കേരള വന ഗവേഷണ സ്ഥാപനത്തില്‍ ഒരു വര്‍ഷം വരെ കാലാവധിയുള്ള ഒരു സമയബന്ധിത ഗവേഷണ പദ്ധതിയായ റീജിയണല്‍ - കം - ഫെസിലിറ്റേഷന്‍ സെന്റര്‍ ഫോര്‍ സസ്റ്റെയിനബിള്‍ ഡെവലപ്‌മെന്റ് ഓഫ് മെഡിസിനല്‍ പ്ലാന്റ്‌സ് (സതേണ്‍ റീജിയന്റ്) ല്‍ അഞ്ച് പ്രോജക്ട് ഫെല്ലോകളുടെ താല്ക്കാലിക ഒഴിവുകളിലേക്ക് വാക് ഇന്‍ ഇന്റര്‍വ്യൂ നടത്തും.  19 ന് രാവിലെ 10 ന് കേരള വന ഗവേഷണ സ്ഥാപനത്തിന്റെ തൃശൂര്‍ പീച്ചിയിലുള്ള ഓഫീസിലാണ് ഇന്റര്‍വ്യൂ. വിശദവിവരങ്ങള്‍ക്ക് (www.kfri.res.in)

പി.എന്‍.എക്‌സ്.915/18

സര്‍ക്കാര്‍ സ്ഥാപനമായ സി-ഡിറ്റ് നടത്തുന്ന കോഴ്‌സുകളിലേക്ക് അപേക്ഷ ക്ഷണിച്ചു. സര്‍ക്കാര്‍ അംഗീകൃത പി.ജി, ഡിപ്ലോമ, അഡ്വാന്‍സ്ഡ് ഡിപ്ലോമ, സര്‍ട്ടിഫിക്കറ്റ് കോഴ്‌സുകളോടൊപ്പം ജാവ, നെറ്റ്, പി.എച്ച്.പി  പ്രോഗ്രാമിംഗ്, ടാലി സര്‍ട്ടിഫിക്കേഷന്‍ കോഴ്‌സുകളാണുളളത്.  അഞ്ചു മുതല്‍ 12 ാം ക്ലാസുവരെയുള്ള കുട്ടികള്‍ക്കായുള്ള വെക്കേഷന്‍ കോഴ്‌സിനും അപേക്ഷിക്കാം. കൂടുതല്‍ വിവരങ്ങള്‍ക്ക് അടുത്തുള്ള സി-ഡിറ്റ് പഠനകേന്ദ്രവുമായി ബന്ധപ്പെടുക. www.tet.cdit.org. ഫോണ്‍:  0471-2321360, 2321310.

പി.എന്‍.എക്‌സ്.912/18

സംസ്ഥാന വിദ്യാഭ്യാസ വകുപ്പിന്റെയും എസ്.സി.ഇ.ആര്‍.ടി യുടെയും നേതൃത്വത്തില്‍ സ്‌കൂള്‍ കുട്ടികളുടെ ഗണിതശാസ്ത്രത്തിലുള്ള കഴിവുകള്‍ പരിപോഷിപ്പിക്കുന്നതിനുള്ള പദ്ധതിയായ ന്യൂമാറ്റ്‌സിന്റെ സംസ്ഥാനതല അഭിരുചി പരീക്ഷാഫലം പ്രസിദ്ധീകരിച്ചു. പരീക്ഷാഫലം www.scert.kerala.gov.in എന്ന വെബ്‌സൈറ്റില്‍ ലഭ്യമാണ്.

പി.എന്‍.എക്‌സ്.911/18

സംസ്ഥാന സര്‍ക്കാര്‍ നടപ്പിലാക്കിയ ഐ.ടി അധിഷ്ഠിത പര്‍ച്ചേയ്‌സുകള്‍ക്കുവേണ്ടിയുള്ള വെബ്‌പോര്‍ട്ടലിന്റെ ഉദ്ഘാടനം നിയമസഭാ ചേമ്പറില്‍ മുഖ്യമന്ത്രി പിണറായി വിജയന്‍ നിര്‍വഹിച്ചു. കെല്‍ട്രോണ്‍ മാനേജിംഗ് ഡയറക്ടര്‍ പി.ആര്‍ ഹേമലത, ഐ.ടി സെക്രട്ടറി ശിവശങ്കര്‍, എച്ച്.പി എം.ഡി സുമീര്‍ ചന്ദ്ര എന്നിവര്‍ ചടങ്ങില്‍ പങ്കെടുത്തു. വിവിധ വകുപ്പുകളുടെ കമ്പ്യൂട്ടര്‍-ഐ.ടി ഉപകരണങ്ങള്‍ വാങ്ങുന്നതിന് ഏകീകൃത സംവിധാനം നടപ്പാക്കുന്നതിന്റെ ഭാഗമായാണ് സര്‍ക്കാര്‍ ഈ പദ്ധതിക്ക് തുടക്കമിടുന്നത്.

  കടുത്ത വരള്‍ച്ച മൂലം കാട്ടുതീ ഉണ്ടാകാനുളള സാധ്യത കണക്കിലെടുത്തും അഗ്നിപ്രതിരോധ പ്രവര്‍ത്തനങ്ങളുടെ ഭാഗമായും   കാഞ്ഞങ്ങാട്  ഫോറസ്റ്റ് റെയിഞ്ചിലെ  റാണിപുരം ഇക്കോ-ടൂറിസം  സെന്ററില്‍ ഇനിയൊരറിയിപ്പുണ്ടാകുന്നതു വരെ  പ്രവേശനം  നിര്‍ത്തിവച്ചതായി കാസര്‍കോട്  ഡിവിഷണ്‍ ഡിവിഷണല്‍ ഫോറസ്റ്റ്  ഓഫീസര്‍ അറിയിച്ചു. 

   ജില്ലയില്‍ വിവിധ പ്ലാന്‍ പദ്ധതികളില്‍ നിലവിലുളള പ്രതീക്ഷിത ഒഴിവുകളിലേക്ക് ദിവസ വേതനാടിസ്ഥാനത്തില്‍ താല്‍ക്കാലികമായി ജീവനക്കാരെ നിയോഗിക്കുന്നതിനുളള കൂടിക്കാഴ്ച നാളെ (14) രാവിലെ 10 ന്് കാഞ്ഞങ്ങാട് ജില്ലാ മെഡിക്കല്‍ ഓഫീസില്‍  നടത്തും.  ഉദ്യോഗാര്‍ത്ഥികള്‍ വയസ്, വിദ്യാഭ്യാസ യോഗ്യത, തിരിച്ചറിയല്‍ എന്നിവ തെളിയിക്കുന്ന അസല്‍ സര്‍ട്ടിഫിക്കറ്റും സ്വയം സാക്ഷ്യപ്പെടുത്തിയ പകര്‍പ്പും ബയോഡാറ്റയും സഹിതം നേരില്‍ ഹാജരാകണം.  18 നും   56 നും ഇടയില്‍ പ്രായമുളളവര്‍ക്ക് അപേക്ഷിക്കാം.  

   ജില്ലയില്‍ കുട്ടികള്‍ക്കിടയില്‍ ലഹരിഉപയോഗം അപകടകരമാം വിധം വര്‍ധിച്ച പശ്ത്താലത്തില്‍ ആക്ഷന്‍ പ്ലാന്‍ ആസൂത്രണം ചെയ്യുന്നതിന്  അടിയന്തര യോഗം വിളിച്ചുചേര്‍ക്കണമെന്ന് ജില്ലാ ശിശുക്ഷേമസമിതി എക്‌സിക്യുട്ടീവ് യോഗം  ജില്ലാ കളക്ടറോട് അഭ്യര്‍ത്ഥിച്ചു.  തദ്ദേശസ്വയംഭരണ സ്ഥാപനങ്ങളിലെ പ്രസിഡന്റുമാര്‍, സെക്രട്ടറിമാര്‍, പൊലീസ് ഡിസിആര്‍ബി, എക്‌സൈസ്, ആരോഗ്യ വകുപ്പ്, ജില്ലാ  ശിശുസംരക്ഷണ യൂണിറ്റ്, ചൈല്‍ഡ് ലൈന്‍ തുടങ്ങിയവയുടെ അടിയന്തര യോഗം വിളിച്ചുചേര്‍ക്കാനാണ് എഡിഎം: എന്‍.ദേവിദാസിന്റെ അധ്യക്ഷതയില്‍ ചേര്‍ന്ന എക്‌സിക്യുട്ടീവ് യോഗം  കളക്ടറോട്  അഭ്യര്‍ത്ഥിച്ചത്. 

ജില്ലാ പഞ്ചായത്ത് ആവിഷ്‌ക്കരിച്ച് നടപ്പിലാക്കുന്ന കാന്‍സര്‍വിമുക്ത ജില്ല പദ്ധതി-കാന്‍കാസ് ബി പോസീറ്റവിന്റെ ഭാഗമായി ജില്ലയിലെ 2.75 ലക്ഷത്തോളം വീടുകളില്‍ നടത്തുന്ന വിവരശേഖരണത്തിന് ജില്ലാ കളക്ടറുടെ വസതിയില്‍ നിന്നും തുടക്കം. ജില്ലാ കളക്ടര്‍ ജീവന്‍ബാബു.കെയുടെയും ഭാര്യ അഭി.ജെ മിലന്റെയും വിവരങ്ങള്‍ ജില്ലാ പഞ്ചായത്ത് പ്രസിഡന്റ് എജിസി ബഷീറിന്റെ നേതൃത്വത്തിലെത്തി ശേഖരിച്ചതോടെയാണ് സ്വപ്‌നസമാന പദ്ധതിയുടെ ആദ്യഘട്ടത്തിന് തുടക്കമായത്.