികള്‍ക്ക് പുറമെ പുതിയ പരാതികളും സ്വീകരിക്കും.

       ഹൈസ്‌കൂള്‍ പ്രഥമാധ്യാപക ലീഡര്‍ഷിപ്പ് പരിശീലനത്തിന്റെ ഭാഗമായി ഈ വര്‍ഷം ജില്ലയില്‍ നടത്തിയ മികച്ച അക്കാദമിക പ്രവര്‍ത്തനങ്ങളെ കണ്ടെത്തുന്നതിനായി മാര്‍ച്ച് 20 ന് രാവിലെ 10 മുതല്‍ ഹോട്ടല്‍ മഹേന്ദ്രപുരിയില്‍ ജില്ലാതല സെമിനാര്‍ സംഘടിപ്പിക്കും. ഈ വര്‍ഷത്തെ ആര്‍.എം.എസ്.എ-പ്രഥമാധ്യാപക ലീഡര്‍ഷിപ്പ് പരിശീലനത്തില്‍ പങ്കെടുത്ത അധ്യാപകരോടൊപ്പം മുന്‍ വര്‍ഷങ്ങളില്‍ പരിശീലനം പൂര്‍ത്തിയാക്കിയ അധ്യാപകരുടെയും സെമിനാര്‍ അവതരണം ഉണ്ടായിരിക്കും.

    മഴക്കാല പൂര്‍വ്വ ശുചീകരണ കാമ്പയിന്‍ പ്രവര്‍ത്തനങ്ങള്‍ക്ക് ജില്ലയിലെ 12 നഗരസഭകള്‍ക്ക് 42,53,004 രൂപയും 94 ഗ്രാമ പഞ്ചായത്തുകള്‍ക്ക് 97,19,357 രൂപയും ശുചിത്വ മിഷന്‍ വിഹിതമായി നല്‍കിയിരുന്നു.    
സര്‍ക്കാര്‍ നിര്‍ദ്ദേശ പ്രകാരം ആരോഗ്യ ജാഗ്രതാ പ്രവര്‍ത്തനങ്ങള്‍ നടത്തുന്നതിന് വാര്‍ഡ് ഒന്നിന് 10,000/- രൂപ വീതം ആവശ്യമുള്ള മുന്‍സിപ്പാലിറ്റികളും ഗ്രാമ പഞ്ചായത്തുകളും മുന്‍ വര്‍ഷങ്ങളിലെ വിനിയോഗ സാക്ഷ്യപത്രം സഹിതം ജില്ലാ ശുചിത്വ മിഷനില്‍ അപേക്ഷ സമര്‍പ്പിക്കേണ്ടതാണെന്ന് ശുചിത്വ മിഷന്‍ ജില്ലാ കോ-ഓര്‍ഡിനേറ്റര്‍ അറിയിച്ചു.